NANG DEIH TELNA LEH LUNGLUTNA MAH ZUI IN
By~Bhyak Hawxel
Kum2 ding lel ka phak apan skul kaisak in ka na om tou pah hi. Ka pa
lehkha lam ah lunglut tak ahihman in ka neu apat ka lehkha zirna ah hon
huh nak mahmah hi. Adiak in Mathematics lam a siam ziakin kei ngei leng
huailam lunglutna ka nei hi. Aziak bel chian tak a hon hilh pen ka
theisiam mahmah sek hi.
Sau lou in ka pa tanchin kon gen zual ding, ka pa le lehkha siam
theitak ahihman in ka pa theikha peuh in nang leng lehkha na siam d,na
pa leng lehkha siam hiven a hon chi tangpi uhi. Ka pan ngei leng
graduate 1 ahisam a,amau hun lai a ding a lehkha siam thei pawl
himahleh,vangsiatna ziak hia ? Dau hat zohlouh ziakin, sepna amu kei.Nei
zou lua leng ana ahihlouh man un,deih bang tak in a lehkha zir maban
azom theikei hi. Hiaizah in ka pa tanchin tomkim takin kon gen zou phot
ding.
Ka pan bel Maths hon hilh ding chiang lel in hon hilh ding in ka sam
sek a,hichi lou in ka nu'n ka neu apat ka lehkha zirna ah hon tutpih in
hon hilh gige hi. Unau a lianpen ka hi a,nau numei 1 leh pasal1 ka nei
hi,amau bel huchi lawmlawm in lehkha lam ah a lunglut louh man un,kei
lehkha sim ding ka nu-leh-pa te'n hon buaipih zaw hi un ka thei,a lian
pen leng ka hihziak ahi ding.
Pawl 5 tan ka sim sung in class ah top 5 tan ah ka tung zohkei
lehleng top10 tan ka tung zou gige tangpi hi. Damtheihna lam ah bel
mibang a damthei lua ka hikei hi. Pawl 6 apan Pawl 8 tan sung chu top 10
te lak ah ka tel zohlouh hun atam mahmah mai hi. Ka neu apat in teacher
te'n AIM IN LIFE hon dot chiang un DOCTOR ding ka ci gige a, huai
mahleng ka ut pen ahi gige hi. Ni1 ni tei doctor a pang ding ka tup pen
ahi. Ka tup ka tangtung sak zoh lehleng ka ut bel,khota ah doctor
omlouhna ah va sep pen ka lunggulh pen ahi lai hi.Pawl 9 ka hihkum in
bel haksa sa pian sim ka hi ding a , ka fail kha sek hi. Himahleh, Pawl
10 zir theiding dinmun in ka hong omta, huai kum in bel exam masa ka hih
hoih hang in exam non na ah bu1 in ka hon fail a ka pawna thousam hi.
Huaizoh in ka exam non na uah bu 3 vel in ka hon fail ta a,ka pawna
mahmah mai hi. Coaching lak ka hon kipanta mai hi.
SHOUTE COACHING te pen ka tanaute uh ahihman in huai ah ka nute'n a
hon la sak uhi. Achang in bel lak peihlouh man in, ka bunk (aguk a la
lou cih d hinteh) sek uhi ka lawmte khong toh, huailai vel a chu bunk
cih thang lotel hiven maw(hehe) . Selection exam hun ding ahon nai
hiaihiai a, kei leng lehkha sim kipat tak ka sawm hi. Huaizan ka lehkha
sim zoh,ka lup nung sawtlou in,ka khete leh ka kawng nunglam a hong nna
mahmah mai a, ken bel a golh maimai ding ka sa a,himahleh dakkal1 bang
na satak a ka thuak nung in a hon dai tuankei a,dak12 bang pel ding
hita. Inn maite auto la in khovot tak nuai ah ka nu leh pa toh district
hospital lam kintak in ka manoh ta uhi.
