KHEDAP KHUIPA TANU
By ~ Pau Lian
Nipini khat lawmte sawtpi damlou, damdawi inn a lupna ngak a om ahih ngal leh vaveh ding hinte chi in ka lawmte mi nih tawh Lamka damdawi inn ah kava hoh tei ua, ka gintak sangmah in damlou a tam a, damdawi inn varandah natawm ah leng damlou ana ki vualdim metmot zezen hi. Ka lawmpa uh lupna pang ah tukawm in kakiim kakiang ate ka ban et a, damlou gim leh tawl chi taktak, akha a sim hiai damdawi in a kikem a om khenkhat kamuh in hehpih huai uh kasa a,lah bangmah panpih theihna neilou kahih ciang man in ka lungsim in "damtheihna kichi khawng kipahhuai ahih dan kana phawk kei a hiven, hampha tak keive" ka chi a, ka dakkual zomzel a, nasa a thum huthut lah beilou,lupna tung toh kilhkhop bangmai a gawng diingdiang, mihing mel leng puloukhop a omten keibang a damna neite a muhchiang un a hon eng dingdan uh khawng peuh kava suangtuah mawkmawk hi. Ka damlou vehpa uh ana ihmut toh damdawi inn a damlou veh a mi tamlua omding thunei tuten a phal luatlouh ziak un kouleng damlouh vehna ding chi a sum tamlou katawi te uh pia in konglam ka manawh uhi.
Damdawi inn i theihchiatsa mahbang in a huih a gik a, damlou lak a hoh aki hihziak leng ahi ding a, lukhawng gik sim bengbung abang e chikawm a kihou a ka pailai tak un innkong a step bul ah thakhat in auto hong khawl a, a sung a tuang nupi khat in koulam hon en in, lawmte damlou hon doppih zual uau, a gimlua hon chi a, kouleng a bul mahmah a omkha kahih man un kava dompah ua, bang kilawh kha a chih leng kathei bunkei, nasa ahi ngei dia, ka zawng sung mah unleng aki tung a, suahtak sawm hi awmtak in akhe te tha pia in akipek ekek a himahleh nungak tung lakvel, thapan chik ahihman in ka lenkip zou hamham uhi. Emergency room sung a damlou kava lupsak zawh in a polam ah ka pawt uleh doctor pan hon sam a, damlou sungkuan te honpai un chi in kou hon en a, kouleng theihkha lou chi dan in kalu uh kapei ua, huai auto a nupi nu omna ka zong maimah uhi. Auto omna mun ka en ua, himahleh auto leng ana omnawn takei, lamdang kasa ua, doctor pa leng hamhai tak in a dak a, ana paikei un aw nou hon chi a, emergency room sung ah a lutnawn hi.
Kouleng ki-entuah in hiai ei buaina di hi mahmah kei, theihngei, tanau le hi loupi, denchiah ei bangkhem khawng sakha in hon ngoh mawk kha unteh ka chi ua, paidin kaki sa nutnut ua lah kaki ngaihtuah chiang un a damlou nu lah gimngal, a tanau a theihpih tu ding natawm leng neilou chi in ka ki-awi kei ua ka kik zel ua, lawmpa khat bang in numei ahih ziak a awlmawh sese ding le ahi tuan a hia, awlmawh huai hileh a sungkuan ten awlmawh lotel lou ding uh maw hon chi a, kuamah theihpih luat louh in kou teng a damlou sangmah a leng buaizaw dektak in kana kina nilouh uhi. Damdawi inn step bul a damlou tuahkhak telak a mak kasak pen uh ahih dan kaki houlim lai un nurse a sem, senior mahmah khat a hong pawt a, hiai damlou kha serious sim ahi, anu apa a tanau nou theikhalou chih mawk, amukha peuh in nou auto a non dopkhiak uh ahi hon chi ua hon chi hi, kou leng thil omdan genkhawm in mipi bangzah hiam thuduh kisa in ka ding depdup ua,a damlou pen a meltheih kha om zenzen hiam chi in khatkhat in kiim leh kiang nai a omte kava ki et khel uh. Nitum kuan a hong hih tan in leng kuamah a theikha a om kei a,lamdang sa in hiai damlou nu Lamka mi hilou ding ahi, a damsuah leh a pauzawh chang in kitheichian pen inteh chih tuh ka gentheih sun uh ahi.
