NGEISOK A PAAK LAI IN..
By : Zo Khanthang
Ka gamvakna a kawldang a ngeisok paak kamuh man in khawl dedu zen in ka en a, hiai paak kilawm tungtuanna bang a diam aw chi in ka ngaihtuah a, ka enen a, si bang a san, pak dang toh tehkak theih vuallouh, pi-leh-pute gen minthang nang na hive maw chih toh a kung a kahtouh ka thuah a, ka khut in kava zut a, ka lungsim ah lawhkhiak mai utna lungsim hong om a, ka loukhe dek a, himahleh thakhat in ka nunglam a pan in khuaimu hong leng ham vuvu ahih man in ka tuniam a, a kahiang ah huai khuaimu in ngeisok paakzu a tawp ka enta hi. Huai khuaimu in deihthoh tak mah in khawl manlou in a paakzu a tawp a, hunsak ta henla lengmang leh hoih di hia chi a ka ngak lai in a lamdang mahmah khat bel, khuaimu in ngeisok a taisan takei, a tung ah a tuang a, a pakzu a tawplouh chiang natawm inleng khuaidang te ana hawl zel mawk hi. Duh-amm hina maizen e chikawm in kakiang a sawlnah ka laikhia a, huai khuaimu ka hawl a, himah leh hangsantak a huai khuaimu in paak a ven man in ka tawpsan a, kei mihing apil zodeuh in hiai khuaimu khong kava hichi buaipih, a tang utleh tang henla, a paak a vul matan tawp heh ka chi a, ka paisan kawm in utdeuh hileng zaw khuaimu tung a thunei show na a huai paak a kung phuk di hing a ka chi numnum hi.
Vaipai hun in kava veh nawn a, ka gintak bang in huai khuaimu tuh lungmuang kisa in huai ngeisok pak tung ah ana tuanglai thou thou a, sunkhua a veng chin a nitak khomial dingtan a hichi khop a khuaimu in hiai paak leltak na ven mawk, lamdang hina maizen e, hiai paak ka khoihkhak ding phallou a paak etlawm bawlpa Pathian mahmah inleng khuaimu a vengtu dia sawl hinteh, hiai paak tangkha sam dia phulou hi ning chi in, a paak lounuam mahmah hina pi in lungke dimdem in ka paisanta hi. Inn ka tun tan inleng a etlawm dan ka ngaihtuah a, nitak zan khotawn inleng ka ngaihtuah ban ah, hiai paak etlawm, pak dangtoh teh vuallouh, hunteng munteng a muhkhak leng hilou, ka lawm ka vual te'n leng ennuam losam ding uh hia, kisialpih theih nakhop tuakkha hing a bang ziak a loulou tek ka diam a ka chi a, kisik tak a ka om man in zingchiang baihtak in va en nawng ning in, huaichiah zaw valou mahmah naveng ka chita hi.
Zingkal ka thoh in gamla pi pai in huai paak omna ka delh a, kinemtak a huai paak kungphung a ka daktouh lai in maizen, maizen huai paak zaw ana vulta, vuai nipnep in a omta a, khuaimu in deihtawk a a tawpvul nung a taisan eive maw poi na e, khuaimu tawpma in loukhia in kem hoih zoleng le himai di hia, tangkha lou keita ve a paal lutlai ka chi a, himahleh deihlua ka hih man in huai a vulsa, vuai nipnep pen ka loukhia a, ka khut ah ka sim thiintheen a, inn ka tung in lawm leh vualte ka lakta hi, hiai paak vuai maimai maw nalh nasak, min a ut bangbang ua a tawp vuaisa leltak maw na ngaihtuah det, paih inla a paak hunnawn chia a paak masa, a paakpha pente lou inla, muat theilou din phoukeu leteh hiamai eivoi hon chih man un huai pakvuai, a vulma a hoih kasak mahmah tuh ka en a, etlawmna nei nonlou hi a ka muh man in ka paihta a, kumnawn a a hon paak thak ding, ngeisok paak dang ka ngakta hi.
