NAANTAL -LEH- NEINOU
By ~ Kamsiam Suantak
Longlong ago sang a lui zaw deuh nidanglai pekpek in khua khat ah hausa thupi mahmah khat a om a, aman ahihleh tanu melhoih mahmah anei a, amin Neinou kichi ahi hi. Nungak fel leh taima mahmah ahih man in khosung a tangval kichi kuapeuh in angai thei mahmah mai uhi.
Nikhat Neinou le a lawmte bangzah hiamte gamlak a singpuak sawm in a hong kuan uhi. Akuan lam ua akihouna uah sing puak hat kidem ding asawm uhi. Akikim tek in sing i guang dia mahni kisuan in ah innlam tungbaih kidem ni, achita uhi. Gamlak a asingpuak ding uh atom zohtak un alawmte teng kisuan in paivek ua. Himahleh Neinou pen kisuan zou talou hi. Kisuan teitei sawm mahleh apang zoukei. Asing puak khenkhe di achih chiang inlah alawmte lak a maizum ding chi in a utkei zelta hi.. Huchiin lungkhamtak a kap keuhkeuh a a omlai in, sing kisaat ging keuhkeuh a hon zata hi. Aman leng ngaihtuahna khat ahon nei a tua singsaat pen in asing vasuan leh pai theidia, alawmte lak ah maizumlou ding chita hi. Huchin ahong kikou a" gal a singsat keuhkeuh aw, ka aw nazak leh ka sing hong suan aw" chi hi. Bangtan hiam akikou nung in singsat pa akiang ah vapai in asing asuan a amah leng kua hi hiam chi a anunghei leh Keimi (akim mihing akim sahang) anahi a lau mahmah in nunghei ngamlou in inlam tai vengvengta hi.
Tua Keimipa in Neinou pen hoih sa ahih man in asam zangkhat sing asot kawm in bohsak hi. Neinou inn a hong tun tak chiang in nitak apan in khosik pah vengveng hi. Anu le pa te'n lung himawh in siampute peuh athoih sak ha'ng un halhkhe tuanlou in gim deuhdeuhta hi. Siat lam amanawh deuhdeuh man in apa Hausapa'n zong hichin achita hi.." kuapeuh ka tanu anatna apan sudam thei a om a leh, numei ahih leh kizawl ding, pasal ahih peuhmah leh kitengsak ding hiing".
A khosung ua tangval peuhmah Hausa makpa hih ut ahihman un leh Neinou mahmah leng melhoih ahih man in suk dam sawm in pan vala sek mah le uh lohsam vek uhi. Nikhat koi apan hiam chih theihlouh tangval mel hoih mahmah khat hong pai in Neinou sudam ding in ahong kisata hi. Akiang a kuamah omsak lou in a samzang boh pen thuah kik hi. Huchiin Neinou leng a hong halh kheta hi. Neinou in tua mipa pen kua hi hiam chih zong theikei mahleh Keimi asing puak ding vasuan pa ahi hi. Hausapu in zong atanu pasal neih phal naikei mahleh achiamsa a zuau nuamlou ahih man in tua tangvalpa toh kitengsakta hi. Huchiin nekpina thupitak neihpih in Neinou leh apasal zong pai ding in ahong kisata uhi. Asungte leh nulepate khelahtak in amah sudamtu azot ngaita. Tua Keimipa ganhing bangmai kiang zuan ding ahih lam thei hileh a ut kei hial ding. Neinou maban aman theikei mahleh misa sial nete lak a khosak ding ahi maita hi. Huchia hong paitak un khomite bangzah hiam in khomual apan apasal in leng pih ahih lam thei in hausapa kiang ah athu ava tun nawnta uhi. Huaithu hausapa'n atheih in alung a ziing mahmah a atanu si bangmai in akoihta hi. Huchia lungkhamtak a omlai in hausapi in " hichia lungkham tak a om a na nguai sang in banghiam bek hih ve?" achih leh Hausapa'n leng khosung ah hichibang thu a hon gen nawnta hi." tangval kuapeuh katanu vapikik zou a om peuhmah leh amah tang in a kitenpih ding".