Kuapeuh in leng awlmawh leh vei a neichiat in a kong ah aki ngak seuhsouh a, a pilvang thei ten a mobile ua limla in damdawi inn kong a hong paikha, thukan khapeuh ana lakzel uhi, lamdang tak in kuamah a theikha kichi a om kei, amah lah khophawk lou a lum dap mai, si hileh kilawm in kava et teng in ka lung himawh a, doctor pa kiang bang a houh a si zaw hi zensam kei maw kava chi a, doctot pa bang ana nui hial hi. Painuam kei lengleng gilkial lota ahih na toh kouleng a guk a paisan maidia ka kisaklai uh papi khat cycle in a hong tai a, mipi kipunkhawmte lam hon enphei gawkgawk zezen in hon hat taiphei hi. A gaal a cycle taipa ana enten leng huaipa houh a diam maw a pa chi in kinem lomawk khat in kana kamka hial ua, kakiang uh a hong tun in bangthu om a chi in hon dong a, kouleng thu omdan ka hilh zawh un amah leng tua damlou nu omna room sung ah valut asawtlou nung in a hong pawt a, hiai nu maw na theih louh uh, huai Teddim Road a bihari pa dawr kiang a khedap bawlpa tanu nu ahi. Apa'n zaw damdawi inn a a luplam theih chi mahmah lou hiveh aw, tun bel a tunawn kei dia a inn lam uah vasap ngai nave hon chi hi. Kou a kiang a omten leng a paitak leh zaw a inn veng ten a tanu damlouh lam ana hilh dia hon delh mahmah na inteh ka chih ua himah leh huai papi pan, mawkmawk eive, a tanu toh kimu khangei ding hivual lou ahi, a thei mahmah kei ding, vasam mai un a chi hi. Papi pan vasam un a chih khit phet in doctor pan koulam mah hon mitsuan ngal a, lawmte nou a tangzang deuh mah in nava sap uh hoih ahi, na gari tui man uh leng hon pena veng hon chi a, kou leng, huaihial zaw ngai mahmah kei, chi in apa sam din ka kuanta uhi.
Lampi a ka taikawm un khongaih huai kasak dan uh ka gen khawm ua, u-leh-nau, nu chih ding bek neilou khat ahi a hia chi in lamdang sakna kia in ka dim uhi. Mihing khat kihi diam ahi dia awlmawh luat ziak in gilkial bang a phawkpha kuamah om nonlou in a tawp in a genna inn uh ka tung ta uhi. Huai inn tuh a mial khipkhep a, kuamah omlou a dio chi in kongkhak lam ka manawh ua, kongkhak kieu dia ka kisaklai un a innsung ah mikhat khuh puak liapliap ka za ua, eh om eive ka chi ua kouleng kong kava kiuh ta uh. Kong ka kiuh utoh kiton in papi gawng dingdiang khat a hong pawt a, nuihmai tak in a khut in hon huai a, paulou in lut un chi awmtak in a innsung lam a kawk hi. Lawmpa khat in hilou ahi pa, ka tuman kei ding uh, na tanu damdawi inn ah a om a huai hilh dia hong pai kahi uh chih a gen toh kiton in a nuihmai mel a hong mual a, a chi a hong liing a, innsunglam ah kinawh tak in ava dianglut a, puanza siang lolou 3 toh a bazar bag kithuap nitnet khat hon kuahkhia a kou leng hon ngak man nonlou in a liangkhe zonzon hi.
Kouleng mak sawnsawn na e thil omdan chikawm in tua khedap khutpa taina lam ka delh phei ua ka man khawl ua, gari a tuang din ka hilh ua, ka tuan chiat zawh un damdawi inn lam ka zuan uhi. Lampi a gari a ka tai sung un tua khedap khuipan thu a thei nuam mahmah a, a mai te mual chihtak a mual kawm in a khut te a vai a, himah leh kou bel bang genna a chih ka theikei uh, a khut te a liing a, a khenchiang bang in hon chibai thethup a, tua mipa bel a khatna ah pautheilou ahi chih ka man chiat ta ua, a nihna ah a a tanu nu damlouh kava hilh uh kipah etsakna a hon chibai hi ding inleng ka um nawn uhi. Sawtlou ka tai nung un damdawi inn ka tung ua, Gari kong kihongpan himah leh huih bangmai in tua a tanu khophawk lou a lupna ngak a a om nalam a delh phei a, vangphat huaitak in tua emergency room pen doctor pan a khak khaklouh man in ava phuhong a, doctor te'n a vel chetlai uh a tanu ava angpom a ava kah khum zoihzoih maimah hi. Doctor te'n leh tua mipa ana pum mat in hun nailou ahi, a dam ding chi in hon sawl pawt ua himah leh mipa bel a tanu omna room kong bul a ding in khitui luang kouhkouh kawmtoh kongkhak lam mitsuan in tulou hial in a dingden hi.
