SAZA/SASAN LAMDANG
By ~ Rex Peapy Tangpua Racer
Ani leh kha ka thei nawnkei, nitak khat lumdia kisa in lupna tungah laizial ka tep a, phavang lai ahih toh zingchia bang sep di ahi de aw chi'n ka ngaihtuah neuhneuh hi. Tunia ka gamvakna gim sim ka hi ngei di a, ka lup nung sawtlou in ka ihmu pah hi.
Ka zalmang in ka phailel(antang koihna) uh hong kihong a, antang hong kitheh khe sungsung a, phailel sin tuanglai ah hong kikhuk bulbul mawk hi. Ka khanloh in "gamvak leng lohching di keive" chi'n ka ngaihtuah a, nui heuhau kawm a thoukhia in zun kava tha hi.
Zuntha khin ka lutkik leh, katerese! Ka lupna tung uah sisan ana kitheh zengzung mawk a, ka lawinu sam in ka nih un ka buai mahmah uhi. Ken bel bangpi inle ka ngai tuankei a, gamvak leng sa kap ngeingei dia kigintakna kanei hi.
Zing an nekkham in ka kisa mengmeng a, ka uisasiam 2 tonpih in ka thau kuah kawm in leh gilkial khakleh nek di chi in ka sakhaupi a an tamlou pawkawm in gamlam ka zuan hi.
Dakkal 2 val ka painung in ka tupna mun gamlak ka tung a, ka uite leng sa zong in a taikual zungzung uhi. Bangtanhiam nung in ka uite'n sa khumkha uh ahi chih a hamdan uapan ka thei a, kenleng kithalawp tak in kava naih galgal hi.
Ka lamet bang ngei in saza/sasan bawng chia di mawngmawng ana khum ua, kenle ka kap pah hi. Kipuk tuanlou ahihman in 3vei ka kap a, a 3veina in bel a puk vut zezen hi. Va delhtou in amun kava tung a, ka kapna ma khawng veel in a puak dan di ka ngaihtuah pah hi.
Keikia alah pawzou lou di ka hihchiah a lu kipua henla, adangte mi zot a va puakthak di chi'n ngaihtuahna kanei hi. A ngawng tan dia ka kisak leh a kii in ka mit hon la mahmah a, a kii poudan saza dang toh kibang lou in a kawi lenglong mawk hi. Ka sakhaupi a sisan a kailuat di venna di'n chi in ka sak zek a nahthial vasat zek phot ka sawm a, ka samat ngawng tan nailou in ka paitou hi.
Huchia nahthial sat a ka omlai in ka sak apat faifuk in, "Koi a om e?" hong kichi a, kenle gamvak dang hi di hiven, kidawng leh sa hon puakpih thei di chi in, "Hiai ah om ing ei, hongpai ou" chi'n ka dawng hi.
Huchia ka dawng khit phet in huih hong nung vuvu a, singteh khawng hong liing suausuau mawk hi. Lamdang sa kawmkawm a ka kiheisuk leh ka sa kaplup sa ana om nawn hetkei mawk hi. Kim-le-kiang ka zonzon chiang inle a sulnung muh di om mawngmawng lou in a mang mawk hi. Ka ui tegel ka etleh muh nei uhia lau in a liing konkon ua, hong bel tottot uhi.
Den a huih nung vuat in kuateng hon tonpih a, faifuk a hon sam pen kua hi ding hiam chih ka theizou kei a, lamdang sa kawm pipi in leh sa pawdia kinem law khinsa savuak in ngaihtuahna saupi toh ka thawnkik hi.
Ka saza kap chu a neitute'n itlai mahmah uh hidi eive maw chia ngaihtuah louh ngal ka hihtheih dang a omkei hi.
