PUTHIL LEH NAMTAL

By ~ Elty Gwite

PUTHIL LEH NAMTAL (2nd Version)
25th March, 2013


NEINOU' lawmte'n sing hih mengmeng ua, singtak leng zawng tuanlou a amuhmuh uh ahih ziakun, ngahpah uhi. A pai d tak un, Neinou kiang a paita ding a vachih uleh, Neinou in, "Kei zaw ka nu'n Tum sing phapha,gel sing phapha hon pua in chi a" chi in a singpuak khop a ngah nailouh ziakin alawmte zuilou in alawmte'n ana paisan uhi.

Chihleh, aman le asingpuak khop angah takin, kiguangguang a, akiguan zoh chiang in, a suan d omlou ahih man in, lungbuai a adakdak leh, TOPI agal a singtawn paw zanzan ahong pai mu hi.

Huaitakin: Neinou in , " Ka gal a singtawn po zawnawn hong suan ve."
a chihleh,
TOPI in " Hon lau niteh!" chi in dawng hi.

Neinou in, "Mi sapsap i kilau d hia?" chi hi.

Ahucih tak chiang in, Topi in "a chihleh ana mitsi in" chi in, Neinou a seng a sawt kawm in asamzang khat botkhia hi.

Neinou inn a tung takchiang, gilna sa in kipei a; anu lungdong kisa in, "Ka tanu a sudam thei omleh, Numei ahihleh ka kizawlsak dia, Pasal ahihleh ka kitengsak ding", hon chi a, huai thu, Topi in za kha a, a samzang bohkhiak vaphut non in damsak hi.

Neinou nu'n a chiam bang in, Topi toh atanu akitensak hong ngai ta a, kitengsak hi.

Huaitakin, Topi in a kholam ua paipih in khomual atun un, Neinou kiang ah, "Mihiam pai apai na ut ei ? Vazuang len a len na ut ei?" chi hi. Huaitakin, Neinou in, "Vazuanglen a ilen theihtaak in i ut mah ke..." chi hi.

Huaitakin, Topi in a mei azial in a kholam uah len pih hi. Huaitakin Neinou nu kisik thak in, "Ka tanu ava pikhe thei a omleh, Numei ahihleh ka kizawl sak dia, Pasal ahih leh ka kiteng sak ding", chi in thuchiam hon bawl non hi.

Ahucih chiangin, NAMTAL, pasalpha leh hat, hangsan hong kipan a, a helper din PUTHIL hon tonpih hi.

Lampi, gamlak ah hong pai ua, sahang khap, ngal khap, vompi khap khong tamlua ahihchiang a, Puthil in lau a, Namtal kiang ah, "Namtal hiai bang khap?" chi in dawng zihzeh hi. Huai chiang in, Namtal in, "Zu khap, va khap hi ei.." chi in dawng zel hi.

Himahleh, tamveipi a dot chiang in, Namtal in ning gop in, "Zu khap, Va khap, Sahang khap eivoi, tua i zuihzuih!" hon chih chiang in, Puthil lau lua a, "Namtal, ka gil ana..." chi in paulap hon bawl hi.

Huaitakin, Namtal in lamkim ah, Puthil inn ding lamsak a, ling gui a sat na uah, zawng khat sat khia ua, huai toh, Namtal in, a buk/inn lam uah nawsia in, amah chauh vakuan hi...

Kikzek le: Nikhat Neinou leh a lawmte sing pawdia kuan uh. Neinou a nu'n tumsing phapha , gel sing phapha paw ding in thukhak hi.


Huchi in mi doilok Puthil pen lampi ah a Innlam a koih in Namtal in Topi te kholam zotsan hi...

A khua uh a vatun takin, Topi sabeng in a na kuan a, azi Neinou kia ana om hi...
Huchia bangtan hiam om a, Neinou pidek ahih dan atheihsak nung bangtan hiam in, Topi sabeng hong pai a, inn hong tunkuan in hong thum tou huthut in, " Sakhi ka bilbah, sazuk ka pumpuak." chi a hong thum touh huthut azak tak chiang un, Neinou in, Namtal phek a zial in khinpi tung ah sel hi..

