ZAUTANG
By : C Tonsing
Author's note : (hiai tangthu hoihtak in nasimleh Ngalngam pianma leh neulai na thei mai d)
Ni tum ding kuan in "Bawi,Tui va tawi dih" chi in nu khat in ata nungak buktep lai,tuitawi ding in sawl khia hi. Huai nungak in atuitawina ah abuk akhuaikha a, singnai a abelh dekleh amit ah singnai atangkha chitchiat a, amit adelta hi. Mitdel hong hihtak ziak in, ahoh nopna lamlam a pasalte vialpuak angai hi. Hun hong pai zel in nungaknu tuh, apasal ding theihlouh in hong gai a, nau hon neihtak in amin di'n Zautang asa uhi.
Hun hong paitou zel in , Zautang tangval hong hita hi, nikhat a thang(trap) a vavil leh ngalkhaat ana awk a, inn hong pai nawn in,apaw ding in a lawmte hon chialta hi. A lawmte toh a thang kamna mun a tuntak un, Ngal neuchik khat thang a awk amuta uhi. A lawmte'n,"Bang dia hon khem Ngalkhaat lianpi na chi a, Ngalnou khaat ahilim vele," achi ua. Innlam hong pai kal a dawite'n Ngalneu chik a ana khensak uh ahi a. Zautang in dawite khap a mu a, huaitak in a hon zuih uleh inn khat ah hon zuilutta uhi. Zautang in a chiangkhun innsung ah hon paihlut a,ka chiangkhun hong lut khinta e, chihleh lut athuah hi. Dawiten huai Ngalkhaat ana -aih lai tak uh ahi a, zu leh sa ne in abuai in ana buai zen uhi. Ngalkhaat sisa hing sak nawn in meipam lupna tung ah akoih ua, anak ging daldal hi. Zautang in, " Hiai Ngalkhaat, ka lou dai phusia, thang ka kam leh awk ahi,kei matsa ahi,hon penawn zok un," a vachi a. Huai ahihleh, chi in dawite hausapa'n Ngalkhaat kiang ah, "Zautang dai suksiatsak na hih aleh na zuih nawn mah ding ahi," chi'n thu apia a, huchi in Ngalkhaat in Zautang leh alawmte azui nawnta hi. Thang kamna mun hong tung nawn ua, Ngalkhaat in amuk a Ngalnou pen apik leh Ngalnou tuh hong hing nawn a, amun ah amah avalum a,amah leng hong si nawnta hi. Huchi bang in Zautang in a Ngalkhaat matsa, dawite khut apan asutzou hi.
Khatvei Zautang kholak avak leh pitek leh putekte innlii ah hong paikha a,innsung a akihoulimna uh aza hi. Amau tuh, "Itek tuakta ngal a hon vak ngap, i gam leng luah ding khat,om zenzen le maw?" achi ua. Huai a zak phet in, innsung ah Zautang a dianglut pah a,"Pi leh Pute aw, ken na nna uh ka sem dia,kon vak ding," a vachi hi. Amau leng ana kipahpih mahmah ua, inn ah a omsakta uhi. Zautang nasep silbawl kisan mahmah in, lou bang a giak gige hi. Lou apan zusa emsa bang api leh pute akhak zihzeh a,a sulungkim zou mahmah hi. Hun hong pai zel a, a tawp in Zautang in, zusa emsa leh gu a helkhawm a, api leh pu a khakta hi. Apu leh pite sihthu Zautang ahilh uleh aman, "Tulaitak in koi lak ah si zenzen kei un teh,azu ava a ka vakthau hi" achi a, zusa emsa bang a khak lai vial zezen hi. A gamluahtu dingte'n,a deih penpen van khatla ding in Zautang lou-giaklai a thukhak ua. Amah leng hong pai a,van lak ding pen theilou in,meithai khat a vadong hi. Meithainu'n,"Ak gil nuai a ak ek dohna zampi la in" chi in a hilh hi. Ahilh bang in, Zautang in zampi tuh hon la a, a ngaih hiam, van tungbung mual ah ka vatum ding chi in a pawkheta hi. Hon tum ngeitak a, angaih mahmah ngut hi. Pai dia hong kisakleh zampi tuh asuke kha zenzen a,ken lak ah atuk a. Tuivai li ah atuklutta hi. Tuni tan in huai tuli tuh zampili akichi den hi. Tuili nawl apan a etsuk chiang in tuili tuh daichik in amu a, zampi lazou ding in a kigingta hi. Tui a vangap chiang in lah thuk lua a sazel a,zampi la ngamtalou in,innlam ah apai khong hi.
Hun hong pai zel in Zautang in Zawlteipi kichi nungak khat hon ngaita hi. Nikhat lui ah a hohkhawm ua, Zautang in, "Tulaitak in galte om leh,ken hichi kap ding," chi a thal a kapleh nungaknu mit akap kha zenzen a. Huaiphet in anih un akap in akapta mai ua, gamhuaite'n azata uhi. Gamhuaite'n, " Tua kapkapte,lungkham akap ahih uleh i panpih dia, gitlouhman akap ahih uleh i that ding uh," hon chita uhi. Huchi in enkhe ding in hong kuan ua, lungkham a kap uh ahihlam atheitak un, nungaknu mit asukdamsak uhi. Huainung zek in hong kitengta uhi.
