NOPNA TUNG A DAHNA KHI LUANG KOM A KIPAHTHU GENNA

By ~ Nb Lun Xamte

Writer’s note : Ken le hiai GROUP Tungtawn in STORY khat ka hon share d.

Innkuan sawm ka pha ua, pi leh pu, nu leh pa, ka ni leh kou unau 5 ka hi uh. Kei ka hihleh unau a 2 na ka hi. Ka u bel pasal ahi a ka nuai a numei 2 leh pasal 1 omlai ahi. Innkuan khosak a mi ka na englawkei ua kou hun in nuam ka hon sa mahmah uh hi. Ka pa ahihleh POLICE OFFICE khat ahi. Ka Mom ahihleh Housewife lel ahi a mifel leh cingkam mahmah nu muanhuai tak ahi. Ka u min ahihleh Thangminlian ahi a, kei min ahih leh RUTH ka hi. Ka nuai a nu ahihleh Chingboi ahi a , a nuainu mah Maman ahi. A neupenpa Thangboi ahi. Ka pa min ahihleh min a Pamang cin sam ua ka nu ahihleh Nuvung chi’n a sam uh hi.

Huchi in khosak leng kituak tak in ka hong om ua nuam leng ka sa petmah uh hi. Huchi’n pi leh pu ittak a ka omlai un kuapeuh mah in laisimna i poimawhngaih dungzui un, khopi lam zot a hon ngaita mawk hi. Huchi’n ka vek ua paiding chia ka genlai un, ka pi leh pu bel ahong ut kei chitchiat mawk ua ; ka pate unau lah 2 chauh hi ngal. Ka ni leh pi le pu nusia a pai ahong ngaita mawk hi. Ka kikhelah mahmah ua ka pite hi ka ngai mahmah mai uh hi. Kimu kik nonlou ding bang hial in khitui luang kawm in ka hong kikhen uh hong ngai in , ka jin ni uh hong tungta ahihman in kap kawm in, pipi, pupu bye-bye chi kawm in ka paikhia niauniau mai uh hi. Kou leng ka pai ua ka pj om na mun pansan in siamsin nalam ah ka hon hahpan mahmah mai ta uhi. Hun leh kumte hong pai mualliam zungzung in Christmas hunte bang hong tung dek in kou unau leng kithalop tak in pi le pu toh Christmas zang di’n innlam ka hon zuan vengveng ta ua.

Hucia hong tung ua . Kiken ni khatvei kimuh ni khatvei chihdan bang ka pi-le-pu kiang ka hong tung ua. Huchi’n ka pi leh ka pu ka muh leh ka kha bang hon sia a, numei chih mah tak ka kap kha zawzen hi. Ka pu in aw nem tak in RUth ka tunu aw bang jiak a kap na hiam ? Bawi aw chi’n nem tak in ahon ci a..ken leng kiheiphei in pu kon ngai lua mahmah na melte uh ka muh ciang in ka khasialua ahi. Nou tellou in zaw ka paikik ut non mahmah kei pupu ci in ka kap lailai hi. Ka pu in huci hi theilou ding ahi. Kou na pi leh pute ka sepzoh dandan ua a nasem leh nou a dia hing, nasem lou a om theilou mihngte ka hi uh. I kimuh hun uh om dia, kikhen hun om ding mah ahih, bawi. Leitung i khualzinna gam ahi ahon achi a ; huai ka gen beh tuan ding leng ka theikei a ka kholguih mawk. Huchi in ka pa’n leng ” pa aw…hilou ahi, kei na tapa in ka sep nak leh kou kiang mah ah om in hon zui di’n hong kisata le uh cin nou bang na hong om ciang ua na tute khamuang mahmah eingal ve” ahon chih beh leh, ka Nihoih in ann ne phot ni uh tuni kikhop nitak ahih toh ahon chi a, kihahsiang ut teng kihah unla ahon chi a, kei leng ka kihah a huai zoh ann ka ne ua. Kikhom din ka hong kizuikhevek ta uh hi.

Kikhopna bang ah ka lawmte toh kimu in thu kigente bang le za manlou phal in ka kingaihna thute uh ka houlim ua, huai kikal in kikhop bang a tawpman hi. Kikhop bang tawpbaih ka sa petmah mai hi. Ka lawmte toh bang kikha tuantuan zawzen in lampi ah ka houlim den uh hi. Huci in ka u mah leng a lawmte toh hong pai ua huci in inn ah ka kizuilutta uh hi . Ka nute mei oi in annhuan innlam ah ka pite toh houlim in ana tu ua, kou bel nungak dek panpan chihmahtak phalbi ahih lamleng phoklou in ka u lawmte hi in kei lawmte toh achiak in ka chiak nuainuai mai uh hi. Huchi a nuamsa tak a ka hong omlai un dak 10 bang a na ging man a, midang bang ana dai petmah man hi. Houlim nuam laipi in ka hong kikhen ua, Kei leng ka naute sam in ka lum ta uh hi.

Lengkhom bang nuam petmah ahi leh ka kilawm sak hial hi. Huci’n hun nuam theipen a ka hon zatzoh un innlam ka hong kik dek ua leh ka u lawm Umuan in hon na sam a, ken le kin thak hoi…chi in ka etphei leh hehe, hon ngak ve ua i kiton kei d ua ahon chi a ken le, ” aw kon ngak, hon pai aw ” ci ka dawng ngal hi. Ka lawm Lulun leh Biakchng toh ka 4 un ka ton ua, Umuan ahihleh govnment teacher ana ching pan ahi a , ken le ..eh ! Umuan congrats chi’n ka chibai a , aman le hon chibai kawm in ka khut ahon khuat keuh a, kei le kiguih zawzen in ka chibang ahong ling pian in ka omdan a tuam guih a, zum piandan in ka hong om mawk hi. Huchi kawm in ka inn uh ka tung ua ka maiteng bang hon san in om ding dan leng ka thei zou kei dek mawk hi. Ka nute lah mei oi a tu ua, ka lawmte’n le ahon paisan ngal ua, kou leng ka nute kiang ah ka va tu tei ua, ka nu te’n kou ka na lum d uh ahon chi ua kei leh ka ni ka tu ua, ka u leng alawmte toh pawt ahi ngei dia ka ni in kei leng ka na lum d Muan na tutpeih tantan hong tu ua chi’n aman leng a hon lupsanta hi.

