MAIMAH AW
By ~ Thanuam Dahpa
Laa lam lungluut kahikei na a lawm leh gual ten a thupi ngaih mahmah man un ZAA concert a vahoh tei ut in nitaak ann nezou ka kuankhia hi. Ana sawmkhol kahihlouh ziak leh kalung lutna hilou ahihziak in lawmte kuamah inle honzawn kei ua keile mi vazot ding ka ut tuanlouh ziak in keikia in kakuan hi. A mun katun in gate alut ut mi tamluat ziak in mipi kiphu a kikou loiloi leh volunteer ten ki chapou saktak a a zep ek ek khawng uh kagal muhpah a huchilak a vatel ding hi kasak louhziak in apaam lamdeuh ah ka Activa stand in a tung ah katu hi. Gate bul ate lah buai deuhdeuh mah abang ua akhente naak si pawt neunuau a hehtak a hongpawt khia a "amau thautawi ahihziak ua kuan lautuan di sa ahia...ka naak si athawn in aluang kei di" chia alawmten hon kaihkhiat khawng uh kamuh in keituh ka nalau gusim hi. Himahleh pasal khat kihisam a lauhziak a kik hihding utlou deuh kahihman in hon mukhaten ngaak nei honsak di uh chi in ka sana bang ka en thithe hi.
Sawt kuam katut nung inle mi ahong tawmtuan kei a chihding dan theilou in kiik mai kasawm sim hi. Huchia kiik sawm a ka Activa ka hawl khiat dektak in kanung lam apan "Pai dek maw u.." hong kichi a ka etleh nungak kum 17 velding samsau ngihngiah mel leeng se hetlou khat a na nui seihsaih hi. Kei hon houpih hidia gingtalou in hon etna zawn ka leh et a kuamah a omlouh ziak in kei honhou pihding a gingta in "Kei maw" chi in ka kikawk hi. Aman le "hi" chihleh a chibai ding in akhut hon khak a "Chingnou ka hi" hon chi a kenle chibai kawm in "Khualpu ka hi" ka chithuk hi.
"Pai dek maw..na mingak hongpai loudek hia" chi in ka omtuung apat hon namu bang in hon chi a. " Kuamah ngak neilou kahi. Nop chi kasa kei a vaakkhiat phot sawm kahi" chi in kadawng kik hi. "Gate a mi kisual sual a luut ngamlou a keile hiai a dingden kahi a hohna di naneih keileh iva pawt maimai keidia" kisuanglah tak in honchi a kalam et hetlouh ahihziak in dawnding danle kathei kei zezen hi. Kadawn kiikma in "Ukhual na chiin dan hilou ahihleh chuh poilou..innkuante kiang a concert a hohding chi a tua vapai kiik ding ka utlouh ziak ahi" hon chithak a kenle"huaiziak hikei e..na ut naakleh iva pawt keidia" chi in katai khiatpih hi. Numei toh kipaw ngeilou hikei mahleng Chingnou puak a chituam mahmah in kathei hi. A khen a brake toh a ngaihhun a hon nekkhak chiang bang in ka narvas tha asuak a amahleng kisuanglah in a nung kiin nawn pah zel hi. Hohna ding theituanlou kahihman in "Ching koitak ah ihohdia" chi in kadong a amanleng "nang ut na na poilou time kill nading hiven maw" hon chithuk hi. Nungak kia toh zan khavak nuai a hunzang ngeilou kahihman in hohna ding kathei hetkei a lungsim a hohna ding ngaihtuah kawm leh houlim kawm a katai pihpih leh theihlouh kal in khawnawl katung uhi. Huchi in lampi lun hetlou khat kiang a kalvat kibawl thak ana om a huaikiang a gari khawlsak in culvert tung ah kava tut pih hi. Kithei ngeilou kahihman un kitheihtuahna in omna leh laisimna khawng kagen khawm ua nuam kasa vaanglak hi. Huchia kithei tuah a ka omtak un Chingnou in "Ukhual...nang nadawn diam zaw kathei kei a khatvei na ahih leleng Beer hon khilai ve" a hon chi a..
Lawmta kal ah tuh khatvei nihvei kadawn kha zeuhzeuh na a nungak kiatoh dawnkha ngeilou kahihziak in kilawplua hihding ut keimahleng aguuk in ka ut gu sim hi. Kanih ua vatai in azuakna kiang katun un "Ching nang naduh dandan leh naduh dizah navalei diam..kei hoh ngeilou ing a nuamsalou kahi" chi in a ip a 500 note khat dok khia in kapia a bangmah genlou a nui heuhau in ala a inn sung ah a tailut hi. Sawtlou nung in polythene vom a honkhai pawt a ka omnasa lam uah katai kik nawn uhi. Lampi a bangmah gen zezenlou in a mun katung ua katutna mun ngeimah uah katu kik uhi. Chingnou in "Ukhual..numei din lamdang nonsa sim hia.. ka nu le paten ka neu apan zudawn ua a vangkim a kamkhat kam nih chia ka guukdawn zel ziak a dawn theigawp kahi" hon chi a kalungsim tak in tuh lamdang sakna chiang kanei a himahleh nop asaklouh khaakding lau in "tulai huchi mah hilou maw" chi in kadawng hi.
