PATHIAN THU THEITE
By: Lun Khuptong
Khatvei ka lawmpa toh ki houlim a ka omlel lai un hichin thumak leh lamdang kasak ding khat ahon genkhe mawk a, hichin ahon gen ahi. Ei lawi lak ah zaw ''MI PIANGTHAK UT HILEH UH A PIANTHAKNA DING THAM UH PATHIAN THU ZAW A THEILOU KI OMLOU DING AHI" achi hi. Tuni tan in ka lungsim ah a thamden maimah hi. Tua lungsim a thamden pen in khat khut kiang ah type in hon chi hileh aki lawm kasa a. Ka ngaihsut nate bang in leng a hiai thu khum chibilh ken hon chi uh abang hial ahi. Huai ziak in hiai thu tuh ahong piak khiak a, hon gelhkhe kahi hi. Tua ka lawmpa gen bang hial a Pathian thu theite ina hi maimah uh chih bang ka theih chiang in. Kei ah Kipahna lam ah kana lak chiang in kinak pahhuai hina tel e ‘Zouzen’ chihchih ding ahoih anahi maimah hi. A ziak bel Pianchil apan a Pathian thu thei a ut hilehang Painthak na ding khop Pathian thei a, ina om uh chih ka thei chian ah lungtun huai mahmah leh huai kan val bang ngai non ding ahia chin keileh kei bang ka lungsim ah ngaihtuah in ka nuih heuhau sek hi.
Ehe hei! ka genkhak nailou khat om hilou maw? Bang ahia leh? Tua ka gente kuate hi uh ahia? Na thei hia? Theile chin leng ka hon gen thouthou mai aw. Tua ka gente kha maw Lamka maikaih a teng ei Zomi Zotate ka chihna ahi ve. Kua maw Zomi Zotate amau maw Pathian thu a pianchil pan ua theite, Piangthak ut hileh uh pianthak na ding tham theilou om non dia ka lawmpan a gintakte ahih uh chu. Bang chi nasa a leh? A dik khin na diam?
‘’Biak In Pathianni in iva kikhawm a,
La pituten nuam tak in la ahon pii ua.
Simlei haksatna tuangnung siah leng
Sian Anglai a lungmuang ta ding a
Gim gentheihnate om nonlou ding’’
Leng diamdiam ta ding tangtawn dawng in, chih bang a ahon pii uh tuh i lungsim mitkha bang aleng sakleh tung lampek tung tou ki bang mai hiveh aw. Aban hon zawm ua.
‘’Khut ki len ni mangpha
Mangpha manni mangpha
Khitui luang ah kikhen na, hi leitung ah
Lungkhamna meipi zingnuai ah
Khuttoh hong len ding i Toupa hi’’;
Chih la bang ihon saksuk lai zokmah leh tuh Ki Centi zou mahmah ta kha hinchin maw. Tua bang a Biak in a i omchia nuam satak a om theite ina hih zawkmah uh chu Nuam mahmah dan ahi eive.
Jesu neih a lungdam huaipen
Kei dia hinleh khelh top in,
chih late bang saksak thei leh kilawm maimah ahi hi.
I Khristian hinkhua uh neukha ensuk zual awle. Piankhiakna Nu-leh-Pa Khristian hi. Kikhopna ding Saptuam kho chih veng chih ah om. Neu apan a Sunday school kaite kihi. Piching ah luttou Tuailai pawl ah kihel nawn leuleu. Pathianni zingsang ah Innkhuan tamzawten ankuang kikhopna bang ki neizel hizomah lai. Naupang, Tuailai, Nupa chialpina chihte om zeuhzeuh zomah lai. Pastor in khateng a veh gige local Pastor neiloute nangawn in. Hiaite I et vengveng leh chu Pianthakna ding khop chu Pathian thu zaw ki thei mah ding hilou hiam ahon chisak hi. Chizen sam leng high skul ah ka omlai in, ka lawmte khat kiang ah Na Piangthakta hia? Ka chihleh aman lamdangtak in huchin ahon dawng maimah hi. Piangthak nailou kahi. Aziak ahihleh bel kei piangthak leng leitung nopteente zang thei nonlou ding kahi, achitang hilhial hi. Himahleh, amah bel Pathianni chiang a EU kikhopna ah kikhoplou ahi tuan kei hi. Huai ban ah mi hoihlou hi deklou ahi hi. Kia thamlou in laibang siam petmah phak ding vual hilou ahi hi. Hiai dawnna ka muhni in chu eilak aleng hichi bang ana omta ahi maw chihna toh ka dim hi. Huai ziak in tuni tan ka mangngilh moh hial hi ai.