Kumnawn a hong hih in ka inn gei ua pak etlawm taktak tampi a paak huntawh kituak ahih man in huai paak gamla pi a lawh bat ding le himanglou va awlmawh sang in chi in huai anai a pak omte ka pibawl man in ngeisok ka muhtung a ka etlah pah tuh ka nelh siah ta hi, himahleh huai ngeisok pak zaw tunitan in ka deihna a beithei kei, a paak thak sangmah in leng huai ka muhni a a paak chet pen mahmah hoih kasa tungtuan hi, himahleh huai paak kilawm tangzoulou in khuaimu in a tangzaw ta a, vengzou dinglai ken phulou ka hih man in khuaimu kianga ka piak a a khonung a a taisan mawk pen in tuni tan ka lungsim a suna a, huai a vulsa ngeisok paak lah lakik nuam mah leng a lemtheih nonlouh man in ngaina pi in mangilh ka sawm a, ka mangilh thei ngeikei hi.
Amah lah paak dangtoh a kibangkei, amah ngai mahmah in kemnuam mahmah lengleng keisang a ngaizaw ka muh chiang in chit zawhlouh na lianpi nei kisa in, keisang a aman (khuaimu) in kemsiamzaw/lungkimsak zouzaw hi a mu in leh ama kipahna hilouzaw ka hi ka chih man a kei leh kei kinawlkhin hing a ka chi a, ka kisiamtan theikei, aman (Khuaimu) ka paak deihthoh a ut bang a deihbang in a paallai a zatkhit pih nung in ka paak deihthoh leh etlawmna teng a vul ningniang a, hichi pi inleng ka deihluat man in kalou kha thak a, himah leh a vulsa pak zaw sawt a daihkei a, a tawp a paih ngai mah ahi ve chih kamu khe khongta hi. Hiai paak kilawmna zaw ka mangilh kei ding, ka paak muh masak pen, hichi kan a paak kilawm a om nawn kei ding in leng ka gingta kei hi. Ngeisok pakte a pak hun om in koimun hiam ah palh zelsam mah le uh kei a ding in bel huai hun khat a ngeisok paak lai zaw mangilh theih ahi kei, kei a ding in ngeisok a paak lai in chi in ngeisok pakhun a tun chiang in leng hunlui a huai ngeisok a paklai ka mitkha, lungsim ngaihtuahna leh ka suangtuah nate ah a mang thei nawn kei hi.
BEITA BEITA BEITA BEITA
©Siamsinna leh Vakiangbu
Ka gamvakna a kawldang a ngeisok paak kamuh man in khawl dedu zen in ka en a, hiai paak kilawm tungtuanna bang a diam aw chi in ka ngaihtuah a, ka enen a, si bang a san, pak dang toh tehkak theih vuallouh, pi-leh-pute gen minthang nang na hive maw chih toh a kung a kahtouh ka thuah a, ka khut in kava zut a, ka lungsim ah lawhkhiak mai utna lungsim hong om a, ka loukhe dek a, himahleh thakhat in ka nunglam a pan in khuaimu hong leng ham vuvu ahih man in ka tuniam a, a kahiang ah huai khuaimu in ngeisok paakzu a tawp ka enta hi. Huai khuaimu in deihthoh tak mah in khawl manlou in a paakzu a tawp a, hunsak ta henla lengmang leh hoih di hia chi a ka ngak lai in a lamdang mahmah khat bel, khuaimu in ngeisok a taisan takei, a tung ah a tuang a, a pakzu a tawplouh chiang natawm inleng khuaidang te ana hawl zel mawk hi. Duh-amm hina maizen e chikawm in kakiang a sawlnah ka laikhia a, huai khuaimu ka hawl a, himah leh hangsantak a huai khuaimu in paak a ven man in ka tawpsan a, kei mihing apil zodeuh in hiai khuaimu khong kava hichi buaipih, a tang utleh tang henla, a paak a vul matan tawp heh ka chi a, ka paisan kawm in utdeuh hileng zaw khuaimu tung a thunei show na a huai paak a kung phuk di hing a ka chi numnum hi.
