KA NU THUMNA
By~Lun Khuptong
Phalbi khuavot in, tuktui luang daikai zong leh zingsang baihtak a thoukhia in. Bawi aw , thouta aw chi'n a hon phong a. Bangmah thei nailou himah leng ka ban ah hon leen in BiakInn lam a hon zawt pih a. Biakinn ah thumna nei din a hon kuanpih hi. Bang genna a hiam? chih thei kei mah leng ,Toupa Biakinn te ah hon pii lut in. Zilsak thei a ka om mateng amah kiang ah hon tusak in mit si ding in amah a thum sek hi. Bang ahih lam theilou himah leng ka Nu'n thum ding a hon deih ahih man in. Ka neu lai apan in thum dingdan ahon na sinsak maimah hi. Kumte hong sawt hiaihiai in huchin thum thei ding dinmun ah ka om tak in Ka Nun lum kuan, Annek kuan, leh thumna tangpite a hon sinsak hi.
Kia thamlou in Ka neulai in a khutte kei mah lutung ngei ah nga in. Toupa ken apaina lampi ching theilou ding himah leng nangman a lampite ah pii inla ompih inla Ka thuhilhnate mangngilhlou ding leh theisiam thei ding in sinsak in chin a hon thumsak sek hi. Kia thamlou in khodang ah ka zindek hun chiang leh inn apan koilam hiam ah nikhat ninih tham ding a pawt ding ka hih chian thumna'n a hon khakhe gige sek hi. Koi ah ka hoh zong in ka kha a muang thei mahmah hi. Motor tung ah lampi lau huai pipi ah ka tuan ni'n leh Lampi haksa pipi ka tot lai in leng ka kha a maung veve hi.
Hiai ah ka Nu thumnate ka niteng hinkhua a hun zatdan leh khosak khoheina ah tha hon pia in a hon khamuang sak thei mahmah mai hi. Chita zen sam leng naupang deuh lai bangmah theih chetna neihma khong in lawmte toh kimawl a, asuk-atung a kidelh a; Koi lamlam hiam a football khong pek a sun nitum a kidelh theite a kihihman in. Singkungte ah kal a theigahte lou a sangpipi ah kalnate ah bang. Lui tui thuk pipi a sih theihna mun ahte khosa leh kimawl kihi maimah lai in leng ka Nu Thumnate'n a hon na kembit zou in a hon na panpih gige ana hi maimah hi.
Tu chiangchiang dinmun ah ka ngaihtuah chiang in Thupi hinatel e aw Ka NU THUMNA chi'n ka ngaihsun sek hi. Aman huailaite khong in honna thumsak kei leh kei tuhun a omlou kha maithei hing a, kichihna in ka dimsek hi. Hiai thute ka ngaihsut khak chiang in Numei Hoih kuan a mu dia, Amah tuh Ribi suangmanpha sang in a manpha zaw ngal a chih Paunakte ah kigelhte khong a hong lang dundun sek hi. Nu manphatna lang chiang mahmah sek hi. Mihing hihna zal in khat veivei chiang nute kiang ah khase ut simsek na hang a. Amau i khotheih ma apan ahon thumsak nate ziak a Tu Dinmun ah hing ana hilel dan ka hi chih ka ngaihsut chiang in Ka Nu tuh kuamah ding in bangmah hi kei mahleh kei ding in amanpha pen ahi hi.
Khatvei leng ka nun huchin laithon in ahon gelh hi, LEITUNG ZAW LING LEH KHAU ADIM AHI, HAKSA MAH THUM IN THUM TEITEI IN, chi'n a hon thuhilh hi. Huai laithon ka muh in a gelh dingdan khong ka ngaihsut chiang in. Ka nu'n a khut hampi toh pen len a khutgelh hoihtak aleng gelh theilou himahleh kei sikul kaina ding khong a a nasepnate ziak a, a khut ham bitbiat toh a hon gelh hi ding a ka chih chiang in. Ka kikhasiat lak maimah hi.Aman theilou ding himahleh Nu, Na gen diklua leitung zaw ling leh khau adim ah, kei kia a pai siamlou ka hi. Na Thumnate ka poimoh lailai chin ka kidik ditdit mai hi.
Nu ei , Na Thumna manpha hina tel e. Kei din ka Hinkhua Bawlhoihtu leh thumna a hon maikaihtu. Ka niteng hinkhua dia meivak bang ana hi hi. Nu aw Na manphatna thupi sang mite din bangmahlou mai himahle chin kei din ka bang kim na hi chin....... Tua zan ka lunggel toh kana ihmu hithit ta hi.