Tua mipa khasiat dan kamuh un lamdang kasa ua,papisia khat hial hichi bang a khasia a kap huthut muh masak na ahih ban ah ka lung uh leng hon khoih ahi ngei dia, pai ding vai leng ka sawmkha nawkei mawk uhi. Hehnep siam a kamsiam lua lah kihi lou,bang lawh a phading a dio chi a ngaihtuah kawmkawm a ka omlai uh lawm pa khat in kou dawn ding leh khedap khuipa dawnding chi in theitui va lai a.koulak a kamsiam zawdeuh chi in a pedin kei hon sawl uhi,kenleng kava naih a. Hiai i dawn phot ding uh aw pa, naunu leng a hong hoih pahta ding chi a ka piak leh a sang nuamkei, a mai ka en a, aki suanglah mahmah chih ka thei,a biang ah khitui a pak niuniau a, naupangsia khase tak a ki diik hithit bang in ana om hi, dawn in chi in kapiak sawm teitei chiang inleng hon nawlkhin a, a tanu lupna lam a kawk a, a khut a pei zel, bang a chih na a dio chi kawm in keileng tulh zoulou kisa in kaki hemkhia a, lawm tetoh a khut veidan te hisap in a lungsim ding ka bawlsak zel ua. Khedap khuipa'n zaw a tanu damlou a gimtak a a omlai a amah vuak a ne a dawn nuamlou himhim hidi eive ka chi uh.
Nitak lah sawt ding ahi ta, lawmte toh ki-entuah in awlmawh huai sa kawm pipi in ka hi leiluai ua, pai lah uthuai mahmah ta, sungte awlmawh a om ding lah utlou aki hih man in paimai di uam ki chichi napi in ka pai kha thei tuankei uhi. Huchi a thu tuamtuam kihoulim a ka omlai un doctor pa hong pawt a, apa kiang ah damlou in sisan unit nih a poimawh ding, kintak in na ngaihtuah theih dandan in ngaihtuah in a chita hi. Khedap khuipa hon kisa thutthut a, a khut a sigui paite kawk in a sisan lakhe pah din sawl hi. Doctor pan leng khedap khuipa a en a, a awi hetkei chih akilang mai hi, khedap khuipa bel et mai inleng hatchi mahmah lou, kum 60 vel ding mi, a upat dan sel vuallouh in a sam ah leng aki lengta, himah leh ama a sese piak a ut tinten hi. Doctor pan leng a hilh theih dandan in a hilh a, tanau nai na neih leh tha hatlai te a lani a chih chiang in a khut a peisan zel a, sum na neih leh damdawi inn a blood bank ah lei ni a chih chiang in a sakhau a pan in a sum neihsun teng 85 a hon lak maimah hi. Doctor pa leng patau in ka kiim ka kiang ua omte lak ah sisan poimawh petmah pe ngap na om guih ua leh a sum ken ka seng ding hon chi a, mi tamkhop in a poimawh luat intuh panpih ngaite panpih na in i pe kei dia a chi uhi, himah leh khedap khuipa'n a phal kei, a tanu satung a sisan lut ding ama a pan a lakkhiak a deih a, a tanu sigui sung a luang ding sisan a poimawh zahzah ama a pe ut tenten kisa in ling thetheuh zezen hi. Mi tamtak in khou mah le uh khouh zawh ding ahi kei, huchi in a tawp in damlou nu tuh a pa mahmah in sisan pia heh chi in doctor pan a thukim ta hi.
Sisan kipia a hon omlouh san sung un kou leng pai ka sawmta ua, sum toi tam hiliai le ung piak uthuai na e chi a kihek leiluai kawm in kaki entuah ua, theitui poimohlou leisang in a sum in pia himai leng phatuam nanchia maw ka chi ua lah hih theih huai hun in ka neihlouh man un zingchaing a va enkhe thak mai ding chi a ki thukim in innlam ka zuan ta uhi.
Zankhua a ihmu mawh hial in nitaklam a ka thiltuah lupna tung ah ka ngaihtuah a, panpih ngai lua uh ahih dan ka ngaituah a, zingchiang a hohman teitei a bang hiam khuttawi thupi deuh khat piak ding tum in sungte kiang a ann nek lai a leng ka genlawk zezen hi. Kum hiaitan ka phat nung natan a leng hichi bang a thil khasiat huai tuak kha nailou ka hih na ah zan ihmu mawh hial in ka ngaihtuah a, a hinkhua ulah theih hilou, lamdang satak in manglam a matkhak ding bang sa khanak in lupna tung ah huai pata te ka mitkha ah zan khovak a khitui naptui toh hun a zang lai mah di uah aw ka chi a ka ngaih tuahtuah leh a tawp in theih louh kal in ka ihmut san kha ta hi.
Zan sawtpi ihmu lou aki hih man in ka khang ma a, thouphet a ann ne in lawmte toh kaki dawpna sa uh damdawi inn lam mah awlmawh a nei in ka diang khe nawn uhi. Damdawi inn ka tun un vangphat huaitak in staff nurse a sem, a nima a ka buaikhop pih nu utoh kaki tuak ua, damlou te lupna lam ah hon kha in huailam ka zuan uhi. Huai hun in bel thil paidan ana ki khek ta, Khedap khuipa tanu bel khophawk leh pauzou in lupna khat ah ana lum a, khedap khuipa bel a tanu pam ah khua phawklou in siasn mah piak in ana om maimah hi. Kouleng tua khedap khuipa tanu nu toh anima nitak a thil omdan genkhawm in pau zoulou sasa himahleh gen ut tamtak nei a hihdan hon hilah a, gim leh leng gen ding a hih dan hon hilh a kouleng ka ngai khipkhep ta uhi.