Polythene bag sung apat in thawl li hon lakhia a "ken thawlnih khawng dawnzel..nang nadeih khop diam ah" chi in kei adia thawl nih honla ahihdan hon hilh kawm hi. Nidang a glass khat lel khawng dawn a le khamthei sim kahihman in ka huphulh gu na a aman nuam asaklouh dinglau in bang mah kagen kei hi. Kentuh awl chikchik in kadawn a Chingnou in thawlkhat a gaih in ken thawlkim khat kadawn khinpan hi. Chingnou in "Ukhual..bang chi e nadawn hetkei a" hon chi a gending pen theihlouh ziak leh hon peisimta ahihziak in "Dawn beipah leng ipaipah ngaiding ahihchia nakhiatlah huai a.." chi in romantic deuh in kadawng hi. "Huai le zaw eimah ve..nang mihoih lua hon susia kahihkhak ding kalau a ka om le nuam theilou ahi.." chi in thawl nihna ding a hong hi. Nou omlou a kithawl tulh kahihman un mahni thawl chiat ka kitawi uhi. "Ukhual..kakham dek mawk a natung ah kon kingai aw" Chingnou in hon chi a chiliing simpi in "na ut naakleh poilou ahi" chi in ka ang ah ka kingaisak hi. Houlim kawm leh kahinkhua uh genkhawm in katu ua kathil dawn un hon maingalsak in a biang khawng ka zutsak hi. Chingnou in a hinkhua ah ngaihluat na nei a huai in zekhem a ataihsat nung midang kiang a alungsim tak pengeilou ahihdan a gen a akhenchiang in amah hinkhua bang a hinkhua zanglou ding leh kuamah lungsim sunalou ding in hon hilh zel hi.
"Ukhual ei... khovel zaw lamdang tak eive maw.. it leh ngaithei mahmah lou hi ing a akum a sim hon gen a hehpih ziak a it teitei nasawm ing a ka it theih a ka itna tengteng kapiak tak a hichia taihsat a ka om..." chi a a ngaihzawng luipa bawldan a khasiat dan hon gen a kaheh pih mahmah hi. "Ching..itna ichih zaw theihsiam haksa lua maw... ki it petmah napi a neuchik ziak a kikhen a neuchuk ziak mah a kiteen hi mai a.. " chi in ka na neem thuk hi. "Ukhual..kei zaw itna ah ka kibual nawn mahmah keiding...a nopna kathei a anoplouhna in anopna teng bangmah lou suah vek ahi..itna ziak a pasal neih ding ahihleh kei zaw pasal bei in ka om zaw ding.." chi in Chingnou in alung kiatdan chiiktak in a gen a chiamnuih chuhtak in "Ching..keile non ngaithei kei di maw leh?" chi in kana chiamnuih a "Ukhual..kon ngaihtheih leh kon ngaihtheihlouh zaw kagen theikei a ahihziak in kei bang leltak a di nahikei..Ki itna in i.ki enkei ding..hon ngaihle sawm ken..Nang toh hunsawtlou zangkhawm himah lehang na hinkhua ding kasuang tuahthei a nang a ding ka hikei chih ka kithei chianlua hi.." chi a aban gen asawmlai in ka napau tuh a "Ching..itna in chit leh chitlouh genlou pi.. chitna leh hoihna ziak a itna itna taktak ahikei.." chia aban genzom kasawmlai in Chingnou in "Ukhual..nagen ut dan kathei a kenleeng kapom hi. Ahihziak in ken chitna ziak leh chitlouhna ziak a kingai theilou ding chi kahikei a kei mimal ziak a kingai theilou ding ihi kachihna ahi. Hoih kon saklouhna leh deihlouh nading bangmah kon theikei.. Pasal ding a hinkhua zatpih dia nangkaan a hoih leeng atamkei dia kei muhding hi leleeng nangsang a kadeih zawk ding kuamah ka mukei ding..himahleh itna in zaw ki en kei ni aw.." chi in ka itna thu kagen khak ding lau hileh kilawm in Chingnou a na kima daal hi. A ziak dot ka ut a himahleh a hinkhua a gen zektenglou bangmah theih kaneihlouh ziak leh kahun nuam uh su nuamlou kahih khakding lau in ka gensau nawn kei hi. Ka taklam khut a ka zuthawl toi le a beita a Chingnou in bel a thawl nihna leeng a gaita hi. Ka nihtuak.un kakham tuaksim ua houlim leeng nuam sa kahi ngeiding ua agen masa bang kituh hile ung ka kilawm hial uhi.
Chingnou toh hun tomchik ka kithuah sung un ka na it mahmah mawk hi. Ka thildawn guu ziak a itna pia kahia chihbel kathei kei hi. Itna thugen ka ut a gen kasawm chiang in Chingnou in hon genkhesak theikei hi. Nungak piltak ahihdan kathei a a na bawl gentheitu bang kahehsan tha asuak hi. Atawp in "Ching..itna lah hon piak utlou nahihchia khatvei beek kon tawp theidiam" chi in ka ngen top hi. "Ukhual..denchia i kisikna ding thil hihkha ding ihi..huaiding a i kiven zohnaak dingleh na utdan in non tawpdia ahihziak in tunitaak ban hichia om nawnlou ding ihi aw.." hon chi a aziak dot sawm a kapau deklai in ka kam hon humsak a.."a pasal zaw nahihziak in ase dingtan nang nathei mamah ding hi hon chi a gending penleng theilou in hon koih hi. Numei apiang ka tawp masak pen nading in Chingnou deihthoh tak in katawp a amanleng a deihthohna teng in hontawp thuk hi. Ka thil dawn un taksa utna teng hon pawsuah bang hial in kikhah nawnlou in ka kikhah thei nawn kei uhi. Chingnou hon bawldan taksa utna kia hilou a itna thupitak tel ahi chih kathei a bangziak a ki it ding utlou a diam chih khawng kalung sim ah hong om hi. Atawp in ka kikhah ua "Ching..tomchik hun zangkhawm himah lehang ka itna tengteng hon pia keive..nangle hon itthuk mai inla midang hon bawldan a honbawl lou ding kahi" chin hon itthukna kangen thak hi. "Ukhual..kenle kahon it lua a kalungsim in ikithuah khaak ka guuk kisiik mahmah hi. Ka itna tengteng a hon na it kahi chih ka kithei a himahleh kagensa bang in nangtoh ki it a hinkhua zangthei ding kahikei hi. Nang a siam hilou kahi" chi in kisiikna mahmah nei ahihdan a mel a kithei in hon chi a gen katup pen thei hileh kilawm a kagen khiatma teitei a ka kam hubing ut in ahon tawpthuk nawn hi. Tuniban hun om nawnlou ding banghial a kikhelah in ka kitawp ua mitmei vending kuamah omlou tuh ka tupsang ua sangzaw in hinkhua kana zang uhi. Hihkhial kisakna om hetlou in ka it tak leh ka ngaihluat ahihman in ka virgin na Chingnou tung a kasuk mang leeng kisiikna ka neikei hi. Chingnou kiang ah kisuanglah tak in "Ching..hon.ngaidam in aw..hin suk botloh ka utziak hi hetlou a kon itluat ziak leh hichidan a numei toh ka omkhak patna ahihziak a kidek zoulou kha kahi" chi in ngaihdam kangen hi. Chingnou in "Ukhual..ngaihdam kingetna ding omkei, kenle kon itziak a huchia hon ompih kha kahi. Natung ah ka kipaak mahmah a himahleh tuni a patna leh atawpna taktak ahi aw " chi in maban a kinepna kaneih khaak ding lau in ahon gen hi. Ka khelah mahmah mai a Chingnou in hon nial lou a hon itthuk hileh chih ka ut petmah hi. Hun in hon ngaklou a hihman in nitaak asawt taak ziak in pai ding in ka kisa ua concert namun tan Chingnou ka vakha hi. Chingnou in apaikhiat kawm in "Ukhual..katung a nasiamna chikmah chiang in kamang ngilh ngeikei ding...Mangpha in aw" chi in atawpna ding in hon tawp tenten hi. Hong kinung hei nawnlou hial in ahon luutsan hi. Keileeng innlam zuan in katai kiik hi.
