A VULSA ROSE PAAK…!
By ~ Sang Quptong
Nidang a khomial tantan, Zogam adia nasem in ka buai gige uhi. Tuni ahihleh, Ningani ahi a, Dak 3:00 pm, ZST(Zogam Standard Time) hong ging tak in, Ka heutu pa un, ”Tuni zaw,nasep di atamlouh toh paibaih deuh ni” hon chi a, pai di’n kong kisata uhi.
Ka sepna, ZIA(Zogam Intelligence Agency) Office,Ngulthawng Bazar,Vengnuam,NewLamka a om ahi a, Mal(North) lampang a i paiphei zek leh,College Road om hi. Kei leng ka seppihte Mi Nih(2) toh College Road tawn a ‘Auto Service’ te ngak in ka om ua, Auto khat, a No.’ZG O1A 5437′ kichi hong taitou hi. Kou leng hiai auto a tuang di’n ka na kithukim pah uhi.
Auto pen, ka kiang uah hong khawl chat a, khaam le ka khaam louh uh ahihziak in, mak ka sa mahmah a,”Hiai Auto Driver pil hina e, ka tuang deklam uh hon thei khawl chih,Driver khenkhat lah Nakpi a kikou a khaam ahih nung ale khawllou pawl om hi ua..khenkhat ngial Auto apan kitawmkhia om zozen hi ua…!” Ka lungsim in ka chi nulnul hi. Driver pa bang ka ngaihnat bawl pah a, a Veilam pang a, amah kiang ah ka va tu chiitchiat hi. Saulou ka tai nung un,Tedim Road ka tungtou dek pah uhi.
Zingkal a Office kai ka kuan dek a ka lawinu’n(ka zi’n) ”nong pai chiang in nitaklam meh di hon pua in aw” a chih lam ka thei kheguih a, Dorcas Hall kong a,’FootPath’ kibawl thak tung a meh kizuakte entou di ka chih ziak inAuto Driver pa kiang ah ka kum ngai ahihdan ka gen hi.
Ka nunglam ua,’Shaktiman’ khat hong taitou chet ahihman in, Driver pa’n le chihdan siam tak leh nalh tak in, SAULIIM Gate Opposite chet a, a Side(Left) lak ah,Auto hon khawlsak pah hi. Ke’n leng Ka lawmte gel kiang ah,” Hiah ka na kum dia, zingchiang in Office ah kimu nawn ni, Neklim ni aw” ka chi bualbual hi. Ka sakhau apan Rs.10 note thak sitset khat Auto Driver pa ka pia a,’Kipak’ hon chi pah a,’Kamsiam in sial lei a sang’ chih dandeuh adikna atheih nadia,Rs.100 piak mai di a dia o ka chi thepthup a lah, Meh leina dia ka toi ahihman in, ka piak sawm tadih kei a, aman leng hon taikhiat santa hi.Dorcas Hall konglam naihtou ngal dia ka kisak laitak in,’Usang,Singpi bek hong dawn lou di maw ?’ chih awging ka za a, ken leng tua aw ka zak khak ngei ahihman in,tua awsuak nemtak hong kipatna lam,’SAULIIM’ lam ka etphei leh..! Nidang a itna simthu ka na lelpih ngei, Chingboi ana hi maimah hi.Nitaklam meh di ka lei ngai ahihlam bang ka mangngilh zozen a, zi leh tate bang chu huai laitak a kiphawk nawnlou in, kum 10 paisa hunte a om mah kibang heihuai zozen hi. Ke’n leng,gari hong tailouh lai hunlem a la in, lampi ka kaan phei a,Restaurant sung ah ka va lut tei ta hi.
SAULIIM RESTAURANT sung ah customer dang ana om kei ua, Chingboi kiang a mi omlouh lamdang ka sak dan ka gen leh,’Nang nong hoh di a thei ua, mi teng ana kihem ahi uh, den khawng chiah mi hong tam dia, nitak sawt nung tantan in mi hong om khonung kei dia’ nui sisiau kawm in hon chi hi. A nungak lai toh teh in, a selua nai tuankei, kei mit a ka muh dan in.
Customer dang omlou pen chance a la in, Singpi ka dawn kawm in, thu tuamtuam ka theihnop diak te ka dong a, aman leng hoih taktak in hon dawng vanglak hi.Kum10 nung a ka kimuh nawn pat na uh ahi a,ka ki-aam mahmah uhi(zi leh pasal neituak himah le ungh).Hon genna a pan in,’Ta pasal 2 anei ua, aneu pe’n in nawi ngawlta ahihman in,inn ah a pite’n ana dondon thei uh ahihdan hon hilh hi.Himahleh,a pasal pe’n Khamtheih sal a taang ahi a, akhen chiang in,azi sepna a vapai in,inn a pai di khawng in vasawl zel a,midang khawng toh muangmoh ahihdan khawng hon gen hi.
