PATHIAN maw SUM...???
By ~ Umuan Ton's Dsp
Simtu deihthohte chibai!
I simlei bouruak kikhek dan i et vengveng chiang in sum ngen a vaihawm i bangta uhi. Khotang hi’n Saptuam lam ah muh theih hetlouh in sum deihtaakna/deihthohna lianpi tak om chi leng i khial khol kei hial ding. Sum deihtaakna i lak uah a hiipi leng a,miteng lungsim a belh vekta hi. I biakin leh i Innte uh hoih leh thupi deuhdeuh ahih hang a asung a om mihingte in PATHIAN i neikei hiaihiai uhi.
Sum i chih a zatdan dik a i zat a, muh dan dik a i muh in tuh a hoih mahmah hi. A ziak bel sum lou in i om theikei chi leng i khial het kei ding. I niteng nek leh taak, silh leh ten leh i poimoh tuamtuam leina ding in i poimoh chiat hi. Himahleh i sum zatdan ahih keileh i sum muhdan a diklouh in zaw sum tuh sualna bulpi hoih tak ahi. PATHIAN nei teng in zaw sum a neih ua, himah leh sum nei teng in PATHIAN a nei kei uh.
Khotang (i society, politics) lam en le hang kiniamkiak deuhdeuh hi leh kilawm. Niamkiak ka chihna ziak bel i sab lian (officer) i neih sunsun te un lah hon sih santa, amau thakhek ding lah omta lou. A tate un lah apa te sulnungzuih malak ah drugs khawng a kibual. A hoih te le apa te uh pha zoulou/ a tha khek zoulou ngen hisim uh. Khangthak/tuailaite lah drugs lam ngen, sepna mu lah tawm deuhdeuh. Laisiam lah kiam hiaihiai, huchi kei le lah IAS bang le kitam lawta ding hi a. PATHIAN i theih louh luat ziak hia, ahih kei leh sum thil hihtheihna i muanluat ziak a kiniamkiak..?? ahih keileh PATHIAN hamsiat (curse) a om i hi ta ding uam chih bang le ngaihtuah tham ching mah mah hilou hiam.?? En vengveng le hang mihausa te’n ah Pathianni nasan hun awng nei vaang mahmah ding uh. Pathianni a kikhawm ding a kuan na mu vaang awm... A tam zaw tham in PATHIAN limsak lou, mihausate kia le hilou mivantang le huchi thou uh. A kam ua bang TOUPA/PATHIAN chichi sim zezen uh lah a chih sung kia uh PATHIAN thei, a dang hun a PATHIAN uh koi a koih a ding uam ah, kithei talou. A huchite tata lah Khotang lam khawng a kihah zat pente ana hizel uh. PATHIAN thil hih theihna muang tawm deuhdeuh, sum thil hihtheihna muang zaw kitam hiaihiai. I gam in hoih lam sang a siat lam nawt zawta. Phattuam ngaihna, itna, zahna lah tawm deuhdeuh nekgukna, angma sialna, huknate lah theih phak louh a pung hulhul. Thilsai, vaisai nei dek peuhmah in lah PATHIAN kiang a kilat leh thum sang a, sum mah a poimoh pen a koih. Poisakna lah om nawn himhim lou, sum muhna ding a hih nak leh mithah leng poisalou. Sum ziak a nupa kal buai lah tam a tam mai. Gou kituh lah niteng phial a pung (Gou kituh ziak a kiheekna case bang chuh tam hi ta mai, huai lak a pending bangzah hiam le omlai). Mahni a kigintakna (self-confidence) bang chuh bei himai, sum i neih nak leh chih ngen hita lou hiam sanggam..??