Huai apan in khosung a tangval suanhuai leh hat unau nih PUCHIIL leh NAANTAl te Neinou hunkhe ding in ahong kisa kheta uhi. Gammang thuuktak le thupi tak a kensia leh guam tampite tawn in ahong paizelta uhi.. Lampi ah Puchiil in sahang khekhapte bang amuh chiang in lau thei mahmah in , Naantal kiang ah bang khap hi hiam chih in kankan mai hi. Aman zong hilh nuam lou in paipih zawmzelta hi. Huchiin in sahang khekhap lianzaw ahon tuak nawn ua huaitak in Puchiil in bang khap hi peuh mah hiam chi a akankan tak in Naantal in leng ning kisa in "tua i mizonzon pa khap hi ei" chi in adawng hi.. Tua akipan in Puchiil in maban sawn ngam nawnlou in a hong omta hi. Naantal in zong, hiah giah buk i saat dia nang ana om in achita hi. Himahleh Puchiil in nang dam leh sih bang chi theih ding chi in dong hi.. Naantal in zong aktal san khat pia in leh tuuinaak a zouzam suan in hichin agenta hi "ak huang amualh a zouzaam amualh a tuinaak akan leh ana paisan in, huai a huchih leh kasi chih na thei ding" achita hi.
Naantal in Neinou azon tawpsanlou in kuhkal tak in gammang kawl leh kense lak ale hong zong zomzel hi. Nikhat tuh khua khat vatung in pitek khat kiang a akan leh Neinou te khua ana hikha geih hi. Vangphat huaitakmai in Neinou toh ahong kimuta uhi. Naantal in Neinou paidin zawn mahleh Neinou in apa uh nitaaklam a vaipai dia agin thu hichi bang in agen hi, "kon zan giak ding achih chiah hong pai a, kon kileh ding achih chiah zangiak zel ahihman in tuni pen zangiak ding achi a hong kileh ding in ka um " chi hi. Huai ahih man in Neinou in Naantal kiang ah" kakhin ua ka leel kawm uah na kibu dia ann ka nek chiang un nanek ding kon pailut zel ding chi in gen a Nantal leelsung ah a selta hi.
Apa uh Keimi tuh nitaklam in a hongtung petmah a asakhi puak inkong a hon nga in insung ah ahong lutta hi. Nitaklam ann a hon nektak un Neinou in “Pathian tai oh, lungzai tai o” chi in leel sung ah sa leh an apailut zel hi.Huchia Neinou in ahihhih tak in apasal in zong ama hih dan in saguh bawk lianpi khat apai phei a, huchiin Naantal nak hon kha ahih man in a naksi khaam vuallouh in a hong pawt ta hi… Neinou kitheih mawh bawl mah leh apasal in mihing gim nam na e , chi a adian khiak dek leh Neinou in ka sasi koih bua hina ve chi in, pat aguk a la in Naantal naksi pawt ava huksak ta hi. Apa uh Keimi azingchiang a gamlak vaak dia akuan kal in Naantal in a sum uh phaitam apat inntung a lawntou in inn mailam denna hi. A zoh a sukh uh la in tungtun ah akhuttum in tuum tum hi. A inngeite uh kiang ah ka hih teng ahih zoh keileh Neinou la ding in hong kuan se dah heh ana chu un, chi in thu anusia hi. Zangiak zou a innlam ua Keimi ahong kik tak in thil omdan teng a inn kiangte un ana hilh uhi. Aman leng huchi ahih leh chi in Naantal hih bang bang hih din ahong kisa a, himahleh hih zoh aneikei hi. Atawp in sih leh sih chi in delh ding in a hong kisa thouthou ta hi. Hat mahmah zaw ahi ngei dia mualkhat bang kalkhat suah in ahong delh meng meng a atawp a nibang zahtan hiam adelh nung in a pha khongta hi.
