LAMKA LEH KHAMTHEIH

By ~ Sang Quptong

Lamka, Churachandpur, Manipur leh India kia a thuneihna liantak toh Tuailai tamtakte tung a vai a hawmkia hilou in, Khamtheih in khovel pumpi, Kilchih-kawichih teng a zelsuak zou mahmah hi. Khovel gam tuamtuam te lak ah Mexico gam in ana buaipih diak uh bang hi. Khamtheih in gamsung ah buaina leh siatna tuamtuam a tun a,Mexico gam ngial ah,Khamtheih doudal, Solkal sepaih te tamtak ‘Drugs Gang’ pawl in that ta uhi. Khovel a Organisation lianpen, UNO in leng buaihuai a sak mahmah te lak a khat ahi hial hi.

Khovel gam tuamtuam ah khamtheih tuamtuam te ziak in kumteng in mihing hin na tamtakte lakmang in a om gige a, Tua dungzui in Manipur leh Lamka khopi sung ngei ah leng tuailai kum 15-25 kikalte sihna zik leng khamtheih tuamtuam te ziak ahi cih haih vuallouh ahi ta hi.October 12,2012 ni inleng,Manipur Police te’n Tulihal Airport ah, New Delhi a pan hong kipua,’Spasmo Proxivon’ capsule 60000 tak ana mankhia uhi. Manipur a festival tuamtuam zatsung a zuak di chi a apuak ahihdan,mat a ompan gen hi. Hiaite matkhiatlouh himai zen leh, tuailaite sung a lut vek maimah d hi a……….!!

Huchibang mah in, Lamka khopi sung ngeingei ah leng khamtheih zuak a kipei tamtak matkhiat in omta ua,tuate lak ah numei/nupi tel tam mahmah hi. Matkhiat a omte bang chibang gawtna piak a om hiam chih i thei kei,  theih phak na chiang ah bel, Khamtheih mat te, Press mediate mai ah haltumsak, zuak nawnlou leh hih nawnlou dia ki chiamsak zoh a khahkhia chih hi ahi. Hichi bang te amau a di’n a natham dia o, poi le sakhollou uh ahi zomah diam cih theih di’n om hial hi.

Ngaihtuahna thukdeuh a i ngaihtuah chiang in,hichibang a khamtheih zuak leh thehzak tute,Gam leh nam zahlaksak a, Gam leh Nam khan daltu ahi uh chi leng kikhial sau lawlou ding hi.Innkuan sung a buaina tuntu, innkuan hausatak nekangtu, Khotaang leh saptuam keniam saktu ahi uhi. Tunung chiang a Gam leh Nam vaihawm tu ding, Sahkho makai dia muanhuai mahmah tuailai tamtakte hichi bang a khamtheih zuak a kipeite khemna ah puuk in, khotang, saptuam leh innkuan maban ding limchitak tuh khamtheih tuamtuam tungtawn in lakmang sak in i om a, tuakia hilou in a tawptawp chiang in, thoihdam theihlouh HIV/AIDS kichi natna tuh, Tuailai tamtakte lak a THILTHAWN PIAK a neihsun uh ahi a cih theih hi.

I et vengveng chiang in, Khamtheih zuak tute’n Gam leh Nam adia siatna a tut uh thupi in a lian mahmah a, akituahpih bang ua gawtna piak hile uh, thuakzoh vuallouh leng hikha ding hi. Aziak ahih leh, Nam leh Gam khan daltu, Tuailai tamtak te thattu, Indirect a tualthat ahi mai uhi. A thilhih uh paisawn thei zaat ahi a, khangsawn te tan a paisawnthei ahih ziak in, a khelhna uh, khelhna tung a khelhna sawn chileng le vallua hilou ding ahi. Huchi bang ahih man in,atung ua gawtna i piakte leng, uang in khauh deuh mai leh, a doudalna hoihpen ahi diam? Aziak ahih leh,khamtheihte a zuakfuh chiang ua tamtak pung ahi ua,’Search operation’ a khatvei khawng i matsak ua.i haltumsak te uh amau adia na lawlou di bang hi. Taltak leh laisiam makai te’n Panlak didan hon ngaihtuah ve ua? Tuailai tamtak, I nam leh Gam adia khuampi poimoh hong hi dite i humbit zoh khak leh. Pan hon la mahmah un aw?

 ––Ka kipak—-

 ©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more