Khathum paisa in kapan damlouhna, kal a suang om, hon tuak a, chimawh tak in a dam na ding a poimoh sum muhna ahih khak leh chi in, zontheih zonmawh in ka nih un ka zong ua, innsung a mi 2 chauh om ann leng nekhawm manlou hial in ka hihtheih teng un sum ka zong ua, ann te bang ngawl in, huai a sum koih khiak theih liai koihkhia in kan pang ua, kapa damna ding ahih nak leh chi in kapa sesaklou a damlou chi a om awl sak ut himah leng kei a tanu naupang chik sum keivuak a zong chih a theih chiang in hi sathei lou in aman leng a hih theih bangteng in sum a zong a, kei lam ah ka ngaihtuah na ah, ka pan kei tagah kanu nawi leng tep manlou hiaitan a piching a hon khoikhiak ngal a ahih leh ama damna ding in ama sang in a khep nga in sum ka muhkhiak ding ahih ka chi a kana zong a, himah leh siam neilou, tagah mawlchik aki hih na ah ka sum sen ding uh poimawh dingteng zong mu zoulou in,aki aat dinglah tukal kiginni hi zomah ahih chiang a chi a muh teitei sawm in ka taksa tung a zuak theih teng kana zuak a, huchi in leng ka ngah zou kei, chimawh kisa in kizuakna inn te ah kapa theihlouh in ka kizuak a, kalkhat bang amah toh kimu lou in ka omta, tun sing bangzah hiam in samlai ahih man taina ding lah theilou, lungkham leh mangbang in ka om a, kizuakna mun te alah advance a sum lakkholh theihlouh ahih man in buaiisa in ka taksa tung a ka neih nanung pen sisan zuaktheih zahzah zan zingkal a pan in ka zuakta. Ka sisan a khaih khia ua, gilkial ngoihngoih kawm a sisan lakkhiak na gui a sisan luangkhia te ka muh bangbang zan nitak in ka sigui ah ana ki thunkik nawn, ka khophawk in lamdang kasa a, hihkhial na hi uh ka chi a, ka khodak a himah leh ka kiang a kapa lum ka muh in ka pan ama taksa hatlou tak a pan sisan honpia ahi chih kamuh in ka kap a, lah hihtheih ka nei nonkei, aki khelta, kapa damlouhna hih dam utziak a amh thuaklouh ding tantan ka thuaksak man in ka ki suanglah a,himah leh ka pa hon itna bel ka neu a pan ka theih tu in a lah za in ka theih beh ahi. Kapa toh kimulou a kalkhat bang ka om pen kapa a ding in lungkham huai mah leh kapa a damchiang a keitoh pangkhawm a makhaut theithou ding chih ka geelna ahi, tun bel mihing lunggeel na a pukse ta, lumlet in a om a, itna ziak athilhih himah leh pathian deihlouh dan kan hihkhak ziak in pathian kiang ah ngaihdam ka ngen a, kapa damna ding inleng ka ngen nuam sawnsawn hi chi in mai a khitui luang zungzung kawm in hon gen hi.
Kouleng khami lua omkei mah le ung khedap khuipa tanu nu kiang ah mihing iki khutdot luat chiang in hoih dia i geel te bang hon ki lehbulh nuam sek mah ahi, lungke lou in pathian muang in omle aman kuate hiam zang a panpih na pia ahi, napa na itna a thupi a, napan nang a dia bangkim ahih dan na latsak na kha thupi mahmah eive, napan leng amah na itna a thei a, nang leng ama hon itna na thei. Hih khial kha mahle uteh bangteng itna ziak ahi, na itna uh a thupi dan kou ten ka genmang nonkei ding uh, khovel a itna omlou chi a kana phun pihpih nung un nou a kipan itna taktak khovel a ana omlai ahi chih kana mukhia ua, hilhpil in ka om ta uh, lungkham ken panpih na i zong ding ua na pa leng hon dam dia kituak tak in na omkhawm nawn na ding uh chi kawm in vehna sum tamlou pia in a taksap uh panpihna zonsak in apa ki aat ma in a poimawh dingzah uh mikiphal, a tanthu uh zakha peumah in va tawikhawm ua, apa ngei leng lohchingtak a ki-aat zou in innkuan amau khomkhom a kipak tak leh kuamah englou in zangkhawm nawnta uhi.