Huchia ahong kituah tak un Keimi in lah Neinou suhkik sawm, Naantal inla phal samlou ahih man in kituh in ahong kisualta uhi. Ahat tuak kisual uh ahih man in a kiim akiang ua sing omte bang athuak omlou in puk in puk zelzul mai hi. Huchia sawtpi ahong kisual tak un anih un ahong bah mahmah tuakta uhi. Naantal in zoulou ding dinmun in a hong omta hi. Naantal in Puchiil giah buk omna a asuan zouzaam leh aksan huangte bang hong mual mahmah in tuinaak bang leng hong kang phial ta hi. Huchia ahong omtak in vantung a Pathiante kikum khawm in kuapen hut zawk ding hiam chi in buai mahmah uhi. Huaitak in amaute lak a khat in mihing leh sa teh vual louh ahih man in mihing i gumzaw ding uh chi in Naantal ahong panpih sawmta uhi. Huchin phaiphek a hon khai khesuk in huai Keimi in amuh in asat leh dawt lum in Keimi amun ah asi a Naantal ahong vualzouta hi.. Amaban uh hon zom nawn in ahong paizelta uhi. Munkhat a zawngpi singtom khat tuak in akhenlum uhi. Puchil toh ahong kimuh tak chiang un Puchiil in ka zi na mukha uhia ? chi in ana kan pah hi Huai phet in Naantak in mihing mel ka mukei ua zawng khat tuh a khetlup lamtak ahilhta hi. Huan Puchiil in azi it zawng tuh taan ahih man in nguai mahmah hi.
Puchiil in bel Naantal Neinou zong a akuan kal a azi ding in zawng ananei ahi hi. Huchiin maban hong nawt zel ua ahong paina uah ahong zangiah ngaita hi. A giahna mun uh dawite lampi ahi man in dawite ahong paitak un "kuate na hi ua' kalam thuam sagih ua giak " chi in vakan uhi. Naantal in " Puchiil a leh Naantal a kawlkuang a dawi ha katan' ka saiha tan enve ua" achih chiang in alau ua apaisan zel uhi. Dawi dangte apai chiang un leng agen ngeimah Naantal in ana gen zel hi. atawp in Naantal zong a ihmut suak gawp ahih man in Puchiil phawng in kei kong ihmu dia dawite ahong pai ua "kuate nahi ua ka lam thuam sagih ua giak " a chih chiang un " Puchiil leh Naantal kawlkuang a saiha katan enve ua" na chidi chi hi. Huan Naantal in Puchiil kiang mah ah DaWI TE ahong pai chiang a buai a na om leh hiai sakuh ling ka phei ah nasiat ding achi hi. Dawite a vapai petmah ua, huailaitak in Naantal bel ana ihmu a Puchiil ana omta hi. Dawite'n ava kan nawn tak un agen dia Naantal in ahilh alau luat man a mangngilh in a tuahtuah ana gen maimah ta hi.
Huchia gen mulmal neilou in alau man in achii peuh liing in Naantal phawn di natawm leng mangngilh hi. Huaitak in dawite'n Puchiil lei leh Neinou lamang in apai santa uhi. Huchia mangbangtak a a omlai in Naantal thugen a hon ngaihtuah khe guih a aphei ah sakuh ling ahong siatta hi. Naantal zong a hong thou a Neinou koi a om hiam ? chi a akan chiang in , dawng theilou in akiang ua phaipheng bul kawk zotzot maimah hi, Naantal in leng bang adiam aw chi in huai Phaipheng bul tuh ava botkhiak leh anuai ah Dawite khua thupi mahmah ana om hi. Naantal leng hehtak mai a hong kikou khia in Puchiil lei leh Neinou nong piak kei ua leh ka dumbuk hong khia ning in na mang khin vek ding uh" achi hi. Dawite'n laulou in "nang dumbuk khiak ziak in bangmah mang kenteh" achih tak un Naantal in a dumbuk a khia a inn zingkhat amang pahta hi. Naantal in agen ngei teng mah gen in akikou nawn a, himahleh alau tuankei ua , a dumbuk akhiak nawntak in atam zaw amang nawn hi. huchi in dawte akhozang phial ua mang in Naantal zong khaugui a kiluai khesuk in Neinou leh Puchil lei akhak touta hi. Puchil in Naantal kumsuk na khau sat tan in Naantal kahkhe theilou hi. Huaitak in Puchiil in Neinou innlam paipih hi.
