HIAI MAH HIVEH!
By Khen Thang Hangxing
(Written on 25.03.2013)
Khovel a nungta mihing khat peuhpeuh in apumpi a zatkhelh leh a ngaihtuahna khialsa ahi. Eì Manipur singtangmite adiak in mi tawmchik leh nam tuantual a theih ina hi uhi. Mì khat gendan in chu,Meiteite maltameh khop le kiphalou chih dan khawng ki hi maimai lai hi.Malta thaksak deuh leng zaw hon gai tuan hauh kei di uh maw?.hehe
Tangthupha ziak liauliau in tuipigal akipat vak hong tung a,tua vak in i gam mialpi hon tanvak suakta hi.Huchih lai in i gam paidan in abatlouh khantouhna,tumlam gamte khantouhna in hon nawk ek nawn hi.Hiai dinmun tak ah i bang chi om ua,khangtou zaw ni i chih leh bang i hih ding a om a ? Kei gintakdan tamlou kon taklangh suk awle.
1.I Sahkhua mah pibawl photphot ni: Sahkho neilou mi pen mi mangthang ahi hi. Sahkho diklou neite zong mi hehpih huaì ahi uhi. Christian a kiminloh a, mi'n nang zaw Christìan hilou hiveteh aw hon chih chiang a tangtel sihtan bang a i om ngal leh Pathian deihdan toh kituak in hing leng tua i dinmun a kipat khantouhna hong suak ding hi. Christian na pen puansilh a nei a,i sepna leh i innsung a i hinna in apuak khiak keileh,ei i kimihoihsak luat hang in mi'n hon nuih san maimah kha ding uhi. Gandhi in,'Christiante omdan mulou hileng Christian ana suak khin ding hing' chi a a gen in saupi kawkpha hi.
2.Minampihte it photphot ni: Mahni ki itna neilou mihing in, aminam pihte a it ding chih up haksa peuhmah hi. Siamsinna i pibawl ua,a hoih. Himahleh i hong pil ua, pilna ding tan inlah i pil zou tuan kei ua,nekguk theihna ding tan in ipil ua,hiai mahmah ziak in i gamsung taksapna in adim hi. Kei ngaihdan in chu pilna ding diktak a ipil zoh kei ding leh pildah vet in; hai milmial in minampihte adia phatuam ding i hihtheih tan a sepsawm leng chi ka hi. Election chiang a candidate te gente khawng suk pichin hileh i gam uh midang a toh kinehta din gingta ing !. Mipite mai ah maivun sah deuh in i pau lualua a, i sepkhiak louh ding tantan i gen ua, mipite khemhai in a sisan uh tawpkang bang in a nek-le-taak ding ua sanction te khawng ìn gari leh eimah a ding i deihte i lei ua, i tate hong kisia ua, i lungkham mahmah uh hilou maw ?Muhna ding diktak a imuh sum leh paite mah toh i tate enkol leng hong hoih mai ding uhi. Diktattak a minampihte it a, amau adia sem taktak ding i gam in poimoh petmah hi.
3.I dinmun ki thei photphot leng: I khosakna toh kituak lou a hinkhua zatsawmte ziak ìn innkuan tampi i buaita uhi. Nam piching zawte alungsim uh leng ana piching zaw himhim hi. Amau bel akum a sim ut-le-dah in zang mah leh uh khosakna a buai ding ahikei ua; eibel nikhat naseplouh ziak lel a ngawl theite i hilai uhi. Khangnou te'n gam changkangte hinkhua zatdan enton a hinkhua a hon zatzat mawk uleh, i khang mang hial ding zong thil lauhuai ahi. Huai ziakin i minam hindante tawisang zaw leng i khandan uh dik zaw deuh lou di hia ? Tua i hindan uh zaw mihing figure in hong kibawl henla, ki-en leh piangsual petmah ding in gingta ing. Hiai a tung a te leh khantouhna paidan thei leng, theih zawh ciah zui zawmah leng i khantouh uh gintak huai mahmah. Khantouhna pen thakhat a om hilou a, apaizia om ahihman in avek a zuihsuak poimoh ding hi. Anuam zawng kia in hon khangtou sak khol lou ding hi.