**FICTION**
March 24, 2013
@Siamsinna leh Vakiangbu
Nipini khat lawmte sawtpi damlou, damdawi inn a lupna ngak a om ahih ngal leh vaveh ding hinte chi in ka lawmte mi nih tawh Lamka damdawi inn ah kava hoh tei ua, ka gintak sangmah in damlou a tam a, damdawi inn varandah natawm ah leng damlou ana ki vualdim metmot zezen hi. Ka lawmpa uh lupna pang ah tukawm in kakiim kakiang ate ka ban et a, damlou gim leh tawl chi taktak, akha a sim hiai damdawi in a kikem a om khenkhat kamuh in hehpih huai uh kasa a,lah bangmah panpih theihna neilou kahih ciang man in ka lungsim in "damtheihna kichi khawng kipahhuai ahih dan kana phawk kei a hiven, hampha tak keive" ka chi a, ka dakkual zomzel a, nasa a thum huthut lah beilou,lupna tung toh kilhkhop bangmai a gawng diingdiang, mihing mel leng puloukhop a omten keibang a damna neite a muhchiang un a hon eng dingdan uh khawng peuh kava suangtuah mawkmawk hi. Ka damlou vehpa uh ana ihmut toh damdawi inn a damlou veh a mi tamlua omding thunei tuten a phal luatlouh ziak un kouleng damlouh vehna ding chi a sum tamlou katawi te uh pia in konglam ka manawh uhi.
Damdawi inn i theihchiatsa mahbang in a huih a gik a, damlou lak a hoh aki hihziak leng ahi ding a, lukhawng gik sim bengbung abang e chikawm a kihou a ka pailai tak un innkong a step bul ah thakhat in auto hong khawl a, a sung a tuang nupi khat in koulam hon en in, lawmte damlou hon doppih zual uau, a gimlua hon chi a, kouleng a bul mahmah a omkha kahih man un kava dompah ua, bang kilawh kha a chih leng kathei bunkei, nasa ahi ngei dia, ka zawng sung mah unleng aki tung a, suahtak sawm hi awmtak in akhe te tha pia in akipek ekek a himahleh nungak tung lakvel, thapan chik ahihman in ka lenkip zou hamham uhi. Emergency room sung a damlou kava lupsak zawh in a polam ah ka pawt uleh doctor pan hon sam a, damlou sungkuan te honpai un chi in kou hon en a, kouleng theihkha lou chi dan in kalu uh kapei ua, huai auto a nupi nu omna ka zong maimah uhi. Auto omna mun ka en ua, himahleh auto leng ana omnawn takei, lamdang kasa ua, doctor pa leng hamhai tak in a dak a, ana paikei un aw nou hon chi a, emergency room sung ah a lutnawn hi.
Kouleng ki-entuah in hiai ei buaina di hi mahmah kei, theihngei, tanau le hi loupi, denchiah ei bangkhem khawng sakha in hon ngoh mawk kha unteh ka chi ua, paidin kaki sa nutnut ua lah kaki ngaihtuah chiang un a damlou nu lah gimngal, a tanau a theihpih tu ding natawm leng neilou chi in ka ki-awi kei ua ka kik zel ua, lawmpa khat bang in numei ahih ziak a awlmawh sese ding le ahi tuan a hia, awlmawh huai hileh a sungkuan ten awlmawh lotel lou ding uh maw hon chi a, kuamah theihpih luat louh in kou teng a damlou sangmah a leng buaizaw dektak in kana kina nilouh uhi. Damdawi inn step bul a damlou tuahkhak telak a mak kasak pen uh ahih dan kaki houlim lai un nurse a sem, senior mahmah khat a hong pawt a, hiai damlou kha serious sim ahi, anu apa a tanau nou theikhalou chih mawk, amukha peuh in nou auto a non dopkhiak uh ahi hon chi ua hon chi hi, kou leng thil omdan genkhawm in mipi bangzah hiam thuduh kisa in ka ding depdup ua,a damlou pen a meltheih kha om zenzen hiam chi in khatkhat in kiim leh kiang nai a omte kava ki et khel uh. Nitum kuan a hong hih tan in leng kuamah a theikha a om kei a,lamdang sa in hiai damlou nu Lamka mi hilou ding ahi, a damsuah leh a pauzawh chang in kitheichian pen inteh chih tuh ka gentheih sun uh ahi.