Kou leng kihoupih zaw sam ding omlou in ka ki-en tuah kha zel ua, a tawp in ah, Umuan in hiai hon chi mawk hi, ” Ruth ngaihna nei hia ? ” hon chi mawk a, ken le bachia e , Umuan ? ka chih leh, ken hun sawtpi apat hon na ngai , hon na it ka hi ahon chi a, ka gen ding ka theih kei a, Umuan bel mikam tawm mahmah leh minunnem mahmah khat ahi ; kei muhdan in. Ka u toh neu apat kithuah den ki-it mahmah mai ana hi na ua, ken leng ngaihnatna bangtan hiam ka na neihsa ahi.

But kei apat itna piak hial di’n kisitna ka na nei mawk a kei class 10 zoupan pi in hichia ahon ngai a amah kam nei khat hita ahihcia chi in ka kisit mahmah mai hi. Pau tam zaw sam omlou in ka om ua, ka u hon tung in ka na lum ngal d Muan chi in aman le akhe hon hailum zual in lum ngal hi. Huai zoh hun bangtan hiam ahong painung in , “Ruth bang chi e ? Kon itna sang taaklou lua ka hi hia ? ” ahon chi a, ken le eh ! Umuan hucHi lam hij zenzen lou. Kei nang a dia chinglou kisa hi zaw ka hi Umuan, ka chi a, aman bawi !!. ahon chi a, huai in hi ka lungsim hon khoih mahmah a, mi’n kamsiam ahon zat ua leh ka itna piaklouh theihlouh didan ka lungtang ah hong om maw ? A.. ahon sam non a, Bawi ! Itna in chinlouhna bangmah a nei kei, na itna ka nei a , ka tang leh nang kei adi’n na cing, na bukim ahon chita hi. A kuhkal petmah a, ken le ka lungsim khat in zaw ngaihlouh theihvual di’n ka khoih thei non kei hi. Ka kam a pawt ma in kei a dan in ka na koihpah mawk hi.

Huai in ak masa a hon khuang ta a….aman le lohching ding ka kisak leh ahon chihlai in, ken Umuan kei lel tak kiang a na itna na hon piak man in ka kipak lua. Damsung a tul di’n Sian in nihgel itna hon tangtung sak hen Umuan ka cihleh…aman le bawi na taktak hia ? Ka kipak lua mahmah chi in ahon kawi tonton , a ken le Umuan kei le nang sang in ka kipak zaw chi in ka nui ua, huai zan chu kikhen phot ni . Mangpha ngaihnou chi in ahon paisan ta.

Huchi kei le ore , Umuan ka chi a ka lupna lam ka zuan a, ka lupsuk leh ak ahong kuang ta a, ka pi bang hong thoukheman a , kei le ka imu pahkha a zingkal ann nek kikhop di’n a hon phong ua , huai in ka thou a ka kihahsiang a, huai zohzoh kikhopna nei in ann ka ne suak uh hi. Ann ne zou Umuan ahong phei a kisa di’n hon sawl in kikhom di’n ka hong kitonkhia ua ka u toh ka thum un . Huai in ka u in ka omdan ahon en-en a gingmawhna khat hon nei hi di’n ken le ka ngaihtuah a ; huaizoh kikhom in, tawp in ka lawmte toh khodang ah kong paw khawm ua . Huai a bangbang hiam va ne in ka hong kik ua sun bang tom ka sa petmah mai hi. Nitak ann nekna dak ging toh kiton in inn ka tung ua, ann ne di’n ka pawtkhe ngal uh hi. Huchi’n ann nekhin ka pate toh houlim in hon eng bawl ua ; ka pa’n , “zan nitak a na tangthu gen uh genzou man maw? ” a hon chi a, ken leng ka gen d theilou in ka nuitop hi. Huaitak in ka nu’n, ” ngaih di lam in na hong ki-en kha mahmah d ua, pilvang in o,” ahon chi a , ken le, ” bang ziak in e, nu ? ” ka chih ngal a leh, “ngaihlouh d chihte ngaihlouh ding. Naupang lai na hi. bangmah na thei kei .” hon chiguihta hi.

Huchi in kei leng ka lungbuai petmah mai ta a, ka nu lah aban dong ngam non tuanlou in ka lungsim guk khat gim petmah hi. Huai nitak bel kikhom leng kuanlou in ka kingaihtuah nilouh ta hi. Ka Umuan lah misia hilou ; ahihziak a apa bel innsung khuallou, innsung a öm sa leng pokhia in , zu man dia zangte ana hi mawk hi. Innsung kituak lua le ana hilou uh hi. Ahihziak in ka itna bel Umuan ka peta a, insung khosak enlou pi in ka ngai petmahta mai hi. Nitak kikhom te le hong tawpta ua, ka lawmte leh Umuan ahon hoh ua, ka lawmte’n ” bangziak a hong kikhomlou e , Damlou maw ? “ahon chi ua , ken le, ” dam mah ing. Ka tha ahong dah guih kha a hi. ” chi in ka dawng hi. Huchi in ka lawmte’n leng adamlou kon sa ua ahi, ka na pai ngal uh Ruth, mangpha ua chi in apaita uhi. Kei leh Umuan kia ka höng tukha get non ua, aman le, “bawi bangziak a nong kikhoplouh mawk ” ahon chi a, kei le , ” bang ka chikei ” ka chi a, gen ding leng theizaw sam omlou in ka tu maita uh hi.