Ka kingaihtuah a nopsak ziak a kipaak in ka guuk nuihnuih hi. A khenchiang inlah kithei ngeileeng hilou a hichibang a hunzang khawm a ka om mawk uh kisiam louhna ngen in kadim a Chingnou hinkhua susetu hi a kingai in kei le kei ka kihehsan hi. Nibangzah hiam sung Chingnou ka ngaihtuah a khatvei beek muh a hoihtak a ameel et lel leeng ka ut tuntun hi. Himahleh Chingnou in a tawpna achih tinten ziak in kana itluat thuzuilou hihding utlou in zawlngaih sunglut vei in ka om hi. Ka ngaihluat ziak a mu ut pipi mulou a om sang in asia vahihding hilou a va mu lelding chih ngaihtuah in kideek zoulou in Chingnou hon address genna zuan in ka pawt khia hi. A veeng uh katun in a inn diingpen uh theih hak kasak ziak in inn khat ah kava kan hi. A Nite inn a na hikha geih a aNi in kamsiam tak in hon na vaidawn a inn sung a tu phot ding in hon nasam hi. Keileng kava lut a houlimna vantang khawng kava kihoulim uhi. A ni in hon gen a Chingnou in haksatna na memlou toh hinkhua zang ahihdan mit tuikai zungzung in hon gen hi :
"Nungak leh tangval feltak ki it tuaktak kiteengte kaal a tanu neihsun in Chingnou hongpiang hi. A pa govt a officer khat ahi a neih lehlam kuamah englou a khosa ana hi ua sepna a sum tamluat ziak a puuk in a Pa kia hilou in a Nutan in leeng zu leh sa toh kitatsak lou in ana khosa uhi. Chingnou naupang melmawl ahihlai in khosak nuamsa leh deihdeih nei a duat petmah ahi a nungak theiding ahih in a pa' zutam dawmluat ziak a atuap teng bei in sih hunlou pi in a sihsan hi. Apa pension a kivak ahihman un nidang a ahinkhua uh dan a sum leh pai zangthei nawnlou ahihziak un a inn sung khosak uh hong haksa a anu lah zu ngawlthei hinawnlou kia lou a nidang a foriegn zu mantam pipi a dawnte lou uh leeng duhlou in apasal lamkhiatsa teng kum tamlou in a zuakbei vek hi. Zing leh nitaak chih omlou a zu mantam pipi dawn den Chingnou nu ading in apasal penson lel kidaih nawnlou in Chingnou pawl 10 sim zou manlou in skul kai atawp hi. Anu taksa hatlai ahihzawk mah toh sum muhna leh zudawn theihna ahihnaak leh a taksa hial leng kikhawng in zu mah hon buaipih a tangval hausa leh papi ommoh officer te toh hinkhua hon zangkhawm uhi. Pasal kuapeuh in anuteek sang a atanu melhoihna suahkhe pan enlah zaw chiat uh ahihman in Chingnou hinkhua a nu zuman dia khot in a om hi. Nungak tuung sisan hat ading a nu toh panglou a kiveeng zoulou Chingnou leeng anu suulnung zui in ahinkhua hon zang a huaiziak in a it mahmah Thangpu in akhen loh hi. Chingnou a hinkhua hoihlou danthei a kibawl hoih ahih in a nu zunaak kitan ahihman in anu toh kina in concert bawl nitaak a pan in hongpai nawnlou in a om na kithei zoulou hi" chi in Chingnou hinkhua gentheihdan a aNi in hon gen hi.
Maizen....!!! Chingnou in hon itlou hilou napi a ahinkhua paisa ziak a it theih hilou a kikoih a ka itna hon saanglou ahihdan katheih in ka itna alehtampi in a kibehlap hi. Hiaibang a a kidek zohna kei hon itziak ahihdan kathei khia a itna tak a hon na it ahi kachilou theikei hi. Hon itlou a hon khuallou hileh a omdan paisa selsawm a katheihma a hon kiteen pih ut dingbang in kangaihtuah a huchia hon bawllou a amah hoihlouhna ziak a kahinkhua maizum na ding honkhual Chingnou ka ngaihna a kibehlap semsem hi. Chingnou ka hehpih danleh ka itdan imzoulou in aNii kiang ah hinkhua paisa ziak a nial hetlou kahihdan Chingnou hilh a hongpai chiang a hon kimuh pih teitei ding in kathu khak hi.