©Siamsinna leh Vakiangbu
Phalbi khuavot in, tuktui luang daikai zong leh zingsang baihtak a thoukhia in. Bawi aw , thouta aw chi'n a hon phong a. Bangmah thei nailou himah leng ka ban ah hon leen in BiakInn lam a hon zawt pih a. Biakinn ah thumna nei din a hon kuanpih hi. Bang genna a hiam? chih thei kei mah leng ,Toupa Biakinn te ah hon pii lut in. Zilsak thei a ka om mateng amah kiang ah hon tusak in mit si ding in amah a thum sek hi. Bang ahih lam theilou himah leng ka Nu'n thum ding a hon deih ahih man in. Ka neu lai apan in thum dingdan ahon na sinsak maimah hi. Kumte hong sawt hiaihiai in huchin thum thei ding dinmun ah ka om tak in Ka Nun lum kuan, Annek kuan, leh thumna tangpite a hon sinsak hi.
Kia thamlou in Ka neulai in a khutte kei mah lutung ngei ah nga in. Toupa ken apaina lampi ching theilou ding himah leng nangman a lampite ah pii inla ompih inla Ka thuhilhnate mangngilhlou ding leh theisiam thei ding in sinsak in chin a hon thumsak sek hi. Kia thamlou in khodang ah ka zindek hun chiang leh inn apan koilam hiam ah nikhat ninih tham ding a pawt ding ka hih chian thumna'n a hon khakhe gige sek hi. Koi ah ka hoh zong in ka kha a muang thei mahmah hi. Motor tung ah lampi lau huai pipi ah ka tuan ni'n leh Lampi haksa pipi ka tot lai in leng ka kha a maung veve hi.
Hiai ah ka Nu thumnate ka niteng hinkhua a hun zatdan leh khosak khoheina ah tha hon pia in a hon khamuang sak thei mahmah mai hi. Chita zen sam leng naupang deuh lai bangmah theih chetna neihma khong in lawmte toh kimawl a, asuk-atung a kidelh a; Koi lamlam hiam a football khong pek a sun nitum a kidelh theite a kihihman in. Singkungte ah kal a theigahte lou a sangpipi ah kalnate ah bang. Lui tui thuk pipi a sih theihna mun ahte khosa leh kimawl kihi maimah lai in leng ka Nu Thumnate'n a hon na kembit zou in a hon na panpih gige ana hi maimah hi.
Tu chiangchiang dinmun ah ka ngaihtuah chiang in Thupi hinatel e aw Ka NU THUMNA chi'n ka ngaihsun sek hi. Aman huailaite khong in honna thumsak kei leh kei tuhun a omlou kha maithei hing a, kichihna in ka dimsek hi. Hiai thute ka ngaihsut khak chiang in Numei Hoih kuan a mu dia, Amah tuh Ribi suangmanpha sang in a manpha zaw ngal a chih Paunakte ah kigelhte khong a hong lang dundun sek hi. Nu manphatna lang chiang mahmah sek hi. Mihing hihna zal in khat veivei chiang nute kiang ah khase ut simsek na hang a. Amau i khotheih ma apan ahon thumsak nate ziak a Tu Dinmun ah hing ana hilel dan ka hi chih ka ngaihsut chiang in Ka Nu tuh kuamah ding in bangmah hi kei mahleh kei ding in amanpha pen ahi hi.
Khatvei leng ka nun huchin laithon in ahon gelh hi, LEITUNG ZAW LING LEH KHAU ADIM AHI, HAKSA MAH THUM IN THUM TEITEI IN, chi'n a hon thuhilh hi. Huai laithon ka muh in a gelh dingdan khong ka ngaihsut chiang in. Ka nu'n a khut hampi toh pen len a khutgelh hoihtak aleng gelh theilou himahleh kei sikul kaina ding khong a a nasepnate ziak a, a khut ham bitbiat toh a hon gelh hi ding a ka chih chiang in. Ka kikhasiat lak maimah hi.Aman theilou ding himahleh Nu, Na gen diklua leitung zaw ling leh khau adim ah, kei kia a pai siamlou ka hi. Na Thumnate ka poimoh lailai chin ka kidik ditdit mai hi.
Nu ei , Na Thumna manpha hina tel e. Kei din ka Hinkhua Bawlhoihtu leh thumna a hon maikaihtu. Ka niteng hinkhua dia meivak bang ana hi hi. Nu aw Na manphatna thupi sang mite din bangmahlou mai himahle chin kei din ka bang kim na hi chin....... Tua zan ka lunggel toh kana ihmu hithit ta hi.
©Siamsinna leh Vakiangbu
Comments
Post a Comment