Ka lungsim khat in ka ngai petmah a Umuan hiai bang a mihoih a bang ziak a ka nu’n ahon deihsak louh ahi dia o ! ? ka chi a. Huchi in lungsim buaitak a ka omlai in, amah ahong paukhia a, ” bawi, bang chik e na pai hun ding uh ? ” ahon chi a, ken le, ” ka theih naikei , New Year zoh khöng ahi ding ” ka chi hi. Amah le, ” om zek lai ding eivoi, exam hun ma. hon chih kawm in ka khut ah hon len a, i omna mun peuh ah ginom tak a om ni maw bawi, nang adia ka sihtan a ginom ding ka hi o ” ahon chi a, ken le, ” awle, Umuan ” chi in ka dawng niauniau mai hi. Ahuchih kikal in zan leng ahong sawt man zel a, kikhen hun zel mai hi. Aman leng ka na paiphot ding zan nitak leng ihmut na kham kei kha ding a hon chi a ken leng , “ore , Umuan mangpha ” ka chi a aman le . ” ore nang le, imut nuam in aw” hon chi hi. Lupna lam ka zuan a ka neu apat ka nu leh pa thu nial ngeilou himah leng, hiai thu ziak in ka nu ka pa thu manglou ding ka ngaihtuah nihlouh a, imut bang leng ka ihmu theipah kei hi.

Huchi in ka imu a, zingkhua ahong vak a ka pa ahihleh gari deih mi ahi a, car khat valei ding a chi a, kei toh ka u hon sam in, kou leng ka va zui ua, huchi in bus sung ah kei leh ka u kong tukhom ua, kei leng kidek zou nonlou in, ” u, bangziak a nunu in Umuan toh ahon deihsak louh a ? Ken lah ka itna ka na peta ngal a ” chi in ka dawng mawk hi. Ka u in, ” nau , bangziak a nu-le-pa thu donglou a ngaih na neih mawk ? Nunu in ahon deihsak kei leh ei adia hoihlou chih na eivoi. Nunute, papate’n i neu ua pat ei adia asia ahon hilh sam ua ” chi in ahon dawng hi. Ka gen ding ka thei non kei a, ka dai topta hi. Huai in ka u ahong pau zom non a, ” bawi, nu leh pa thumang nahlohpek ahi o … Hiai kon thuhilhna mangngilh kei d o…. Nu leh pa lau a , nu leh pa thumang kan a hoih omlou ahi, ” ahon chi non a , kei le, ” huai zaw hilotel mah e, u ” ka chi a ; ka gari lei dek na uh ahihleh Guwahati ahi a, huchi in Sekmai ka hong tung ua, ann ne di’n ka hong kumkhia ua, kei ka hihleh ka mel inle dahmel ka pu mahmah mai a, ka ann duh tha leng suaklou khop in ka om mawk hi. Ann ka hon ne ua huai in ka pa’n, ” bang chi e Ruth, gari kham lua maw? ” a hon chi a. Ken leng , ” ka kham kei , pa ” ka chi a, ann ne zou in gari ka hong tai nonta uhi.

Huchia a pau zaw sam omlou imut ka kham khollouh ziak mah toh ahi dia ka imu suk vengveng ta hi. Ka mang a sia petmah a , huchi in ka kapkhe kha a, ka u in bel hon na imut san ngam mahmah lou in ” bang a bawi ” hon chi in hon angkawi a, ken le ” u hön paisan mahmah koh ” ka chi a..aman leng, ” na kiang ah ka om gige voi bawi, leitung i damsung unau ki-it leh nu-le-pa thumangte i hi d uh o ” ahon chi a ken le , ole u chi in ka top a, aman aphone a hiai lengkhop la 3 hiam a nei a , huai te ngai den mai in ka lungleng bawi bang chi ka hi diam ahon chi a, kei bel ka mang a ka u hon omlouhsan toh ka thomhau tha suak petmah in ka kawi den ta hi. Aman leng ka sam khong hon zut saksak kawm in , ” i naute non it dia nu-le-pa kipahna ding non ngaihtuah ding o, bawi ” ahon chi a, ka lungsim a nuamkei law mahmah mai hi. U, bang dia huai khong hon gen na hia ? Nang koi a om sawm e ? ka chih leh, ” leiutng kikhenna gam ahi bawi . Kikhenna bang i neihkhak leh na mangngilh louh ding . Na u hon thuhilhnate ” ahon chih non chiang in ka lungsim a nuam thei mahmah kei a, zankhua in kong tai ua, Jaklabanda ka hong tung non ua huai mun ah bel nek theih leng tam mahmah in nektheih tuamtuam ka hon ne uhi. Huchi in ka hong tai non ua zinglam dak 5 lak in Guwahati ka hong tung uh hi. Ka tung un shop kihong om nailouh man in Guesthouse room khat ka hon la ua, kihahsiang in . hucia ka om ua leh ka mit bang ahon kisat petmah a, ka pa in ann ne ding ahon chi non a kou leng Sanggai Manipur Hotel ah ann ka va ne ua , lim ka vasa mahmah mai uhi. Ka u in leng hun khop ne in gilvah tak in ka hong pawt uhi. Huchi in gari en di’n taxi khat kon la ua,

Gari ka tuang un ka u in hichi in ahon chikhia mawk a, pai meng ni uh , pa ka nu ka ngai , inn ka ut gop hon chi a, u tuni a pai d i hi uh bang a na gen ka chileh amit tuikhong a hong luang a, ka pa leng lungnuam khollou in , “Lianboi na om nuam lou hia ? ” achih chiang in pa bangmah ka chi kei ahon chi a, aphone khong a lim khong ka kila ua gari sung ah huchih sung in amun ka hong tung ua ka pate hon ki houhou ua, Huchi in lakh bang zah hiam in car ka hon lei ua . huai a ka pa a driver a hong pang in kong taikhia ngal uh hi. Dak 4 lam bang ahong ging man a , huchi in hat deuhdeuh in ka hong taitou ua, Ka u toh neulaithu khong houlim in kipaktak in ka hong taitou ua , zan dak 2 lak in amun leng ka thei non kei . Huai mun ah ann kon ne tou ua. Huai zoh kong tai non ua dak 3 leng tailou in ka gari uh bus khat eilam apatte khat toh ka kiphutuah dek ua, ka pa’n hah cut lua ahi ngei ding a, lam khang ah ka hong lengkhe maita uh hi.