Kuapeuh in leng awlmawh leh vei a neichiat in a kong ah aki ngak seuhsouh a, a pilvang thei ten a mobile ua limla in damdawi inn kong a hong paikha, thukan khapeuh ana lakzel uhi, lamdang tak in kuamah a theikha kichi a om kei, amah lah khophawk lou a lum dap mai, si hileh kilawm in kava et teng in ka lung himawh a, doctor pa kiang bang a houh a si zaw hi zensam kei maw kava chi a, doctot pa bang ana nui hial hi. Painuam kei lengleng gilkial lota ahih na toh kouleng a guk a paisan maidia ka kisaklai uh papi khat cycle in a hong tai a, mipi kipunkhawmte lam hon enphei gawkgawk zezen in hon hat taiphei hi. A gaal a cycle taipa ana enten leng huaipa houh a diam maw a pa chi in kinem lomawk khat in kana kamka hial ua, kakiang uh a hong tun in bangthu om a chi in hon dong a, kouleng thu omdan ka hilh zawh un amah leng tua damlou nu omna room sung ah valut asawtlou nung in a hong pawt a, hiai nu maw na theih louh uh, huai Teddim Road a bihari pa dawr kiang a khedap bawlpa tanu nu ahi. Apa'n zaw damdawi inn a a luplam theih chi mahmah lou hiveh aw, tun bel a tunawn kei dia a inn lam uah vasap ngai nave hon chi hi. Kou a kiang a omten leng a paitak leh zaw a inn veng ten a tanu damlouh lam ana hilh dia hon delh mahmah na inteh ka chih ua himah leh huai papi pan, mawkmawk eive, a tanu toh kimu khangei ding hivual lou ahi, a thei mahmah kei ding, vasam mai un a chi hi. Papi pan vasam un a chih khit phet in doctor pan koulam mah hon mitsuan ngal a, lawmte nou a tangzang deuh mah in nava sap uh hoih ahi, na gari tui man uh leng hon pena veng hon chi a, kou leng, huaihial zaw ngai mahmah kei, chi in apa sam din ka kuanta uhi.
Lampi a ka taikawm un khongaih huai kasak dan uh ka gen khawm ua, u-leh-nau, nu chih ding bek neilou khat ahi a hia chi in lamdang sakna kia in ka dim uhi. Mihing khat kihi diam ahi dia awlmawh luat ziak in gilkial bang a phawkpha kuamah om nonlou in a tawp in a genna inn uh ka tung ta uhi. Huai inn tuh a mial khipkhep a, kuamah omlou a dio chi in kongkhak lam ka manawh ua, kongkhak kieu dia ka kisaklai un a innsung ah mikhat khuh puak liapliap ka za ua, eh om eive ka chi ua kouleng kong kava kiuh ta uh. Kong ka kiuh utoh kiton in papi gawng dingdiang khat a hong pawt a, nuihmai tak in a khut in hon huai a, paulou in lut un chi awmtak in a innsung lam a kawk hi. Lawmpa khat in hilou ahi pa, ka tuman kei ding uh, na tanu damdawi inn ah a om a huai hilh dia hong pai kahi uh chih a gen toh kiton in a nuihmai mel a hong mual a, a chi a hong liing a, innsunglam ah kinawh tak in ava dianglut a, puanza siang lolou 3 toh a bazar bag kithuap nitnet khat hon kuahkhia a kou leng hon ngak man nonlou in a liangkhe zonzon hi.
Kouleng mak sawnsawn na e thil omdan chikawm in tua khedap khutpa taina lam ka delh phei ua ka man khawl ua, gari a tuang din ka hilh ua, ka tuan chiat zawh un damdawi inn lam ka zuan uhi. Lampi a gari a ka tai sung un tua khedap khuipan thu a thei nuam mahmah a, a mai te mual chihtak a mual kawm in a khut te a vai a, himah leh kou bel bang genna a chih ka theikei uh, a khut te a liing a, a khenchiang bang in hon chibai thethup a, tua mipa bel a khatna ah pautheilou ahi chih ka man chiat ta ua, a nihna ah a a tanu nu damlouh kava hilh uh kipah etsakna a hon chibai hi ding inleng ka um nawn uhi. Sawtlou ka tai nung un damdawi inn ka tung ua, Gari kong kihongpan himah leh huih bangmai in tua a tanu khophawk lou a lupna ngak a a om nalam a delh phei a, vangphat huaitak in tua emergency room pen doctor pan a khak khaklouh man in ava phuhong a, doctor te'n a vel chetlai uh a tanu ava angpom a ava kah khum zoihzoih maimah hi. Doctor te'n leh tua mipa ana pum mat in hun nailou ahi, a dam ding chi in hon sawl pawt ua himah leh mipa bel a tanu omna room kong bul a ding in khitui luang kouhkouh kawmtoh kongkhak lam mitsuan in tulou hial in a dingden hi.