Ka ihmut kaal chihlouh Chingnou ngai in ka om hi. Akhen chiang in ka ihmut kaal nasan in Chingnou toh kithuah in ngaihtuahna leh zaan mang in Chingnou toh ka kithuah den uhi. Chingnou om nalah kithei zoulou a zon theihna teng leh zontuakna teng kazon hang in ka mukhe zoukei a asuul nung suitheih ding leeng kamu zoukei hi. Kha nihsung Chingnou puldou a hun kazat nung in nikhat Chingnou Ni ahong hoh a Chingnou gari a eksiden a khakhat val damdawi inn a om ahihdan honhilh in tua damzoulou ding ahihziak a khatvei beek hon mu ut achih ziak a honsam ka hi hong chi hi. Ka dip ngeek ana a kataksa a zoi hial hi. Khalkhat bang damdawi inn a om a hontheih saklouh ziak uh kadot leh Chingnou in honhilh ding a khaam bikbek ziak a hon kihilh lou ahi chi in hon gen a keileng Chingnou muding in ka kisa hi. Ka silh tengtoh kuandia ka kisak leh a ni in mundang hospital a om ahih honhilh in zankhat bek giah teitei ngai ahi hon chi a nu leh pa phalna toh kavan ding tawi in ka kizuikhia uhi.
Nitaak lam in Chingnou omna katung ua Chingnou tuh ka kimuh ua amel hoihna tengteng bei in a mai vom beibuai leh etnop hetlou in ana om hi. Kei Chingnou ding in kagingta theikei a hi leleng bangmah kagen kei hi. Amit haklou in a muk a phun seihseih a kava naihtak in a aw suakzou teng a "Ukhual" chi ana hi a bangmah ngaihtuahlou in "Chingnou" chi in kasam hi. Ka aw azaak tak in hongtaang a alu hon hei in awl chik in "Ukhual" chi in a mit ah khitui tuisam phul in hong phul khia hi. A khut let kasawm a hon lau hileh kilawm in peih hetlou napi in kalet dekna khut a puankawm ah sel asawm hi. Bangmah genthei lou in a mittui a luan in a luankhiat thohmai a mihing kisiikna saangtak neilou a ding in hichibang a mittui tam khatvei thu a aluantheih ding kagingta kei hi. Chingnou mit hah in kisiik petmahna nei ahi chih kathei himahleh aziak dot a genthei ding a hatna nei nawnlou ahihman in kadong kei hi. Pasal kahihna mansuah in ka na itluat Chingnou sidia lupna ngak ka kah khe ek ek hi. Peihlou pipi himahleh den a akhut kalet ding aphallouh na khut in Chingnou in ka mittui hon nuulsak a "Ukhual .... U..u..ukhual...kei hoihlouhna nang non thuak ding mahmah na kasa.. hiaibangtel nahi ding kisaleng zaw....u..u..ukhual....hon n..g...a..i..d..a..m..in aw" chihteng gen in Chingnou in akha hon khahsan hi. Kah petmah in kakap a mul litna neuchik leeng neilou hial in atawpna ding in Chingnou ka kawi ek ek hi.
Sawt leeng kawi manlou chih in nurse leh Daktol te hong taikhawm ua khat in kaliang hong beek khauhkhauh kawm in "natna houhlou nei ahi a va naih lawdah in" hon chi hi. Chingnou sih kapuaknat lam leeng phawk nawnlou hial in kalung phu honghat a lamdang satak a daktol pa ka etleh "Aids a veina a nasawt lua a kihun khezoulou ahi" hon chi a ka om na koitak ahia chih leeng kathei nawnkei hi. Inn kong ah katai khia a pawnalua in kah leeng ka kap khethei kei zezen hi. Chingnou mit hah a kisiikna om a katheih leh "ukhual kei hoihlouhna nang non thuakding mahmah..." achih omdan kathei siamta hi. Sihmai ka ut hi. Im mangtheih natna lah hilou a ken bang paulam a Aids vei kahiam chih bang chigen khiat ta dia......Numei leh pasal kaal a thaangtatna ziak a Aids vei a kathan telding ka ngaingam kei hi. Midang dan a zu lehsa a kibual a numei tung a thaangtat beek hileng paulam ding hoih om ding hi a.....!! Mite zudawn a khamtheih hih ua Aids veipah lou ua..Numei a kimawl ua Aids a sipah lou ua..Kei ka hinkhua a zuthawl 3 leng dawn gainailou ding leh Numei aanglum a khatvei lumkha sun tua natna hoihlou vei a minsiatna teng thuak a sidiing kahih tel.....
Hiai thuakding thou bangdia ki mihoihsak a om om ka hiding? Numei kipolh pihding muzoulou leh numeite mul lit kahihziak a khovel nopna a nakibual lou hisamlou ing a nu leh pa thuhilhna zui a hinkhua a hoih theihpen a nazang in huai concert nitaak khatziak leh tomchik sung kideek zohlouh ziak a khovel a minsiatna pen leh mite mullit pen natna vei a siding kahi tel thuak hak kasalua.....!
Ka lawm kavual in hon mullit ding ua a maulak a nuamtak a khosa thei nawnlou ding leh miten ka mai a hon phakta in kilang mahleh kanunglam a kihdak leh nuihsan pen hita ding chih kangaihtuah chiang in keiding in hinman om kasa nawn kei hi. Ka nu leh pa kiang a bang gending kata mai a......A khanvual lak ua ka tapa hoihdan chia hampha kisa a agen zelte uh tua mite nuihsan na hita mai ding.."Toupa tapa hoih leh thumang non piak ziak in ka kipak" chi a innkuan maitaam a agen zel uh tuabang gen tading uh ahia...!! Aw kahinkhua samkik thei a huai concert nitaak dakkal 2 lel bawl thak thei hileng ut hina maizen ing e.
