SESUM LEH NUHTUUN
By ~ Vz Vualnam Ospa
Zolei aw, nuhtuun aw, vondeih hon tawi aw
Theisen ham bang hon huai siallum hon sung
Na pheiphung a tou nau bang n’on nou a
Na zangnung nuam ah sunsawt maimit sing ing
Zankhua sawt hal buh-al khuang hal in
Maimit ka sinlouhleh na singlou hi e
Nua chiang khankhua ding lou bang n’on khual vang in
Vaimang siamsil suutna sauliimliap ah
Vondeih sunchin ma bang n’on zaamsak a
Nang lah sunchin khohlou ah ma na zaam aw
Zanchin zaitha tawl laikhun belhsik
Siamsil suut na von sial bang n’on ching hi e
Na huai a kil bang khang seisang k’ong tang a
Vaimang siamsil tuklu phualgia tot nua
Lou bang khual nuhtuun nang tuangnungsiah a
Vaimang gia bang zuun dia zangtui ka tum aw
Muikhozing kuan selung muang la’ng e
Solkha tumkuan nang ngai in kikhim la’ng e
Selung khuam bang geelgeel ing e suutsuut ing
Nuhtuun ngaihman zolei ah hei leng lah
Khachih sesum paalloh bangsam ding a
Sesum paallou zangtui ah heita lenglah
Nuhtuun kua’n gia bang azuun diam aw
Gia bang zuunlouh lou bang tul di’n paam sa’ng e
Nuhtuun lou bang tul di’n ka phallou zong in
Gia bang zuun ding lou bang keem ding tang in
Vaimang’ sesum paalloh tualkhe ngam la’ng
Tuun aw, nuhtuun aw na von lungmawl hi’ng e
Laukha zu bang na sia ei mah e
Von lungmawl khamkha’n n’on vei ei mah e
Zangtui a sesum paalloh aphazaw maw
Zolei a tuun toh hei aphazaw maw
Sesum teel leng tuun toh gi bang khenna
Nuhtuun teel leng sesum toh gi bang khenna
Tang in tat na’ng sa bang hawm maw’ng e
Ka hawm moh aw tung thelnah bang kiak law’ng e
Ki-awi maw’ng, ki-awi maw’ng, tangpa ki-awi maw’ng
Zaitha hiam bang haat sung zangtui tum dia
Zaitha kiam nua zangleng tum bang vuai nua
Tuun siang zon ding tangpa ki-awi maw’ng e
Zaitha kiam nua tuun’ siang ka zon ding
Tangpa lakmai zeh ka zum sial bang lian e
Lakmai zehzum lohchiang bang khuhna’n tang in
Lelliang laizom ham bang hon huai ning e
Seiniam lelliang in siamsil hon suut hen
Asam sesum tang keima’n tuah na’ng e
Seniamte’n siamsil paak bang lou dia
Sesum paallou dia zangtui zuan ding aw e
Nuhtuun khattang sawl bang heiden ding aw e
---------------------------------------------------------------
Zolei aw, ka nu aw, deihthoh tak a hon kem nu aw, ka neu apan na hon keem a, na hon khotuah a, na pheitung a hon tusak in na hon thoh a, na nungzang a hon pua in sunkhua in ka ihmu hi. Zaansawt mahleh ak bang khuangta mahleh ka ihmutkei leh na ihmukei hi.
Ka mabaan ding na hon khual ziak in nileng in skul sung liim leh nuam ah na hon omsak a, nang lah sunkhua in lou na kuan hi. Nitak a tawl leh gim mahmah hinapi in lup sa’ng in ka laisimlai na hon tutpihzaw hi.
Na kepna a hong khang in tangval ka hong hita a, laisiamna ka neih nung a nang hon keemtu nusia a vaigam keem dia vaigam a ka om ka lung amuang theikei.
Ka kingaihtuahtuah a, nu ngaihman in zogam ah om lenglah sum kilohlou di, sumloh di’n vaigam ah om le’ng lah, kua’n nu keem ding? Kua keplouh-donlouh a atul mai ding ka phalkei.
Kua keplouh a tul di’n phalkei mah le’ng kei akeem di pa’n lah ka sumloh taisan ngamlou ing a, nu aw, kei zaw ta hai ka hi, kei ziak in na khasia hiam? Khakham na hon veiloh hiam??
Vaigam a sumloh a om hoihzaw hia, nu kiang a om hoihzaw? Sum teel leng nu toh kikhen ding, nu teel leng sum toh kikhen ding. Ka gamtat dingdan ka theizoukei. Ka tha abahloh hi.
Ka ki-awikei lua, ka ki-awi thei mahmahkei, thahaat laiteng vaigam a om dia, thahaat nawnlouh nung, teek nung chia nu kiang zot ding ka ki-awi thei mahmahkei. Haat nawnlouh nung a nu kiang a kiik ding ka maizum tuntun hi.
Ka zum seelna ding in naupang khosak haksate alaisimna uah ko’n huh mai ding. Naupangte huh leng lai hong siam ding ua, sumloh dia gamdang a paikhezel ding ua, tuunnu zaw amah kia a omden ding eimai di maw….