Naantal in zong aloh theih om tuanlou ahih man in tua dawite lak a Nupi khat tuh zi in ahon neita hi. Huaimun apan a kaltouhna ding mun ah khaugui ahon suan hi. Huai khaugui hong khangzel in atunglam ah ahong zaamtou zel hi. Himahleh azi dawi nupi in atate uh kiang ah hiai khaugui azik nasihtan zel kei uleh napa un hon taimangsan ding chi in thuhilh hi. A tate un zong thumangtak a sik uh ahihman in khang hatlou hi. Naantal in huai atheih tak in atate sam in hiai khaugui nasih tan nawn ualeh hong that ding , achih man in atate'n siktan ngam nawnlou uhi. Hunte nite hon paizel in tua Naantal suan khaugui tuh hong piching in akah theihna ding khop in alianta hi. Nikhat tuh aman leng suanlam bawl in azi atate loukuansak in, aloukuan kal un a zi muanmawh bang in amah huai khaugui zui in a hong kal khethei ta hi. Azi leh tate'n a sulzuih uh alau man in huai khaugui tuh a sattan a innlam zuan in paipah vengveng hi..
Lampi a hong pai na ah Sangak tuak kha in tua Sangak kiang ah" Neinou te ak ngou vaman inla na hong paina teng ah amul hon theh in chi in sawlta hi. Tua Sangak in leng asawl bang ngei in ava hihta hi. Huchi in Nantal in Neinou te inn pen baihlam tak in atheita hi. Naantal zong Puchiil te tenna inn ah va pai in ngaihtak in " Puchiil ak hawn hia, sial hawl , koi a na tel ?' vachi hi. Puchiil in leng a sanggampa khem ahih lam akitheih man in dawng ngam pah lou in atawp in Ak hong achita hi. Huaiphet in Naantal in Puchiil kheguh khettan sak in adamsung in Puchiil ak-hawng chih louh azatna di a om nawnta kei hi.
Huchiin Naantal inleng Neinou kiten pih in nuamsa tak in ahong omta uhi
BEITA
March 22 at 10:26am
@Siamsinna leh Vakiangbu
Longlong ago sang a lui zaw deuh nidanglai pekpek in khua khat ah hausa thupi mahmah khat a om a, aman ahihleh tanu melhoih mahmah anei a, amin Neinou kichi ahi hi. Nungak fel leh taima mahmah ahih man in khosung a tangval kichi kuapeuh in angai thei mahmah mai uhi.
Nikhat Neinou le a lawmte bangzah hiamte gamlak a singpuak sawm in a hong kuan uhi. Akuan lam ua akihouna uah sing puak hat kidem ding asawm uhi. Akikim tek in sing i guang dia mahni kisuan in ah innlam tungbaih kidem ni, achita uhi. Gamlak a asingpuak ding uh atom zohtak un alawmte teng kisuan in paivek ua. Himahleh Neinou pen kisuan zou talou hi. Kisuan teitei sawm mahleh apang zoukei. Asing puak khenkhe di achih chiang inlah alawmte lak a maizum ding chi in a utkei zelta hi.. Huchiin lungkhamtak a kap keuhkeuh a a omlai in, sing kisaat ging keuhkeuh a hon zata hi. Aman leng ngaihtuahna khat ahon nei a tua singsaat pen in asing vasuan leh pai theidia, alawmte lak ah maizumlou ding chita hi. Huchin ahong kikou a" gal a singsat keuhkeuh aw, ka aw nazak leh ka sing hong suan aw" chi hi. Bangtan hiam akikou nung in singsat pa akiang ah vapai in asing asuan a amah leng kua hi hiam chi a anunghei leh Keimi (akim mihing akim sahang) anahi a lau mahmah in nunghei ngamlou in inlam tai vengvengta hi.
Tua Keimipa in Neinou pen hoih sa ahih man in asam zangkhat sing asot kawm in bohsak hi. Neinou inn a hong tun tak chiang in nitak apan in khosik pah vengveng hi. Anu le pa te'n lung himawh in siampute peuh athoih sak ha'ng un halhkhe tuanlou in gim deuhdeuhta hi. Siat lam amanawh deuhdeuh man in apa Hausapa'n zong hichin achita hi.." kuapeuh ka tanu anatna apan sudam thei a om a leh, numei ahih leh kizawl ding, pasal ahih peuhmah leh kitengsak ding hiing".