Huchi khua phoklou in ka vek un ka om ua, Imphal a Shija Hospital a hon na kitun a, kei ka hihleh ka khe langkhat aguh a tan a ka pa ahih leh ahuchi lawlou in ka u in hon na beisan mawk a, aluang leng mu manlou in ka om hi.1day zoh in khua ka phok a ken awl in ka kiang ah ka sungte ka nau leh Umuan te’n lungkham meldeuh mai in dai dide a na om ua , awl in ka mit ka hakkhia a ka mu chiang pah kei a Umuan in nau chi in ahon delhpah a ka naute’n  u hon chi in hon naih ua huai in ka u omlou ahihlam ka phok nai kei hi. Ken le ka naute kiang ah bawi papate la ? ka chih leh amau dam uh innlam ah om ahon chi ua, ken leng lungmuang tak in ka om a Umuan in nau “na nat deuhna a om hia  ? ” ahon chi a , huai in ka natna dingdan ka phok nai kei hi. Ka bangmah a naa sam a ! ka chi a. ka khe ka khai zou kei a, kei bang chi chi in ka leh kah non a . Bangmah na chi kei neuchik na liam a huai kituam ahi chi in ahon hehnem ua, huai in hi nitaklam ahita . Zankhua in ka imu non a dak 4 lak in ka hong khanglou non a Umuan pen imu ngamlou in ka kiang ah ana tu a ken leng, ”  Umuan ka khe a naa lua ” ka chi khia a,  huai in nurse te ahon sampah a damdawi hon kap ua huchi in a naa hong nuam a..” nau kon hehpih lua kei thuak hi zaw mai le maw?  ” ahon chi hi.

Umuan, hiai tan non kep leng ka kipak lua ka chi a aman le, ” nang kem thei dia ka om ziak in kei leng ka kipak lua nau ” ahon chi hi. Hucia ka houlim lai un ka lungsim khat ahong nuam kei guih a., khua leng ahong vak mahmah ta hi. Ka nau Maman leng hong thou in a va kihahsiang a. ” Umuan singpi i vala o ? “chi in Mmuan in o,  chihleh zuih athuah pah a..ka nau in, ” u,  nang bang na duh deuh a ” hon chi a,  ka theituan kei khat peuhpeuh hon la ua ka chi a..a la din a va kuan uhi. Huai lai tak a ka lungsim in hiai ahong om mawk hi. Damlou damdwi in a lum ing a ka nu ka pa mel leh ka u mel mu dia om lou mawk bang chi dan ei diam o ? Ka nu ka pa a om kei leleng ka u bek hong om sam leh ka chi a ka ngaihtuah nilouh lai in a hong tung ua ken leng breakfast ne in ka nek zoh in, ” Man, bang ziak a nunute, päpate leh i u khat bek muh ding a om kei ua, Bang chidan a  ? ka chih leh Umuan in, ” nau amau leng atawl phot ua inn a va tawldam uh ahi. Kei ka om na voi hon chi leh ka lungmuang non a, Huai in ka nu leh pa leng hong lut ua ken leng, ” pa , nang bangmah chilou maw? ” Ka na chipah a,  ka pa’n, ”  hi, Pathian panphna in bangmah ka chi kei vanglak ” hon chi a  . Ka u la ? ka chih leh kuamah ahon dawng omlou in ahon daihsan mai ta uh hi.

Huchia daitak a ka om laitak un ka nu kidek zou non mahmai lou in bawi, ” na u in hon paisanta” a hon chi a, kei leng ka lungtang a hong naa mahmah maita a. Ka kapkhia luahluah ta mai hi. Hucia a om teng leng kap in kikhem d mel leng omlou in ka om maita uh hi. Khuavak tung zingkal himahleh ka puaknat dan khua hun in leng hon puakpih bang top in khua ahong niim a bang mai hi. Umuan a dia lah ka u alawm hi ngal aman le a pawna mahmah mai a, huchih lai in ka pute hong lut ua , “tawp aw bawi, na damlouh toh na tha in a hon lel lua kha ding ; amah a tawldam a , nuamsa ahi ” chi in ahon hehnem uhi. Huai laitak in ka lungsim a hong om chu nu-le-pa thumang nahlohpek ahihdan leh ka houlimnate uh abanban in ka bilkha ah ka za in , ka ngai petmah mai hi. Ka pa bang kisuanglah hong bang lehlam a ka pa ka muh chiang in ka pa lang a ka u pang gige pa tua ka pa apanpih ding omlou a, chih bang ka ngaihtuah a; ka pa bang ka hehpih tha höng suak mahmah mai hi. Ka pute toh hong hohte’n thumna bang ahon neihsak ua om-om utmah le uh, a hun pai mualliam zel ahihman in a pai hunte uh hong tung in ka nute leng innlam ah tawldam di’n ka Umuan a sawl a, ka pa bang leng tawllua lai ahihman in innlam ah kik non di’n hong kisa ua, ka Umuan in kei ka om na , pa phot unla lung himawh ngai kei amah le hong hoih pahta in teh chi in aw damtak in a gen a, huchi in ka pa’n Muan achihleh ka tawl toh na nau hoihtak in non en d o , chi in hon paisanta uhi. Kou a om ngeiteng mah kong om non uh hi.