Anung sawtlou in Zawlteipi hong gai a, a vahpha mahmah ta hi. Nikhat loukuan dia a kisak laitak in a sung a naungek hong paukhia a,"Nu,tuni'n niliap keng in, vuah zuding ahi" hon chi a. Anu'n, "Tu nisat lailai in vuah zu ken teh,nang gilsung a om in bang thei kei teh," achi a,niliap keng lou in lou a kuan hi. Vaipai lai in vuah hong zu petmah a,a kawtgop dimdem hi. Azing in naungek in anu a houpih nawn a, "Nu,tuni'n ni asa dia,vuah azu kei ding,niliap keng koh aw,"achi nawn leuleu a. Khua nim demdawm hiven,anu'n, niliap keng ning," chi in loukuanna ah niliap hon kengta hi. Huai ni'n vuah azukei a, ni sat toh kichinglah a kisa mahmah a,aniliap ken dongkholh asa mahmah hi.
Zawlteipi nauneih hong hun a, hon neihkhiak tak in,naungek in pialkhang hon deng vang a, inn nuai a tu hi. Innnuai ah hong paukhia a,"Nu,tu hon khak dih, zusa kon tou deh," achipah mawk hi. Anu'n, "Naungek sen kisalou maw? Zum leng zumlou maw? Nang naungek in bang mah hihthei kei niteh," achih san hi. Naungek in anget teitei ziak in tut a pekhong hi. Naungek in zusa kua hon tou a, zusa tampi aman zawmah hi. Huchi in,naungek omdan lamdang asa chiat ua,amin ding in NGALNGAM hon sata uhi. Naungek tuh hong khanglian hiaihiai a, aneu apan ainei leh thilhih theitak a hong hi hi. A neulai in, apa loukuan azui zel a. Lamkhang ah apial san gaih zel a, apa malam ah chiangkhun bang in lampi ah ana kizam zel hi. Apa'n chiangkhun tawm a inntan akhuttung chiang in, innkong ah chiangkhun kawi ning a pan atawmkhe lauhzel a huchi in gim hetlou in inn atung zel hi. Ngalngam neu lai huchi bang khong dan eive.
*** KICHAIVAWT ***
©Siamsinna leh Vakiangbu
Author's note : (hiai tangthu hoihtak in nasimleh Ngalngam pianma leh neulai na thei mai d)
Ni tum ding kuan in "Bawi,Tui va tawi dih" chi in nu khat in ata nungak buktep lai,tuitawi ding in sawl khia hi. Huai nungak in atuitawina ah abuk akhuaikha a, singnai a abelh dekleh amit ah singnai atangkha chitchiat a, amit adelta hi. Mitdel hong hihtak ziak in, ahoh nopna lamlam a pasalte vialpuak angai hi. Hun hong pai zel in nungaknu tuh, apasal ding theihlouh in hong gai a, nau hon neihtak in amin di'n Zautang asa uhi.
Hun hong paitou zel in , Zautang tangval hong hita hi, nikhat a thang(trap) a vavil leh ngalkhaat ana awk a, inn hong pai nawn in,apaw ding in a lawmte hon chialta hi. A lawmte toh a thang kamna mun a tuntak un, Ngal neuchik khat thang a awk amuta uhi. A lawmte'n,"Bang dia hon khem Ngalkhaat lianpi na chi a, Ngalnou khaat ahilim vele," achi ua. Innlam hong pai kal a dawite'n Ngalneu chik a ana khensak uh ahi a. Zautang in dawite khap a mu a, huaitak in a hon zuih uleh inn khat ah hon zuilutta uhi. Zautang in a chiangkhun innsung ah hon paihlut a,ka chiangkhun hong lut khinta e, chihleh lut athuah hi. Dawiten huai Ngalkhaat ana -aih lai tak uh ahi a, zu leh sa ne in abuai in ana buai zen uhi. Ngalkhaat sisa hing sak nawn in meipam lupna tung ah akoih ua, anak ging daldal hi. Zautang in, " Hiai Ngalkhaat, ka lou dai phusia, thang ka kam leh awk ahi,kei matsa ahi,hon penawn zok un," a vachi a. Huai ahihleh, chi in dawite hausapa'n Ngalkhaat kiang ah, "Zautang dai suksiatsak na hih aleh na zuih nawn mah ding ahi," chi'n thu apia a, huchi in Ngalkhaat in Zautang leh alawmte azui nawnta hi. Thang kamna mun hong tung nawn ua, Ngalkhaat in amuk a Ngalnou pen apik leh Ngalnou tuh hong hing nawn a, amun ah amah avalum a,amah leng hong si nawnta hi. Huchi bang in Zautang in a Ngalkhaat matsa, dawite khut apan asutzou hi.