Dr.Kim Simte duty zan ana hi a,hon enpah in a thuak nop nang in hon
kap dek uhi. Kikap ka lauh mahmah ziak in,ka nu ka kiang ah om in,
"bawi, lauhding hilou eihkha naa lou d ahi aw" ci in hon gen lawk hial
hi. Kikap ka na lauhziak hon gel zual maileng,1vei khosik ziak a C-max
(ka theichiang non kei) a hon kap uh, naa salua ka hihman in,huai apat
ana lau den ka hi. Huai kia hilou khatvei tetanus a hon kap ni un,ana
lau lwa ka hi dia hon kap zoh un, b.p sang hia? niam hia? khua phawk lou
hial in bang tan hiam ka na om ahihtuak hi. Huai apat ka nu'n ka kikap d
teng in "Lauh louh ding ahi,bangmah cilou d" hon ci gige hi.
Main point ah lutsuk nonta ni, pawl X selection exam lai vel a kaalna
ka neih ziakin deih bang in lehkha ka sim theikei,ana in hon phak
ciah,a thuak nopna a kap ma,damdawi nek in phattuam na himhim aneikei
hi. Ka selection exam uah leng ka pass zoukei. Himahleh teachers te
deihsak na ziakin BOARD ah exam theiding in ka om hi. STUDY CAMP ka nei
ua himahleh keibel,ki check up sak ngai leh damlouhna te'n hon phak zel
man un,sot ka va omkha mankei hi.Pathian hehpihna toh Pastor te leh ka
sungkuante thumna zia kin exam sung buai hetlou in ka exam zou thei sam
hi. Ka exam d ni chiang un,ka nu'n thumna toh hon kha khe zel a huai kia
hilou,room ah ka exam neihsung uh honna thumsak zel hi.
Kei bel pass ding in le ka kinemkei, science ka hihfuh hetlouh ziak
in ka mang a bang a,ka lung a muang kei. Himahleh ka pa'n bel a hon
muang mahmah veve lai hi.Result suak ta d tuni a,cih bang cu kiza mun
lotel dip bang chu kisai litlit gige lah hon suak taktak ngeilou. Huchia
om vengvung lai in,zan1 gintat louh ni pen a hon suak guih mok.
Dawr(shop) ah hohlai ka nupi te'n honna etsak uh zaw ahi ding ua, 2nd a
pass ka hihlam hon hilh un lamdang ka sa a, inn ah kintak a tai in, ka
naute ka hilh ngal hi. Ka nute bel damlou veh dia a pawt ni zan uh ahi
cet hi. Kei kipahna sang in ka naute kipahna uang zaw hial bang abang a.
Ka naute kipak a tawm zezen hial ka muh in mittui bang a hong daai hial
hi. Ka nute damlou vehna,ka nite inn ah ka naute toh ka vataitung ua ka
hilh pah uhi. Ka pa'n bel 1st bek hizou leng ci a ut mahmah ahi ci ka
thei, amah leng pawl X 2nd a,zou ahihman in a lung a tung zou ciahkei
hi. Dam vak lousa a exam ka hihman in ka pite khong leh honna thumpih
te'n hon kipahpih ding bang a tam mahmah mai uhi. Ka teacher te bangzah
hiam inle a hon phone uh a,huai kum chu ka skul pass % uh atawm mahmah
hi. A kimkhat sang a tam zaw zek lel ka pass uhi. Teachers khenkhatte
bang hon hoh ua,"pass dia le ginlouh pen,damlou kawm sim chin na pass
dia kon ginglouh hia?" cih khong bang in hon chiamnuih uhi.
College kai theiding ki hita,miteng in hon thei le uh cih bang ut
huaisim(hehe). Hiai result a khente adia kipahna a khente adia dahna a
suak hi. Huai kawm kal ah lawmte toh kai khawm thei nonlou ding hita.
Kai na kibang sun tele, subject lak ut kibang nonta lou. Keibel DOCTOR
hih utziak in SCIENCE lak ding ka thupuk na a hitawp mai hi. Pawl XI ka
hih kum chu ka lawmte kou SCIENCE la te lak a a omkhak louhman in,pautam
ngellou leh lawm le pawllou,pawlte toh leng ka kihou vak kei uhi. Mi
pautam lou,mi houpih louh a houpih masak sawmte leng ka hihlouh ziak
ahi. Lunglelh huai bang a bang sim hi,gingtak sang in SCIENCE kici cu a
nuam lawvak kei hi. Pawl XI cu huchi kawm kal ah hong ki pass non sam
hi.