Tua mipa khasiat dan kamuh un lamdang kasa ua,papisia khat hial hichi bang a khasia a kap huthut muh masak na ahih ban ah ka lung uh leng hon khoih ahi ngei dia, pai ding vai leng ka sawmkha nawkei mawk uhi. Hehnep siam a kamsiam lua lah kihi lou,bang lawh a phading a dio chi a ngaihtuah kawmkawm a ka omlai uh lawm pa khat in kou dawn ding leh khedap khuipa dawnding chi in theitui va lai a.koulak a kamsiam zawdeuh chi in a pedin kei hon sawl uhi,kenleng kava naih a. Hiai i dawn phot ding uh aw pa, naunu leng a hong hoih pahta ding chi a ka piak leh a sang nuamkei, a mai ka en a, aki suanglah mahmah chih ka thei,a biang ah khitui a pak niuniau a, naupangsia khase tak a ki diik hithit bang in ana om hi, dawn in chi in kapiak sawm teitei chiang inleng hon nawlkhin a, a tanu lupna lam a kawk a, a khut a pei zel, bang a chih na a dio chi kawm in keileng tulh zoulou kisa in kaki hemkhia a, lawm tetoh a khut veidan te hisap in a lungsim ding ka bawlsak zel ua. Khedap khuipa'n zaw a tanu damlou a gimtak a a omlai a amah vuak a ne a dawn nuamlou himhim hidi eive ka chi uh.
Nitak lah sawt ding ahi ta, lawmte toh ki-entuah in awlmawh huai sa kawm pipi in ka hi leiluai ua, pai lah uthuai mahmah ta, sungte awlmawh a om ding lah utlou aki hih man in paimai di uam ki chichi napi in ka pai kha thei tuankei uhi. Huchi a thu tuamtuam kihoulim a ka omlai un doctor pa hong pawt a, apa kiang ah damlou in sisan unit nih a poimawh ding, kintak in na ngaihtuah theih dandan in ngaihtuah in a chita hi. Khedap khuipa hon kisa thutthut a, a khut a sigui paite kawk in a sisan lakhe pah din sawl hi. Doctor pan leng khedap khuipa a en a, a awi hetkei chih akilang mai hi, khedap khuipa bel et mai inleng hatchi mahmah lou, kum 60 vel ding mi, a upat dan sel vuallouh in a sam ah leng aki lengta, himah leh ama a sese piak a ut tinten hi. Doctor pan leng a hilh theih dandan in a hilh a, tanau nai na neih leh tha hatlai te a lani a chih chiang in a khut a peisan zel a, sum na neih leh damdawi inn a blood bank ah lei ni a chih chiang in a sakhau a pan in a sum neihsun teng 85 a hon lak maimah hi. Doctor pa leng patau in ka kiim ka kiang ua omte lak ah sisan poimawh petmah pe ngap na om guih ua leh a sum ken ka seng ding hon chi a, mi tamkhop in a poimawh luat intuh panpih ngaite panpih na in i pe kei dia a chi uhi, himah leh khedap khuipa'n a phal kei, a tanu satung a sisan lut ding ama a pan a lakkhiak a deih a, a tanu sigui sung a luang ding sisan a poimawh zahzah ama a pe ut tenten kisa in ling thetheuh zezen hi. Mi tamtak in khou mah le uh khouh zawh ding ahi kei, huchi in a tawp in damlou nu tuh a pa mahmah in sisan pia heh chi in doctor pan a thukim ta hi.
Sisan kipia a hon omlouh san sung un kou leng pai ka sawmta ua, sum toi tam hiliai le ung piak uthuai na e chi a kihek leiluai kawm in kaki entuah ua, theitui poimohlou leisang in a sum in pia himai leng phatuam nanchia maw ka chi ua lah hih theih huai hun in ka neihlouh man un zingchaing a va enkhe thak mai ding chi a ki thukim in innlam ka zuan ta uhi.
Zankhua a ihmu mawh hial in nitaklam a ka thiltuah lupna tung ah ka ngaihtuah a, panpih ngai lua uh ahih dan ka ngaituah a, zingchiang a hohman teitei a bang hiam khuttawi thupi deuh khat piak ding tum in sungte kiang a ann nek lai a leng ka genlawk zezen hi. Kum hiaitan ka phat nung natan a leng hichi bang a thil khasiat huai tuak kha nailou ka hih na ah zan ihmu mawh hial in ka ngaihtuah a, a hinkhua ulah theih hilou, lamdang satak in manglam a matkhak ding bang sa khanak in lupna tung ah huai pata te ka mitkha ah zan khovak a khitui naptui toh hun a zang lai mah di uah aw ka chi a ka ngaih tuahtuah leh a tawp in theih louh kal in ka ihmut san kha ta hi.
Zan sawtpi ihmu lou aki hih man in ka khang ma a, thouphet a ann ne in lawmte toh kaki dawpna sa uh damdawi inn lam mah awlmawh a nei in ka diang khe nawn uhi. Damdawi inn ka tun un vangphat huaitak in staff nurse a sem, a nima a ka buaikhop pih nu utoh kaki tuak ua, damlou te lupna lam ah hon kha in huailam ka zuan uhi. Huai hun in bel thil paidan ana ki khek ta, Khedap khuipa tanu bel khophawk leh pauzou in lupna khat ah ana lum a, khedap khuipa bel a tanu pam ah khua phawklou in siasn mah piak in ana om maimah hi. Kouleng tua khedap khuipa tanu nu toh anima nitak a thil omdan genkhawm in pau zoulou sasa himahleh gen ut tamtak nei a hihdan hon hilah a, gim leh leng gen ding a hih dan hon hilh a kouleng ka ngai khipkhep ta uhi.