Khatvei Zautang kholak avak leh pitek leh putekte innlii ah hong paikha a,innsung a akihoulimna uh aza hi. Amau tuh, "Itek tuakta ngal a hon vak ngap, i gam leng luah ding khat,om zenzen le maw?" achi ua. Huai a zak phet in, innsung ah Zautang a dianglut pah a,"Pi leh Pute aw, ken na nna uh ka sem dia,kon vak ding," a vachi hi. Amau leng ana kipahpih mahmah ua, inn ah a omsakta uhi. Zautang nasep silbawl kisan mahmah in, lou bang a giak gige hi. Lou apan zusa emsa bang api leh pute akhak zihzeh a,a sulungkim zou mahmah hi. Hun hong pai zel a, a tawp in Zautang in, zusa emsa leh gu a helkhawm a, api leh pu a khakta hi. Apu leh pite sihthu Zautang ahilh uleh aman, "Tulaitak in koi lak ah si zenzen kei un teh,azu ava a ka vakthau hi" achi a, zusa emsa bang a khak lai vial zezen hi. A gamluahtu dingte'n,a deih penpen van khatla ding in Zautang lou-giaklai a thukhak ua. Amah leng hong pai a,van lak ding pen theilou in,meithai khat a vadong hi. Meithainu'n,"Ak gil nuai a ak ek dohna zampi la in" chi in a hilh hi. Ahilh bang in, Zautang in zampi tuh hon la a, a ngaih hiam, van tungbung mual ah ka vatum ding chi in a pawkheta hi. Hon tum ngeitak a, angaih mahmah ngut hi. Pai dia hong kisakleh zampi tuh asuke kha zenzen a,ken lak ah atuk a. Tuivai li ah atuklutta hi. Tuni tan in huai tuli tuh zampili akichi den hi. Tuili nawl apan a etsuk chiang in tuili tuh daichik in amu a, zampi lazou ding in a kigingta hi. Tui a vangap chiang in lah thuk lua a sazel a,zampi la ngamtalou in,innlam ah apai khong hi.
Hun hong pai zel in Zautang in Zawlteipi kichi nungak khat hon ngaita hi. Nikhat lui ah a hohkhawm ua, Zautang in, "Tulaitak in galte om leh,ken hichi kap ding," chi a thal a kapleh nungaknu mit akap kha zenzen a. Huaiphet in anih un akap in akapta mai ua, gamhuaite'n azata uhi. Gamhuaite'n, " Tua kapkapte,lungkham akap ahih uleh i panpih dia, gitlouhman akap ahih uleh i that ding uh," hon chita uhi. Huchi in enkhe ding in hong kuan ua, lungkham a kap uh ahihlam atheitak un, nungaknu mit asukdamsak uhi. Huainung zek in hong kitengta uhi.
Anung sawtlou in Zawlteipi hong gai a, a vahpha mahmah ta hi. Nikhat loukuan dia a kisak laitak in a sung a naungek hong paukhia a,"Nu,tuni'n niliap keng in, vuah zuding ahi" hon chi a. Anu'n, "Tu nisat lailai in vuah zu ken teh,nang gilsung a om in bang thei kei teh," achi a,niliap keng lou in lou a kuan hi. Vaipai lai in vuah hong zu petmah a,a kawtgop dimdem hi. Azing in naungek in anu a houpih nawn a, "Nu,tuni'n ni asa dia,vuah azu kei ding,niliap keng koh aw,"achi nawn leuleu a. Khua nim demdawm hiven,anu'n, niliap keng ning," chi in loukuanna ah niliap hon kengta hi. Huai ni'n vuah azukei a, ni sat toh kichinglah a kisa mahmah a,aniliap ken dongkholh asa mahmah hi.
Zawlteipi nauneih hong hun a, hon neihkhiak tak in,naungek in pialkhang hon deng vang a, inn nuai a tu hi. Innnuai ah hong paukhia a,"Nu,tu hon khak dih, zusa kon tou deh," achipah mawk hi. Anu'n, "Naungek sen kisalou maw? Zum leng zumlou maw? Nang naungek in bang mah hihthei kei niteh," achih san hi. Naungek in anget teitei ziak in tut a pekhong hi. Naungek in zusa kua hon tou a, zusa tampi aman zawmah hi. Huchi in,naungek omdan lamdang asa chiat ua,amin ding in NGALNGAM hon sata uhi. Naungek tuh hong khanglian hiaihiai a, aneu apan ainei leh thilhih theitak a hong hi hi. A neulai in, apa loukuan azui zel a. Lamkhang ah apial san gaih zel a, apa malam ah chiangkhun bang in lampi ah ana kizam zel hi. Apa'n chiangkhun tawm a inntan akhuttung chiang in, innkong ah chiangkhun kawi ning a pan atawmkhe lauhzel a huchi in gim hetlou in inn atung zel hi. Ngalngam neu lai huchi bang khong dan eive.
*** KICHAIVAWT ***
©Siamsinna leh Vakiangbu
Comments
Post a Comment