ITNA HON TAISAN MO? KEN TAI SAN?

By: ES Py Thomte 

Haksat na tampi tak toh ka hong piang a, ka nu ahihleh naupang chik a hi lai in anu leh apa'n ana bei san ua. Tagah hinkhua ana zangtou hi. Ka pa leng ka nu mah bangin ahinkhua zang ahih manin amau thuaksa bang thuak ding a hon phal louh man un, duat leh deih thohtak mai in ahon enkol tou ua nuam kasa mahmah mai hi. School te bang hong kai tou in Pathian vualzawl na toh class 10 bang ka hon zou a. Ka nu leh pa kasulung kim mahmah hi. Hun leh nite hong pai zel in. Ni khat ka lawm pa Mangboi toh collage kai dia ka kuan lampi ah Ka pai lai un Sangte ki chi nungak mel hoih mahmah khatin ka lawmpa a hong hou pih hi.

Kei bel ka min theilou ahi man ka lawmpa kiang a dong in kei leng ahon hou pih a, ken leng ahon houpih na teng chauh ka dawng a ka pai san dek leh Mangboi in na kholve amah le ei college te eive i ngak keidia a hon chi a. Huchiin Sangte leng ava kisa a Mangboi toh lampi kiang ah ka na ngak uh hi. Mangboi in Lian Sangte hoih nasa hia nang a ding in gen mai diam ahon chi phut mok a. Ka chi bang a liing zozen hi. Ken leng hoihsa kahih chia hi hoih mah e mo. Hilehle gendah maini chi in ka dawng hi. A ziak bel nungak lam ana sai khalou ka hih manin ka ngam kei hi. Ka kihou lai un Sangte ahong tung a. U Lian ka hong kai lua hia sawt na hon ngakmah di uh maw ahon chi a. Kenle sawt kei chi in kuan toupih kathuah ngal hi.  

Sawtlou ka pai nung un college ka tung ua. Nungak khat toh ton kahih man un lawmte'n a honna enen ua ka zum sim man in room ah lut masa lou in toilet a kava lut masa kha zozen hi. Sawt lou nung in ka pawt a room ka lut pah ngal hi. Ka tut na mun ah ka tu a, ka ngaih tuah na a bang dang aom thei ta kei. Mangboi in Sangte hoih na sa hia nang a din i gen diam a cih teng ka lungsim aluah den a, gen sak di ka dia aw? gen sak leng hong ngai kei kha leh ka zahlak na di phet a dia aw? chih khong ka ngaih tuahtuah a ka lung buai mahmah mai hi. Thei lou kal in tawp ana hun mok a, ken leng ka beg la in ka pawt leh gate a Sangte toh Mangboi in a hon na ngak ua, Sangte in "ulian hong pawt hak na mahmah chia, bang ci e" ahon na ci hi. Kei lah pawt hak kahih lam leh ka kithei tuan kei hi. Ken len bang jiak hi kei pai sukni chi in ka pai pih pah ngal hi.

Lampi ah kihou lou hial in ka pai suksuk uleh Sangte te inn ka tung ua, Sangte alut dek tak in ken leh ann neklim aw ka chi sam hi. Sangte in le nou le aw, e....nitak chiah hong pawt un aw ahon chi a ahon lut san hi kou leng ka pai suk ngal uh hi. Lampi ah Mangboi in bang dia bang mah na gen louh eita mi chance hon kipia a chi in salh in hon sal maimah hi. Nitak ahong tung pet mah a Mangboi in a hon phone a pawt di ana kisa aw ahon chi a, kei le thumang tak in kana kisa ngal a sawt lou nung in Mangboi ahong tung tou a ka pawt pah ngal uh hi. Ken leh koi a hoh di ka chih pah ngal leh, Sangte in hong pawt ua achi veleh ahon cih leh ka lu bang lian hulhul a bang zou. Mangboi in lah hon hohpih teitei sawm ahih man in ken leng ka mai ngal deuh khak leh chi in zu tam lou ka va dawn leh ka kham a, ka va lut ngam sam hi. Thakhat in imu khang lou mah bang in khua ka phok a, sana ka et leh dak 11 bang ana ging a Mangboi lah ka cih leh pai jou ahon chi a kei le kin tak a ding in mangpha chih toh pai ka thuah leh kong khakbul aka kisuipuk a tal puak pelpul in inn lam ka pai mah hi.