A khosung ua tangval peuhmah Hausa makpa hih ut ahihman un leh Neinou mahmah leng melhoih ahih man in suk dam sawm in pan vala sek mah le uh lohsam vek uhi. Nikhat koi apan hiam chih theihlouh tangval mel hoih mahmah khat hong pai in Neinou sudam ding in ahong kisata hi. Akiang a kuamah omsak lou in a samzang boh pen thuah kik hi. Huchiin Neinou leng a hong halh kheta hi. Neinou in tua mipa pen kua hi hiam chih zong theikei mahleh Keimi asing puak ding vasuan pa ahi hi. Hausapu in zong atanu pasal neih phal naikei mahleh achiamsa a zuau nuamlou ahih man in tua tangvalpa toh kitengsakta hi. Huchiin nekpina thupitak neihpih in Neinou leh apasal zong pai ding in ahong kisata uhi. Asungte leh nulepate khelahtak in amah sudamtu azot ngaita. Tua Keimipa ganhing bangmai kiang zuan ding ahih lam thei hileh a ut kei hial ding. Neinou maban aman theikei mahleh misa sial nete lak a khosak ding ahi maita hi. Huchia hong paitak un khomite bangzah hiam in khomual apan apasal in leng pih ahih lam thei in hausapa kiang ah athu ava tun nawnta uhi. Huaithu hausapa'n atheih in alung a ziing mahmah a atanu si bangmai in akoihta hi. Huchia lungkhamtak a omlai in hausapi in " hichia lungkham tak a om a na nguai sang in banghiam bek hih ve?" achih leh Hausapa'n leng khosung ah hichibang thu a hon gen nawnta hi." tangval kuapeuh katanu vapikik zou a om peuhmah leh amah tang in a kitenpih ding".
Huai apan in khosung a tangval suanhuai leh hat unau nih PUCHIIL leh NAANTAl te Neinou hunkhe ding in ahong kisa kheta uhi. Gammang thuuktak le thupi tak a kensia leh guam tampite tawn in ahong paizelta uhi.. Lampi ah Puchiil in sahang khekhapte bang amuh chiang in lau thei mahmah in , Naantal kiang ah bang khap hi hiam chih in kankan mai hi. Aman zong hilh nuam lou in paipih zawmzelta hi. Huchiin in sahang khekhap lianzaw ahon tuak nawn ua huaitak in Puchiil in bang khap hi peuh mah hiam chi a akankan tak in Naantal in leng ning kisa in "tua i mizonzon pa khap hi ei" chi in adawng hi.. Tua akipan in Puchiil in maban sawn ngam nawnlou in a hong omta hi. Naantal in zong, hiah giah buk i saat dia nang ana om in achita hi. Himahleh Puchiil in nang dam leh sih bang chi theih ding chi in dong hi.. Naantal in zong aktal san khat pia in leh tuuinaak a zouzam suan in hichin agenta hi "ak huang amualh a zouzaam amualh a tuinaak akan leh ana paisan in, huai a huchih leh kasi chih na thei ding" achita hi.
Naantal in Neinou azon tawpsanlou in kuhkal tak in gammang kawl leh kense lak ale hong zong zomzel hi. Nikhat tuh khua khat vatung in pitek khat kiang a akan leh Neinou te khua ana hikha geih hi. Vangphat huaitakmai in Neinou toh ahong kimuta uhi. Naantal in Neinou paidin zawn mahleh Neinou in apa uh nitaaklam a vaipai dia agin thu hichi bang in agen hi, "kon zan giak ding achih chiah hong pai a, kon kileh ding achih chiah zangiak zel ahihman in tuni pen zangiak ding achi a hong kileh ding in ka um " chi hi. Huai ahih man in Neinou in Naantal kiang ah" kakhin ua ka leel kawm uah na kibu dia ann ka nek chiang un nanek ding kon pailut zel ding chi in gen a Nantal leelsung ah a selta hi.
