UI HIA SIKHA??
By ~ Rex Peapy Tangpua Racer
Khenkhat ten sikha kichi leh dawi kichite a gintak hetlouh lai un khenkhat te lah a min zak mai in leng a liing gawp thei uhi. Tunia kon gen nawn dek leng a taktak a thiltung ahi a, himahleh a mite min bel gen vek dah mai leng chih hoihsakna a om ziakin mimal min ka hon tuangsak kei ding hi.
Sapte khawng thiltuah i sim chiang in a ni, kha leh kumte kigelh chetchet sek a, huai in a taktak ahihna a kichiansak sem hi. Tua kei hon thilgen di bel ani, kha leh kum ka chiang nawnkei a, banah ngaihkawi theihna omkhak di venna in a mun-le-mualte min leng ka hon taklang dah mai ding a, simtuten na hon na theihsiam uh kon ngen hi.
Ka khua uh ahihleh singtang, inn 200 khawng omna ahi a, khosung kivaipuakna leh kikepna leng a hoih mahmah hi. Khomun keen piansim himahleh keense lua bel ahikei hi. Ka khotaw zek uah suangpi lian mahmah khat 'Upa pa suangpi' kichi a om a, huai khang zek ah khawlmun nuamtak a kibawl a om hi.
Pathianni nitaklam chiang in kuamah vaikuan ki omlou ahihchiah an kine baih thei mahmah a, nitaklam annekkhit chiang inleng nitum nailou hi. Pathianni nitaklam khat annekhin kikhop hun ngak a ka omlai in ka khotaw lam uah ui ham kongkong kaza a, bangthu hi peuhmah hiam chi in ka ngai nilouh hi.
Huchia ka omlai in khosung makaite khat hongpai a, "Tua ui ham va enkhe mai un, thang a awk houh ahi di" chi'n hongsawl hi. Kenleng lawmte minih zawn in a enkhe ding in kava kuansuk uhi.
Upa pa suangpi kichihna mun ka tun un ui hamna pen suangpi nuailam keense lak ahi chih ka thei ua, suangpi pang apat ka etsuk uleh ui khat, a vom leh kaang a gial, thang-awk bang a kipek a ham kongkong kamu uhi. Kouleng ka lak ua khat vasut din ka kisawl ua, lawmpa leng a va kumsuk pah hi.
Kou minih in suangpi pang apat kana en ua, lawmpa a mun a va tunsuk ma in a ui a hong mang hiau mawk hi. Aman leng lamdangsa in hong daktou heuhou a, a ui lah om nawnlou, a hamging lah kiza nawnlou ahihman in amah le a hong paitou kik hi.
Huchia lamdangsa tak a ka ki-ettuah lai un ka khang ua khawlmun gei lamlai ah huai ui hong kilang nawn a, ama a a ombang a kipei volvol in a ham kongkong hi. Kouleng lunghimoh luatna leng nei tuanlou in kava naihsuk ua, himahleh a mun ka tunma un a hong mang nawn hiau mawk hi. A nihveina dia a hong mang zel tak in tuh ui ahikei chih ngaihdan ka nei ua, himahleh bang hiding hiam chih bel ka theizou kei uhi.
Paisan di chia ka kisaklai un uiham kaza nawn ua, ka lawmta thum un ka kinunghei ton duam zozen uhi. Himahleh tutung in bel ka gal ua mual lak apat hong hamging ahi a, kouleng va delhzui tuak hinawnkei chi in lamdangsa kawmkawm in ka paisan uhi.
Tunitan a huai a ka thilmuh uh bang hi peuhmah hiam, ui chi lenglah hichia mang guihguih theilou di a, chi in ka suutzou naikei hi. A gengen uh sikha houh hinteh chi'n ka ngaihtuah top mai hi.
* Retold by Kam Langel
March 24, Sunday at 7:47pm
@Siamsinna leh Vakiangbu
Khenkhat ten sikha kichi leh dawi kichite a gintak hetlouh lai un khenkhat te lah a min zak mai in leng a liing gawp thei uhi. Tunia kon gen nawn dek leng a taktak a thiltung ahi a, himahleh a mite min bel gen vek dah mai leng chih hoihsakna a om ziakin mimal min ka hon tuangsak kei ding hi.
Sapte khawng thiltuah i sim chiang in a ni, kha leh kumte kigelh chetchet sek a, huai in a taktak ahihna a kichiansak sem hi. Tua kei hon thilgen di bel ani, kha leh kum ka chiang nawnkei a, banah ngaihkawi theihna omkhak di venna in a mun-le-mualte min leng ka hon taklang dah mai ding a, simtuten na hon na theihsiam uh kon ngen hi.
Ka khua uh ahihleh singtang, inn 200 khawng omna ahi a, khosung kivaipuakna leh kikepna leng a hoih mahmah hi. Khomun keen piansim himahleh keense lua bel ahikei hi. Ka khotaw zek uah suangpi lian mahmah khat 'Upa pa suangpi' kichi a om a, huai khang zek ah khawlmun nuamtak a kibawl a om hi.
Pathianni nitaklam chiang in kuamah vaikuan ki omlou ahihchiah an kine baih thei mahmah a, nitaklam annekkhit chiang inleng nitum nailou hi. Pathianni nitaklam khat annekhin kikhop hun ngak a ka omlai in ka khotaw lam uah ui ham kongkong kaza a, bangthu hi peuhmah hiam chi in ka ngai nilouh hi.
Huchia ka omlai in khosung makaite khat hongpai a, "Tua ui ham va enkhe mai un, thang a awk houh ahi di" chi'n hongsawl hi. Kenleng lawmte minih zawn in a enkhe ding in kava kuansuk uhi.
Upa pa suangpi kichihna mun ka tun un ui hamna pen suangpi nuailam keense lak ahi chih ka thei ua, suangpi pang apat ka etsuk uleh ui khat, a vom leh kaang a gial, thang-awk bang a kipek a ham kongkong kamu uhi. Kouleng ka lak ua khat vasut din ka kisawl ua, lawmpa leng a va kumsuk pah hi.
Kou minih in suangpi pang apat kana en ua, lawmpa a mun a va tunsuk ma in a ui a hong mang hiau mawk hi. Aman leng lamdangsa in hong daktou heuhou a, a ui lah om nawnlou, a hamging lah kiza nawnlou ahihman in amah le a hong paitou kik hi.
Huchia lamdangsa tak a ka ki-ettuah lai un ka khang ua khawlmun gei lamlai ah huai ui hong kilang nawn a, ama a a ombang a kipei volvol in a ham kongkong hi. Kouleng lunghimoh luatna leng nei tuanlou in kava naihsuk ua, himahleh a mun ka tunma un a hong mang nawn hiau mawk hi. A nihveina dia a hong mang zel tak in tuh ui ahikei chih ngaihdan ka nei ua, himahleh bang hiding hiam chih bel ka theizou kei uhi.
Paisan di chia ka kisaklai un uiham kaza nawn ua, ka lawmta thum un ka kinunghei ton duam zozen uhi. Himahleh tutung in bel ka gal ua mual lak apat hong hamging ahi a, kouleng va delhzui tuak hinawnkei chi in lamdangsa kawmkawm in ka paisan uhi.
Tunitan a huai a ka thilmuh uh bang hi peuhmah hiam, ui chi lenglah hichia mang guihguih theilou di a, chi in ka suutzou naikei hi. A gengen uh sikha houh hinteh chi'n ka ngaihtuah top mai hi.
* Retold by Kam Langel
March 24, Sunday at 7:47pm
@Siamsinna leh Vakiangbu
Comments
Post a Comment