Huchia lungngai leh thawmhau tak a ka omlai in leng ka Umuan in hon taisan lou a , kei a dia anop, ahaksa, thuak a ahong om a, hon itna lian ka sa mahmah mai a…ken le Aw Toupa bang hon tangsak mai na hia chi in Pathian bang ka mohsa dek kha zel a….. KIPAHNA TUNG A DAHNA…huai in Umuan in Bawi mihaite paudan in na hong pau dek a, ahon chi a…..ken le, eimah ve Umuan chi in PATHIAN kiang ah ngaihdam ka ngen hi. Huai in ka lung hon nuam a ka ngaihtuahna khat in aw a site hampha eive ua, kap leh mau , lungkham, dahna thei nonlou dng uh. Toupa na gam ka tun ma ka lampi a nang hon ompih den in chi in ka thum a, Umuan toh Pathian thu ka houlim nilouh uh hi. Zan a hong sawt simta a, ken le Umuan lumta ua ka chi a , kei leng tawl sim ka hi ngei dia ka imu suk pah hi.

Huchi in lungnuam tak in ka hong tawldamta uh hi. Taikhua vak mel kilawm tak hong vak in kei le ka khanglou a ka Umuan leng hong thou ka nau leng thou vek in ka maite phiatna ding hon bawlsak ua kihahsiang khin vek in breakfast ka hon ne non ua. Nezou in Doctor te ahong round ua Doctor pa’n na hoih mahmah ta e innlam leng na paithei pahta d ahon chi a ken leng Thanks , chi in ahon pawtsan ua ka Umuan toh kihou in damdawi bang zah hiam a va la a..hong tung in nau doctor te’n le na hoihlua ta ahon chi uh ahi. Lungmuang tak in na om o. Nang a dia bangkim ka hihtheih sun a pang ding ka hi aw, ahon chi non a ken le Umuan ka kipak petmah chi in ka nui uhi. Ka lawmte tamsim petmah a hong lut phut zozen ua, kei leng kiguih man zozen leh nui kha veivai zawzen.

Amau leng hn nui lud in ciamnui hat ngen cimah hneng bwl khum ek2 ua.nuam petmah damlou ka hx lam leng phok lou hyal in damdwi in om lam bng manghylh jou khop in ka nui pok ek2 ua…lawm tebel kei din cik lai peuhin asiam a apai dng uh bng le amau leng ud lou jou khop kenleng ngai mah2 mai in hun lah khol lou dk 2 bng ahn gng man a y lai in ka nu te leng a hn tng man ua.khua nai lua ahy lou man in pai din ahn kisa ta ua kham thx lah hy lou in..kikhen a hn ngai mai a..y a usang umuan lawmpa .Ruth om2 mwk thy lou ka hy uh toh na umuan hoitak na hn ki kep sak d o.hn ci keu hi. Ken leng ka gen ding bang ka thei kei zozen hi. Amah chu chiamnuih hat petmah mi polhnuam mahmah khat hi in chin hon melkeu zawmah a ka nuihza sak mahmah a huchi hon dampah o flim khat shooting zawmah d nong dam chia chih toh ahon paisan dek a, ka nu leng huai in Muan nang leng na kihahkhe ut ta d, na tawl leng na tawl lua dia na lawmte na ut leh zui in..ahon chi khe guih mawk a enle ka gen d mel leng ka thei zou kei hi.

Ka nuailam ka en a ka pau ngam kei. Aman le ahi lua chi in hong kihei phei a, “Nau, lungmuang tak na om dia tuzan innlam ka va pai dia zingchiang dam leh kong tungpah d o” hon chi a , ken le o, ka chi a, ahon paisanta hi. Umuan ka hon ngai petmah a ka kha bang muanlou bang top in ka om mawk hi. Sun a hiai bang a kipak , tua zanhun lel a dah huai man zel lawmlawm ka kipahnate’n tom ahon daih thei ngei e ! chi in ka kingaihtuah nilouh hi. Ka nute lah pau zaw sam omlou in, dai in ka dai dedu ua , ka thomhau tha kia suak in zingkhua vak ding bang ka ngaklah mahmah mai hi. Hucia ka lungsim ka vak sak nung in ka imu ta hi. Zingkhua ahong vak in ka it mahmah ka Umuan mel muh ding chi in kithalop tak in ka na ngak a, kihahsiang in breakfast te ne zou in ka itpen melmu ding maitai mel mahmah pua in ka ngak a, Doctor te bang hong round khin, dak 12 bang hong ginta a, huaitan a le ka hon muhlouh chiang in ka mel bang hong tuam mahmah non mawk hi.

Gintakna lianpi toh ka ngak lailai a, ka dakdak mai hi . Dak 5pm bang hong gingta, a sakmel muh dia a omlouh man in ka natna bang hong pung a bang mai a, ka ning kitel lua mahmah hi. Huchi a ning kitel tak a ka omlai in ka phone ahong ging a, ken le la ngal in . Hello.. Ka chihleh , “nau ka hong pai mankei tuni sorry lua o. Ka bosspa’n singtang lam pha dia hon sawl a , ka hong tung chiang in kong paisuak ngal d . Lungmuang tak in na om di. Hong dampha ta d na hi” a hon chi a, ken le ” ore, Umuan..kon miss lua” huai teng chi in ka phone ka khoih hi. Alehlam a ka ngaihtuahna bel mi zahkai mahmah khat ahih toh ka nu’n huchia a sawl ziak a hong paingam nonlou ei diam ? Chih bang ngaihtuah nilouh zel huchi sung in khuate hong mial zel a lungzuan zatam toh zankhua sawt khattang lungzuan naa e…..hmmm ! taikhua hong vak non zel in doctor te’n a khuinate lakhia di’n, huaizoh innlam paitheita d hon chi bang uh chu kipak . But “tung leng le ka ngaih om loudia, chihte ngaihtuah in dahsuk zel mai. Doctor te chih teng hihkhin in, innlam zuan in kong tai cheuucheuu ta uh hi.