[hiai thu Pa T. Zamzaluai, Chief of Suangphuhmun, Vangaitang in a thiltuah, a lawmpa in hon hilh, 1st person dan a kon gen ahi]
March 22 at 6:04pm
@Siamsinna leh Vakiangbu
Ani leh kha ka thei nawnkei, nitak khat lumdia kisa in lupna tungah laizial ka tep a, phavang lai ahih toh zingchia bang sep di ahi de aw chi'n ka ngaihtuah neuhneuh hi. Tunia ka gamvakna gim sim ka hi ngei di a, ka lup nung sawtlou in ka ihmu pah hi.
Ka zalmang in ka phailel(antang koihna) uh hong kihong a, antang hong kitheh khe sungsung a, phailel sin tuanglai ah hong kikhuk bulbul mawk hi. Ka khanloh in "gamvak leng lohching di keive" chi'n ka ngaihtuah a, nui heuhau kawm a thoukhia in zun kava tha hi.
Zuntha khin ka lutkik leh, katerese! Ka lupna tung uah sisan ana kitheh zengzung mawk a, ka lawinu sam in ka nih un ka buai mahmah uhi. Ken bel bangpi inle ka ngai tuankei a, gamvak leng sa kap ngeingei dia kigintakna kanei hi.
Zing an nekkham in ka kisa mengmeng a, ka uisasiam 2 tonpih in ka thau kuah kawm in leh gilkial khakleh nek di chi in ka sakhaupi a an tamlou pawkawm in gamlam ka zuan hi.
Dakkal 2 val ka painung in ka tupna mun gamlak ka tung a, ka uite leng sa zong in a taikual zungzung uhi. Bangtanhiam nung in ka uite'n sa khumkha uh ahi chih a hamdan uapan ka thei a, kenleng kithalawp tak in kava naih galgal hi.
Ka lamet bang ngei in saza/sasan bawng chia di mawngmawng ana khum ua, kenle ka kap pah hi. Kipuk tuanlou ahihman in 3vei ka kap a, a 3veina in bel a puk vut zezen hi. Va delhtou in amun kava tung a, ka kapna ma khawng veel in a puak dan di ka ngaihtuah pah hi.
Keikia alah pawzou lou di ka hihchiah a lu kipua henla, adangte mi zot a va puakthak di chi'n ngaihtuahna kanei hi. A ngawng tan dia ka kisak leh a kii in ka mit hon la mahmah a, a kii poudan saza dang toh kibang lou in a kawi lenglong mawk hi. Ka sakhaupi a sisan a kailuat di venna di'n chi in ka sak zek a nahthial vasat zek phot ka sawm a, ka samat ngawng tan nailou in ka paitou hi.
Huchia nahthial sat a ka omlai in ka sak apat faifuk in, "Koi a om e?" hong kichi a, kenle gamvak dang hi di hiven, kidawng leh sa hon puakpih thei di chi in, "Hiai ah om ing ei, hongpai ou" chi'n ka dawng hi.
Huchia ka dawng khit phet in huih hong nung vuvu a, singteh khawng hong liing suausuau mawk hi. Lamdang sa kawmkawm a ka kiheisuk leh ka sa kaplup sa ana om nawn hetkei mawk hi. Kim-le-kiang ka zonzon chiang inle a sulnung muh di om mawngmawng lou in a mang mawk hi. Ka ui tegel ka etleh muh nei uhia lau in a liing konkon ua, hong bel tottot uhi.
Den a huih nung vuat in kuateng hon tonpih a, faifuk a hon sam pen kua hi ding hiam chih ka theizou kei a, lamdang sa kawm pipi in leh sa pawdia kinem law khinsa savuak in ngaihtuahna saupi toh ka thawnkik hi.
Ka saza kap chu a neitute'n itlai mahmah uh hidi eive maw chia ngaihtuah louh ngal ka hihtheih dang a omkei hi.
[hiai thu Pa T. Zamzaluai, Chief of Suangphuhmun, Vangaitang in a thiltuah, a lawmpa in hon hilh, 1st person dan a kon gen ahi]
March 22 at 6:04pm
@Siamsinna leh Vakiangbu
Comments
Post a Comment