26th March, 2013
@Siamsinna leh Vakiangbu
Laa lam lungluut kahikei na a lawm leh gual ten a thupi ngaih mahmah man un ZAA concert a vahoh tei ut in nitaak ann nezou ka kuankhia hi. Ana sawmkhol kahihlouh ziak leh kalung lutna hilou ahihziak in lawmte kuamah inle honzawn kei ua keile mi vazot ding ka ut tuanlouh ziak in keikia in kakuan hi. A mun katun in gate alut ut mi tamluat ziak in mipi kiphu a kikou loiloi leh volunteer ten ki chapou saktak a a zep ek ek khawng uh kagal muhpah a huchilak a vatel ding hi kasak louhziak in apaam lamdeuh ah ka Activa stand in a tung ah katu hi. Gate bul ate lah buai deuhdeuh mah abang ua akhente naak si pawt neunuau a hehtak a hongpawt khia a "amau thautawi ahihziak ua kuan lautuan di sa ahia...ka naak si athawn in aluang kei di" chia alawmten hon kaihkhiat khawng uh kamuh in keituh ka nalau gusim hi. Himahleh pasal khat kihisam a lauhziak a kik hihding utlou deuh kahihman in hon mukhaten ngaak nei honsak di uh chi in ka sana bang ka en thithe hi.
Sawt kuam katut nung inle mi ahong tawmtuan kei a chihding dan theilou in kiik mai kasawm sim hi. Huchia kiik sawm a ka Activa ka hawl khiat dektak in kanung lam apan "Pai dek maw u.." hong kichi a ka etleh nungak kum 17 velding samsau ngihngiah mel leeng se hetlou khat a na nui seihsaih hi. Kei hon houpih hidia gingtalou in hon etna zawn ka leh et a kuamah a omlouh ziak in kei honhou pihding a gingta in "Kei maw" chi in ka kikawk hi. Aman le "hi" chihleh a chibai ding in akhut hon khak a "Chingnou ka hi" hon chi a kenle chibai kawm in "Khualpu ka hi" ka chithuk hi.
"Pai dek maw..na mingak hongpai loudek hia" chi in ka omtuung apat hon namu bang in hon chi a. " Kuamah ngak neilou kahi. Nop chi kasa kei a vaakkhiat phot sawm kahi" chi in kadawng kik hi. "Gate a mi kisual sual a luut ngamlou a keile hiai a dingden kahi a hohna di naneih keileh iva pawt maimai keidia" kisuanglah tak in honchi a kalam et hetlouh ahihziak in dawnding danle kathei kei zezen hi. Kadawn kiikma in "Ukhual na chiin dan hilou ahihleh chuh poilou..innkuante kiang a concert a hohding chi a tua vapai kiik ding ka utlouh ziak ahi" hon chithak a kenle"huaiziak hikei e..na ut naakleh iva pawt keidia" chi in katai khiatpih hi. Numei toh kipaw ngeilou hikei mahleng Chingnou puak a chituam mahmah in kathei hi. A khen a brake toh a ngaihhun a hon nekkhak chiang bang in ka narvas tha asuak a amahleng kisuanglah in a nung kiin nawn pah zel hi. Hohna ding theituanlou kahihman in "Ching koitak ah ihohdia" chi in kadong a amanleng "nang ut na na poilou time kill nading hiven maw" hon chithuk hi. Nungak kia toh zan khavak nuai a hunzang ngeilou kahihman in hohna ding kathei hetkei a lungsim a hohna ding ngaihtuah kawm leh houlim kawm a katai pihpih leh theihlouh kal in khawnawl katung uhi. Huchi in lampi lun hetlou khat kiang a kalvat kibawl thak ana om a huaikiang a gari khawlsak in culvert tung ah kava tut pih hi. Kithei ngeilou kahihman un kitheihtuahna in omna leh laisimna khawng kagen khawm ua nuam kasa vaanglak hi. Huchia kithei tuah a ka omtak un Chingnou in "Ukhual...nang nadawn diam zaw kathei kei a khatvei na ahih leleng Beer hon khilai ve" a hon chi a..
Lawmta kal ah tuh khatvei nihvei kadawn kha zeuhzeuh na a nungak kiatoh dawnkha ngeilou kahihziak in kilawplua hihding ut keimahleng aguuk in ka ut gu sim hi. Kanih ua vatai in azuakna kiang katun un "Ching nang naduh dandan leh naduh dizah navalei diam..kei hoh ngeilou ing a nuamsalou kahi" chi in a ip a 500 note khat dok khia in kapia a bangmah genlou a nui heuhau in ala a inn sung ah a tailut hi. Sawtlou nung in polythene vom a honkhai pawt a ka omnasa lam uah katai kik nawn uhi. Lampi a bangmah gen zezenlou in a mun katung ua katutna mun ngeimah uah katu kik uhi. Chingnou in "Ukhual..numei din lamdang nonsa sim hia.. ka nu le paten ka neu apan zudawn ua a vangkim a kamkhat kam nih chia ka guukdawn zel ziak a dawn theigawp kahi" hon chi a kalungsim tak in tuh lamdang sakna chiang kanei a himahleh nop asaklouh khaakding lau in "tulai huchi mah hilou maw" chi in kadawng hi.
