THOHLONG (Alarm Bell)
By ~ Vz Vualnam
Writer’s Note : Zanitak ka lupdek a ka thohlong ka kamdek leh hichi bang peuh ka ngaihsutna ah a hong suak a, hon gelhkhe maimai ka hi e… hi di dang le omlouh toh….
Zanchin sam bang ka zaalkuan in
Gilkhang buh-al bang khuang a
Maimit siin tang bang phawng di’n
Vaimang’ buh-al thaang bang kam ing e
Solkha suah ma’n zaal ta leng
Solkha toh zaalton ta leng
Zalkhun zot ding kei hawmthu hi e
Sunni suah ma’n zuangthou leng
Sunni toh thouton leng
Zuangthoh ding kei hawmthu hi e
Bii ka deihna ah kam ing e
Sam bang zal di’n laikhun zuan ing
Maimit siing ing e zalmang man ing
Zalmang tang bang pha ka mat kaal in
Vaimang’ buh-al hong khuang e
Khangthei lou ing e zuangthou ing
Mazap mun lam bang zonging e
Simlei a gua bang i hin sung
Zalkhun belh lah beilou dia
Zingchin zuangthoh lah beilou ding aw
Vaimang’ buh-al in daihni neilou ding aw
Hizong lengvan’ Sianmang’ thang bang kam
Tang kei dia a kam lengvanbuh-al
Lengvan gilkhang a hong khuan chia’n
Zuangthoh louhna zalkhun ka beel ta dia
Maimit siinlouhna ah zuangthou ta ning e
Lengvan gilkhang buh-al khuan ding
Ei hawm simthu hilou a aw
Sian’ hawm hi e al bang khuan a thou di’n
Vual aw vai bang man chiatni e
—————————————–
Nitak ka lup dek chiang in zingkal chiang a hon phawng ding thohlong (alarm bell) ka koih zel hi. Lup hun kei thu ahi a, zingthoh leng kei thuthu ahi a, ka deih hunhun in thohlong ka kam hi (set alarm bell). Huchi in ka lum a, mang ka nei a, ka mang ahoih laitak in thohlong ahong ging a, ahon phawng hi. Ka thou a, sepna lam zuan in ka kuan hi. Khovel a i hin laiteng lahlup leh thoh chih bei ngeilou dia, thohlong tuh dai ngeilou ding hitah e. Himahleh kei a dia van a Pathian in ahon kamsak van a thohlong a hong gin chiang in, thoh ngeilouhna ah ka lumta ding a, lup ngei nawnlouhna ah ka thouta ding hi. Van a thohlong lah ei thu a kam (set) theih hilou a, a hong gin hunhun a thouthei ding in kuapeuh mansa in om chiat ni.
©Siamsinna leh Vakiangbu
Writer’s Note : Zanitak ka lupdek a ka thohlong ka kamdek leh hichi bang peuh ka ngaihsutna ah a hong suak a, hon gelhkhe maimai ka hi e… hi di dang le omlouh toh….
Zanchin sam bang ka zaalkuan in
Gilkhang buh-al bang khuang a
Maimit siin tang bang phawng di’n
Vaimang’ buh-al thaang bang kam ing e
Solkha suah ma’n zaal ta leng
Solkha toh zaalton ta leng
Zalkhun zot ding kei hawmthu hi e
Sunni suah ma’n zuangthou leng
Sunni toh thouton leng
Zuangthoh ding kei hawmthu hi e
Bii ka deihna ah kam ing e
Sam bang zal di’n laikhun zuan ing
Maimit siing ing e zalmang man ing
Zalmang tang bang pha ka mat kaal in
Vaimang’ buh-al hong khuang e
Khangthei lou ing e zuangthou ing
Mazap mun lam bang zonging e
Simlei a gua bang i hin sung
Zalkhun belh lah beilou dia
Zingchin zuangthoh lah beilou ding aw
Vaimang’ buh-al in daihni neilou ding aw
Hizong lengvan’ Sianmang’ thang bang kam
Tang kei dia a kam lengvanbuh-al
Lengvan gilkhang a hong khuan chia’n
Zuangthoh louhna zalkhun ka beel ta dia
Maimit siinlouhna ah zuangthou ta ning e
Lengvan gilkhang buh-al khuan ding
Ei hawm simthu hilou a aw
Sian’ hawm hi e al bang khuan a thou di’n
Vual aw vai bang man chiatni e
—————————————–
Nitak ka lup dek chiang in zingkal chiang a hon phawng ding thohlong (alarm bell) ka koih zel hi. Lup hun kei thu ahi a, zingthoh leng kei thuthu ahi a, ka deih hunhun in thohlong ka kam hi (set alarm bell). Huchi in ka lum a, mang ka nei a, ka mang ahoih laitak in thohlong ahong ging a, ahon phawng hi. Ka thou a, sepna lam zuan in ka kuan hi. Khovel a i hin laiteng lahlup leh thoh chih bei ngeilou dia, thohlong tuh dai ngeilou ding hitah e. Himahleh kei a dia van a Pathian in ahon kamsak van a thohlong a hong gin chiang in, thoh ngeilouhna ah ka lumta ding a, lup ngei nawnlouhna ah ka thouta ding hi. Van a thohlong lah ei thu a kam (set) theih hilou a, a hong gin hunhun a thouthei ding in kuapeuh mansa in om chiat ni.
©Siamsinna leh Vakiangbu
Comments
Post a Comment