MIHING IIT MAW BUANLEI?
By~Pau Lian
Lenkhop hun beikuan ahita, mipite nung ngatna lampang a din leh sawk khat vel a sang a sanapi kitaak a hong ging dungdung leh lasa tamzaw kinunghei in sana kitaak nalam a enchat uhi. Dak 4 gingta chi in sana enchiat himah le uh kideihsak tak in akihilh sauhsauh ua, ngaklah tak in danghul kawmpi tawh thathak la in lasak lam ah ahong lim nawn uhi. Khanglam vual a tukawm a lusu hunkhop te bang phawng in laa khat khit a khat a hon sak zawh un innteknu a hong ding a, thu tamlou kha gen nuam a hihdan a hon genpah hi. Innteknu bel nitaak tung a pan khawllou a kap ahih man in a aw te suakzou taktak nawnlou a, heu thiauthiau in thu hon gen hi.
Mihing deihtelna semsuah thei hi maizen leng ka pasal iit hon zotsan nagam ah amah toh ton in kapai nuam, amah zaw a hampha ahi, haksatna pumpelh a gim leh tawl, lungngaih na leh gentheih na khovel a khosa nawnlou dia mun nuamzaw a hon paisan ahi ta, amah ka khelah a, ka suun a, kakap a, himah leh ka mittui nulding amah a hing nawnkei, adam lai a azi a tate a itdan leh hon khotuah dante ka ngaihtuah a, a sungkuante a dia aki piakzawh dan leh, koute hon khotuah dante lamdang kasa, Pathian in koute adia Pa ching hon bawlsak tua ka poimawh laitak ua hon laksak guih mawk dante ka ngaihtuah a, lamdang kasa a ka theisiam kei, khiaklah na in kadim a, ka mittui a luangkang theikei, hichi tel a hankong kihong lian a, huai kongkhak lam zuan a ka pasal kinawh tak a a pai liam taak mai hih lamdang kasa, aman koute hon iit bangbang koute'n iit thuk mannailou ka hihdan uh kamu a, kisikna in ka pumdim a himahleh aki khelta.
Khovel a hinsung tomkha chik zangkhawm manlel ung a, dah leh kipahna te a vekpi a nupa hinapi a kitheihpih tuah kimlou ka chih chiang in khasiat huai kasa, ka pasal in hon lung himoh dan lawmlawm lamdang kasa, a damlouh lai a a gente den khawng in ka bilkha ah hon ging thakthak a, mi pate bang a pil in siamkei mah leh koute hon khotuah zawh dan tukhawng a phawksuah thak a om ahih maimah dan kamu thakthak hi. Nasem gimtak a hong vaitun hun a kou a sungkuan ten kana hoihbawl zawhlouh ni unleng piching tak leh theisiam tak in a om a, phunlou paulou a hindan pangngai tak a koute hon kemtou ka pasal in hon nutsiat hial leh lungsim a buching louhna tampi te ahong kilang dundun a, pa tellou a koute'n hinkhua zatding ka ngaihsun ngamkei uhi.
Kapa uh damlai a ama deihdan a hunte zatkhop pih khakei mah le ung amah ka itna uh ka suklat theihna omsun uh tu in ama taksa koukiang apan lakkiak a a om ma a kakah ua, khitui kanul zeklai dingte uleh hun hon paiding te ah ama deihdan a hinkhua kazat ding ahi maimah tahi. Amah ngai in kap mah le ung a hong thounawn kei ding, ama hon itna bang a kou adamlai te ki iit a ki khotuah zawk ding tuh ama hon vaikhak hi in kathei hi. Kei leh ka inkuan te tagah meithai ding hita te nou mipi ten na thumna ua non phawk ua, chihmawh mangbat ni a non kithuahpih uh kon nget ban ah koute hong lusuun pih a, zankhua a gim leh tawl poisa lou a thu leh laa a hong hehnem te kou mimal in na kipiakzawhna uh hon thuk zoulou ding ka hih man un Pathian in noute hon vualzawl chiat hen chih ka thumna ahi chi in a thugen a zawh in a pasal luang phung ah tusuk nawn in a kah a sunzom nawn hi.