Polythene bag sung apat in thawl li hon lakhia a "ken thawlnih khawng dawnzel..nang nadeih khop diam ah" chi in kei adia thawl nih honla ahihdan hon hilh kawm hi. Nidang a glass khat lel khawng dawn a le khamthei sim kahihman in ka huphulh gu na a aman nuam asaklouh dinglau in bang mah kagen kei hi. Kentuh awl chikchik in kadawn a Chingnou in thawlkhat a gaih in ken thawlkim khat kadawn khinpan hi. Chingnou in "Ukhual..bang chi e nadawn hetkei a" hon chi a gending pen theihlouh ziak leh hon peisimta ahihziak in "Dawn beipah leng ipaipah ngaiding ahihchia nakhiatlah huai a.." chi in romantic deuh in kadawng hi. "Huai le zaw eimah ve..nang mihoih lua hon susia kahihkhak ding kalau a ka om le nuam theilou ahi.." chi in thawl nihna ding a hong hi. Nou omlou a kithawl tulh kahihman un mahni thawl chiat ka kitawi uhi. "Ukhual..kakham dek mawk a natung ah kon kingai aw" Chingnou in hon chi a chiliing simpi in "na ut naakleh poilou ahi" chi in ka ang ah ka kingaisak hi. Houlim kawm leh kahinkhua uh genkhawm in katu ua kathil dawn un hon maingalsak in a biang khawng ka zutsak hi. Chingnou in a hinkhua ah ngaihluat na nei a huai in zekhem a ataihsat nung midang kiang a alungsim tak pengeilou ahihdan a gen a akhenchiang in amah hinkhua bang a hinkhua zanglou ding leh kuamah lungsim sunalou ding in hon hilh zel hi.
"Ukhual ei... khovel zaw lamdang tak eive maw.. it leh ngaithei mahmah lou hi ing a akum a sim hon gen a hehpih ziak a it teitei nasawm ing a ka it theih a ka itna tengteng kapiak tak a hichia taihsat a ka om..." chi a a ngaihzawng luipa bawldan a khasiat dan hon gen a kaheh pih mahmah hi. "Ching..itna ichih zaw theihsiam haksa lua maw... ki it petmah napi a neuchik ziak a kikhen a neuchuk ziak mah a kiteen hi mai a.. " chi in ka na neem thuk hi. "Ukhual..kei zaw itna ah ka kibual nawn mahmah keiding...a nopna kathei a anoplouhna in anopna teng bangmah lou suah vek ahi..itna ziak a pasal neih ding ahihleh kei zaw pasal bei in ka om zaw ding.." chi in Chingnou in alung kiatdan chiiktak in a gen a chiamnuih chuhtak in "Ching..keile non ngaithei kei di maw leh?" chi in kana chiamnuih a "Ukhual..kon ngaihtheih leh kon ngaihtheihlouh zaw kagen theikei a ahihziak in kei bang leltak a di nahikei..Ki itna in i.ki enkei ding..hon ngaihle sawm ken..Nang toh hunsawtlou zangkhawm himah lehang na hinkhua ding kasuang tuahthei a nang a ding ka hikei chih ka kithei chianlua hi.." chi a aban gen asawmlai in ka napau tuh a "Ching..itna in chit leh chitlouh genlou pi.. chitna leh hoihna ziak a itna itna taktak ahikei.." chia aban genzom kasawmlai in Chingnou in "Ukhual..nagen ut dan kathei a kenleeng kapom hi. Ahihziak in ken chitna ziak leh chitlouhna ziak a kingai theilou ding chi kahikei a kei mimal ziak a kingai theilou ding ihi kachihna ahi. Hoih kon saklouhna leh deihlouh nading bangmah kon theikei.. Pasal ding a hinkhua zatpih dia nangkaan a hoih leeng atamkei dia kei muhding hi leleeng nangsang a kadeih zawk ding kuamah ka mukei ding..himahleh itna in zaw ki en kei ni aw.." chi in ka itna thu kagen khak ding lau hileh kilawm in Chingnou a na kima daal hi. A ziak dot ka ut a himahleh a hinkhua a gen zektenglou bangmah theih kaneihlouh ziak leh kahun nuam uh su nuamlou kahih khakding lau in ka gensau nawn kei hi. Ka taklam khut a ka zuthawl toi le a beita a Chingnou in bel a thawl nihna leeng a gaita hi. Ka nihtuak.un kakham tuaksim ua houlim leeng nuam sa kahi ngeiding ua agen masa bang kituh hile ung ka kilawm hial uhi.
Chingnou toh hun tomchik ka kithuah sung un ka na it mahmah mawk hi. Ka thildawn guu ziak a itna pia kahia chihbel kathei kei hi. Itna thugen ka ut a gen kasawm chiang in Chingnou in hon genkhesak theikei hi. Nungak piltak ahihdan kathei a a na bawl gentheitu bang kahehsan tha asuak hi. Atawp in "Ching..itna lah hon piak utlou nahihchia khatvei beek kon tawp theidiam" chi in ka ngen top hi. "Ukhual..denchia i kisikna ding thil hihkha ding ihi..huaiding a i kiven zohnaak dingleh na utdan in non tawpdia ahihziak in tunitaak ban hichia om nawnlou ding ihi aw.." hon chi a aziak dot sawm a kapau deklai in ka kam hon humsak a.."a pasal zaw nahihziak in ase dingtan nang nathei mamah ding hi hon chi a gending penleng theilou in hon koih hi. Numei apiang ka tawp masak pen nading in Chingnou deihthoh tak in katawp a amanleng a deihthohna teng in hontawp thuk hi. Ka thil dawn un taksa utna teng hon pawsuah bang hial in kikhah nawnlou in ka kikhah thei nawn kei uhi. Chingnou hon bawldan taksa utna kia hilou a itna thupitak tel ahi chih kathei a bangziak a ki it ding utlou a diam chih khawng kalung sim ah hong om hi. Atawp in ka kikhah ua "Ching..tomchik hun zangkhawm himah lehang ka itna tengteng hon pia keive..nangle hon itthuk mai inla midang hon bawldan a honbawl lou ding kahi" chin hon itthukna kangen thak hi. "Ukhual..kenle kahon it lua a kalungsim in ikithuah khaak ka guuk kisiik mahmah hi. Ka itna tengteng a hon na it kahi chih ka kithei a himahleh kagensa bang in nangtoh ki it a hinkhua zangthei ding kahikei hi. Nang a siam hilou kahi" chi in kisiikna mahmah nei ahihdan a mel a kithei in hon chi a gen katup pen thei hileh kilawm a kagen khiatma teitei a ka kam hubing ut in ahon tawpthuk nawn hi. Tuniban hun om nawnlou ding banghial a kikhelah in ka kitawp ua mitmei vending kuamah omlou tuh ka tupsang ua sangzaw in hinkhua kana zang uhi. Hihkhial kisakna om hetlou in ka it tak leh ka ngaihluat ahihman in ka virgin na Chingnou tung a kasuk mang leeng kisiikna ka neikei hi. Chingnou kiang ah kisuanglah tak in "Ching..hon.ngaidam in aw..hin suk botloh ka utziak hi hetlou a kon itluat ziak leh hichidan a numei toh ka omkhak patna ahihziak a kidek zoulou kha kahi" chi in ngaihdam kangen hi. Chingnou in "Ukhual..ngaihdam kingetna ding omkei, kenle kon itziak a huchia hon ompih kha kahi. Natung ah ka kipaak mahmah a himahleh tuni a patna leh atawpna taktak ahi aw " chi in maban a kinepna kaneih khaak ding lau in ahon gen hi. Ka khelah mahmah mai a Chingnou in hon nial lou a hon itthuk hileh chih ka ut petmah hi. Hun in hon ngaklou a hihman in nitaak asawt taak ziak in pai ding in ka kisa ua concert namun tan Chingnou ka vakha hi. Chingnou in apaikhiat kawm in "Ukhual..katung a nasiamna chikmah chiang in kamang ngilh ngeikei ding...Mangpha in aw" chi in atawpna ding in hon tawp tenten hi. Hong kinung hei nawnlou hial in ahon luutsan hi. Keileeng innlam zuan in katai kiik hi.
