PUPENG
By ~ Lian Khuptong
PUPENG -Tangthu bulom tuk bulbul lum bulbul kawl a kia….
France gam tuh gamlianpi mahmah
ahisam Europe gamlak adi’n, aneupen kei hial . Tua hunlai ahihleh, galpi
nih(2) kipat dek hun kuan ahi. MARSEILEIS France khota neuchik pan’n
Pupeng kichi mikhat tangval nou Zopi- toh-Kimno te kikal a tapa hawmthoh
khat gil agah goutan a neihsun uh ahi. Lainat leh duat mahmah uh hi. A
min ding in Pupeng sa uhi. Amah ahihleh tangvalnou melhoitak leh Talent
hau mahmah khat ahi. A sikul kaina bang a kimawlna lam a, lawm man tampi
pi sang sek hi.
Khatvei a sikul ua alawmte toh houlim
sunkhol singlim nuai a ana tut uhleh, Nungak melhoihsim khat hong pai
in, lekha them khat a-ip sung a vaguang sa kin..zumsimpi toh taikhiaksan
pah ngal. A lawmte’n lah etsak ut sim in kituh pian uhi. Himahleh aman
tuh athu atheihlouh ziak mah le ahi dia a lawmte etsak di utsam lou in
a-ipsung hum tantan maisam hi. Dak in kong.. kong… hon chi a, sun khol
hun bei chi in, Pupeng leh alawmte tuh amau room sung chiat ah kizot
nainaita uhi. Classs khat hon la ua sawtlou nung in dak hong ging in,
innlam hong paita uhi. Pupeng bel inn atuntak in, huai laithem a sakhau a
kipan in hon dokkhia in hon sim tamai tuh amasa in ka lai khak hon na
simsak in
Kum-3 paita in kon na ngai gu a,
ki-imzou vual ka hih nonlouh ziak in…zingchia sikul tawp chia
tui-leh-luan ah kimu ni, hehpihtak in hong in. Na vang ngaiden ding
‘Laws’ na theisa khatvei a luna sa a painu… khekhe…. mangpha phot.
Awle Boi, kainuam hon chi a, Huchi
in sikul a sun tomkhol sung hong kimitsuk zatzat uhi. Pupeng in tuh
sikul top bang ngaklah mahmah mai. Sikulpu Pa thugen bang en mahleh a
lungsim ah omkha veklou. Dak tuh hong ging petmah. Sikul naupangte tuh
innlam pai di-chi in kikou nainai zen uhi. Tawpta a kingak na di mun uh.
Pupeng hong tung leh ‘Laws’melmuta lou.
Tui-leh-luan mun a kimuh di chi a.
Laws koi ah hong vaitham a de o? chi in dakdak tamai. Pupeng mang bang
kisa paimai hon sawm leh, gintak louhna lam ah kamnem tak in “aw” khat
hong ging hiauhiau tuh Pupeng in hon etphei leh, wow !!!! Nungak melhoih
takmai Laws ana hi a Upeng ana ngaklah gop man mo? ka kisuanglah lua
hon ngaisiam in aw.
Hong in huah sing phung nuai ah ka
gen nop tampi om,chih toh akhut alet-thuah in, Laws in tutpihpah ngal
tuh huaihun laitak in Pupeng tuh kipahna toh zumsim liap hi. Nih gel
tuh tawlkhat a ki-It’dan te uh, houlung kum in hong om hauhau mai uh
tuh….Ni aw ! Nakhol lai o, chi ut huai phial in, sianglam zotdan hön
thei vanglak Uhi ! Hun-le-kha tuh hong kihei liam zel in, Nipi sikul
khol hun kuan nang nai hiaihiai.. ki-it’ kingaite di’n tuh, hun nuam
zang ut in phe tettet maita uhi.