A khen in chuh kikhang mahmah in a thei ding uh, adik leng a dik mah ahi. Technology lam ahih kei leh khovel thil lam peuhpeuh ah i khang hat mahmah uhi. Theihna, siamna, pilna ah nidang toh teh in i khang in i changkang zaw thamta uhi. Himahleh, Pathian thu lam ah i khang hetkei uhi. Kumkhat a BIBLE zilzou toh kumkhat a Sepaih lut zah na teh kak kha ngei himhim uh hia? Pathian nasem/missionary te'n kum khat in Christian hong lutthak bang zah a ngah ua? Amau Pathian nasem, gim leh tawl khok salou leh sih leh hin kal a ding te'n bang zah a loh ua? Ei Inn sung a tu a suai khat kaih man hiam, mi fund ding ana negute toh i kikhai tel uh maw !! Ahih hang a lah amausa tam loh zaw hizawmah lai. A diak a Manipur bang chuh sepna/kaam i neih ut leh sum neih ngai. Sum seng hetlou a sepna nei khate bang chuh nak hamphat lua uh himai. Sem hetlou a sum muh theihna kia hilou hia tulai a te'n i zongzong uh. Sum muhna ding ahih nak leh taksa zuak leng poi salou leng tam khop i omta uh. I taksa manphat dan thei le hang zaw maw kuamah khoih dia le phallou di hi hang a. Sum deihtaak chuh gilou chiteng bul ahi chih zaw ana dik mahmah ahih dan theih suah thakthak in a om ka chi.
Saptuam/Sahkho lam bek ana hoih/pha dawm ding i sak leh koi lak ah, ana uang zaw hileh kilawm. Saptuam a hih ziakin kuaman a gengen khol kei a a kithei khol kei a hiven. Leikha in lei kawm a khuam i koihte ana nene chih toh kibang chet. Ana ne uh chih tuh thei himah leh saptuam khat hihna a kua man gen thaang lou (hiai hun khawng a ui-le-aak i bat ding uh hi a, hun dang khawng a i bat sang in). PATHIAN thu, a thu ngen a gen, practical tak a hih/gen peih omlou, a om sunsun te le a hih thadah tu khawng a pang sawm zawmah lai (sum lam hile zaw i diang pah kei ding ua maw..). PATHIAN thu bang gen a gen thei mai, lah amah mah sungkuante nasan in le zuilou. A inn khawng ua batsiik om zou gige chih khawng mai mai hi. Saptuam a makai ahih kei leh UPA utna ziak khawng a sawm-a-khat pia. Saptuam phungvuh na ding chi’n sum tam pipi thoh, lah lungsim tak a huai hi teuhlou, maban saupi geel khol ana hi mai mah. Sum a PATHIAN lei sawm mah i bangta uh hilou hiam? I maban ding uh chuh lauh leh lungziing huai himai. Zu kham khat in a gen“ PATHIAN thu ka-oi kei di, aziak bel duh ka hau. Ka sih dek chiah vangam ticket ka lei dia vangam ka kai thou di”. Hiai mahmah in lungsim hon dawt chenchen eive. Sum thil hih theihna i muandan uh. Makhai (50 paise) bang le negu om veve. Lamdang khatel.
Gen sau zek lai le , sum neihlouh ziak hia chih zaw thei khang, DAN (law) palse zen a zi leh ta khawng nei ziahziah ta mai. Saptuam a makai lian tak lah hi ngal zi pi pen le silou hilele a dang neihsan chih khawng. Kiguk khawng “TULAI DAN” kichih thoh hita mai lou hia? Saptuam khat a mipoimoh mahmah khat hi ngal, inn mun khawng a leh-khaden deng khawng a hun zang mai, huai le sum kibet hilai. Huai phet hileh hoih ding hi a, biakin hiam saptuam hiam in nasem ding chih chia le Sumloh ding a hih kei leh kuan nuam selou. Sum ahih naknak leh Pathianni nilou chih om selou sem suk, nesuk pah mai bang le adim ahaa a ki-om zel. I mangbat hun chiang chauh a PATHIAN phawk akal lak a lah koi a om a chih le theilou. Damlouh, dahni, mangbatna i tuah chiang chauh khawng a PATHIAN thei. BIBLE munkhat a tu a sim sang a T.V, Computer, Tablet. Iphone chih khawng khoih nuam zawta. BIBLE bang le tawi peih nawn lou i ding uam ah, software a bawl in phone a koih, huai khawng sen zeih. A leh lam a zaw changkang na khat hi veve. Uang gen lai le BIBLE sim sang a bang chuh nikhat naudon peih zaw pawl bang le ki om dan eive.