Ke’n leng,Tapa melhoihtak khat nei ka hihdan leh, ZIA a sem ka hihdan ka gen a,hon kipahpih mahmah kawm hi.Hunluite khawng genkhawm in,ka kingaihlai ua ka omdan khawng uh ka gen ua,nuam ka sa mahmah uhi.Kipahna in sawt adaih kei, ka mit tang hon en kilkel kawm in,’Usang, ngaihzawng dang nei ka hihdan kon hilh a, kikhen ka sawm lai a non thil gen ka mangngilh ngei kei a, kisiik in ka kap mai’ chih mittui vung kilkel in hon gen a, amel et a haksa khop mai.Pom phei a ka aang a kahsak zoihzoih di’n hoih ka sa mahmah alah,..ahi thei nawn takei…!!
”Na it zawk dang om ahih leh zui inla’n,himahleh na zuih dek pa theichian masa in o Ching? Nuam satak a na khosak a, na zuih dekpa toh nunnuam in ngabang hong leng un la’n, kei hon ngilhta in aw? Sian lemgel louh ahi, ei nihgel itna” ka cihte ngaihtuah kiik chu hi peuhmah di’n ka gingta hi. Ke’n leng hehnep sawm in,”Ching, Pathian in na pasal khamtheih sal apan hunkhe dia nang hon muang ahihziak a, hichi bang pasal neikha na hi. Sian in hon kem dia, nikhat ni chiang in,innkuan lohching leh nop satak hong suak di na hi uh…!” ka chi tei sam hi.
Huchia ka om sung un, ka phone hong ging a, ka et leh,’ka lawinu’ ana hi zomah hi. Ke’n leng meh lei di ka hihlam ka kithei guih a, khuamial man ahihman in, mehzuakte ana pai khinman uhi. Ka lawinu kiang ah,’Innkongte dawr ah, Dal khawng ana lamai ve, mehzuak teng paikhin ua” ka chita hi. Customer leng hunkhop hong om man ua, Chingboi leng alang-alang ah a kipei he-hu ta hi. Ka lungsim in,’Namel hoihna zaw a kidangkei, himahleh kei adia,
A VULSA ROSE PAAK bang na hi ta’ ka chi a, Mangpha khak in ka paita hi.
©Siamsinna leh Vakiangbu
Nidang a khomial tantan, Zogam adia nasem in ka buai gige uhi. Tuni ahihleh, Ningani ahi a, Dak 3:00 pm, ZST(Zogam Standard Time) hong ging tak in, Ka heutu pa un, ”Tuni zaw,nasep di atamlouh toh paibaih deuh ni” hon chi a, pai di’n kong kisata uhi.
Ka sepna, ZIA(Zogam Intelligence Agency) Office,Ngulthawng Bazar,Vengnuam,NewLamka a om ahi a, Mal(North) lampang a i paiphei zek leh,College Road om hi. Kei leng ka seppihte Mi Nih(2) toh College Road tawn a ‘Auto Service’ te ngak in ka om ua, Auto khat, a No.’ZG O1A 5437′ kichi hong taitou hi. Kou leng hiai auto a tuang di’n ka na kithukim pah uhi.
Auto pen, ka kiang uah hong khawl chat a, khaam le ka khaam louh uh ahihziak in, mak ka sa mahmah a,”Hiai Auto Driver pil hina e, ka tuang deklam uh hon thei khawl chih,Driver khenkhat lah Nakpi a kikou a khaam ahih nung ale khawllou pawl om hi ua..khenkhat ngial Auto apan kitawmkhia om zozen hi ua…!” Ka lungsim in ka chi nulnul hi. Driver pa bang ka ngaihnat bawl pah a, a Veilam pang a, amah kiang ah ka va tu chiitchiat hi. Saulou ka tai nung un,Tedim Road ka tungtou dek pah uhi.
Zingkal a Office kai ka kuan dek a ka lawinu’n(ka zi’n) ”nong pai chiang in nitaklam meh di hon pua in aw” a chih lam ka thei kheguih a, Dorcas Hall kong a,’FootPath’ kibawl thak tung a meh kizuakte entou di ka chih ziak inAuto Driver pa kiang ah ka kum ngai ahihdan ka gen hi.