Paragraphs given below are Added on 26.03.2013
1.Sahkhua mah pibawl photphot ni:Mihingte thunun penpente lak ah sahkhua in poimohna liantak nei hi.Sahkhua leh sabiak toh kisai in mitampite ana kisiatloh ua,tampi mah in sihna ana tuak hial uhi.Huchi ahihleh sahkhua pen ngaihdau thei thil hikei chih chiang hi.Muslim sahkhua zuite enta leng,amau aneu ua kipan in a kisinsak petmah ua,amau sahkho dan kalh a gamtangte peuhmah lah setan nasepna tuk a ngai in dou petmah in dou uhi.Gal peuhmah a tuah chiang un Holy war chi in a pathian uh leh a sahkhua ading in sihngam in pang uhi. Pathian taklou bete nangawn a huchih uleh eite'n leng ihih ding poimoh tampi om kha ding hi.Osama Bin Laden in WTC a phutsiat sak dek lai in,a misawlte airport a lut dek un ahoupih a, 'vangam kongkhak ah na omta' chi in a hasuan hi.Ei Pathian hing bete'n hiai bang in hih ni chikei mahleng amau kalsuan kimkhat tan beek suan leng I Pathian mel hong vak ngei ding hi.Bangkim ah Pathian muang in,i taksap ziak hilou in,ahon pi na thupì tak ziak in kipahthu gen in Amel i zong ding uh poimoh ka sa hi.
2.Minampihte it photphot ni: I nam makaite vangletna ei amipite ziak ahi a, makaite ziakmah in mipite hong khangtou ding hi.Makaite gense pumlum hikei mahleng amau lamdik ah hon makaih uh henla,amau ah hoihna hong kipan leh mipiten kizui mai din gingta ing.Alehlam ah mipite'n le makaite muang in Pathian seh makai ahihna uh pom in,phunphun lou in zui maileng i mavang zaw din gingta ing.
3.I dinmun ki thei photphot leng:Ei zomite adiak a i khanmoh bawk ua ka theih a hihleh i hihna theilou a mi i va etton ziak uh hi ding hi.Gam thupi leh khangtoute lifestyle zui in,ei a toh kituak lou pipi a bawl lem zok in, i chiing tei uhi.Amau phazou lah hivetlou,lah amau hihdan vahihtei pen thil haihuai petmah ahi. Party bawl,picnic leh nungak leh tangvalte thansak mah2 tampi om a,hiai pen ahoihlou hikei mahleh i gam tuantual toh ei adin kilawm lua banglou hi.I numeite uh leh pasal tuai deuhte uap in Korean drama in a thazoh mahmah get hi.Mi'n a lemchi'n khawng en practical a i vazuihsawm mawk pen chiinchi hetlou hi.Mizote numei khat bangchu Korean drama hah etluat ziak in akhomuh theihna ana chaan/taan ta hi.Ahun lel theihlouh na gah hiai khawng himai lou maw? Vangsiat ziak le zaw hikha mah inteh. Himahleh mihing in i vang di bawl theihna chiang kinei veve hi.Music lam alah,nekzon na taktak dia hihzou vang mahmah,phetlou G-key theih toh samhawi sawi kipan ngal. ( hahaa !) band minthang pipite i enton ua,lah i phazou tuankei zel ua. Ei khanglui chiindan laapau hoih tak2 te mangngilh in ut leh dah in laa i phuak ua a dik in idik khin nawn kei uh ka sa ! Huaiziak in naa khat peuhpeuh a i et ding khat om gige hi.Thil i hih dek peuh2 chiah hiai anuai ate kidong chiat theileng ka chi petmah hi :-
1.Ka thil hihdek saptuam leh ka sahkhua thugin sukha ahi ha?
2.Ka minamte mitmuh in ka thilhih a kilawm na diam?
3.Kei a ding leh ka sungkuan khosa uh toh kituak in ka khosa kha hia?
Hiai atung a te a i kisiam tan leh hihmai leng poilou ding a, a kihetkhak zek lel ziak in i minampihte,Pathian leh i innsung ah i mai a taang (shine) kei kha ding chih pilvang tek ni.