Inn ka hong tung ua, ka pi leh ka pu in bel hong na kahkhum phial ua. Kei bel ka ngaihtak omlou in khasiat lam suak zawlou in lungjuan leh gimmei tak mai in ka om ta hi. Ken le ka gen ding theilou sialua ka lum ut ka chi a, ahon lumsak ua, ka phone a msg ka gelhta hi. Umuan inn hong tungta kei ve. Hong lou dek maw? Ka chih leh ki delivery pah theilou in ka lung a buai in a hong buai a , a Number hiai lou lah neilou chi in ka buai petmah hi. Huchi in tektek chi in ka msg hong ging a, kin tak a ka etleh company te hon sms ana hizawmah a, hehtha lah suak ngai lah ngai..heihah ! bang chitel kei diam maw chih non vangvang zozen achih leh. Tektek . . chi a ka fone hong ging non ngaihsak ut khollou a ka etleh, ” Nau ka kipaklua dam in inn nong tung ua, kei leng zingchia höng pai d ka hi o, ka betry low lua mahmah hon chi a ” ken le abeima chi a ka call leh Switch-off hong kichih khum geih zawmah lai hi.

Huchia kihou in ken le ana ngak non di’n ka lupna tung ah ngaihnou ngak in maimit siing mawng, huibang mau a ka omlai in ka unau ua neupen Thangboi hong pai in, ” u na lumbaih ngei. Tawl sim maw? ” A hon chi a huchi le hi tuan lou, lum maimai ka hi chi in ka kiang a hong tun in , ” u nang Umuan toh kingai maw? A hon chi nawn a, ken le ” hi, bawi kuan hon gen a ? aman le, a kithang a ka zakha a, ka hon kan maimai ahi ahon chih lai in ka nu leng hong lut a, ka kiang ah hong tu a, ” Ruth na noplou luat na a om hia ” a hon chi non a, nu huchi a om kei ka chi a. Boi na Umuan ahoih kei ka chi himahleh amau innkuan bel kikhang guizuih sim mawk un zi 2 neilou omlou mawk ua maw? Huai ziak a ka hon gen eive. Na ngaih toh kon khen kei dia; Na ngaihlouh toh leng kon gawm kei d. Ahih ziak in unu na hi a, kou bang omlouhna nei le ung nanaute na kankhuah hong ngai d ahi. Na pasal zonna ah hong pilvang inla, na damsung hon itden ding mah ngaihtuah in aw, boi. Ei zingchia i pai uh hong ngaita ding ahi. Honchi a.

Huchia ka nu’n hon genlai in utlou lah chi ngamlou in, ken le “nu..tomcik bek om zek theilai louh d hia ? Ka damsiang a ka hong paitheih hoih ciang a ka u haan leng pha ut h’ing a” ka chi hi. Ka nu’n, “napa a suty beita eivoi. Na hong damdeuh chiah i va hoh thak d o , boi ” a hon chi a..ken leng ka nialna vual theilou ka hihman in, “ore, nou chih dandan. Eimai kei dia ” chi in ka phone la in Umuan zingciang pai dek kei ve ua, chi in ka msg le lut thei nonlou in, amah phone switch off himai ta a. Ut in ut kei leng le ka paimah hong ngaita di. Ka Umuan mel mulou a pai ding zaw lem sa thei mahmah lou in ka kap gu maita hi.

Heina khat lou a mual in hal na vang mubang hon ngai ing e maw umuan chi in ka gu kahkah tamai hi. Zankhua A imu lou in ka om a. Zing khua hong vak ta mai zaw, kei a di’n Gibang khenna gam lah hong hi maimahta ding chih bang ngaihtuah kawm in awl in ka thoukhia nelnel mai ta hi. Ka pi, ka pu ka en a; innsung ka en zel a , ka u ka mikha ah muzel . Ka Umuan toh ka tutna uh bench a tu in ka houlim lai uh bang ka ngai mahmah mai hi. Huchi kawmkal in ann nek a hong hun a ka ne ua aksa ka meh na ua , ka ann nek bang koimun a lut chih leng ka theizou kei a..ka paima un Umuan hong tung man leh ka nak ut e ! ! chi in varanda bang ah ka va tu a , ka pi’n hon houpihn bang zalou khop in ka om maimah hi. Ka sungte bel kithalop tuak mahmah mai uh abang mai a , kei utlouh luat man in, a kisakhit man d uh bang lau lua Umuan lah hong tung theilou in, hon kisazou khongta ua ; pai di’n ka hong kisata uh hi.

Pai ding in ka sungte a hong dingkheta ua kei lah ka itpen toh kimulou a pai mai ding in ka ut kei mahmah mai hi. Ka pi’n, ” Ruth aw lung muang kha muang tak in na va pai dia na dam ciang in nong hoh non na d o , boi.Kou na pi leh pute leng hon ngailua ka hi uh..” a hon chi a , ken bel ka pute leng ngai diak khol ka hi na a,  amau ngai leh khelah lolam dan in ka pi’n  hon na ngaihtuah nilouh a,  kei leng zaw pautam lou in o,  chi in gari ah ka tuang ta hi. Ka hong taikhia ua. Lamkim ka tung un ka phone a hong ging a ka et leh ka itpen a na hi maimah a ken leng ka la a.aman, ” nau ka hong tungta kong pawt ngal d o ”  a hon chi a ; kei lah pau theilou in ka mittui bang pawt mai in ka dai a, ” Bang chi ? bang chi e ? ”  ahon chi o, ken le.mi hon theihma’n  ka mittui nul in ” Umuan na hong zekai deuh a ka na paita uh,  kon ngak bawl a nang hong tung hak lua nei voi ” ka chih leh a mah leng bang tan hiam ahong dai deduta a..apau zawsam ding omlou in ka dai ua., ” Nau kei kong tung haklua a hon ngaidam in o ” ahon chi a ken le , ” ka dam ciang kong hoh thak d o umuan ” ka chi a ka koih phot d inn na tungchiah hon hilh in o chi in painuam nau chi in ahon khoikhum ta hi. Inn tung in ka halh thei mahmah kei hi.

Hun le nite hong pai tou zel in ka Exam lah hong hun dek,  innlam lah paitheihna d hun omlou. Ka Umuan lah singtang lam tang zawmah network lah kimu pahpah lou. Ka ngaihna lah hong lian deuhdeuh mai ka itna lah pung hulhul mai . Kidek zou non mahmah lou in nikhat chu ka pa kon houpihta a, ” pa innlam pai utlua ka hi. Ka chileh ka pa in na exam zoh chiah na va om ding ahon chi a huai ka zak ni apat chu kipak den,  nui den mai laisimna lah mapai petmah bang mai in kong omta hi.