Apa uh Keimi tuh nitaklam in a hongtung petmah a asakhi puak inkong a hon nga in insung ah ahong lutta hi. Nitaklam ann a hon nektak un Neinou in “Pathian tai oh, lungzai tai o” chi in leel sung ah sa leh an apailut zel hi.Huchia Neinou in ahihhih tak in apasal in zong ama hih dan in saguh bawk lianpi khat apai phei a, huchiin Naantal nak hon kha ahih man in a naksi khaam vuallouh in a hong pawt ta hi… Neinou kitheih mawh bawl mah leh apasal in mihing gim nam na e , chi a adian khiak dek leh Neinou in ka sasi koih bua hina ve chi in, pat aguk a la in Naantal naksi pawt ava huksak ta hi. Apa uh Keimi azingchiang a gamlak vaak dia akuan kal in Naantal in a sum uh phaitam apat inntung a lawntou in inn mailam denna hi. A zoh a sukh uh la in tungtun ah akhuttum in tuum tum hi. A inngeite uh kiang ah ka hih teng ahih zoh keileh Neinou la ding in hong kuan se dah heh ana chu un, chi in thu anusia hi. Zangiak zou a innlam ua Keimi ahong kik tak in thil omdan teng a inn kiangte un ana hilh uhi. Aman leng huchi ahih leh chi in Naantal hih bang bang hih din ahong kisa a, himahleh hih zoh aneikei hi. Atawp in sih leh sih chi in delh ding in a hong kisa thouthou ta hi. Hat mahmah zaw ahi ngei dia mualkhat bang kalkhat suah in ahong delh meng meng a atawp a nibang zahtan hiam adelh nung in a pha khongta hi.
Huchia ahong kituah tak un Keimi in lah Neinou suhkik sawm, Naantal inla phal samlou ahih man in kituh in ahong kisualta uhi. Ahat tuak kisual uh ahih man in a kiim akiang ua sing omte bang athuak omlou in puk in puk zelzul mai hi. Huchia sawtpi ahong kisual tak un anih un ahong bah mahmah tuakta uhi. Naantal in zoulou ding dinmun in a hong omta hi. Naantal in Puchiil giah buk omna a asuan zouzaam leh aksan huangte bang hong mual mahmah in tuinaak bang leng hong kang phial ta hi. Huchia ahong omtak in vantung a Pathiante kikum khawm in kuapen hut zawk ding hiam chi in buai mahmah uhi. Huaitak in amaute lak a khat in mihing leh sa teh vual louh ahih man in mihing i gumzaw ding uh chi in Naantal ahong panpih sawmta uhi. Huchin phaiphek a hon khai khesuk in huai Keimi in amuh in asat leh dawt lum in Keimi amun ah asi a Naantal ahong vualzouta hi.. Amaban uh hon zom nawn in ahong paizelta uhi. Munkhat a zawngpi singtom khat tuak in akhenlum uhi. Puchil toh ahong kimuh tak chiang un Puchiil in ka zi na mukha uhia ? chi in ana kan pah hi Huai phet in Naantak in mihing mel ka mukei ua zawng khat tuh a khetlup lamtak ahilhta hi. Huan Puchiil in azi it zawng tuh taan ahih man in nguai mahmah hi.
Puchiil in bel Naantal Neinou zong a akuan kal a azi ding in zawng ananei ahi hi. Huchiin maban hong nawt zel ua ahong paina uah ahong zangiah ngaita hi. A giahna mun uh dawite lampi ahi man in dawite ahong paitak un "kuate na hi ua' kalam thuam sagih ua giak " chi in vakan uhi. Naantal in " Puchiil a leh Naantal a kawlkuang a dawi ha katan' ka saiha tan enve ua" achih chiang in alau ua apaisan zel uhi. Dawi dangte apai chiang un leng agen ngeimah Naantal in ana gen zel hi. atawp in Naantal zong a ihmut suak gawp ahih man in Puchiil phawng in kei kong ihmu dia dawite ahong pai ua "kuate nahi ua ka lam thuam sagih ua giak " a chih chiang un " Puchiil leh Naantal kawlkuang a saiha katan enve ua" na chidi chi hi. Huan Naantal in Puchiil kiang mah ah DaWI TE ahong pai chiang a buai a na om leh hiai sakuh ling ka phei ah nasiat ding achi hi. Dawite a vapai petmah ua, huailaitak in Naantal bel ana ihmu a Puchiil ana omta hi. Dawite'n ava kan nawn tak un agen dia Naantal in ahilh alau luat man a mangngilh in a tuahtuah ana gen maimah ta hi.