Pathian Thu theite zaw kihimah veh aw. Himahleh, i theihdan a dik zoulou ahi diam? Ahih kei leh zuih utlouh ziak? Nang bang ding in na ngaihsun a? Tulai a Pianthak leng ahaksa tel a eive maw? Na kei ahia? Lawmte toh zu kidawn khawm thei nonlou ding amasapen in chi uau. Nungak Tangval kal noptennate ah ki bual thei nonlou ding hi leuleu chi uai. Nundan tatdan leh tawndan ginglou mite lak ah ki veng ngaingai nonlou ding hi non leuleu. Sum-leh-pai deihta in khamtheih guihtheih khong va zuak leng lah diklou zel a maw? Hiai anuam teng I chan ding tak in kua a Piangthak ut mah dia maw? Na chi uh hia? Hilou e, Zenzen. Hi zenzen lou ahi. Hiaite zaw Khantawn gotmun meimit theilou a paih dia mansa na hih theihna ding a, zekhemna lel ahi zaw hi. Melma setan in Toupa Jesu’n hon tankhe zouta chih atheih apan in aman i Biak Pathian lungnatsak atup gige khat ana hi a. Huai tangtun sak ding in i Toupa khutsuak a bawl leitung mihingte Amah deihlou bang a om ding leh Aman setan gotna dia abawl ah, setan in nang leh kei hon tonlut pih sawm ana hi zaw ahi. Piangthak leng nuamsa lou ding leh leitung a anopna teng omlou ding bang a hon ngaihsun sak ana himahmah hi. Tua Thu te tuh thu zuau pumlou ahi hi. Bang ziak in khamtheih guihtheih na ching a, lungkham tak in na om a leitung nuam nasa tuan hia? Numei Pasal kal thangtatna a na tuklutta a kuahiam khattoh sawnna pai hiam, Sawnna paisak hiam leh anuam tuam hia leh? Nuam tuan mahmah kenteh maw? Mi athei khe peuhmah in gen kheukhou zomah uh ei. I maw Pathian Thu I awi leh maw lauh ding omlou eive. Kua hiam khat in honna gengen ta lehleng ihih louhna ahih chiang a Pathian in thuak theihna bang hon pia mai hiveh aw. Jesu neih kan anuam omlou ahi hi. Bang ziak in Jesu neite ding in zaw khovel a thilte athupi zou nonlou kei ahi ai. Leitung in thupi asakte Jesu nei mite ading in haina ana hi zaw maimah ta ai. Khovel thilte bangmah hinon talou in. Leitung a thilte thupi sak ding khat lel leng om nonlou ahive. Huai in kha ah muanna, kipahna leh lungmuanna hon tun ana hi laizang ei. Kipah huai chi uai. Leitung ah leng lai leh taksa a om ihih lai man in taksa utnate pichin sak nopnate zaw alian ding a himahleh I Toupa bang gen hiam I chihleh Mihing thuak theih val khamna himhim Toupa’n ah kuamah kiang pe ngeilou ahi chita zen veh ei I Bible ah. Ana ki ngaihsun thak mah dihleh tun ah. Bang chi nasata a Jesu neih zaik a khovel ah thilte chan ding chih maimah tuh. Nak dik kei e maw na chi theita ding hi. A ziak lianpen ahihleh maw ? Leitung thilte Pathian nei mite adia bang mah hilou Huih nung delh maimai ahi ve ua. Bang teng bang mahlou leh huih nung delh maimai hizaw daih mai ahi, chih Kumpi Solomon in I Bible ah ana gen non leuleu ei. Tua ahih man in I ngaihdan uh dik khinlou khat om hiding hiveh aw. Pathian theih manna a ngai pawl bang ki om ahih man in ngaihdan diklou pumlum ahi. Chih tuh ka gen ahi. A ziak bel Pathian hing neilou mite adia thil thupite maw Pathian hing neite adia thupi nonlou ahih man in. Sim leh Mal toh aki khiakna bang hituan ahia chih theih ding khop aki khia ana hi maimah ve.