GALPI lah nai hiaihiai. France gam
tuh buai simta ahi ding a ! Sepaih galdou ding in phutluih in siamsin
naupangte a gam in hong la zungzung ta hi. Bang simthu hitamai hiam chih
leh.. Marselies khua lak a tuailai tampite….Pupeng le lak ding in hon
sehkha uhi. Ah ! Angkawi a nutsiat mai di tuh, asin lai gubang zenlua
ahih chiang in huai thu azak apat in Pupeng tuh omthei mahmah samlou in,
Laws’te inn lam hong tai vengveng in’ vag en bang tuh Laws’adi’n adip
thangvan sang a kikhai mah bang in, Amai bang mual zou top ! HA hah.. A
kuankhiak nang zingchiang hipetmahta ‘Azan- azan in Nidang a, atutna
uh.Tui-leh-luan sing phung a-Solkha vaknuai’.Amm petmah in höng ki-kawi
tittit mai sam uhi. Adah huai tel Laws in hon chita mai ! Upeng aw !
damtak in na hong kik ngeingei ding chi in..A It’ khitui kiai niiuniau
kawm in, awl in akhi ‘bah’ tuh a hon ok-sak mai hi. Pupeng in ngaihno
abiang ah khitui luang zungzungte amuh chia nan vuallouh in, Amah le
pasal chisam lou in a mit khitui hong luang piappiap hi. Huai zan na
nana tuh kha’le avak diak, Sawtsim kuamtak ki-khelah takmai a om nung
un, Pai di hon sawm thei khong uhi. Zingkal phalvak kuan ahita..GALI
lianpi pi tampi petmah Khosung a höng tailut petmahta…Tuailai Galkap
thei chiang teng tuh hon pokhe petmah ua, a kika’pih toh a lum vengvung
ta mai uh.
Huchi in Galkap dite hong tailiam mai
di tuh, Laws in ngai- ngam mahmah samlou zaw ahi dia..hong enliam
vangvang a, a UPeng tuanna Gali’ bang atum matan’ensim hi.
Marseileis gam tuh a zing apan
thomzak di om nonta lou dai zikzikta mai. Laws in tuh a It toh lou in
Hinkhua zat d agel chiah ‘Nikhat maile haksa sa mahmah hi. Huchi pipi’n
hun hong pai zel a, LEDO’(radio) Khong a ngaih chiang bang un, Thuhoih
zak di lah omta mahmah lou. Gal- pi ah mi huaizah si, Huai zah liam chih
himai! Laws lah a thuzakte lungsim nop nang om mahmah samlou. A Upeng
toh a gamtatna sa munte peuh a’lungzuan zatam asial himai-A
kingaihtuahna lam bang in achii daang keuhkeuh zou hial hi. Lehkha thon
lah lam-ensim tak in na ngak zel mahleh, amah a di möngmong hong tung
talou! A kingaih tuahtuah na lam in vulgop hi. A zalmangte lah tuh a
Upeng chi kho na mu thepthup.
HUN- Le-kumte lah mualliam zungzung.
CHRISTMAS lam bang hong naih hiaihiai ta, LADO’ (radio) hon ngaih zen
thahah leh, Gal muang ding hita. Kihou lemna hong omtheita, chih thu hon
puang zenzen hi. GAM chihte mahni khua chiat ah kik theihta hong kichi
bang tuh…O ! Laws’ adi’n pahna mittui aluang zetzet tamai. A Itpen toh
kituah nön di chi’n a kipak petmah mai. A Upeng hong tung di bang
ngaklah kisa ! A valan da’a ana en en mai.