Huchih nungin, Topi a sa mat toh hong tung petmah a, a samat te huan un, ann hon ne uhi..Namtal a ding chi in, Neinou in, "kau chiah aw.."( khanglui te'n thil bang peuh anek dek chiang un kau/dawi te adi chi'n kau chiah bawl zel uhi) chi in a sabeu khat khinpi tunglam ah pai tou hi..

Topi in le, Neinou hih eng in, a saguh bawk khat khinpi tung a apaih touh leh, Namtal Naak/nose vakha sese a, asi hong pawt hi. Topi in thei ngal in, "Mihiang gim nam e " chi in khinpi tunglam a kah din kisa huthut hi.

Ahuchih chiang in, Neinou in, "Ka sa sii koih a bua a hi veh aw...." chi hi. Himahleh Topi kaltouh sawm teitei a, huaitakin, Neinou in, "na taw ah lungme" achih leh laulua a hong kum khia in kal nonlou hi.

Huchi in, Neinou in, apasal Topi zu tampi pia in tuang/floor lai ah lumsak a, zap hiauhiau kawm in khim ihmu a, Topi in, "Neinou , aw i zapzap, kei mah na thal bengbuang vang" chi a, Neinou in ju pekawmkawm in zaap ihmu a, huchi in a ihmut kal in Namtal leh Neinou ana kigelmang ua , a inn lam uah ana pai uhi.

Huchih nung bangtan hiam in, Topi hong khanglou a, a innsak nu in thu omdan ana thei ahih ziakin Topi hilh vek hi..Huaitakin, Topi in delh zui a, Namtal in a gophel(Thal) in a lenglai ana kaap lum hi..

Huchi a, Puthil omna hong tun un, Puthil in a zawng bang ana gai. Hong pai zel ua, Nuaimi te,n va chou uhi. Namtal in, "Zulang ka thah, va lang ka thah" chi a a hatdan ana gen chiang in, lau ua, a vachou te taimang zel uh ..

Himahleh, Namtal, a ihmut suaklua a, Puthil kiang ah, "ka chih dandan in na chi d" chi in ihmut san hi.Himahleh Puthil in chi theilou a, "Ka tangval lai in, nahtang kuak 3, kuak 4 ka kap kop" ana chi hi. A huchih chiang in, a gaalte'n neh huaihuai ua, Neinou laaksak in Puthil lei zong tansak uhi.

Namtal hong thou a, thil omdan Puthil kiang a, a dot chiang in, alei kitan ahih ziakin, dawng theilou a, "ne nenene" chi mai mah hi.

Huaitakin, Namtak heh kisa lua, akiang a Phaiphek bul a boh khiak leh nuaimite khua kimu phengphung a, huchi in Neinou va suh kik non a, Puthil kiang ah, nuaimi te khua apan hong pai khiak touh theihna din, Khau khak suk din ngen a, Neinou kah tou masa sak a, Puthil lei/tongue le khak tou a, huaitakin Namtal le hong pai tou dia kisa in, Puthil kiang ah, akiluai touhna d, Khau khaksuk din ngen hi . Himahleh, Puthil in thik a, alei kibulh khin himahleh, pautheilou dan kineih lai in, a khau a kaitou ut lou in, Namtal in khau khaksuk dia a nget chiang in, "Bantan tektek in na te.." chi in pautheilou lem kineih hi.

Huaitakin, Namtal hehlua in, "Bantan aw.. Bantan in.." chi khong a, hucin Puthil in a khau bantan a, Namtal pen nuaimi te khua ah khosa kha suak a. Zi bang le nei a, ta leng nei hi. Ka paita d a chih chiang in, phallou ua, Namtal zi in a tate kiang ah, "na Pa paisawm ahi, a sakhau ah va luai ua, hileh paitheilou ding ahi " chin thuhilh hi.

Himah leh, Namtal in, a sakhau dim in , vai pua a, hong kah tou deklai, atate'n ava luaih ua leh, aman a vai puak in ana buak a, atate lungme suak vek uh kici hi.

=====

@Siamsinna leh Vakiangbu