Lawmte na Hinkhua bang in a pii a? Chih ki dong ding hita lehang ki gamla thei mahmah mai thei maw ban ah dawnna tuamtuam simseng louh pial hong lut din ka lam-en ahi. A chihleh Jesu ki pii sak leng hang lah chih ding hita le hang bang chin dawnna na pe diam? Jesu I neih leh maw nei kei mahle hang I kha muang mahmah mai eive. Nitak leh zingsang nek ding I neihnak leh leng ki lungkim thei mawk eive. Huai hih Jesu neilouten neilou uh maw amauten hauhnate ngai thupi uh hitel eive. Ki nak khiak in om e. Sum leh pai hau petmah ta lehang leh, ka koihna a bit deh aw chih bang? Ahih kei leh tunitak kuan ahong demand deh aw chih na toh? Huai chilouten leng income tax dept.te bang leng lau phaban theilai chi uai. Himahleh sum hauh hoihlou ahi chilou ihi hauhna diklou ahi igen. Imut mohna lungkhamna leh lunggimna in hon tuamzel ding eive huchi hileh maw. Sum nei in Jesu nei zomah lai le hang maw Sanggam bang chin na ngaihsun a? Nop khiak dingdan pen leitung ah leng nuamsa Vantung aleng eidia mun bawlsa om hizomah ei. Huai ziak in diktat tak in om in. I nek leh tak ding leh silh leh ten ding I suktuah zoh nak leh lungkim maile houh a nuam zaw diam maw? Bang teng gen le hang leng?
Jesu neih hinna nuam Mi haute’n a neih zolouh uh. Tua nopna pen chiam din nang leh kei zong sap in i omkha hi chih bel i haih ding ka lau mahmah mai hi. Hai nuam dah ni hang in tuate theih ni. Tuate theih ihih leh bang dia zuilou di. Lungkimna leh kipahna ki deihlou himailou ahi maimah diam maw?
©Siamsinna leh Vakiangbu
Khatvei ka lawmpa toh ki houlim a ka omlel lai un hichin thumak leh lamdang kasak ding khat ahon genkhe mawk a, hichin ahon gen ahi. Ei lawi lak ah zaw ''MI PIANGTHAK UT HILEH UH A PIANTHAKNA DING THAM UH PATHIAN THU ZAW A THEILOU KI OMLOU DING AHI" achi hi. Tuni tan in ka lungsim ah a thamden maimah hi. Tua lungsim a thamden pen in khat khut kiang ah type in hon chi hileh aki lawm kasa a. Ka ngaihsut nate bang in leng a hiai thu khum chibilh ken hon chi uh abang hial ahi. Huai ziak in hiai thu tuh ahong piak khiak a, hon gelhkhe kahi hi. Tua ka lawmpa gen bang hial a Pathian thu theite ina hi maimah uh chih bang ka theih chiang in. Kei ah Kipahna lam ah kana lak chiang in kinak pahhuai hina tel e ‘Zouzen’ chihchih ding ahoih anahi maimah hi. A ziak bel Pianchil apan a Pathian thu thei a ut hilehang Painthak na ding khop Pathian thei a, ina om uh chih ka thei chian ah lungtun huai mahmah leh huai kan val bang ngai non ding ahia chin keileh kei bang ka lungsim ah ngaihtuah in ka nuih heuhau sek hi.
Ehe hei! ka genkhak nailou khat om hilou maw? Bang ahia leh? Tua ka gente kuate hi uh ahia? Na thei hia? Theile chin leng ka hon gen thouthou mai aw. Tua ka gente kha maw Lamka maikaih a teng ei Zomi Zotate ka chihna ahi ve. Kua maw Zomi Zotate amau maw Pathian thu a pianchil pan ua theite, Piangthak ut hileh uh pianthak na ding tham theilou om non dia ka lawmpan a gintakte ahih uh chu. Bang chi nasa a leh? A dik khin na diam?
‘’Biak In Pathianni in iva kikhawm a,
La pituten nuam tak in la ahon pii ua.
