KIPAHPIHNA LEH HASOTNA THU
By ~ Nasri Jona Tawmbing TxNâ
Kidemna Result a suak ta boka, kei hiai Group member khat mai hi mahleng, siamlou tak a kipahpihna leh hasotna tamlou hon gelh tei ut ka hih man in, siam ziak hilou a, phatuam ngaihna leh olmoh na ziak ahi, chih ana theihsak chiat ding in, kawn ngen masa hi.
Nou, thu-le-laa siam, mi suanhuai tak tak te, siamna a mi nautang tung a te, ka hon suang in, ka hon kipahpih mah mah hi.
I gam leh Nam dinsuah nang, a bik tak in Literature lam ah Noute loungal kuamah dang om tuanlou ahi chih thei unlan. Tua kidemna a kipahman na sang ziak mai un, lohching kisa kei un, bulpan pan chouh nahi uh chih na theih ngei ngei ding uh ahi.
I Bible in "sum taktak sang in, minhoih telzaw un" (Paunakte:22:1) na a ana gen bang in, kidemna, Prize lamet na ziak kia a, thu gelh nahih khak uh lauhuai kasa. Noute ziak in, thu-le-la a lunglut tak tak, himah leh (keibang a), lungsima om te leng gelh khe siamlou, mi tam pi a om uh chih thei kawm zel a, huaibang mite niang leh tai tak a chwm thei tu te Noute na hi uh chih MANGILH kei un. Huaikia leng hilou lai, Noute ziak a, hiai kidemna huangsunga hong tel lou, thu-le-la a i mimasa te tanpha pahtawi kha nahi uh chih ching sem in thei un.
Kidemna a hih ziak in, kipahman sang te lak hi'n, a sang zou nailou te leng, a hoihlou zawng a, na kidem mai khak uh leng lauhuai kasa. I Bible in, "mi tampi a ki taiteh ua, mikhat kian kipahman sang ahi" ana chi hi.Huai ziak in, Huaibang thil te tangtung sak mailou in, Gam-le-Nam ading ahi, chih thei kawm a, thu khat,laa khat zui in, pheiphung khat hong suan khom unla. A ziak bel, Noute na hong pangkhom ua, na hong ki thutuah ua leh, Noute ziak in maa i sawn dia, thu-le-la a talent hoih tak tak nei te leh aneilou, lunglut tak tak te, tunia om mai mai te leng hong halhsuah ngei ding uh ahi. Huaibang te atangtun theih nang a hangsan taka, hangsanna ngawngkol baat ngam chiat ding in kawn deih.
Mizo te thugel tu te laka khat, (ka Idol kawn chi hial di) Pu, Vanneihtlunga thugen tamlou.Ei hon suangtu i Pi-le-Pu te'n, heipi leh tem zang in lou ana vat ua, tem a hiam nang in suangtat zang in ana taat ua, a hiamthei tan a taat bei nung un leng, paih mailou in, tukawi di’n ana zang ua, huai tukawi zang in lou a khou nawn ua, huchi'n buh tam pi pi ana khousuah in, a tu-le-ta te ngaaihtuah ziak in, haksa takin ana dingsuah thei uh. Tuhun in, lou khawh kun kun ding chihna ahi zenzen kei. Huaiziak in Noute’n leng, tu hun kia ngaituah mailou in, haksa mahleh i tu-le-ta ta maban khual kawm zela, topsan mailou ding in leng kawn ngen thak thak ahi.
I khovel changkang zel ah, a Nam dinsuah nang in thagum, thtang, thauvui, thautang a beih vak vak in omzia a neisau lawm lawm di'n a gintak huai nawn kei, Huchih lai in, muntuam gamtuam a om, a nam paizia leh tawndan thei nawnlou te hunkhia a, ana thei laite leng i humbit thei nang a, kalbi omsun, i Literature khangsak ahi, chih thei in, na siam, na pilna na te uh, kisaktheih nang leh, mahni angmasial nang hilou a, tusawn, tasawn khual naziak leh gam-le-nam a dia zang thei chiat ding in ka deihsakna sang pen pen ka hawn lan hi.
(NB: Admin te leh Member te, sangse taka ka thugelh, Hiai Competition a Prize sang te, ka kipahpih na ahi, chih ana theih saka, ana pomsak chiat ding in leng kon ngen ahi)
LUNGDAM!!