PATHIAN thu buaipih i kisak lailai un eimah lemchan theihna di kia ngaihtuah i hizaw ding uam? I damsung teng sum i poimoh chiat uh. Sum tellou in bangmah i sem theikei ahi chih leng i thei himahleh PATHIAN tellou in sum zaw bangmah ahi kei a, sum hauh ziak a VANGAM lut ding leng na hi tuan sam kei hi. Huai ziakin eimah kivel chian thak a poimoh hi. PATHIAN it i kisak lai in sum it i hih khak ding lauh huai mahmah hi. Sum na deih/it luat ma in PATHIAN it/deih masa le chin sum neisa na himai ding. Hiai khovel a gou na khol sang in vangam ah nagou ding khol khawm zaw in. Sum deih leh sum a hatna muang na hi hia ahih keileh PATHIAN it a, ama thil hihtheihna muang, chih kivelchian thak in. Hiai khovel a sum tampi nei a PATHIAN neilou hia ahih kei leh bang thupi neilou himah leh PATHIAN nei hia na ut.? PATHIAN tel ding na hi hia? SUM tel ding.Na thu ahi, tel meng in a kikhel ma in.
PATHIAN in sum it hilou a nang ahi hon it, nang mahmah hon chi tinten ahi. Ahihleh nang PATHIAN chilou a SUM mah chi tinten lai ding maw?? Sanggam kingaihtuah thak dih ve ni.
© Siamsinna leh Vakiangbu
I simlei bouruak kikhek dan i et vengveng chiang in sum ngen a vaihawm i bangta uhi. Khotang hi’n Saptuam lam ah muh theih hetlouh in sum deihtaakna/deihthohna lianpi tak om chi leng i khial khol kei hial ding. Sum deihtaakna i lak uah a hiipi leng a,miteng lungsim a belh vekta hi. I biakin leh i Innte uh hoih leh thupi deuhdeuh ahih hang a asung a om mihingte in PATHIAN i neikei hiaihiai uhi.
Sum i chih a zatdan dik a i zat a, muh dan dik a i muh in tuh a hoih mahmah hi. A ziak bel sum lou in i om theikei chi leng i khial het kei ding. I niteng nek leh taak, silh leh ten leh i poimoh tuamtuam leina ding in i poimoh chiat hi. Himahleh i sum zatdan ahih keileh i sum muhdan a diklouh in zaw sum tuh sualna bulpi hoih tak ahi. PATHIAN nei teng in zaw sum a neih ua, himah leh sum nei teng in PATHIAN a nei kei uh.