Simlei haksatna tuangnung siah leng
Sian Anglai a lungmuang ta ding a
Gim gentheihnate om nonlou ding’’
Leng diamdiam ta ding tangtawn dawng in, chih bang a ahon pii uh tuh i lungsim mitkha bang aleng sakleh tung lampek tung tou ki bang mai hiveh aw. Aban hon zawm ua.
‘’Khut ki len ni mangpha
Mangpha manni mangpha
Khitui luang ah kikhen na, hi leitung ah
Lungkhamna meipi zingnuai ah
Khuttoh hong len ding i Toupa hi’’;
Chih la bang ihon saksuk lai zokmah leh tuh Ki Centi zou mahmah ta kha hinchin maw. Tua bang a Biak in a i omchia nuam satak a om theite ina hih zawkmah uh chu Nuam mahmah dan ahi eive.
Jesu neih a lungdam huaipen
Kei dia hinleh khelh top in,
chih late bang saksak thei leh kilawm maimah ahi hi.
I Khristian hinkhua uh neukha ensuk zual awle. Piankhiakna Nu-leh-Pa Khristian hi. Kikhopna ding Saptuam kho chih veng chih ah om. Neu apan a Sunday school kaite kihi. Piching ah luttou Tuailai pawl ah kihel nawn leuleu. Pathianni zingsang ah Innkhuan tamzawten ankuang kikhopna bang ki neizel hizomah lai. Naupang, Tuailai, Nupa chialpina chihte om zeuhzeuh zomah lai. Pastor in khateng a veh gige local Pastor neiloute nangawn in. Hiaite I et vengveng leh chu Pianthakna ding khop chu Pathian thu zaw ki thei mah ding hilou hiam ahon chisak hi. Chizen sam leng high skul ah ka omlai in, ka lawmte khat kiang ah Na Piangthakta hia? Ka chihleh aman lamdangtak in huchin ahon dawng maimah hi. Piangthak nailou kahi. Aziak ahihleh bel kei piangthak leng leitung nopteente zang thei nonlou ding kahi, achitang hilhial hi. Himahleh, amah bel Pathianni chiang a EU kikhopna ah kikhoplou ahi tuan kei hi. Huai ban ah mi hoihlou hi deklou ahi hi. Kia thamlou in laibang siam petmah phak ding vual hilou ahi hi. Hiai dawnna ka muhni in chu eilak aleng hichi bang ana omta ahi maw chihna toh ka dim hi. Huai ziak in tuni tan ka mangngilh moh hial hi ai.
Pathian Thu theite zaw kihimah veh aw. Himahleh, i theihdan a dik zoulou ahi diam? Ahih kei leh zuih utlouh ziak? Nang bang ding in na ngaihsun a? Tulai a Pianthak leng ahaksa tel a eive maw? Na kei ahia? Lawmte toh zu kidawn khawm thei nonlou ding amasapen in chi uau. Nungak Tangval kal noptennate ah ki bual thei nonlou ding hi leuleu chi uai. Nundan tatdan leh tawndan ginglou mite lak ah ki veng ngaingai nonlou ding hi non leuleu. Sum-leh-pai deihta in khamtheih guihtheih khong va zuak leng lah diklou zel a maw? Hiai anuam teng I chan ding tak in kua a Piangthak ut mah dia maw? Na chi uh hia? Hilou e, Zenzen. Hi zenzen lou ahi. Hiaite zaw Khantawn gotmun meimit theilou a paih dia mansa na hih theihna ding a, zekhemna lel ahi zaw hi. Melma setan in Toupa Jesu’n hon tankhe zouta chih atheih apan in aman i Biak Pathian lungnatsak atup gige khat ana hi a. Huai tangtun sak ding in i Toupa khutsuak a bawl leitung mihingte Amah deihlou bang a om ding leh Aman setan gotna dia abawl ah, setan in nang leh kei hon tonlut pih sawm ana hi zaw ahi. Piangthak leng nuamsa lou ding leh leitung a anopna teng omlou ding bang a hon ngaihsun sak ana himahmah hi. Tua Thu te tuh thu zuau pumlou ahi hi. Bang ziak in khamtheih guihtheih na ching a, lungkham tak in na om a leitung nuam nasa tuan hia? Numei Pasal kal thangtatna a na tuklutta a kuahiam khattoh sawnna pai