March 24, Sunday at 8:21pm
@Siamsinna leh Vakiangbu
Zolei aw, nuhtuun aw, vondeih hon tawi aw
Theisen ham bang hon huai siallum hon sung
Na pheiphung a tou nau bang n’on nou a
Na zangnung nuam ah sunsawt maimit sing ing
Zankhua sawt hal buh-al khuang hal in
Maimit ka sinlouhleh na singlou hi e
Nua chiang khankhua ding lou bang n’on khual vang in
Vaimang siamsil suutna sauliimliap ah
Vondeih sunchin ma bang n’on zaamsak a
Nang lah sunchin khohlou ah ma na zaam aw
Zanchin zaitha tawl laikhun belhsik
Siamsil suut na von sial bang n’on ching hi e
Na huai a kil bang khang seisang k’ong tang a
Vaimang siamsil tuklu phualgia tot nua
Lou bang khual nuhtuun nang tuangnungsiah a
Vaimang gia bang zuun dia zangtui ka tum aw
Muikhozing kuan selung muang la’ng e
Solkha tumkuan nang ngai in kikhim la’ng e
Selung khuam bang geelgeel ing e suutsuut ing
Nuhtuun ngaihman zolei ah hei leng lah
Khachih sesum paalloh bangsam ding a
Sesum paallou zangtui ah heita lenglah
Nuhtuun kua’n gia bang azuun diam aw
Gia bang zuunlouh lou bang tul di’n paam sa’ng e
Nuhtuun lou bang tul di’n ka phallou zong in
Gia bang zuun ding lou bang keem ding tang in
Vaimang’ sesum paalloh tualkhe ngam la’ng
Tuun aw, nuhtuun aw na von lungmawl hi’ng e
Laukha zu bang na sia ei mah e
Von lungmawl khamkha’n n’on vei ei mah e
Zangtui a sesum paalloh aphazaw maw
Zolei a tuun toh hei aphazaw maw
Sesum teel leng tuun toh gi bang khenna
Nuhtuun teel leng sesum toh gi bang khenna
Tang in tat na’ng sa bang hawm maw’ng e
Ka hawm moh aw tung thelnah bang kiak law’ng e
Ki-awi maw’ng, ki-awi maw’ng, tangpa ki-awi maw’ng
Zaitha hiam bang haat sung zangtui tum dia
Zaitha kiam nua zangleng tum bang vuai nua
Tuun siang zon ding tangpa ki-awi maw’ng e
Zaitha kiam nua tuun’ siang ka zon ding
Tangpa lakmai zeh ka zum sial bang lian e
Lakmai zehzum lohchiang bang khuhna’n tang in
Lelliang laizom ham bang hon huai ning e
Seiniam lelliang in siamsil hon suut hen
Asam sesum tang keima’n tuah na’ng e
Seniamte’n siamsil paak bang lou dia
Sesum paallou dia zangtui zuan ding aw e
Nuhtuun khattang sawl bang heiden ding aw e
---------------------------------------------------------------
Zolei aw, ka nu aw, deihthoh tak a hon kem nu aw, ka neu apan na hon keem a, na hon khotuah a, na pheitung a hon tusak in na hon thoh a, na nungzang a hon pua in sunkhua in ka ihmu hi. Zaansawt mahleh ak bang khuangta mahleh ka ihmutkei leh na ihmukei hi.
Ka mabaan ding na hon khual ziak in nileng in skul sung liim leh nuam ah na hon omsak a, nang lah sunkhua in lou na kuan hi. Nitak a tawl leh gim mahmah hinapi in lup sa’ng in ka laisimlai na hon tutpihzaw hi.
Na kepna a hong khang in tangval ka hong hita a, laisiamna ka neih nung a nang hon keemtu nusia a vaigam keem dia vaigam a ka om ka lung amuang theikei.
Ka kingaihtuahtuah a, nu ngaihman in zogam ah om lenglah sum kilohlou di, sumloh di’n vaigam ah om le’ng lah, kua’n nu keem ding? Kua keplouh-donlouh a atul mai ding ka phalkei.
Kua keplouh a tul di’n phalkei mah le’ng kei akeem di pa’n lah ka sumloh taisan ngamlou ing a, nu aw, kei zaw ta hai ka hi, kei ziak in na khasia hiam? Khakham na hon veiloh hiam??
Vaigam a sumloh a om hoihzaw hia, nu kiang a om hoihzaw? Sum teel leng nu toh kikhen ding, nu teel leng sum toh kikhen ding. Ka gamtat dingdan ka theizoukei. Ka tha abahloh hi.
Ka ki-awikei lua, ka ki-awi thei mahmahkei, thahaat laiteng vaigam a om dia, thahaat nawnlouh nung, teek nung chia nu kiang zot ding ka ki-awi thei mahmahkei. Haat nawnlouh nung a nu kiang a kiik ding ka maizum tuntun hi.
Ka zum seelna ding in naupang khosak haksate alaisimna uah ko’n huh mai ding. Naupangte huh leng lai hong siam ding ua, sumloh dia gamdang a paikhezel ding ua, tuunnu zaw amah kia a omden ding eimai di maw….
March 24, Sunday at 8:21pm
@Siamsinna leh Vakiangbu
Comments
Post a Comment