Khotang (i society, politics) lam en le hang kiniamkiak deuhdeuh hi leh kilawm. Niamkiak ka chihna ziak bel i sab lian (officer) i neih sunsun te un lah hon sih santa, amau thakhek ding lah omta lou. A tate un lah apa te sulnungzuih malak ah drugs khawng a kibual. A hoih te le apa te uh pha zoulou/ a tha khek zoulou ngen hisim uh. Khangthak/tuailaite lah drugs lam ngen, sepna mu lah tawm deuhdeuh. Laisiam lah kiam hiaihiai, huchi kei le lah IAS bang le kitam lawta ding hi a. PATHIAN i theih louh luat ziak hia, ahih kei leh sum thil hihtheihna i muanluat ziak a kiniamkiak..?? ahih keileh PATHIAN hamsiat (curse) a om i hi ta ding uam chih bang le ngaihtuah tham ching mah mah hilou hiam.?? En vengveng le hang mihausa te’n ah Pathianni nasan hun awng nei vaang mahmah ding uh. Pathianni a kikhawm ding a kuan na mu vaang awm... A tam zaw tham in PATHIAN limsak lou, mihausate kia le hilou mivantang le huchi thou uh. A kam ua bang TOUPA/PATHIAN chichi sim zezen uh lah a chih sung kia uh PATHIAN thei, a dang hun a PATHIAN uh koi a koih a ding uam ah, kithei talou. A huchite tata lah Khotang lam khawng a kihah zat pente ana hizel uh. PATHIAN thil hih theihna muang tawm deuhdeuh, sum thil hihtheihna muang zaw kitam hiaihiai. I gam in hoih lam sang a siat lam nawt zawta. Phattuam ngaihna, itna, zahna lah tawm deuhdeuh nekgukna, angma sialna, huknate lah theih phak louh a pung hulhul. Thilsai, vaisai nei dek peuhmah in lah PATHIAN kiang a kilat leh thum sang a, sum mah a poimoh pen a koih. Poisakna lah om nawn himhim lou, sum muhna ding a hih nak leh mithah leng poisalou. Sum ziak a nupa kal buai lah tam a tam mai. Gou kituh lah niteng phial a pung (Gou kituh ziak a kiheekna case bang chuh tam hi ta mai, huai lak a pending bangzah hiam le omlai). Mahni a kigintakna (self-confidence) bang chuh bei himai, sum i neih nak leh chih ngen hita lou hiam sanggam..??
A khen in chuh kikhang mahmah in a thei ding uh, adik leng a dik mah ahi. Technology lam ahih kei leh khovel thil lam peuhpeuh ah i khang hat mahmah uhi. Theihna, siamna, pilna ah nidang toh teh in i khang in i changkang zaw thamta uhi. Himahleh, Pathian thu lam ah i khang hetkei uhi. Kumkhat a BIBLE zilzou toh kumkhat a Sepaih lut zah na teh kak kha ngei himhim uh hia? Pathian nasem/missionary te'n kum khat in Christian hong lutthak bang zah a ngah ua? Amau Pathian nasem, gim leh tawl khok salou leh sih leh hin kal a ding te'n bang zah a loh ua? Ei Inn sung a tu a suai khat kaih man hiam, mi fund ding ana negute toh i kikhai tel uh maw !! Ahih hang a lah amausa tam loh zaw hizawmah lai. A diak a Manipur bang chuh sepna/kaam i neih ut leh sum neih ngai. Sum seng hetlou a sepna nei khate bang chuh nak hamphat lua uh himai. Sem hetlou a sum muh theihna kia hilou hia tulai a te'n i zongzong uh. Sum muhna ding ahih nak leh taksa zuak leng poi salou leng tam khop i omta uh. I taksa manphat dan thei le hang zaw maw kuamah khoih dia le phallou di hi hang a. Sum deihtaak chuh gilou chiteng bul ahi chih zaw ana dik mahmah ahih dan theih suah thakthak in a om ka chi.
