A HEHPIH HUAI HINKHUA
By ~ Xyambawy L. Tonxyng Fspa
Siamsinna ziak in Innlum nusia in Gamdang
ah na pai a, Nidang banglou tak in free na kisa mahmah a, Sum leh pai
kitatsatlou hial in neih leh neihlouh genlou in na na buaikhak di alauh
man un sungte’n hon khak ua.Nang chu na lawmte lak ah na chethei a neih
le na nei mah. Na pianzia inleng na sit huai kei khop mai.
Hun hong paizel in na noptal sung na
gintak sang in hong tom zaw a,nidang a na lawmte na treat gigete a
ngeingei ahihman un na kinepna alian mahmah mai thei. Himahleh huai lai
hun leh tuhun na teh in zaw a nak kikhiat tel mai maw !. Na lawmte na
mawhsakna alian hulhulta maimah hi. Hunlui a na lawmte’n nang hih
bangbang in tuhun in nang hon treat sawm mah le uh na nunzia uh a
kilamdang vek ta.
Nang khovel musuak khop in na hinkhua na
zang a huai kawmkal ah na lawmte’n maban khualtak in lai ahon sin ua.
Nang bangbang hiam hih a na lawm pasal/Numei ginalou chikchikte toh
kholai a noptal a na pawt salsal hunte in na lawmte insung a kikhum
khinkhian in lai ana sim uhi
Maban lah mong gawpta, lawmluite lah mu
ngam nawn talou. Na taksa lah ani ani a kiam hulhul mai.Tua hun chiah in
zaw a beidong tawp khawk na hi ta. Na nu leh pate’n lah innlam ahong
pai dia hon samsam mai uh. Nang lah zumna leh kisuanlahnate na lu a
ek-khuk a khu na hihman in, hi na sathei himhim kei; lah na omna ah sep
theih na hau nawnkei chih lah na thei ngal a…. . . . .. !
A tawptawp in zaw bang chituk in kizumsel
mah lecin le na sungte’n thu theikhin vekta ahihman un ut leh utlouh
gen theih vual louh in na omna apan a hong pikhe thouthou ta ve uah.! !
Writer’s note : Hiai
thu ka phuahtawm pumlum ahi. Himahleh i maban di kitheilou ahihman in
kiven siam poimoh chih man lel a kon gelh ahi. Kuamah kawk tuam ka
neikei.
©Siamsinna leh Vakiangbu
Comments
Post a Comment