hiam, Sawnna paisak hiam leh anuam tuam hia leh? Nuam tuan mahmah kenteh maw? Mi athei khe peuhmah in gen kheukhou zomah uh ei. I maw Pathian Thu I awi leh maw lauh ding omlou eive. Kua hiam khat in honna gengen ta lehleng ihih louhna ahih chiang a Pathian in thuak theihna bang hon pia mai hiveh aw. Jesu neih kan anuam omlou ahi hi. Bang ziak in Jesu neite ding in zaw khovel a thilte athupi zou nonlou kei ahi ai. Leitung in thupi asakte Jesu nei mite ading in haina ana hi zaw maimah ta ai. Khovel thilte bangmah hinon talou in. Leitung a thilte thupi sak ding khat lel leng om nonlou ahive. Huai in kha ah muanna, kipahna leh lungmuanna hon tun ana hi laizang ei. Kipah huai chi uai. Leitung ah leng lai leh taksa a om ihih lai man in taksa utnate pichin sak nopnate zaw alian ding a himahleh I Toupa bang gen hiam I chihleh Mihing thuak theih val khamna himhim Toupa’n ah kuamah kiang pe ngeilou ahi chita zen veh ei I Bible ah. Ana ki ngaihsun thak mah dihleh tun ah. Bang chi nasata a Jesu neih zaik a khovel ah thilte chan ding chih maimah tuh. Nak dik kei e maw na chi theita ding hi. A ziak lianpen ahihleh maw ? Leitung thilte Pathian nei mite adia bang mah hilou Huih nung delh maimai ahi ve ua. Bang teng bang mahlou leh huih nung delh maimai hizaw daih mai ahi, chih Kumpi Solomon in I Bible ah ana gen non leuleu ei. Tua ahih man in I ngaihdan uh dik khinlou khat om hiding hiveh aw. Pathian theih manna a ngai pawl bang ki om ahih man in ngaihdan diklou pumlum ahi. Chih tuh ka gen ahi. A ziak bel Pathian hing neilou mite adia thil thupite maw Pathian hing neite adia thupi nonlou ahih man in. Sim leh Mal toh aki khiakna bang hituan ahia chih theih ding khop aki khia ana hi maimah ve.
Lawmte na Hinkhua bang in a pii a? Chih ki dong ding hita lehang ki gamla thei mahmah mai thei maw ban ah dawnna tuamtuam simseng louh pial hong lut din ka lam-en ahi. A chihleh Jesu ki pii sak leng hang lah chih ding hita le hang bang chin dawnna na pe diam? Jesu I neih leh maw nei kei mahle hang I kha muang mahmah mai eive. Nitak leh zingsang nek ding I neihnak leh leng ki lungkim thei mawk eive. Huai hih Jesu neilouten neilou uh maw amauten hauhnate ngai thupi uh hitel eive. Ki nak khiak in om e. Sum leh pai hau petmah ta lehang leh, ka koihna a bit deh aw chih bang? Ahih kei leh tunitak kuan ahong demand deh aw chih na toh? Huai chilouten leng income tax dept.te bang leng lau phaban theilai chi uai. Himahleh sum hauh hoihlou ahi chilou ihi hauhna diklou ahi igen. Imut mohna lungkhamna leh lunggimna in hon tuamzel ding eive huchi hileh maw. Sum nei in Jesu nei zomah lai le hang maw Sanggam bang chin na ngaihsun a? Nop khiak dingdan pen leitung ah leng nuamsa Vantung aleng eidia mun bawlsa om hizomah ei. Huai ziak in diktat tak in om in. I nek leh tak ding leh silh leh ten ding I suktuah zoh nak leh lungkim maile houh a nuam zaw diam maw? Bang teng gen le hang leng?
Jesu neih hinna nuam Mi haute’n a neih zolouh uh. Tua nopna pen chiam din nang leh kei zong sap in i omkha hi chih bel i haih ding ka lau mahmah mai hi. Hai nuam dah ni hang in tuate theih ni. Tuate theih ihih leh bang dia zuilou di. Lungkimna leh kipahna ki deihlou himailou ahi maimah diam maw?
©Siamsinna leh Vakiangbu
Comments
Post a Comment