Saptuam/Sahkho lam bek ana hoih/pha dawm ding i sak leh koi lak ah, ana uang zaw hileh kilawm. Saptuam a hih ziakin kuaman a gengen khol kei a a kithei khol kei a hiven. Leikha in lei kawm a khuam i koihte ana nene chih toh kibang chet. Ana ne uh chih tuh thei himah leh saptuam khat hihna a kua man gen thaang lou (hiai hun khawng a ui-le-aak i bat ding uh hi a, hun dang khawng a i bat sang in). PATHIAN thu, a thu ngen a gen, practical tak a hih/gen peih omlou, a om sunsun te le a hih thadah tu khawng a pang sawm zawmah lai (sum lam hile zaw i diang pah kei ding ua maw..). PATHIAN thu bang gen a gen thei mai, lah amah mah sungkuante nasan in le zuilou. A inn khawng ua batsiik om zou gige chih khawng mai mai hi. Saptuam a makai ahih kei leh UPA utna ziak khawng a sawm-a-khat pia. Saptuam phungvuh na ding chi’n sum tam pipi thoh, lah lungsim tak a huai hi teuhlou, maban saupi geel khol ana hi mai mah. Sum a PATHIAN lei sawm mah i bangta uh hilou hiam? I maban ding uh chuh lauh leh lungziing huai himai. Zu kham khat in a gen“ PATHIAN thu ka-oi kei di, aziak bel duh ka hau. Ka sih dek chiah vangam ticket ka lei dia vangam ka kai thou di”. Hiai mahmah in lungsim hon dawt chenchen eive. Sum thil hih theihna i muandan uh. Makhai (50 paise) bang le negu om veve. Lamdang khatel.
Gen sau zek lai le , sum neihlouh ziak hia chih zaw thei khang, DAN (law) palse zen a zi leh ta khawng nei ziahziah ta mai. Saptuam a makai lian tak lah hi ngal zi pi pen le silou hilele a dang neihsan chih khawng. Kiguk khawng “TULAI DAN” kichih thoh hita mai lou hia? Saptuam khat a mipoimoh mahmah khat hi ngal, inn mun khawng a leh-khaden deng khawng a hun zang mai, huai le sum kibet hilai. Huai phet hileh hoih ding hi a, biakin hiam saptuam hiam in nasem ding chih chia le Sumloh ding a hih kei leh kuan nuam selou. Sum ahih naknak leh Pathianni nilou chih om selou sem suk, nesuk pah mai bang le adim ahaa a ki-om zel. I mangbat hun chiang chauh a PATHIAN phawk akal lak a lah koi a om a chih le theilou. Damlouh, dahni, mangbatna i tuah chiang chauh khawng a PATHIAN thei. BIBLE munkhat a tu a sim sang a T.V, Computer, Tablet. Iphone chih khawng khoih nuam zawta. BIBLE bang le tawi peih nawn lou i ding uam ah, software a bawl in phone a koih, huai khawng sen zeih. A leh lam a zaw changkang na khat hi veve. Uang gen lai le BIBLE sim sang a bang chuh nikhat naudon peih zaw pawl bang le ki om dan eive.
PATHIAN thu buaipih i kisak lailai un eimah lemchan theihna di kia ngaihtuah i hizaw ding uam? I damsung teng sum i poimoh chiat uh. Sum tellou in bangmah i sem theikei ahi chih leng i thei himahleh PATHIAN tellou in sum zaw bangmah ahi kei a, sum hauh ziak a VANGAM lut ding leng na hi tuan sam kei hi. Huai ziakin eimah kivel chian thak a poimoh hi. PATHIAN it i kisak lai in sum it i hih khak ding lauh huai mahmah hi. Sum na deih/it luat ma in PATHIAN it/deih masa le chin sum neisa na himai ding. Hiai khovel a gou na khol sang in vangam ah nagou ding khol khawm zaw in. Sum deih leh sum a hatna muang na hi hia ahih keileh PATHIAN it a, ama thil hihtheihna muang, chih kivelchian thak in. Hiai khovel a sum tampi nei a PATHIAN neilou hia ahih kei leh bang thupi neilou himah leh PATHIAN nei hia na ut.? PATHIAN tel ding na hi hia? SUM tel ding.Na thu ahi, tel meng in a kikhel ma in.
PATHIAN in sum it hilou a nang ahi hon it, nang mahmah hon chi tinten ahi. Ahihleh nang PATHIAN chilou a SUM mah chi tinten lai ding maw?? Sanggam kingaihtuah thak dih ve ni.
© Siamsinna leh Vakiangbu
Comments
Post a Comment