@Siamsinna leh Vakiangbu
(Written on 25.03.2013)
Khovel a nungta mihing khat peuhpeuh in apumpi a zatkhelh leh a ngaihtuahna khialsa ahi. Eì Manipur singtangmite adiak in mi tawmchik leh nam tuantual a theih ina hi uhi. Mì khat gendan in chu,Meiteite maltameh khop le kiphalou chih dan khawng ki hi maimai lai hi.Malta thaksak deuh leng zaw hon gai tuan hauh kei di uh maw?.hehe
Tangthupha ziak liauliau in tuipigal akipat vak hong tung a,tua vak in i gam mialpi hon tanvak suakta hi.Huchih lai in i gam paidan in abatlouh khantouhna,tumlam gamte khantouhna in hon nawk ek nawn hi.Hiai dinmun tak ah i bang chi om ua,khangtou zaw ni i chih leh bang i hih ding a om a ? Kei gintakdan tamlou kon taklangh suk awle.
1.I Sahkhua mah pibawl photphot ni: Sahkho neilou mi pen mi mangthang ahi hi. Sahkho diklou neite zong mi hehpih huaì ahi uhi. Christian a kiminloh a, mi'n nang zaw Christìan hilou hiveteh aw hon chih chiang a tangtel sihtan bang a i om ngal leh Pathian deihdan toh kituak in hing leng tua i dinmun a kipat khantouhna hong suak ding hi. Christian na pen puansilh a nei a,i sepna leh i innsung a i hinna in apuak khiak keileh,ei i kimihoihsak luat hang in mi'n hon nuih san maimah kha ding uhi. Gandhi in,'Christiante omdan mulou hileng Christian ana suak khin ding hing' chi a a gen in saupi kawkpha hi.
2.Minampihte it photphot ni: Mahni ki itna neilou mihing in, aminam pihte a it ding chih up haksa peuhmah hi. Siamsinna i pibawl ua,a hoih. Himahleh i hong pil ua, pilna ding tan inlah i pil zou tuan kei ua,nekguk theihna ding tan in ipil ua,hiai mahmah ziak in i gamsung taksapna in adim hi. Kei ngaihdan in chu pilna ding diktak a ipil zoh kei ding leh pildah vet in; hai milmial in minampihte adia phatuam ding i hihtheih tan a sepsawm leng chi ka hi. Election chiang a candidate te gente khawng suk pichin hileh i gam uh midang a toh kinehta din gingta ing !. Mipite mai ah maivun sah deuh in i pau lualua a, i sepkhiak louh ding tantan i gen ua, mipite khemhai in a sisan uh tawpkang bang in a nek-le-taak ding ua sanction te khawng ìn gari leh eimah a ding i deihte i lei ua, i tate hong kisia ua, i lungkham mahmah uh hilou maw ?Muhna ding diktak a imuh sum leh paite mah toh i tate enkol leng hong hoih mai ding uhi. Diktattak a minampihte it a, amau adia sem taktak ding i gam in poimoh petmah hi.
3.I dinmun ki thei photphot leng: I khosakna toh kituak lou a hinkhua zatsawmte ziak ìn innkuan tampi i buaita uhi. Nam piching zawte alungsim uh leng ana piching zaw himhim hi. Amau bel akum a sim ut-le-dah in zang mah leh uh khosakna a buai ding ahikei ua; eibel nikhat naseplouh ziak lel a ngawl theite i hilai uhi. Khangnou te'n gam changkangte hinkhua zatdan enton a hinkhua a hon zatzat mawk uleh, i khang mang hial ding zong thil lauhuai ahi. Huai ziakin i minam hindante tawisang zaw leng i khandan uh dik zaw deuh lou di hia ? Tua i hindan uh zaw mihing figure in hong kibawl henla, ki-en leh piangsual petmah ding in gingta ing. Hiai a tung a te leh khantouhna paidan thei leng, theih zawh ciah zui zawmah leng i khantouh uh gintak huai mahmah. Khantouhna pen thakhat a om hilou a, apaizia om ahihman in avek a zuihsuak poimoh ding hi. Anuam zawng kia in hon khangtou sak khol lou ding hi.
