ITNA SIMTHU VA LEEL
By ~ B Gnas Ngaihte
{ True Story }
Nikum lak vel in numei khat in pasal khat
a lungsim leh mit a la mahmah mai hi. Huai numei in le amah a ngaisang
in a limbawl mahmah a, niteng phial in fb/sms tungtawn in a ki contact
gige uhi. Khatvei chu a inn uah pasal pen a va
hoh hi. Nuam a sa mahmah a, innkuan kituak tak leh innkuan taima tak
ahi uh cih a va mukhia hi. Huchiin hun hong pai zel in a kigenkhiak louh
hang un kingai ahi uh chi leng a kigenkhial lawmlawm kei ding hi.
Huchi in a pasal pen in leng itna simthu
leel mai ding hia chih a gel a, himahleh a numei pen a unau ua upa pen
ahi a, azoh a nau/sanggamte aman sepna a neih pah a a etkol touh ngai
leh kilawm a bang hi. Huaiziak in a numei’ kiang ah a maban a a thiltup
leh geelte a dong a, huchidan mah in a hong dawng hi. A innkuan uh amah’
tung ah hong kinga leh kilawm a hong bangta hi.
Hiaite khawng a ngaih tuahtuah chiah itna
simthu va leel ding a kisiamtan nawnkei hi. A ziak ahihleh amah pen
Pathian’ nna sem ding a kipekhia ahihman in a zi ding tuh amah dandan a
kipiakkhiakna nei leh innkuante a poimohna mun leh hun a taisan thei
ahih ding chih ngaihdan nei ahihziak ahi. A lehlam tak ah bel va
kingaihpih ding pen a hihtheih louh na’ng omlou in a mu leuleu hi.
Himahleh a tawptan ah hitheilou ding ahi chih thei gegu a va kingaihpih
teitei ding a kisiamtan kei hi.
Mi lungtang hih naa tu hihkhak ding tuh a
utkei hi. A ziak ahihleh a lungkham huaidan aman ana thuak khata
ahihman in. Huchi in hun hong pai zel in aman le ngai mahmah mah leh
awl-awl in a kihepkhiak san hiaihiai ta hi. Tu’n bel a ki contact zel
sam lai ua, himahleh nidang bang ahi nawnkei hi.
Hiai a nuam a thu/laa a numeinu’ adi’n a hong gelhkhia hi.
Lianu aw, hong ngailou zaw
hike’ng,ahihhang’n itna simthu khaubang sutkhawm ding a lailung ka
gelchiang’n kuitung zou ding in ging la’ng e, nihgel adia hoihzaw ding
gelna in lawm aw chi’n hon lou zaw ning e….Sianmang’ lungtup bel gel
maw’ng e, Sianmang’ thuthu chi mai ni aw lawm aw…. Mangpha ngaih aw….
©Siamsinna leh Vakiangbu
Comments
Post a Comment