Vaipai hun in kava veh nawn a, ka gintak bang in huai khuaimu tuh lungmuang kisa in huai ngeisok pak tung ah ana tuanglai thou thou a, sunkhua a veng chin a nitak khomial dingtan a hichi khop a khuaimu in hiai paak leltak na ven mawk, lamdang hina maizen e, hiai paak ka khoihkhak ding phallou a paak etlawm bawlpa Pathian mahmah inleng khuaimu a vengtu dia sawl hinteh, hiai paak tangkha sam dia phulou hi ning chi in, a paak lounuam mahmah hina pi in lungke dimdem in ka paisanta hi. Inn ka tun tan inleng a etlawm dan ka ngaihtuah a, nitak zan khotawn inleng ka ngaihtuah ban ah, hiai paak etlawm, pak dangtoh teh vuallouh, hunteng munteng a muhkhak leng hilou, ka lawm ka vual te'n leng ennuam losam ding uh hia, kisialpih theih nakhop tuakkha hing a bang ziak a loulou tek ka diam a ka chi a, kisik tak a ka om man in zingchiang baihtak in va en nawng ning in, huaichiah zaw valou mahmah naveng ka chita hi.
Zingkal ka thoh in gamla pi pai in huai paak omna ka delh a, kinemtak a huai paak kungphung a ka daktouh lai in maizen, maizen huai paak zaw ana vulta, vuai nipnep in a omta a, khuaimu in deihtawk a a tawpvul nung a taisan eive maw poi na e, khuaimu tawpma in loukhia in kem hoih zoleng le himai di hia, tangkha lou keita ve a paal lutlai ka chi a, himahleh deihlua ka hih man in huai a vulsa, vuai nipnep pen ka loukhia a, ka khut ah ka sim thiintheen a, inn ka tung in lawm leh vualte ka lakta hi, hiai paak vuai maimai maw nalh nasak, min a ut bangbang ua a tawp vuaisa leltak maw na ngaihtuah det, paih inla a paak hunnawn chia a paak masa, a paakpha pente lou inla, muat theilou din phoukeu leteh hiamai eivoi hon chih man un huai pakvuai, a vulma a hoih kasak mahmah tuh ka en a, etlawmna nei nonlou hi a ka muh man in ka paihta a, kumnawn a a hon paak thak ding, ngeisok paak dang ka ngakta hi.
Kumnawn a hong hih in ka inn gei ua pak etlawm taktak tampi a paak huntawh kituak ahih man in huai paak gamla pi a lawh bat ding le himanglou va awlmawh sang in chi in huai anai a pak omte ka pibawl man in ngeisok ka muhtung a ka etlah pah tuh ka nelh siah ta hi, himahleh huai ngeisok pak zaw tunitan in ka deihna a beithei kei, a paak thak sangmah in leng huai ka muhni a a paak chet pen mahmah hoih kasa tungtuan hi, himahleh huai paak kilawm tangzoulou in khuaimu in a tangzaw ta a, vengzou dinglai ken phulou ka hih man in khuaimu kianga ka piak a a khonung a a taisan mawk pen in tuni tan ka lungsim a suna a, huai a vulsa ngeisok paak lah lakik nuam mah leng a lemtheih nonlouh man in ngaina pi in mangilh ka sawm a, ka mangilh thei ngeikei hi.
Amah lah paak dangtoh a kibangkei, amah ngai mahmah in kemnuam mahmah lengleng keisang a ngaizaw ka muh chiang in chit zawhlouh na lianpi nei kisa in, keisang a aman (khuaimu) in kemsiamzaw/lungkimsak zouzaw hi a mu in leh ama kipahna hilouzaw ka hi ka chih man a kei leh kei kinawlkhin hing a ka chi a, ka kisiamtan theikei, aman (Khuaimu) ka paak deihthoh a ut bang a deihbang in a paallai a zatkhit pih nung in ka paak deihthoh leh etlawmna teng a vul ningniang a, hichi pi inleng ka deihluat man in kalou kha thak a, himah leh a vulsa pak zaw sawt a daihkei a, a tawp a paih ngai mah ahi ve chih kamu khe khongta hi. Hiai paak kilawmna zaw ka mangilh kei ding, ka paak muh masak pen, hichi kan a paak kilawm a om nawn kei ding in leng ka gingta kei hi. Ngeisok pakte a pak hun om in koimun hiam ah palh zelsam mah le uh kei a ding in bel huai hun khat a ngeisok paak lai zaw mangilh theih ahi kei, kei a ding in ngeisok a paak lai in chi in ngeisok pakhun a tun chiang in leng hunlui a huai ngeisok a paklai ka mitkha, lungsim ngaihtuahna leh ka suangtuah nate ah a mang thei nawn kei hi.
BEITA BEITA BEITA BEITA
©Siamsinna leh Vakiangbu
Comments
Post a Comment