Paragraphs given below are Added on 26.03.2013
1.Sahkhua mah pibawl photphot ni:Mihingte thunun penpente lak ah sahkhua in poimohna liantak nei hi.Sahkhua leh sabiak toh kisai in mitampite ana kisiatloh ua,tampi mah in sihna ana tuak hial uhi.Huchi ahihleh sahkhua pen ngaihdau thei thil hikei chih chiang hi.Muslim sahkhua zuite enta leng,amau aneu ua kipan in a kisinsak petmah ua,amau sahkho dan kalh a gamtangte peuhmah lah setan nasepna tuk a ngai in dou petmah in dou uhi.Gal peuhmah a tuah chiang un Holy war chi in a pathian uh leh a sahkhua ading in sihngam in pang uhi. Pathian taklou bete nangawn a huchih uleh eite'n leng ihih ding poimoh tampi om kha ding hi.Osama Bin Laden in WTC a phutsiat sak dek lai in,a misawlte airport a lut dek un ahoupih a, 'vangam kongkhak ah na omta' chi in a hasuan hi.Ei Pathian hing bete'n hiai bang in hih ni chikei mahleng amau kalsuan kimkhat tan beek suan leng I Pathian mel hong vak ngei ding hi.Bangkim ah Pathian muang in,i taksap ziak hilou in,ahon pi na thupì tak ziak in kipahthu gen in Amel i zong ding uh poimoh ka sa hi.
2.Minampihte it photphot ni: I nam makaite vangletna ei amipite ziak ahi a, makaite ziakmah in mipite hong khangtou ding hi.Makaite gense pumlum hikei mahleng amau lamdik ah hon makaih uh henla,amau ah hoihna hong kipan leh mipiten kizui mai din gingta ing.Alehlam ah mipite'n le makaite muang in Pathian seh makai ahihna uh pom in,phunphun lou in zui maileng i mavang zaw din gingta ing.
3.I dinmun ki thei photphot leng:Ei zomite adiak a i khanmoh bawk ua ka theih a hihleh i hihna theilou a mi i va etton ziak uh hi ding hi.Gam thupi leh khangtoute lifestyle zui in,ei a toh kituak lou pipi a bawl lem zok in, i chiing tei uhi.Amau phazou lah hivetlou,lah amau hihdan vahihtei pen thil haihuai petmah ahi. Party bawl,picnic leh nungak leh tangvalte thansak mah2 tampi om a,hiai pen ahoihlou hikei mahleh i gam tuantual toh ei adin kilawm lua banglou hi.I numeite uh leh pasal tuai deuhte uap in Korean drama in a thazoh mahmah get hi.Mi'n a lemchi'n khawng en practical a i vazuihsawm mawk pen chiinchi hetlou hi.Mizote numei khat bangchu Korean drama hah etluat ziak in akhomuh theihna ana chaan/taan ta hi.Ahun lel theihlouh na gah hiai khawng himai lou maw? Vangsiat ziak le zaw hikha mah inteh. Himahleh mihing in i vang di bawl theihna chiang kinei veve hi.Music lam alah,nekzon na taktak dia hihzou vang mahmah,phetlou G-key theih toh samhawi sawi kipan ngal. ( hahaa !) band minthang pipite i enton ua,lah i phazou tuankei zel ua. Ei khanglui chiindan laapau hoih tak2 te mangngilh in ut leh dah in laa i phuak ua a dik in idik khin nawn kei uh ka sa ! Huaiziak in naa khat peuhpeuh a i et ding khat om gige hi.Thil i hih dek peuh2 chiah hiai anuai ate kidong chiat theileng ka chi petmah hi :-
1.Ka thil hihdek saptuam leh ka sahkhua thugin sukha ahi ha?
2.Ka minamte mitmuh in ka thilhih a kilawm na diam?
3.Kei a ding leh ka sungkuan khosa uh toh kituak in ka khosa kha hia?
Hiai atung a te a i kisiam tan leh hihmai leng poilou ding a, a kihetkhak zek lel ziak in i minampihte,Pathian leh i innsung ah i mai a taang (shine) kei kha ding chih pilvang tek ni.
@Siamsinna leh Vakiangbu
Comments
Post a Comment