Lapu ten laa khat hon pan ua, huai sakzawh tawh kiton in mipi te dingtou in Val upa pan tawpna thumna nei in mipi te aki khen ta uhi. Mipi te innlam a paita, nupi papi zing devotion hohkhin te si inn lam mah awlmawh in tamkhop a hong tung thamta uh. Hiai mial leh vak kikhen kuan in tuh kahna husa a ngaih mahmah, inntek te apat a pa itt uh vuiliam a a om ding ni a khovak ding kuan ahi a, amau leng a thei ua, na asa ua, apa /apasal luang mite hehnem thei nawnlou a singlempi tung a lummai tuh asam ua, thou din angen ua, himah leh aman aza nawnkei, a tate a nun a kawiphei zel a, mihing tehna inzaw mi hehpih huai tawpkhawk ahi uh, a ngaihpen uh suangtum houpih bang a houpih ahih tak man un mipi paikhawm te mahmah bang leng ki dekzou omlou in aguk peuh in aki nulnul uhi.
Kahna husa lah a bei kei, tanau khat khit in khat a hong tung ta ua, huaiten dahte hehnep sang in khasiat pih zaw uh a bang, tua hun a mittui kinul te gawm ding hileng tamkhop apha ding, kikou ging teleng, mipi lah tam deuhdeuh ta, khiaklah na lungtang lah uang deuhdeuh, khua lah vak deuhdeuh ta hi.
Zing ann nekhin in innsung mite anne din asamta ua, himahleh ann nezou a omkei uh, bangchi in apa uh, apasal iittak uh, a sanggam, u leh nau uh vuiliam di ahih ni in kamlim tak in ann anethei mah ding ua, mihing ngeina ahi, dah leh lungkham ni inzaw bangteng bangmah lou mai ahi.
Sun hun a hong hita, kap teleng adai theikei, dahna lungtang teleng teipi a sut pailet bang in ana, sun hun a pogramme kizat na ah gamla leh nai a paikhawm te misipa a iithuai dan, feldan leh kipiakzawh dan a genseng kei uh. Thugen peuh inlah misipa a phat ua, mi bukim bangtuk in a gen ua, a luangphung a kap ding lah aki tatsat kei, puan a tuamtu atam mahmah ziak in tanu te bang puan nawn tuah phial in a buai uh, hunbikhiah a bei tan in phatna simseng louh misipan atang hi.
Hun nanung pen a hong hita, khul toute aman tak man un misi poding hunkhop innkong bul ah ading metmot ta uh, sisuun innsung miten a ngaih uh khelah in kah ua, siluang poding te bang a dopkhiak ding uh dal maimah in a om uh, huchih nung sawtlou in siluang tuh a zawngkhia ua, misi te tawl ngakna mun lam ah khitui naptui tawh a pota uhi.
Hanmuh ah Pastor pa'n dan tawh kituak in khakkhiakna leh khamuan na thu a genta, hiai tuh misi pa leh mihing te hun zatkhop nanung pen ahi. Misipa it a ngaite kidek lah pipi in Pastor pa thugen hunsung akidek ua, Pastor pan ana azawh in mangpha khakna in leitang a khesuk a thumna a neita. Thumna aneih zawh in innsung miten manpha khakna in leitang vakhia in khitui naptui tawh a iit uh kivuiliam mai aki vuk sungteng a enta uhi.
Sisuun na a bei naikei, ani inleng a pokhe lai a ahi ding, misipa iithuai dan leh a tangthu tuh tua hunsawng teng in paina peuh ah akiza. Miten mipa a sungkuan te iitdan lamdang asa ua, a eng uh, himah leh akha hong kivei in, a kum hong kivei tak inzaw mipa phawkphak ahi nawn takei, a zi a hong kichei thakta, atate a ut nalam chiat ah apai ta uh. Misi pa zi ading in apasal a sih pah mah thaman zaw a bang, a tate adin a pa om leh omlouh aki bang ahita, apa uh a damlai a lungmuang tak a omsak zaw uh hilim veh uh e a chi pawl a om ua, khenkhat inlah apa uh a itdan uh thupi isak luatleh thupi louchik eive uale, apa uh thukhah phawkpha lou a a zi atate a omta ua, mihing ki-iit dia vaikhak a hih dan uh theisiamlou eita ve ua, apa uh sihni a a khiaklah uh mihing iit a khelah uh isak leh buanlei tang suakmai ding mi sisa leltak iit a khelah ei leltak ve ua maw, apa iit taktak hileh uh tukhawng a hoihtak a om di uhia chi in kizephawk theilou mi tamtak in huai meithai te sungkuan gense kheukhou uhi.
