MANEITHANGZAI
~Chinsanglian Tonsing
Khua khat ah tangval chitak leh kizentak Maneithangzai kichi a oma, aman anu leh apa mitdel leh khebai tuakte vakna ding in sik asek hi.
Khatvei a uital Ngawngkang toh gamlak avakna uah Ngawngkang in tuivung khat ana na a, ava-etleh nungak melhoih mahmah nih lim amu hi. Akimvel akuamah amuhloutak a huai limte ahoupihleh, "Tung a Lasi Lasawi aw, tukban lei hondoh aw, honchi le chin....." milimten achi ua, amang hiau uhi. Tangvalpa'n leng huai honchihleh van apan leilawn hongkidoh a, vantung a Lasi leh Lasawite unau kiang avatung hi. Anunglam in tangvalpa avahoh zizeh a, atawp in kingai in hong kikhelah mahmahta uhi.
Pitek khat in Maneithangzai thuguk anatheikha a, khatvei misane Khelvomte pu kichi in nek asawmtak in, amah sang alimchi zaw Lasi Lasawite vane zaw ding in asawl a, lei lawn la ahilh hi. Khelvomte pu leng Maneithangzai dan a kisiam in Lasi Lasawite kiang avatung hi. Nungak nihten athei chiantak un meiphualpi achi ua, akiang alumsak in, a upen un," Na kikhin aw, nakikhin aw, sang zal na ding awnglou e," achi zel a, Khelvomte pu leng na kikhin zel in atawp in, "Ka keta vangvang," chi'n meiphualpi ah akelumta hi.
Maneithangzai nungak hel dia hong kuan nawntak in, mi nete dang khat sa in nungakten leilawn adohsuk nuam hithet kei ua, Maneithangzai leng heh in sathaubing mei in ahal a, apai hi. Meikhu hongzamtak in tangvalpa ahihlam nungakten athei ua, "Mualchin mualsang zuniam aw, ngaih Maneithangzai et na'ng," achihchiang un mual leh tangte aniam hiaihiai ua, agalmuh tiai tiai zel uhi. Tangvalte inn atuntak un tangvalpa siksek ding in anakuankheman geih hi. Huai nungak tegel in athilhihtheina uh suah in chiangkhun singhon asuaksak ua, buhhum nih buhpang nih dim asuaksak ua, nulehpa mitdel leh khebaina leng asukdamsak uhi. Nupate leng kipak mahmah in Maneithangzai sam ding in sangak asawl uhi.
'Sangak Palai' leng akuanpah a, sam zoulou chi in hongkikpah a; nungakten khibah leh tau tawisak in asawl nawn ua, himahleh athil tawite khensia in, samzou lou chi in hongkik nawn hi. Atheichian ka hi inteh chi in nungakte puan ak atawisak nawn ua, huai botgawp in hongkik nawn hi. Nungak tegel leng hehlaw khong in, singhon leh buhhum asukpungte khel nawn in leh nupate suna nawn in innlam apaita uhi.
Maneithangzai inn hongtunkik tak in anu leh pa'n thil omdan ahilh uleh amahleng thangpai lua in sangak aman a, lei azepna hi. Nungakte honnungdelh a, lampi ah nahthel, pak sathau-um leh pota bang in Maneithangzai anakisiam a, nungak neuzaw pen in alak dek chiang in a u nun "Bawi, laken, mel a honma ingaih Thangzai hi e," achizel a, akheng zel uhi. Vuah zusak in buk bang in akibawl hi. Atawp na in tui akhang sak a, lei in anakidoh a. Tui kanna ding dang omlou ahih chiang in lei honzui ua, tangvalpa'n anaman hi. Nungakte aheh mahmah lai ua, himahleh sangak ngianbawl ahihdan atheitak un,"Phuntong in kapou di ua, ni sagih nonvenbit zohleh ikiteng di," achi ua, huchi in phuntong pak asuak uhi.
Maneithangzai in leng sunleh zan in kiloptak in phuntong pak aveng hi. Ani sagih ni'n, akhote un haza mahmah hi ve un, lawmzu nek asawm ua, achial teiteita uhi. Zu apekham ua, hongkhangmata hi. Akhan lohphet a ava etleh gittaten pakzu ana tawp ua, pakte anavul ningniang geuh uhi.
Lasi Lasawiten leng Maneithangzai tuh gina salou in apaimangsan ua, tangvalpa leng lungkham khasia in ......hi (bang ahi d).
........beita......