Huchia gen mulmal neilou in alau man in achii peuh liing in Naantal phawn di natawm leng mangngilh hi. Huaitak in dawite'n Puchiil lei leh Neinou lamang in apai santa uhi. Huchia mangbangtak a a omlai in Naantal thugen a hon ngaihtuah khe guih a aphei ah sakuh ling ahong siatta hi. Naantal zong a hong thou a Neinou koi a om hiam ? chi a akan chiang in , dawng theilou in akiang ua phaipheng bul kawk zotzot maimah hi, Naantal in leng bang adiam aw chi in huai Phaipheng bul tuh ava botkhiak leh anuai ah Dawite khua thupi mahmah ana om hi. Naantal leng hehtak mai a hong kikou khia in Puchiil lei leh Neinou nong piak kei ua leh ka dumbuk hong khia ning in na mang khin vek ding uh" achi hi. Dawite'n laulou in "nang dumbuk khiak ziak in bangmah mang kenteh" achih tak un Naantal in a dumbuk a khia a inn zingkhat amang pahta hi. Naantal in agen ngei teng mah gen in akikou nawn a, himahleh alau tuankei ua , a dumbuk akhiak nawntak in atam zaw amang nawn hi. huchi in dawte akhozang phial ua mang in Naantal zong khaugui a kiluai khesuk in Neinou leh Puchil lei akhak touta hi. Puchil in Naantal kumsuk na khau sat tan in Naantal kahkhe theilou hi. Huaitak in Puchiil in Neinou innlam paipih hi.
Naantal in zong aloh theih om tuanlou ahih man in tua dawite lak a Nupi khat tuh zi in ahon neita hi. Huaimun apan a kaltouhna ding mun ah khaugui ahon suan hi. Huai khaugui hong khangzel in atunglam ah ahong zaamtou zel hi. Himahleh azi dawi nupi in atate uh kiang ah hiai khaugui azik nasihtan zel kei uleh napa un hon taimangsan ding chi in thuhilh hi. A tate un zong thumangtak a sik uh ahihman in khang hatlou hi. Naantal in huai atheih tak in atate sam in hiai khaugui nasih tan nawn ualeh hong that ding , achih man in atate'n siktan ngam nawnlou uhi. Hunte nite hon paizel in tua Naantal suan khaugui tuh hong piching in akah theihna ding khop in alianta hi. Nikhat tuh aman leng suanlam bawl in azi atate loukuansak in, aloukuan kal un a zi muanmawh bang in amah huai khaugui zui in a hong kal khethei ta hi. Azi leh tate'n a sulzuih uh alau man in huai khaugui tuh a sattan a innlam zuan in paipah vengveng hi..
Lampi a hong pai na ah Sangak tuak kha in tua Sangak kiang ah" Neinou te ak ngou vaman inla na hong paina teng ah amul hon theh in chi in sawlta hi. Tua Sangak in leng asawl bang ngei in ava hihta hi. Huchi in Nantal in Neinou te inn pen baihlam tak in atheita hi. Naantal zong Puchiil te tenna inn ah va pai in ngaihtak in " Puchiil ak hawn hia, sial hawl , koi a na tel ?' vachi hi. Puchiil in leng a sanggampa khem ahih lam akitheih man in dawng ngam pah lou in atawp in Ak hong achita hi. Huaiphet in Naantal in Puchiil kheguh khettan sak in adamsung in Puchiil ak-hawng chih louh azatna di a om nawnta kei hi.
Huchiin Naantal inleng Neinou kiten pih in nuamsa tak in ahong omta uhi
BEITA
March 22 at 10:26am
@Siamsinna leh Vakiangbu
Comments
Post a Comment