~~~~~~~~~~BEITA~~~~~~~~
©Siamsinna leh Vakiangbu
Lenkhop hun beikuan ahita, mipite nung ngatna lampang a din leh sawk khat vel a sang a sanapi kitaak a hong ging dungdung leh lasa tamzaw kinunghei in sana kitaak nalam a enchat uhi. Dak 4 gingta chi in sana enchiat himah le uh kideihsak tak in akihilh sauhsauh ua, ngaklah tak in danghul kawmpi tawh thathak la in lasak lam ah ahong lim nawn uhi. Khanglam vual a tukawm a lusu hunkhop te bang phawng in laa khat khit a khat a hon sak zawh un innteknu a hong ding a, thu tamlou kha gen nuam a hihdan a hon genpah hi. Innteknu bel nitaak tung a pan khawllou a kap ahih man in a aw te suakzou taktak nawnlou a, heu thiauthiau in thu hon gen hi.
Mihing deihtelna semsuah thei hi maizen leng ka pasal iit hon zotsan nagam ah amah toh ton in kapai nuam, amah zaw a hampha ahi, haksatna pumpelh a gim leh tawl, lungngaih na leh gentheih na khovel a khosa nawnlou dia mun nuamzaw a hon paisan ahi ta, amah ka khelah a, ka suun a, kakap a, himah leh ka mittui nulding amah a hing nawnkei, adam lai a azi a tate a itdan leh hon khotuah dante ka ngaihtuah a, a sungkuante a dia aki piakzawh dan leh, koute hon khotuah dante lamdang kasa, Pathian in koute adia Pa ching hon bawlsak tua ka poimawh laitak ua hon laksak guih mawk dante ka ngaihtuah a, lamdang kasa a ka theisiam kei, khiaklah na in kadim a, ka mittui a luangkang theikei, hichi tel a hankong kihong lian a, huai kongkhak lam zuan a ka pasal kinawh tak a a pai liam taak mai hih lamdang kasa, aman koute hon iit bangbang koute'n iit thuk mannailou ka hihdan uh kamu a, kisikna in ka pumdim a himahleh aki khelta.
Khovel a hinsung tomkha chik zangkhawm manlel ung a, dah leh kipahna te a vekpi a nupa hinapi a kitheihpih tuah kimlou ka chih chiang in khasiat huai kasa, ka pasal in hon lung himoh dan lawmlawm lamdang kasa, a damlouh lai a a gente den khawng in ka bilkha ah hon ging thakthak a, mi pate bang a pil in siamkei mah leh koute hon khotuah zawh dan tukhawng a phawksuah thak a om ahih maimah dan kamu thakthak hi. Nasem gimtak a hong vaitun hun a kou a sungkuan ten kana hoihbawl zawhlouh ni unleng piching tak leh theisiam tak in a om a, phunlou paulou a hindan pangngai tak a koute hon kemtou ka pasal in hon nutsiat hial leh lungsim a buching louhna tampi te ahong kilang dundun a, pa tellou a koute'n hinkhua zatding ka ngaihsun ngamkei uhi.
Kapa uh damlai a ama deihdan a hunte zatkhop pih khakei mah le ung amah ka itna uh ka suklat theihna omsun uh tu in ama taksa koukiang apan lakkiak a a om ma a kakah ua, khitui kanul zeklai dingte uleh hun hon paiding te ah ama deihdan a hinkhua kazat ding ahi maimah tahi. Amah ngai in kap mah le ung a hong thounawn kei ding, ama hon itna bang a kou adamlai te ki iit a ki khotuah zawk ding tuh ama hon vaikhak hi in kathei hi. Kei leh ka inkuan te tagah meithai ding hita te nou mipi ten na thumna ua non phawk ua, chihmawh mangbat ni a non kithuahpih uh kon nget ban ah koute hong lusuun pih a, zankhua a gim leh tawl poisa lou a thu leh laa a hong hehnem te kou mimal in na kipiakzawhna uh hon thuk zoulou ding ka hih man un Pathian in noute hon vualzawl chiat hen chih ka thumna ahi chi in a thugen a zawh in a pasal luang phung ah tusuk nawn in a kah a sunzom nawn hi.