Khathum paisa in kapan damlouhna, kal a suang om, hon tuak a, chimawh tak in a dam na ding a poimoh sum muhna ahih khak leh chi in, zontheih zonmawh in ka nih un ka zong ua, innsung a mi 2 chauh om ann leng nekhawm manlou hial in ka hihtheih teng un sum ka zong ua, ann te bang ngawl in, huai a sum koih khiak theih liai koihkhia in kan pang ua, kapa damna ding ahih nak leh chi in kapa sesaklou a damlou chi a om awl sak ut himah leng kei a tanu naupang chik sum keivuak a zong chih a theih chiang in hi sathei lou in aman leng a hih theih bangteng in sum a zong a, kei lam ah ka ngaihtuah na ah, ka pan kei tagah kanu nawi leng tep manlou hiaitan a piching a hon khoikhiak ngal a ahih leh ama damna ding in ama sang in a khep nga in sum ka muhkhiak ding ahih ka chi a kana zong a, himah leh siam neilou, tagah mawlchik aki hih na ah ka sum sen ding uh poimawh dingteng zong mu zoulou in,aki aat dinglah tukal kiginni hi zomah ahih chiang a chi a muh teitei sawm in ka taksa tung a zuak theih teng kana zuak a, huchi in leng ka ngah zou kei, chimawh kisa in kizuakna inn te ah kapa theihlouh in ka kizuak a, kalkhat bang amah toh kimu lou in ka omta, tun sing bangzah hiam in samlai ahih man taina ding lah theilou, lungkham leh mangbang in ka om a, kizuakna mun te alah advance a sum lakkholh theihlouh ahih man in buaiisa in ka taksa tung a ka neih nanung pen sisan zuaktheih zahzah zan zingkal a pan in ka zuakta. Ka sisan a khaih khia ua, gilkial ngoihngoih kawm a sisan lakkhiak na gui a sisan luangkhia te ka muh bangbang zan nitak in ka sigui ah ana ki thunkik nawn, ka khophawk in lamdang kasa a, hihkhial na hi uh ka chi a, ka khodak a himah leh ka kiang a kapa lum ka muh in ka pan ama taksa hatlou tak a pan sisan honpia ahi chih kamuh in ka kap a, lah hihtheih ka nei nonkei, aki khelta, kapa damlouhna hih dam utziak a amh thuaklouh ding tantan ka thuaksak man in ka ki suanglah a,himah leh ka pa hon itna bel ka neu a pan ka theih tu in a lah za in ka theih beh ahi. Kapa toh kimulou a kalkhat bang ka om pen kapa a ding in lungkham huai mah leh kapa a damchiang a keitoh pangkhawm a makhaut theithou ding chih ka geelna ahi, tun bel mihing lunggeel na a pukse ta, lumlet in a om a, itna ziak athilhih himah leh pathian deihlouh dan kan hihkhak ziak in pathian kiang ah ngaihdam ka ngen a, kapa damna ding inleng ka ngen nuam sawnsawn hi chi in mai a khitui luang zungzung kawm in hon gen hi.
Kouleng khami lua omkei mah le ung khedap khuipa tanu nu kiang ah mihing iki khutdot luat chiang in hoih dia i geel te bang hon ki lehbulh nuam sek mah ahi, lungke lou in pathian muang in omle aman kuate hiam zang a panpih na pia ahi, napa na itna a thupi a, napan nang a dia bangkim ahih dan na latsak na kha thupi mahmah eive, napan leng amah na itna a thei a, nang leng ama hon itna na thei. Hih khial kha mahle uteh bangteng itna ziak ahi, na itna uh a thupi dan kou ten ka genmang nonkei ding uh, khovel a itna omlou chi a kana phun pihpih nung un nou a kipan itna taktak khovel a ana omlai ahi chih kana mukhia ua, hilhpil in ka om ta uh, lungkham ken panpih na i zong ding ua na pa leng hon dam dia kituak tak in na omkhawm nawn na ding uh chi kawm in vehna sum tamlou pia in a taksap uh panpihna zonsak in apa ki aat ma in a poimawh dingzah uh mikiphal, a tanthu uh zakha peumah in va tawikhawm ua, apa ngei leng lohchingtak a ki-aat zou in innkuan amau khomkhom a kipak tak leh kuamah englou in zangkhawm nawnta uhi.
**FICTION**
March 24, 2013
@Siamsinna leh Vakiangbu
Comments
Post a Comment