Ka kingaihtuah a nopsak ziak a kipaak in ka guuk nuihnuih hi. A khenchiang inlah kithei ngeileeng hilou a hichibang a hunzang khawm a ka om mawk uh kisiam louhna ngen in kadim a Chingnou hinkhua susetu hi a kingai in kei le kei ka kihehsan hi. Nibangzah hiam sung Chingnou ka ngaihtuah a khatvei beek muh a hoihtak a ameel et lel leeng ka ut tuntun hi. Himahleh Chingnou in a tawpna achih tinten ziak in kana itluat thuzuilou hihding utlou in zawlngaih sunglut vei in ka om hi. Ka ngaihluat ziak a mu ut pipi mulou a om sang in asia vahihding hilou a va mu lelding chih ngaihtuah in kideek zoulou in Chingnou hon address genna zuan in ka pawt khia hi. A veeng uh katun in a inn diingpen uh theih hak kasak ziak in inn khat ah kava kan hi. A Nite inn a na hikha geih a aNi in kamsiam tak in hon na vaidawn a inn sung a tu phot ding in hon nasam hi. Keileng kava lut a houlimna vantang khawng kava kihoulim uhi. A ni in hon gen a Chingnou in haksatna na memlou toh hinkhua zang ahihdan mit tuikai zungzung in hon gen hi :
"Nungak leh tangval feltak ki it tuaktak kiteengte kaal a tanu neihsun in Chingnou hongpiang hi. A pa govt a officer khat ahi a neih lehlam kuamah englou a khosa ana hi ua sepna a sum tamluat ziak a puuk in a Pa kia hilou in a Nutan in leeng zu leh sa toh kitatsak lou in ana khosa uhi. Chingnou naupang melmawl ahihlai in khosak nuamsa leh deihdeih nei a duat petmah ahi a nungak theiding ahih in a pa' zutam dawmluat ziak a atuap teng bei in sih hunlou pi in a sihsan hi. Apa pension a kivak ahihman un nidang a ahinkhua uh dan a sum leh pai zangthei nawnlou ahihziak un a inn sung khosak uh hong haksa a anu lah zu ngawlthei hinawnlou kia lou a nidang a foriegn zu mantam pipi a dawnte lou uh leeng duhlou in apasal lamkhiatsa teng kum tamlou in a zuakbei vek hi. Zing leh nitaak chih omlou a zu mantam pipi dawn den Chingnou nu ading in apasal penson lel kidaih nawnlou in Chingnou pawl 10 sim zou manlou in skul kai atawp hi. Anu taksa hatlai ahihzawk mah toh sum muhna leh zudawn theihna ahihnaak leh a taksa hial leng kikhawng in zu mah hon buaipih a tangval hausa leh papi ommoh officer te toh hinkhua hon zangkhawm uhi. Pasal kuapeuh in anuteek sang a atanu melhoihna suahkhe pan enlah zaw chiat uh ahihman in Chingnou hinkhua a nu zuman dia khot in a om hi. Nungak tuung sisan hat ading a nu toh panglou a kiveeng zoulou Chingnou leeng anu suulnung zui in ahinkhua hon zang a huaiziak in a it mahmah Thangpu in akhen loh hi. Chingnou a hinkhua hoihlou danthei a kibawl hoih ahih in a nu zunaak kitan ahihman in anu toh kina in concert bawl nitaak a pan in hongpai nawnlou in a om na kithei zoulou hi" chi in Chingnou hinkhua gentheihdan a aNi in hon gen hi.
Maizen....!!! Chingnou in hon itlou hilou napi a ahinkhua paisa ziak a it theih hilou a kikoih a ka itna hon saanglou ahihdan katheih in ka itna alehtampi in a kibehlap hi. Hiaibang a a kidek zohna kei hon itziak ahihdan kathei khia a itna tak a hon na it ahi kachilou theikei hi. Hon itlou a hon khuallou hileh a omdan paisa selsawm a katheihma a hon kiteen pih ut dingbang in kangaihtuah a huchia hon bawllou a amah hoihlouhna ziak a kahinkhua maizum na ding honkhual Chingnou ka ngaihna a kibehlap semsem hi. Chingnou ka hehpih danleh ka itdan imzoulou in aNii kiang ah hinkhua paisa ziak a nial hetlou kahihdan Chingnou hilh a hongpai chiang a hon kimuh pih teitei ding in kathu khak hi.