Lapu ten laa khat hon pan ua, huai sakzawh tawh kiton in mipi te dingtou in Val upa pan tawpna thumna nei in mipi te aki khen ta uhi. Mipi te innlam a paita, nupi papi zing devotion hohkhin te si inn lam mah awlmawh in tamkhop a hong tung thamta uh. Hiai mial leh vak kikhen kuan in tuh kahna husa a ngaih mahmah, inntek te apat a pa itt uh vuiliam a a om ding ni a khovak ding kuan ahi a, amau leng a thei ua, na asa ua, apa /apasal luang mite hehnem thei nawnlou a singlempi tung a lummai tuh asam ua, thou din angen ua, himah leh aman aza nawnkei, a tate a nun a kawiphei zel a, mihing tehna inzaw mi hehpih huai tawpkhawk ahi uh, a ngaihpen uh suangtum houpih bang a houpih ahih tak man un mipi paikhawm te mahmah bang leng ki dekzou omlou in aguk peuh in aki nulnul uhi.
Kahna husa lah a bei kei, tanau khat khit in khat a hong tung ta ua, huaiten dahte hehnep sang in khasiat pih zaw uh a bang, tua hun a mittui kinul te gawm ding hileng tamkhop apha ding, kikou ging teleng, mipi lah tam deuhdeuh ta, khiaklah na lungtang lah uang deuhdeuh, khua lah vak deuhdeuh ta hi.
Zing ann nekhin in innsung mite anne din asamta ua, himahleh ann nezou a omkei uh, bangchi in apa uh, apasal iittak uh, a sanggam, u leh nau uh vuiliam di ahih ni in kamlim tak in ann anethei mah ding ua, mihing ngeina ahi, dah leh lungkham ni inzaw bangteng bangmah lou mai ahi.
Sun hun a hong hita, kap teleng adai theikei, dahna lungtang teleng teipi a sut pailet bang in ana, sun hun a pogramme kizat na ah gamla leh nai a paikhawm te misipa a iithuai dan, feldan leh kipiakzawh dan a genseng kei uh. Thugen peuh inlah misipa a phat ua, mi bukim bangtuk in a gen ua, a luangphung a kap ding lah aki tatsat kei, puan a tuamtu atam mahmah ziak in tanu te bang puan nawn tuah phial in a buai uh, hunbikhiah a bei tan in phatna simseng louh misipan atang hi.
Hun nanung pen a hong hita, khul toute aman tak man un misi poding hunkhop innkong bul ah ading metmot ta uh, sisuun innsung miten a ngaih uh khelah in kah ua, siluang poding te bang a dopkhiak ding uh dal maimah in a om uh, huchih nung sawtlou in siluang tuh a zawngkhia ua, misi te tawl ngakna mun lam ah khitui naptui tawh a pota uhi.
Hanmuh ah Pastor pa'n dan tawh kituak in khakkhiakna leh khamuan na thu a genta, hiai tuh misi pa leh mihing te hun zatkhop nanung pen ahi. Misipa it a ngaite kidek lah pipi in Pastor pa thugen hunsung akidek ua, Pastor pan ana azawh in mangpha khakna in leitang a khesuk a thumna a neita. Thumna aneih zawh in innsung miten manpha khakna in leitang vakhia in khitui naptui tawh a iit uh kivuiliam mai aki vuk sungteng a enta uhi.
Sisuun na a bei naikei, ani inleng a pokhe lai a ahi ding, misipa iithuai dan leh a tangthu tuh tua hunsawng teng in paina peuh ah akiza. Miten mipa a sungkuan te iitdan lamdang asa ua, a eng uh, himah leh akha hong kivei in, a kum hong kivei tak inzaw mipa phawkphak ahi nawn takei, a zi a hong kichei thakta, atate a ut nalam chiat ah apai ta uh. Misi pa zi ading in apasal a sih pah mah thaman zaw a bang, a tate adin a pa om leh omlouh aki bang ahita, apa uh a damlai a lungmuang tak a omsak zaw uh hilim veh uh e a chi pawl a om ua, khenkhat inlah apa uh a itdan uh thupi isak luatleh thupi louchik eive uale, apa uh thukhah phawkpha lou a a zi atate a omta ua, mihing ki-iit dia vaikhak a hih dan uh theisiamlou eita ve ua, apa uh sihni a a khiaklah uh mihing iit a khelah uh isak leh buanlei tang suakmai ding mi sisa leltak iit a khelah ei leltak ve ua maw, apa iit taktak hileh uh tukhawng a hoihtak a om di uhia chi in kizephawk theilou mi tamtak in huai meithai te sungkuan gense kheukhou uhi.
~~~~~~~~~~BEITA~~~~~~~~
©Siamsinna leh Vakiangbu
Comments
Post a Comment