Pawl XII sim kum ding in bel ka pa'n ACTIVA ka TUITION lakna din,
aneih val leng hilou aneih sunsun in a hon leisak a,ken leng TUITION te
ka la sam hi. Lawm polh theih ding ka hauta. Ka pautam ua class ah
taimun pente lawi lak ah leng ka tel mun mahmah uhi. Huchi in lawmte toh
nuamsa pan cih ding in exam hun ding a hong nai hiaihiai nonta hi.
Nuamsak ziak ahi ding a hun bang a paikin a bang hial hi. Hunte hong
pailiam zel in HSE exam a hong hun nawnta hi. Pawl X & XI exam lai
adan bang ngei in PASTOR leh upate'n hon thumsak nate banah ka nu ngei
leng thumna tawh kei adin ana pang den hi. Damtak in exam ka hon zou
nonta uhi.
Result ngak sung in,a chang in pass dia kikoih a chang in fail dia
kikoih ka kisu lunggim thei mahmah mai. Huchin result cu nitaklam 1 a
hong suak ngei a,ngui tak in ka na om a, ka pate nasem hong tung un hon
dong a ken le dah kawm pi in "2nd in ka pass" ka ci leh ka nu'n,"Na ngui
lua a fail ding hon kisa a" hon ci a ken le "1st a ka pass na d mark 2
in sam eivoi" ka ci hi. Ka lawmte bel 1st,2nd leh fail bang in ka om
uhi. Hiai a ka result uh ziak a ka MBBS coaching lak ding leng ka tawp
bawlta mai hi. Aziak bel 1st a ka pass zohlouh man ahi. Ka neu apat ka
na tup tinten leh ka na ut mahmah DOCTOR hihding pen ka lungsim apat
mangsak in BA a sutzop ka sawm zawta hi.
Hiai ka maban zawm ding in 12thJune, 2012 in, ka iit ka ngaih ka lawm
ka vual,ka nu leh pa,ka u leh naute nusia in,DELHI tual ka hon siikta
hi. Ka nu ka zin ding a khasia a mittuite hong luang hial a, kei
ngeileng mundang ah om ngeilou ka hihziak in haksa ka sa mahmah hi. Ka
damtheihlouh nate ziak a leng ka nu'n hon muh phak louh a ka om ding
ngaingam lou ahi d. Ka paima sung hon giahpihte ka mangngilh
theikei. Huchin JESUS & MARY college a din ka hong ki admit ta.
Huchia kai toutou in 1st semester ka zohtak un. 17th Dec,2012 in innlam
ah sungkuan a Christmas zang ding in ka vapai a. Khelah tak mai in 12th
Jan, 2013 in DELHI ah ka kik nonta. Lawmte toh houliim in kei bel ka
lunglut na SCIENCE lam ahi veve lai hi. Ka subject lak ah ka lunglut
louh luatman in, tawp mai a ka na lunglutna sa MBBS coaching la thak
ding in thupukna ka bawl kik nonta hi.
THUKHITNA: Kei deih telna leh lunglut louhnapi ah lawmte gen hatpihna
ziak a ka pai manin,sum a thawn in tamtak ka sen banah kum1 nasep manna
beisuak ahi. Huai kia hilou nu-leh-pa'n neihval a hon kai sak le hilou
tamtak hon sensakte uh, bang mah lou a zat beisak ka suak hi. Kei
lunglel mailou in ka neu apat ka na tup pen, ana zir pah hileng tu in
sum huaizah bang mah lou a beilou ding hi a, cih ka ngaihtuah a ka
nu-leh-pa tung ah ka kisuanglah mahmah mai. Himahleh hiaiteng ditkikna
din Pathian in ka ma honpi dia, khatvei tei ka nu-leh-pa kinepna
mualsuah ka sawm thouthou ding.
I gen nop pen ahihleh : a hunlai in kingaihtuah chian inla nang
lunglut na mah zui in. Mite gen ziak a ei a dia phatuam omlou ahi a; ei
deihtelna ah pai in kuhkal tak in pang le, Pathian in ei adin lampi hon
bawlsak a om thouthou ding ahi cih ka chian.
Kei experience kon gen ahi a,nou ngaihdan ahi kim kei ding._hon simsakte tung ah_KA KIPAK ;))
©Siamsinna leh Vakiangbu
Comments
Post a Comment