PHUHSING BANG KIP AW

BY ~ Vz Vualnam

Writer Notes: Khovel i chih dah leh nop kiton hi a, dah hun ahong tun chiang a kingaisia a lungkiat pahpah ding hilou hi….

A paalbel tulleel heisa
Vulmoh in paalpaal hen i chi hal in
Tum bang vuai e tual ah kia
Silpak’ loih a phung a zuang diam chi’ng
Simlei gua bang hin mel a ma in
A kaina tulsing tuangnung sia’n
Tum bang vuai heisa sul zui in
Tualkia’n albang a mangsam diam chi’ng
Al bang man ding anuamlou e
A kaina tulsing dang liim ah
Phuhsing bang kiplai hi e
Siktui dam adawnlai hi e
Huihkhi’ seem in alaamlai hi e
Thelvuah sial bang athuak a aw
Phalbi vuukkang pal bang anang hi e
A neemlou lai e phuhsing bang kiplai e
Nipi sunni’n lenkawl hon taan e
A paalbel heisa hong paal nawn e
Zata’n maimit suan nawn e
Vual aw, vual lungdeih aw
Nunnop sunni aliam zong in
Lungngaih lummei ahong ziing zong
Simlei mel a maak ding geellou aw
Sakduang phuhsing bang na kiplai ve aw
Lungngaih lummei hong theng ding a
Nunnop sunni’n lenkawl hon taan ding hi e
Lung na uplouh nunnopna’n hai bang hon ngak e
Nunlui ngailou nunnuam na heita ding hi e
———————–
 A paak kilawmpen sahei vuai theikei henla paakpaak maileh i chita zong in vuai in a pulhzel a, huchia a paak in a pulhsat a kung tangkhat/thawmhau kisa in apouna singkung apan kiatmai a ut de aw? A utkei a, a paak kilawmtak in pulhsan mahleh a pouna singkung ah kiptak in a poulai a, tuite dawn in huihmuut chiang in a awn diaidiai lai hi. Tuukvuah athuak a, phalbi vuuk a thuaklai hi. Huchi in leng kiptak in apoulai hi. Nipi ahong tung nawn a, sahei kilawmtak ahong paaknawn a, mite’n a ennawnta uhi. lawm ittakte aw, kipahna nite hong bei in, lungkhamna hong tung mahleh, lungkia in khovel tawpsan maike’n. Kihihhaat in. Lungkhamna nite ahong bei ding a, kipahna ni ahong suaknawn ding a, hunlui ngailou in nuamtak in na hinkhua na zang ding hi.

©SIAMSINNA LEH VAKIANGBU

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more