Ka ihmut kaal chihlouh Chingnou ngai in ka om hi. Akhen chiang in ka ihmut kaal nasan in Chingnou toh kithuah in ngaihtuahna leh zaan mang in Chingnou toh ka kithuah den uhi. Chingnou om nalah kithei zoulou a zon theihna teng leh zontuakna teng kazon hang in ka mukhe zoukei a asuul nung suitheih ding leeng kamu zoukei hi. Kha nihsung Chingnou puldou a hun kazat nung in nikhat Chingnou Ni ahong hoh a Chingnou gari a eksiden a khakhat val damdawi inn a om ahihdan honhilh in tua damzoulou ding ahihziak a khatvei beek hon mu ut achih ziak a honsam ka hi hong chi hi. Ka dip ngeek ana a kataksa a zoi hial hi. Khalkhat bang damdawi inn a om a hontheih saklouh ziak uh kadot leh Chingnou in honhilh ding a khaam bikbek ziak a hon kihilh lou ahi chi in hon gen a keileng Chingnou muding in ka kisa hi. Ka silh tengtoh kuandia ka kisak leh a ni in mundang hospital a om ahih honhilh in zankhat bek giah teitei ngai ahi hon chi a nu leh pa phalna toh kavan ding tawi in ka kizuikhia uhi.
Nitaak lam in Chingnou omna katung ua Chingnou tuh ka kimuh ua amel hoihna tengteng bei in a mai vom beibuai leh etnop hetlou in ana om hi. Kei Chingnou ding in kagingta theikei a hi leleng bangmah kagen kei hi. Amit haklou in a muk a phun seihseih a kava naihtak in a aw suakzou teng a "Ukhual" chi ana hi a bangmah ngaihtuahlou in "Chingnou" chi in kasam hi. Ka aw azaak tak in hongtaang a alu hon hei in awl chik in "Ukhual" chi in a mit ah khitui tuisam phul in hong phul khia hi. A khut let kasawm a hon lau hileh kilawm in peih hetlou napi in kalet dekna khut a puankawm ah sel asawm hi. Bangmah genthei lou in a mittui a luan in a luankhiat thohmai a mihing kisiikna saangtak neilou a ding in hichibang a mittui tam khatvei thu a aluantheih ding kagingta kei hi. Chingnou mit hah in kisiik petmahna nei ahi chih kathei himahleh aziak dot a genthei ding a hatna nei nawnlou ahihman in kadong kei hi. Pasal kahihna mansuah in ka na itluat Chingnou sidia lupna ngak ka kah khe ek ek hi. Peihlou pipi himahleh den a akhut kalet ding aphallouh na khut in Chingnou in ka mittui hon nuulsak a "Ukhual .... U..u..ukhual...kei hoihlouhna nang non thuak ding mahmah na kasa.. hiaibangtel nahi ding kisaleng zaw....u..u..ukhual....hon n..g...a..i..d..a..m..in aw" chihteng gen in Chingnou in akha hon khahsan hi. Kah petmah in kakap a mul litna neuchik leeng neilou hial in atawpna ding in Chingnou ka kawi ek ek hi.
Sawt leeng kawi manlou chih in nurse leh Daktol te hong taikhawm ua khat in kaliang hong beek khauhkhauh kawm in "natna houhlou nei ahi a va naih lawdah in" hon chi hi. Chingnou sih kapuaknat lam leeng phawk nawnlou hial in kalung phu honghat a lamdang satak a daktol pa ka etleh "Aids a veina a nasawt lua a kihun khezoulou ahi" hon chi a ka om na koitak ahia chih leeng kathei nawnkei hi. Inn kong ah katai khia a pawnalua in kah leeng ka kap khethei kei zezen hi. Chingnou mit hah a kisiikna om a katheih leh "ukhual kei hoihlouhna nang non thuakding mahmah..." achih omdan kathei siamta hi. Sihmai ka ut hi. Im mangtheih natna lah hilou a ken bang paulam a Aids vei kahiam chih bang chigen khiat ta dia......Numei leh pasal kaal a thaangtatna ziak a Aids vei a kathan telding ka ngaingam kei hi. Midang dan a zu lehsa a kibual a numei tung a thaangtat beek hileng paulam ding hoih om ding hi a.....!! Mite zudawn a khamtheih hih ua Aids veipah lou ua..Numei a kimawl ua Aids a sipah lou ua..Kei ka hinkhua a zuthawl 3 leng dawn gainailou ding leh Numei aanglum a khatvei lumkha sun tua natna hoihlou vei a minsiatna teng thuak a sidiing kahih tel.....
Hiai thuakding thou bangdia ki mihoihsak a om om ka hiding? Numei kipolh pihding muzoulou leh numeite mul lit kahihziak a khovel nopna a nakibual lou hisamlou ing a nu leh pa thuhilhna zui a hinkhua a hoih theihpen a nazang in huai concert nitaak khatziak leh tomchik sung kideek zohlouh ziak a khovel a minsiatna pen leh mite mullit pen natna vei a siding kahi tel thuak hak kasalua.....!
Ka lawm kavual in hon mullit ding ua a maulak a nuamtak a khosa thei nawnlou ding leh miten ka mai a hon phakta in kilang mahleh kanunglam a kihdak leh nuihsan pen hita ding chih kangaihtuah chiang in keiding in hinman om kasa nawn kei hi. Ka nu leh pa kiang a bang gending kata mai a......A khanvual lak ua ka tapa hoihdan chia hampha kisa a agen zelte uh tua mite nuihsan na hita mai ding.."Toupa tapa hoih leh thumang non piak ziak in ka kipak" chi a innkuan maitaam a agen zel uh tuabang gen tading uh ahia...!! Aw kahinkhua samkik thei a huai concert nitaak dakkal 2 lel bawl thak thei hileng ut hina maizen ing e.
26th March, 2013
@Siamsinna leh Vakiangbu
Comments
Post a Comment