Hun hong kihei in sun khat tuh, Gali
tampi petmah akhua uh hong tailut zungzung pet ua. Laws le lam-etna
lianpi toh hong taipawt a, hon et-et chiang in a Upeng mel d mongmong
muh hitalou! Dahmel tak leh lam-en sim pi in hong tai lehle a…A It mel
muh hita lou! GALI te lah a kilehkik vekta ua, Dah leh mangbang kisa in
hong dak kimvel chiah a khente lah kipak in, kitawp tontawn, a khenkhat
lah akap- akap bang hon mu a, loh ngaihna theilou in vuul nipniap in
tusuk niap mai hi! Kap keuhkeuh mai. A It’ mahmah in sihsan mai
hita..lam-et beitak leh melmu nönlou dia khaubang non chiahsan Upeng aw!
na sakluang bek munuam veng o! Kei zong na khawlna ah hon pi sam ve
chi in kahtam lou mai hi.Tua laitak in pasal tangvalnou ‘SAM’ nidang a A
sikul kaikhompih a lawmhoih mah khat in, “:dam in..kapkap ken Laws,
hiai Upeng in khi-Bah ana piak ahi, ” chi in hilh hi.
Laws inle khi-Bah nidang a apiak pen
tuh hon la a, “SAM ka UPeng lah ? Hehpihtak in hon hilh in? ” kap
niiuniau kawm a hon dot leh? Sam inle a genlouh ding hisalou in hon gen
maita hi. Ka gal kapna ua, ka Comandal pa un kei toh – jack galmatawng a
enkhe di’n hon sep hi, Tua hunlai in kei lah ka khe liam in, Na Upeng
kei tang in amah hong kisa a, JACK toh vakuankhia uhi. Sawt sim bang ka
na ngak nung un, Jack amah kia in hong taitungkik a, ‘Pupeng lah ?’ ka
na chih uh leh…Galte’n ana umkha ua, Aman Jack nang lawmte va hilh inla,
ken lampi dang ah kidelhsak di chih toh, a khi-Bah Laws na piaksak un
chi a hiai hon nutsiat. Sam in hiai mai toh hong kik ing! Amah pen gam
leh nam adi’n a hinna.. manphatak na taan ta hi. ” Laws ki- ipzou non
mahmah lou in hong kapkap hi. Tawl khat, naklou a hong omtak in, SAM
inle damdoi inn ah polut pah hi. Kalkhat bang hong pai zoh nung in,Laws
le azalna laikhun tung pan’n hong thoukhe kiang-kiang pan phet hi.
CHRISTMAS hun di lah nai hiaihiai
tamai ! Laws adi’n tuh bangteng tung lehle , kipahni omkei hi. A luang
bek amuh louh tuh adahna kisuang sawnsawn laidep hi ! Ka Upeng in zaw a
laitah di kuan bek a hon ngaihtuah sam di hia? chih toh a mitui hul
theisamlou hi. Nidang a hunlui azatna uh Sing phung nuai, tui-lehluan ah
vatu hi. A lungsim mitkha’n. . . .a Upeng gal lehlam a Tuikuang –
longneu a tuang in Amah lam naih in hong ki-tawl tuh muh in Laws le a
khitui-toh tuilakpi va kileuh pheiphei hi. A UPeng inlah gamlat
deuh-deuh, a tawp in tuilak ah hong buaisia in panpihtu bei in Laws in
akha hong khah petmah hi. Nih gel vang kingai gibang kikhen thei mahmah
samlou tuh ‘laukha selou in thangvan, sang nunnuam laitual ngabang
lengkhom helhel mai uhi”
Pupeng in, Laws haibang kon na ngak
lah tu in khaubang non chiata maw! Laws, ka dahna ka kahna.. daibang
thengta, Laukha selou a thangvan sang ah nang kon muta.Ka kha amuang chi
in…Sihna khenlam ah dawnbang ana kituakta uhi. Galdot ngoumei in bawm
lungzuan – lenmui kai thithiai nuai ah ‘SOLKHAPI lenmual dawn pan hong
suak in, Gal khatlam pan in.. Laa’khat hong kisa hiauhiau.. Nang kon
naihsem nuam hi.. Hiai ka laa’hilai ding Nang kon naihsem nuam hi’
BEITA
©Siamsinna leh Vakiangbu
Comments
Post a Comment