©Siamsinna leh Vakiangbu
Khua khat ah tangval chitak leh kizentak Maneithangzai kichi a oma, aman anu leh apa mitdel leh khebai tuakte vakna ding in sik asek hi.
Khatvei a uital Ngawngkang toh gamlak avakna uah Ngawngkang in tuivung khat ana na a, ava-etleh nungak melhoih mahmah nih lim amu hi. Akimvel akuamah amuhloutak a huai limte ahoupihleh, "Tung a Lasi Lasawi aw, tukban lei hondoh aw, honchi le chin....." milimten achi ua, amang hiau uhi. Tangvalpa'n leng huai honchihleh van apan leilawn hongkidoh a, vantung a Lasi leh Lasawite unau kiang avatung hi. Anunglam in tangvalpa avahoh zizeh a, atawp in kingai in hong kikhelah mahmahta uhi.
Pitek khat in Maneithangzai thuguk anatheikha a, khatvei misane Khelvomte pu kichi in nek asawmtak in, amah sang alimchi zaw Lasi Lasawite vane zaw ding in asawl a, lei lawn la ahilh hi. Khelvomte pu leng Maneithangzai dan a kisiam in Lasi Lasawite kiang avatung hi. Nungak nihten athei chiantak un meiphualpi achi ua, akiang alumsak in, a upen un," Na kikhin aw, nakikhin aw, sang zal na ding awnglou e," achi zel a, Khelvomte pu leng na kikhin zel in atawp in, "Ka keta vangvang," chi'n meiphualpi ah akelumta hi.
Maneithangzai nungak hel dia hong kuan nawntak in, mi nete dang khat sa in nungakten leilawn adohsuk nuam hithet kei ua, Maneithangzai leng heh in sathaubing mei in ahal a, apai hi. Meikhu hongzamtak in tangvalpa ahihlam nungakten athei ua, "Mualchin mualsang zuniam aw, ngaih Maneithangzai et na'ng," achihchiang un mual leh tangte aniam hiaihiai ua, agalmuh tiai tiai zel uhi. Tangvalte inn atuntak un tangvalpa siksek ding in anakuankheman geih hi. Huai nungak tegel in athilhihtheina uh suah in chiangkhun singhon asuaksak ua, buhhum nih buhpang nih dim asuaksak ua, nulehpa mitdel leh khebaina leng asukdamsak uhi. Nupate leng kipak mahmah in Maneithangzai sam ding in sangak asawl uhi.
'Sangak Palai' leng akuanpah a, sam zoulou chi in hongkikpah a; nungakten khibah leh tau tawisak in asawl nawn ua, himahleh athil tawite khensia in, samzou lou chi in hongkik nawn hi. Atheichian ka hi inteh chi in nungakte puan ak atawisak nawn ua, huai botgawp in hongkik nawn hi. Nungak tegel leng hehlaw khong in, singhon leh buhhum asukpungte khel nawn in leh nupate suna nawn in innlam apaita uhi.
Maneithangzai inn hongtunkik tak in anu leh pa'n thil omdan ahilh uleh amahleng thangpai lua in sangak aman a, lei azepna hi. Nungakte honnungdelh a, lampi ah nahthel, pak sathau-um leh pota bang in Maneithangzai anakisiam a, nungak neuzaw pen in alak dek chiang in a u nun "Bawi, laken, mel a honma ingaih Thangzai hi e," achizel a, akheng zel uhi. Vuah zusak in buk bang in akibawl hi. Atawp na in tui akhang sak a, lei in anakidoh a. Tui kanna ding dang omlou ahih chiang in lei honzui ua, tangvalpa'n anaman hi. Nungakte aheh mahmah lai ua, himahleh sangak ngianbawl ahihdan atheitak un,"Phuntong in kapou di ua, ni sagih nonvenbit zohleh ikiteng di," achi ua, huchi in phuntong pak asuak uhi.
Maneithangzai in leng sunleh zan in kiloptak in phuntong pak aveng hi. Ani sagih ni'n, akhote un haza mahmah hi ve un, lawmzu nek asawm ua, achial teiteita uhi. Zu apekham ua, hongkhangmata hi. Akhan lohphet a ava etleh gittaten pakzu ana tawp ua, pakte anavul ningniang geuh uhi.
Lasi Lasawiten leng Maneithangzai tuh gina salou in apaimangsan ua, tangvalpa leng lungkham khasia in ......hi (bang ahi d).
........beita......
©Siamsinna leh Vakiangbu
Comments
Post a Comment