Hunte pai mahmah mai in exam ka zoh chiang a inn a hong omtou ding ka hihdan ka Umuan ka hilh a, amah leng kipak petmah mai a huchi in exam bang last day nichiang in chu ka laigelh  mai a leng full mark mu zou ding khop in kong kikhoita hi. Huai in ken zaw ngai petmah in ka pa kiang ah, ” pa exam zouta bang chik chiang e , innlam ka pai ding ? “ka chi a ka pa’n nang man hunhun hon chhi toh kiton in zingchia ka chih ton tuak zozen kha ua ka nui ek-ek ua kipaktak in zing chiang innlam pai ding innsung teng bang hoitak in hah siang in ka taima petmah mai hi. Huai ni chiah chu, zankhua in ka imu thei zozen kei a , zing nisuak kilawm tak hong suak in baihtak in ka thoukhia a,  ka sungte kiang ah mangpha khak in bus ah kong tuangta a hi.

Pianna vangkhua kon galmuh bang chu babare !!  Nui Top mai ka hi. Huchi bang in  kithalop tak in ka hong pai a.inn kong tung in pi leh pute kiang ah lungnuam tak in kon om a . Umuan bel teacher a singtanglam a va sem ahinah  toh zingchiang a hong paipan ding ahi. . Amah om kei mah leh khua ka tun himhm leng kei a di’n damna abang mai hi. Huai zan bel ka ngaihnou mel mu kei mah leng zing chiang a dam a mu ding kinepna toh nuamtak in zante bang tawldam in zingkhua vak mel kilawmte bang  in ka Umuan nuihmai a suun petmah uh hi. Kei chu ka ni toh inn te hoitak a hahsiang in ka ni toh sepsep semkhawm in nuamsaktak ka om lai,  konglam apat Umuan hong pai ka galmuh ta hi.

Ka chi bang ling pian mawk ka om dingdan bang theilou hial in ka na om a,

Ka pi in :  eh ! Muan nang school kai kon sa a ” ana chi zawmah a ,

Aman le:  Hi, pi kai ing a tuni Sintawp ni eivoi tawpbaih ka hi uh. Nang mahmah bang le ngaih huai lua chin a hong kipai suk hi ei .. ” chih toh lut hon thuah a

Ken leng : Nong kamsiam ngei Umuan ka chi a ,

Aman :  ahimah eivoi ”  hon chi a,  ka gen ding uh bang hong bei pian mawk hi.

Aman le : Nau, na dam siang taktak hia ?   Hon chi a

Ken le :  Hi,  damta ka hi ,  ka chi non hi.

Aman le : Na exam la bang na chi ? Na bawl hoih hia ?  ahon chi a

Ken le :  bawl hoih zaw ka kichih hia ,, Bang kong chi diam maw? chi kawm in ka nui a .

Aman le : A hoih lua voi maw? Hon chi non a,

Ken le : A hoih maithei ” chi in ki-it tak in huai nitak ka hun uh kon zangbei ua.

Zingkhua hong vak in zing annte bang nezou in ka Umuan hong pawt non a , ka u haan bang ka va veh ua pak khawng ka suan ua, Huchi mah in sun hun kon zangbei non uh hi. Nitak ann nezou ahong hoh non a.Khollou in ki ittak in ka hun neisunte uh ka zang nuam petmah uhi.

Nitak hong hoh in , ” hy ! nau i kiteng maidiam? “Ahon chita a,  ka gen ding ka thei non ta kei hi.

“Kei kia nang ngai a om haksa ka salawta kiteng mai ni o  ” hon chih in

Ken le , ” ore, Umuan ” chi in ka zui a..ka kipak petmah ta mai hi. Ka itpen toh omkhawm ding chi in ka kha a muang petmah mai hi. A inn uh kong lut dek hial le zaw hong nuam chiah keihi. But. Umuan in kei ka om na voi hon chi a .ka lung hong muang tuan mahmah a.innsung kong lut ua leh kuaman ahon hou ta kei ua , kisuanlahna in kong pumdim ta hi.

Huchi in a room ah ka lut ua lupnatung ah ka tu a aman le ” nau, kisuanlahna ding omlou ahi aw..Nang lam a pang gige ding ka hi ” ahon chi a, ka ngaih na hih a ban vak mai ta ka nu bang a gen d ua o, chibang ka lawm ka sanggamte’n bang a ngaihtuah d ua o ? chi in lungkham petmah in ka ngaihtuah a. Ka Umuan in, “nau lum o” ahon chi a kou leng ka lum ua. Ka houlim zek ua nu-le-pate’n bang hon gen d ua Umuan ka chihleh lauh ngailou kei ka om hon chi a ka itpen ang ah lungmuang tak in kong imuta hi.

Zingkhua hong vak in ka thoukhia ua gamtat dingdan bangmah ka theikei a, himahleh inn te zuut in Umuan lawmte leh innsung mite bang hong en di’n hong tam kuan mahmah ua huchi in sun hunte hong beipah hi. Zan hOng hih in ka Umuan lah a school kaina kuan ngai d kei kia ka hong om ding chu kon lin petmahta . A nu leh pa deihsakna tang lua ka hihlou toh kisuanlahna’n ka hong dimta hi . Ka lup un,” Umuan kuan nailou di’n gen mai ve ? ” ka cihleh, ” nau ka kuan ngai teitei. A lem leh kong kileh sawm d o. Nau lungmuang tak in na öm d o ” a hon chi hi. Zingkhua hong vak a khuavak in a kuanpah a huchi in ann te huan in ka huan zoh in inn nna teng ka sepkhit in ka khua ua nitha kiloh di’n ahon sawl ua ka kisa a ka kuankhe ngal ta hi.

