LELLIANG TUUNNU
By ~ Bk Suan
“Khuppu : Nu Sum hon hawm dih, ka poimawh na om ahi.
Nuching: Bawi, bang di a hia ? Na Poimawh a om leh hon gen in, ken kon va leisak ding. Na Exam u le hun dek nawnta a, inn ah kikhum inla na laisim ding bang leng na ngaihsak deuh hun lua ahi.
Khuppu :Hon pesuk mai in, i zatna di tantan na hon dot gige, naupang hi nawnlou ka hi. “
Nuching: Bawi, bang di a hia ? Na Poimawh a om leh hon gen in, ken kon va leisak ding. Na Exam u le hun dek nawnta a, inn ah kikhum inla na laisim ding bang leng na ngaihsak deuh hun lua ahi.
Khuppu :Hon pesuk mai in, i zatna di tantan na hon dot gige, naupang hi nawnlou ka hi. “
Khuppu ahìh leh tapa neìhsun , duat
mahmah ahi a, Unau 3 lak a amah kia pasal leh a nuai ah nau numei 2,
Biaki ~ Pawl-10 leh Mawmawi~ Pawl-8 simlel nei hi. A pa Govt C-kulpu ana
hi a, himahleh, kum 4 paita in ana sihsan in tu’n a nu heu a khosa ahi
uhi. A nu leng apa sik in Solkar höihna zal in Teacher nna mah piak in
om a, Lamka apan gamlalou ah sem hi. Khosa nuamsalua hikei mahle uh,
haksa lua leng hisamlou ua, amau khom a kitoudelh in nuamsa hunlel uhi.
Himahleh, Khuppu’n Pawl-10 a zoh in gamdang, Manipur pua ah maban sin ut
in kiphin a; huai hial dia kiningching a khosa lou leh a pa sihna bang
leng sawt nailou ahihman in, a nu@Nuching in kaisak zoulou ahihdan a gen
leh Khuppu lungkim ngellou in kiphin den sim hi. Khuppu in Lamka ah
Pawl -11 zom a, tun bel Pawl-12 simlel in board Ekjam leng hun kuan hita
hi.
Nuching leh Pakham nupa kithutuaktak leh ki-itsiamtak ahi ua. Amau gel
leng a tuailai lai ua pan ki-ittak leh kingaitak a ana kiteng ahi uhi.
C-kul leng munkhat ah kaikhawm ahi ua ; Pakham toh pawl nih a kikhai ahi
uhi. Nuching leng laisiam mahmah khat ahi a, maban limchitak nei hinapi
in, BA final a hihkum , a Exam ma uh Kha 3 vel ding in asap in a It
mahmah Pakham , huai lai a Govt. teacher sempan toh Dan Siangthou in ana
kiteng uhi. Nuching in, Pakham toh a kiteng zoh un BA te Exam in zoukhe
mah leh, nupi a hong hihtak chiang in, a laisimlam nawlkhin in khosakna
lam ah hong buaitou pah hi. Exam te bang pekhalou in kum bangzah hiam
tak a siamna zatlouh in hong om ta a, a lawm leh khanvual tamtak,
nuChing laisiamdan ana theikhate’n, hichia om mai di’n pammaih ana
sathei mahmah uhi. Ta-le-nau bang hon nei a, Innkuan khosakna buai a
abuailai in thakhat thu in paKham Election Duty a kuanlai a gari uh
Sepaih te a toh kiton, a kiklam Helpawlte’n na Lamtan(Ambush) in huai ah
Sihna hön tuak maimah hi. Nuching dahdan leh lungkhamdan bel hiai hun
in genseng vual ding hilou hi. A tate lah neulai, a tapa upapen Khuppu
in leng pawl-8 sin pan in a neupen Mawimawi leng huaihun in pawl-4
simpan hi. Mangbang leh lungkhamtak a a omlai in Solkal in Nuching pasal
paKham pension pia in, amah a di’n graduate teacher pia uhi.