March 24, Sunday at 6:36am
@Siamsinna leh Vakiangbu
Kidemna Result a suak ta boka, kei hiai Group member khat mai hi mahleng, siamlou tak a kipahpihna leh hasotna tamlou hon gelh tei ut ka hih man in, siam ziak hilou a, phatuam ngaihna leh olmoh na ziak ahi, chih ana theihsak chiat ding in, kawn ngen masa hi.
Nou, thu-le-laa siam, mi suanhuai tak tak te, siamna a mi nautang tung a te, ka hon suang in, ka hon kipahpih mah mah hi.
I gam leh Nam dinsuah nang, a bik tak in Literature lam ah Noute loungal kuamah dang om tuanlou ahi chih thei unlan. Tua kidemna a kipahman na sang ziak mai un, lohching kisa kei un, bulpan pan chouh nahi uh chih na theih ngei ngei ding uh ahi.
I Bible in "sum taktak sang in, minhoih telzaw un" (Paunakte:22:1) na a ana gen bang in, kidemna, Prize lamet na ziak kia a, thu gelh nahih khak uh lauhuai kasa. Noute ziak in, thu-le-la a lunglut tak tak, himah leh (keibang a), lungsima om te leng gelh khe siamlou, mi tam pi a om uh chih thei kawm zel a, huaibang mite niang leh tai tak a chwm thei tu te Noute na hi uh chih MANGILH kei un. Huaikia leng hilou lai, Noute ziak a, hiai kidemna huangsunga hong tel lou, thu-le-la a i mimasa te tanpha pahtawi kha nahi uh chih ching sem in thei un.
Kidemna a hih ziak in, kipahman sang te lak hi'n, a sang zou nailou te leng, a hoihlou zawng a, na kidem mai khak uh leng lauhuai kasa. I Bible in, "mi tampi a ki taiteh ua, mikhat kian kipahman sang ahi" ana chi hi.Huai ziak in, Huaibang thil te tangtung sak mailou in, Gam-le-Nam ading ahi, chih thei kawm a, thu khat,laa khat zui in, pheiphung khat hong suan khom unla. A ziak bel, Noute na hong pangkhom ua, na hong ki thutuah ua leh, Noute ziak in maa i sawn dia, thu-le-la a talent hoih tak tak nei te leh aneilou, lunglut tak tak te, tunia om mai mai te leng hong halhsuah ngei ding uh ahi. Huaibang te atangtun theih nang a hangsan taka, hangsanna ngawngkol baat ngam chiat ding in kawn deih.
Mizo te thugel tu te laka khat, (ka Idol kawn chi hial di) Pu, Vanneihtlunga thugen tamlou.Ei hon suangtu i Pi-le-Pu te'n, heipi leh tem zang in lou ana vat ua, tem a hiam nang in suangtat zang in ana taat ua, a hiamthei tan a taat bei nung un leng, paih mailou in, tukawi di’n ana zang ua, huai tukawi zang in lou a khou nawn ua, huchi'n buh tam pi pi ana khousuah in, a tu-le-ta te ngaaihtuah ziak in, haksa takin ana dingsuah thei uh. Tuhun in, lou khawh kun kun ding chihna ahi zenzen kei. Huaiziak in Noute’n leng, tu hun kia ngaituah mailou in, haksa mahleh i tu-le-ta ta maban khual kawm zela, topsan mailou ding in leng kawn ngen thak thak ahi.
I khovel changkang zel ah, a Nam dinsuah nang in thagum, thtang, thauvui, thautang a beih vak vak in omzia a neisau lawm lawm di'n a gintak huai nawn kei, Huchih lai in, muntuam gamtuam a om, a nam paizia leh tawndan thei nawnlou te hunkhia a, ana thei laite leng i humbit thei nang a, kalbi omsun, i Literature khangsak ahi, chih thei in, na siam, na pilna na te uh, kisaktheih nang leh, mahni angmasial nang hilou a, tusawn, tasawn khual naziak leh gam-le-nam a dia zang thei chiat ding in ka deihsakna sang pen pen ka hawn lan hi.
(NB: Admin te leh Member te, sangse taka ka thugelh, Hiai Competition a Prize sang te, ka kipahpih na ahi, chih ana theih saka, ana pomsak chiat ding in leng kon ngen ahi)
LUNGDAM!!
March 24, Sunday at 6:36am
@Siamsinna leh Vakiangbu
Comments
Post a Comment