NANG TEKTEK
By ~ Lv Pawa Ngaihte
A summary in pan le;
·Mimal siatna —> Insung
·Insung siatna —> Khotang
·Khotang siatna —> Gamsung
I tenna khovel itheician mahmah di a, hoina sang in siatna in mala
hulhul in haksatna leh kihuat kinakna piangsaka, thangtatna leh kithah
kimatna pung hulhul ahi cih i niteng hinkhua ua imuh uleh itheih uh
bakah ituah touh neuhneuh uh ahi h.
A neu a et in ei Zomite lak ah khanlohna thupi tak(asia/apha)
ana omta hi. Hiai kanlohna tumlam gamte khosakdan tungtona eilak mimal
khanlohna akipan honglut ahi. I mimal khanlohna koilam/banglam
khanlohna ahia?? Koilak hontun ding khanlohna lampi zuikha ihia?
Gam thupi leh nam thupi takte tatdan na hon cinga, Na kichei dan,
naduh nadeih leh na utna lam ahong lamdanga, na lungsim kilumlet cihna
ahipah. Thumanna leh kipahna in hon nusia a, gitlouhna, nek leh dawn
leh thangtatna na hongluta na nu leh pa(nang) neihsa in ahon daih
takeia, na ciindan leh thilhihte ah lungkimna leh kipahna na mukei;
adik lampi a napai khaklouh ziak in, hucin na hinkhua ah na hong
kiningta hi. Nang-mah le nang-mah mah tungah helna na hon panta hi.
Hucia na hong hel ciang in na INN sung nasatak in na hon toksia hi. Na
insung ah kinak, kisel leh kituahna himhim omlou., kithutuahna leh
sungkuan kipahna ahong beicianga hiai in koilak sukha hiam? I Khotang
hondeng hi. Tuaciang in i khotang ah siatna hong uang petmah a khat le
khat ki itna tawm in kithutuahna beisak a, mahni angmasialna leh
duhgawlna liansak in thangtatna leh zu le sa, khamtheih thilchin
hoihlou uangsak mah mah in I khotang bolhloh gop suak hi..
I gamsung, khotang, insung leh imimal bawlthakna ding in Nang(/ei)
TekTek mah a na kipat/ipat ngai hi. Ei mahni mimal mahmah a ipata
ihinkhua leh ilampi chian in adik lampi zuileng kipahna bukim, insung
khotang leh minam thupi leh cidam tungding ding hi hang..
Kon behlap lai— "If everyone had a mother like my mother, there would be no need for jails." -DL Moody
Anu bang2 neih i ut a neileng i neitham maithei, hmahleh Anu bang bang neihthoh sangmah in amah bangbang hihciat zoksom ni.
March 24, 2013
@Siamsinna leh Vakiangbu
Comments
Post a Comment