NuChing leng pasal tellou in hong khosatou panta a, tate etkolna bang ah
a chang in lungziin huai sathei mahmah hi. A tanu upapen Biaki leng
nungak dek pan, leh a tapa Khuppu bang leng amah khom a tangval kisata
in, a etkoldan bang haksa sa gu thei mahmah hi. A tanu Biaki numei
khoval lua hikei mah leh Lengla khöng leng neithei zeuhzeuhta ahihman
in, hoihtak a etkai ut tinten hi. A pawtna leh a lenglate omdan leh a
nungchang uh thei ut in ana gukbuai thei mahmah mai hi. A lengla te
paikhit nung chiang bang in nuChing in a tanu Biaki kiang ah a lenglate
tanchin bang dong sek a, a chang in Biaki in a nu kiang ah hilh kim
sipsip lou leh a dotnate a tanu in dawng ginalou a sak hun bang tam in a
lungimpih ding khop ana pha hi. Nuching in a tate awlmah mahmah vek a,
ahihtheih khomkhom a lampi dik zuihsak ana sawm ngitnget hi. Aman lah
sun hun in a sepna ah kuansan zel ngai ahihmn in a tate ompìhden in
Chingden zou akisak hun tam mahmah hi. A Chang in a itluat a pasal a
Ukham bang ngai vungvung in, amah kia a a om chiang in amah leh amah
kikhasiat in a guk kah hun zong tam hi.
Khuppu leng tapa feltak leh pahtak huaitak hinapi, Pawl-10 a zoh a a
nu’n gamdang a a kaisaklouh bang hehsim ahihman in a Omdan hong tuam sim
hiaihiai hi. A nu’n awlmawh in a lungkim nang leh kipahna di bang zong
in houlimpih sek hi. Himahleh, Nuching in a tapa omdan bangziak a hong
lamdang guih hiam chihte theikhe zoulou hi. A lawm thuahte bang leng
kikhekkhek in, a chang in amah sang a upat zaw simsim leh omdan ginat
chilou leh khamtheih hih dia muanmawh kai pian khong inn ah hon tonpih
hun om a, huai hun chiang in Nuching in a tapa kiang ah, a khanvualpih
deuhte khong toh a kizuih uh a deihthu, na guk hilh zel hi. Khuppu’n bel
a Kolez kaite khawlsan tuanlou himahleh, a omdante kikhek ahi chih a
nu’n a theithei hi. A lawm thuahte bang thei ut in a Kolez ua a teacher
te kiang peuh uah va dong sek hi. Himahleh, a teacher te un huchipi a
Khuppu omdan kikheklou ahìhdan leh hichih hun vel Kumte(age) ah
naupangte Omdan kikhekkhek mah ahi a, lungkhamna ding omlou ahi chi in
ana hilh zel uhi.
Tate Lampi dik leh tang a lamkaih a tuppen ahihman in, PaKham in a
hunlou a a sihsan a, lianvaitak a a tate uh amah kia a enkol dia a
nutsiat khong poisa mahmah a lungkham thei mahmah hi. Mohsak di lah
omlöu ; Lungkham, Lungleng leh kingaihtuah vungvung a February ni 14
sunkhat a omlai in,
Khuppu in a nu kiang ah
Khuppu in a nu kiang ah
“Khuppu : Nu Sum hon hawm dih, ka poimawh na om ahi.
Nuching : Bawi, bang di a hia ? Na poimawh a om leh hon gen in, ken kon va leisak ding. Na Exam u le hun dek nawnta a, inn ah kikhum inla na laisim ding bang leng na ngaihsak deuh hun lua ahi.
Khuppu : Hon pesuk mai in, i zatna di tantan na hon dot gige, naupang hi nawnlou ka hi. “
Nuching : Bawi, bang di a hia ? Na poimawh a om leh hon gen in, ken kon va leisak ding. Na Exam u le hun dek nawnta a, inn ah kikhum inla na laisim ding bang leng na ngaihsak deuh hun lua ahi.
Khuppu : Hon pesuk mai in, i zatna di tantan na hon dot gige, naupang hi nawnlou ka hi. “
Nuching inle Khuppu ngetzah pia ìn, “Bawi, hong paihak ken la hong
pilvang in aw. Nang na hi ka kinepna omsun, nang na hi hiai leiteng a
hon kipaksaktu. Na LELLIANG TUUNNU itna leh khotuahna hon ngilh mahmah
ken aw Bawi . . . . ! chi in Vaikhak hi. Nuching in pasalte omlou a amah
kia a tate etkol haksa sa mahmah mai a; Thumkawm zel in amah hatna,
siamna, theihna, leh pilna kia a insungkuan leh tate enkol zoulou ding
ahihdan Pathian kiang ah panpihna ngen ngeitnget hi.
Huchi in, Khuppu leng lungkim tak in a Bike lakhe zok in Valentine’s Day
lawm ding in a Nungakte innlam a tawn ding in taitum Vengveng mai hi. .
. .
NOTE : Nu in amah kia a tate haksatak a enkol a, liangvaitak leh
lungkhamtak a amaban ding uh ngaihtuahsak, Lelliang Tuunnu itna mah
thupi pen. .
©Siamsinna leh Vakiangbu
Comments
Post a Comment