Inn ka tun phet in lupnatung ka kiden na pah ngal leh bang mah lou kal in ka imu pah vang lak hi. Imut pai lua zingkal ka thoh leh 8.30 bang aging hial ta hi. Ka kihahsiang a kihah jou, ann ne jou collage kai di in ka kisa pah ngal hi. Ka kisak joh ma in Mangboi ahong tung man a, ahong tun phet in "Lian zan nitak kha na pau thei dan chu maimai lou, na gen teng na thei lai diam leh" ahon chi mok a, ken lah bang ka gen lam le ka thei mahmah kei hi. Ken le Mangboi hon hou pih na dong lou in, bang dia na hon pai san eita chi in kaleh dot hi. Mangboi in le nang hong pan pah mok hi ve chin chance hon pia ivoi a hon ceh san daih hi. Lamdang bang ka sa a ken lah ka kham man a bang ka gen lam lah thei lou, Sangte ka va gen ka ngaih tuah leh ka jum lothak a Sangte mu nawm di bang ka lin mahmah mai hi. Ka kisak joh in ka kuan pah uh leh sot kihou sim kha ka hi di ua, collage bang ka tung kai sim kha uh hi.

Ka tun un Sangte in hong tung hak na mahmah uh chia ahon na cih leh, Mangboi in nitak a ka omdan agen te ka ngaih tuah leh ka jum alah ka nuih aza a Sangte ka en a ka nui maimah hi. Mangboi in bang jiak hi kei, pai ua lut ni chi in a hon lut pih ngal hi. Sangte in nitak a ka om dan khong hon sal di ka sak leh hon sal kei vang lah a thei lou hi in teh chi in ka lung anuam tuam mahmah mai hi. Class lak lam le ka ngaihsak man kei Sangte ka en a ka nuinui mai hi. Thei louh kal in tawp ana hun man a, Mangboi toh Sangte toh ka ton suk uh leh Mangboi toh Sangte in tuni subject lak te a theihsiam louh te uh bang aki dong tuahtuah thei ua, ken bel bang mah ka thei vet kei hi. Sawt lou kal in Sangte te inn ka tung suk ua, Sangte a lut dek in lai lianlou akitun ahon pia a, ken bang di a chi in paih mang ka sawm hi. Mangboi in paih jejen lou e, chih toh ahon laksak a asakhau a aguang ngal hi. Sawt lou nung in kou le inn ka tungsuk ua Mangboi ka inn uah ahong bang a sangte lai hon piak ahon la a, ahon sim pih leh hi chi in kigelh hi.

Ami zatam lai a kei bang it leh daih a ka siang a it na simthu na hong lel lai in lia in selung suangtuah in lung ka gel chiang in pah na luankhi in tui bang hon tum, himahleh na it na simthu te lia in tak in sang leng lialung mol nau bang kah na di lel a diam, chih thei ut in na tongdam nem hai bang ngak ing. Ulian ann bang it a vang na hong ngaih taktak leh ka siang tong hong chiam in.