Ka nunglam ua,’Shaktiman’ khat hong taitou chet ahihman in, Driver pa’n le chihdan siam tak leh nalh tak in, SAULIIM Gate Opposite chet a, a Side(Left) lak ah,Auto hon khawlsak pah hi. Ke’n leng Ka lawmte gel kiang ah,” Hiah ka na kum dia, zingchiang in Office ah kimu nawn ni, Neklim ni aw” ka chi bualbual hi. Ka sakhau apan Rs.10 note thak sitset khat Auto Driver pa ka pia a,’Kipak’ hon chi pah a,’Kamsiam in sial lei a sang’ chih dandeuh adikna atheih nadia,Rs.100 piak mai di a dia o ka chi thepthup a lah, Meh leina dia ka toi ahihman in, ka piak sawm tadih kei a, aman leng hon taikhiat santa hi.Dorcas Hall konglam naihtou ngal dia ka kisak laitak in,’Usang,Singpi bek hong dawn lou di maw ?’ chih awging ka za a, ken leng tua aw ka zak khak ngei ahihman in,tua awsuak nemtak hong kipatna lam,’SAULIIM’ lam ka etphei leh..! Nidang a itna simthu ka na lelpih ngei, Chingboi ana hi maimah hi.Nitaklam meh di ka lei ngai ahihlam bang ka mangngilh zozen a, zi leh tate bang chu huai laitak a kiphawk nawnlou in, kum 10 paisa hunte a om mah kibang heihuai zozen hi. Ke’n leng,gari hong tailouh lai hunlem a la in, lampi ka kaan phei a,Restaurant sung ah ka va lut tei ta hi.
SAULIIM RESTAURANT sung ah customer dang ana om kei ua, Chingboi kiang a mi omlouh lamdang ka sak dan ka gen leh,’Nang nong hoh di a thei ua, mi teng ana kihem ahi uh, den khawng chiah mi hong tam dia, nitak sawt nung tantan in mi hong om khonung kei dia’ nui sisiau kawm in hon chi hi. A nungak lai toh teh in, a selua nai tuankei, kei mit a ka muh dan in.
Customer dang omlou pen chance a la in, Singpi ka dawn kawm in, thu tuamtuam ka theihnop diak te ka dong a, aman leng hoih taktak in hon dawng vanglak hi.Kum10 nung a ka kimuh nawn pat na uh ahi a,ka ki-aam mahmah uhi(zi leh pasal neituak himah le ungh).Hon genna a pan in,’Ta pasal 2 anei ua, aneu pe’n in nawi ngawlta ahihman in,inn ah a pite’n ana dondon thei uh ahihdan hon hilh hi.Himahleh,a pasal pe’n Khamtheih sal a taang ahi a, akhen chiang in,azi sepna a vapai in,inn a pai di khawng in vasawl zel a,midang khawng toh muangmoh ahihdan khawng hon gen hi.
Ke’n leng,Tapa melhoihtak khat nei ka hihdan leh, ZIA a sem ka hihdan ka gen a,hon kipahpih mahmah kawm hi.Hunluite khawng genkhawm in,ka kingaihlai ua ka omdan khawng uh ka gen ua,nuam ka sa mahmah uhi.Kipahna in sawt adaih kei, ka mit tang hon en kilkel kawm in,’Usang, ngaihzawng dang nei ka hihdan kon hilh a, kikhen ka sawm lai a non thil gen ka mangngilh ngei kei a, kisiik in ka kap mai’ chih mittui vung kilkel in hon gen a, amel et a haksa khop mai.Pom phei a ka aang a kahsak zoihzoih di’n hoih ka sa mahmah alah,..ahi thei nawn takei…!!
”Na it zawk dang om ahih leh zui inla’n,himahleh na zuih dek pa theichian masa in o Ching? Nuam satak a na khosak a, na zuih dekpa toh nunnuam in ngabang hong leng un la’n, kei hon ngilhta in aw? Sian lemgel louh ahi, ei nihgel itna” ka cihte ngaihtuah kiik chu hi peuhmah di’n ka gingta hi. Ke’n leng hehnep sawm in,”Ching, Pathian in na pasal khamtheih sal apan hunkhe dia nang hon muang ahihziak a, hichi bang pasal neikha na hi. Sian in hon kem dia, nikhat ni chiang in,innkuan lohching leh nop satak hong suak di na hi uh…!” ka chi tei sam hi.
Huchia ka om sung un, ka phone hong ging a, ka et leh,’ka lawinu’ ana hi zomah hi. Ke’n leng meh lei di ka hihlam ka kithei guih a, khuamial man ahihman in, mehzuakte ana pai khinman uhi. Ka lawinu kiang ah,’Innkongte dawr ah, Dal khawng ana lamai ve, mehzuak teng paikhin ua” ka chita hi. Customer leng hunkhop hong om man ua, Chingboi leng alang-alang ah a kipei he-hu ta hi. Ka lungsim in,’Namel hoihna zaw a kidangkei, himahleh kei adia,
A VULSA ROSE PAAK bang na hi ta’ ka chi a, Mangpha khak in ka paita hi.
©Siamsinna leh Vakiangbu
Comments
Post a Comment