Laikhaklia Sangte

chih teng akigelh a ka simjoh aki pan in jannitak a bang teng va gen kha ka dia aw, chih thei ut in buai in ka buai maimah ta hi. Mangboi toh Sangte lai hon khak thu gen a ka kihouhou uh leh ann nek ana hun mok a, Mangboi le pai sak lou in inn ah ann ka nek peh hi. Ann ne jou Mangboi in ka va kisa dia pawt di, chi in a inn lam uah ava kisa a, ken bel hoh di ka ngam kei hi. Himahleh Mangboi thu leh ka nu leh pa thu sel dia ka koih louh jiak in ka kisa a, Mangboi hon tun ma in tamlou ka va pek nawn hi. Inn ka tun nawn ma in Mangboi ana tung man a, ka tun tak in ka gim in hon thei a hih non koh jong sang niteh a hon chi hi. Ken le ka hih hang in ka jong sang khak di bel ken le ka lau thou hi. Hih kei leng lah sangte kiang a hoh ngam lou di hi jel ing a buai in ka buai mai hi. Ol ol in ka vak tou ua bangtan hiam ka pai nung un Sangte te inn ka tung pet mah ua, ka lut pah ngal uh hi. Sangte te a inn kuan in ana om ua kou leng Mangboi toh bench khat a pau lou in ka va tu nilouh uh hi. Zan dak 9 bang hong ging man a Sangte nu leh pa te hong lum ua, kei le Sangte kiang a ka tu pah ngal hi. Ken le ka it na te ka damsung a di ahih dante khong gen in ka hou lim pihpih hi. A tawp in Sangte in leh Ulian tuni a pan kei ana hita kei le nang aka hita chih toh ka khut ahon kiss sak hi. Ken le sihna lou ngal in gibang khen kei ni chi in Sangte ka koiphei dek leh ka phone a hon ging a ka pickup leh..

Lian kin deuh in hospital ah hongpai in napa damlou chih teng ahon gen a, ahon koih khum pah ngal hi. Ken leng bang mah dong man lou ka hih mang in Sangte kiang a kisa aw pawt ni ka chih leh Sangte leh ahong kisa pah ngal a, zansawt tak toh auto muh di aom nawn kei a, khe a kapai thoh uh leh Sangte te inn toh kigamla sim ahihman in ka tung hak sim mahmah uh hi. Ka tun un a room leh lupna number te dong pah in ka lut ngal uhi. Lupna ah kapa gim tuak mahmah in a thum hiithit a, akiang ah kanu amah chou ana tu a, doctor pa om lou bang mah kihih thei lou achi jo mah ua, kapa ka et chiang in gim kasa mahmah a, nurse te kiang a ka gen thakthak a himahleh a hon ngaih sak nuam kei uh hi. Sangte, ka nu leh kei kapa lup na kiang a tu in ka en mai mah uh hi. Khua hongvak jok henla doctor pa hon tung jok leh chih chou ka ngaih tuahtuah maita hi. Zan lah sawt deuhdeuh kapa lah gim deuhdeuh mah a bang a, i hou pih leh lah hon dawng lou lungkham tak aka om lai un zinlam dak 3 aging toh kiton in ka pa'n ahon bei san mai mah hi. Zingkhua hong vak in kapa inn lam ah kapai pih ua vengsung Z.Y.A.ten han khong hon tohsak in, tanau laina leh hon ngai na leh hon thuak pih inn sak inn khang te toh kapa it tak in ka hon vui liam ta uh hi. Kei leh kanu vuak in hinkhua hon jang tou in, hun bangtan hiam nung in lungsim ah kapa amang deuh ta hi.

Himahleh huntam joh a bel ka ngai mahmah mai uh hi. Hun leh nite hon pai jel in Sangte toh hin khua nuam tak a ka zat touh lai un, ka veng ua nupi khen khat in Sangte kiang ah ahon na gengen sek ua, atawp in Sangte in le taksang in, khen na ding simthu hong lel in, pasal a hon neih san maimah hi. Na kasa pet mah a lungmuan na jong in khamtheih tuamtuam te hih in hinkhua ka hon zang tou ta maimah hi. Ka khamsung Sangte phok lou kahi man in nuam kasa a, khamtheihte jongsang in kanu sum muh sunsunte gai in ka hong hing ta maimah hi. Ka nu leng lungkham gop in a hon it louh ahong ngaih lou leh hilou hinapi in inn a pan ahon hawl pawt khong hi, ajiak bel ka kibawl hoih a lamet na ahi lel hi.

Lialian it na intai san mo.?Aman tai san?

-----Beita----

Hiai story kigelh phuahtawm ahi. Mimal sukzahlak na himhim or hehna ahihkei leh ahinkhua bulh tuah ahikei.. Author pa Lungsim apan hong kigelh ahizaw.

©Siamsinna leh Vakiangbu