Ka na seplai a ka lungsim ah hong om chu, ka itpen toh ka hihnak leh gim leh tawl leng poi salou khop in ka pang a sunni sa nuai a lungliap lou in ka pangtou a huchi’n sun in ka Umuan in ahon msg. a inn a om ding hon sa in, ” nau, bang na hih , na chim hia ? Kon ngailua “ahon chi a, Ken le : Umuan ka chim kei nasem a ka kuan a nuam ka sa lua” ka chihleh ahon msg. a dai vengveng a, ” Bang chi e, Umuan , na dai a ? ka chihleh, nau kei ziak a innsung nuamtak a khosa ding lai nisa nuai a nasep maw tua na pat ahon chi a , ken leng poisalou dan in, ” uu nang kiang a om a nasep poi ka sa kei, Umuan” chi in ka dawng a, aman le, kong pai thei kei d , zingciah kong pai d hon chi zawmah hi. Ka lungsim zaw anuam chiah kei innsung mi lah maingal lua ka neihlouh ziak ahi. Poi kei zingchia nong pai ding nak leh Umuan ka chi lai hi. Huchi’n ka pai a inn ka tung in ka sungte’n ann ana nekhin ua kei leng kisil di’n luilam ka zuan a ka lawmnu toh ka kimu ua. Ka lawmnu in a nuam hia Lem ? ahon chi a ken leng itpente kiang a om anuam mah kei dia . . lawm chi in kisilzou ka kik ua, ka pa uh zukham ana kitom a, ka etna ding le theilou in ka om dingdan leng ka theizou kei hi. Ann lah nengam non lou. Huai laitak in Umuan in hon call ka pick-up ngam kei a, hi chi in ka Sms mai ta hi.

"Umuan mi hong hoh om zek a ki msg thoh mai ni o. ” ka chi a ka lep maita hi. Hiai bang innsung a khosa khalou ka hihman in ka dip bang kua in ka imu thei kei mawk a, ka nasepna toh ka tawl sim mahmah mai hi. Huchia Umuan toh ka ki text zek ua ka imutsan kha hi. Dak 2am lam in khua vak bang ka phok kei a ka thoh in ka nu in ann bang na min man phal in kei leng innsung nna teng sem mengmeng in ann nekhin in nasem di’n ka kuan non a ka nasepna mun ah ka pa’n zu akham non khak ka lau petmah mai ahi. Sun dak 2 lak in ka Umuan in hon call a ” kong paita aw nau” hon chi a kei ma in inn ana tung masa zozen hi. Ka tung in ahon hehpih lua a, “nau, kei ziak ahi o ” ahon chi a, ken le poi mahmah kei pai va kisil ni chi in kisil di’n ka kuan ua. Inn ka tung un ka sungte’n ann hon na neksan non ua, ken leng thuk in ka ne ua. Huai lai mah in ka pa hong kitom non a ka ngaihtuahna khat ah chu hichia zaw bang chi om zoh ding ka diam o ! Chih bang ka ngaìhtuah a, ann le ka ne thei non kei ahi. Umuan lah paungam taktak samlou in ka room uah ka lutsan mai ta uhi.

Hunte hong pai zel in kum leh khate hong kiheitou zel in nau bang Pathian vualzawlna in kon pai a, naupai tung bang in ka damlou nasa mahmah mai a, ka tawlpih petmah mai. Lou kuanlouh nadan lah omlou, ka Umuan lah a sepna mabante hon semtou zel in kumte bang hong bei theisamta hi.

Kum kikhen ding hong hita sam ka nute kiang ka hoh ut mahmah tamai a. Umuan innlam hong phak pih ve ka chi a nau leng pai ta sam ka hihtoh ka chi a, aman le , ” ore o, nau nunute kiang kon gen d o” ahon chi a, aman le thumang tak in ka nute kiang ah gen di’n a kuan a, anu kiang ah , “nu, Ruth te innlam ka va hoh ding uh” a cih leh ka pa un, ” hon na phal kei zawmah a, o kei leng ka kap maita a ka Umuan in hoh thouthou ding. Kisa o ahon chi a, nu-le-pa thu lou a va hoh ka ut kei hi. A gen mah bang un ka ngaihziak lel a hoh ut ka hi a, hih d zaw omlou mah ahihna toh hon phal hun uh om na ding hoh nai dah phot ni o Umuan ka chi hi. Amah leng ka heh petmah mai a..ka kingaihtuah sek a, gamla lua le hilou zaw hia maw? chih bang ka ngaihtuah nilouh hi.

Hunte hong paitou zel in, Toupa hon vuazawlna in gil a goutan tanu mel hoihtak mai ka hon nei a, ka tanu kei adi’n hoih ka sa a, ka kipahpih mahmah mai hi. Huai in chu kei sungte leng kimtak in ahong hoh ua, huai in ka iit mahmah ka tun-le-zua ka laizom teng toh kong kimutuah ta uhi. Kipak lua ka in ka biang ah kipakna khitui bang hong luangkhia hial hi. Huai ni bel ka nau neina gim leh tawl leng ka phok kei top hi.

Huchi in ka lungsim bang nuam petmah in ka om a. Ka nu’n kalkhat bang hong ompih a, huai lai ka pa ahi zu leng dawn lou ahong om a ka kipak petmah . Ka innsung khosakdan uh ka nu’n hon theih ka lau petmah mai hi. Huchi in ka nu leng ngai in om saksak ut mah leng kei mi aa ka hi ta a, omden thei ahihlouh na toh hon paisan non ta hi. Huchi in ka Umuan lah asep ngei sem in a kuankhe nonta a, kei leh ka tanu inn ka om ua pi leh pute lah a ngei hong hi tou non in kei leng khakhat bang ahong hihtak toh ka sep ngei sem ding in ka tanu ka ngaih mahmah sun nitum a nusia in, nasem di’n kong kisa khezel hi. Kiloh bel ka hih non kei a. mahni lou ahi tua kas sepna bel. Lou a ka tanu bang ana chi mah diam ? Chi in sunni tumtum in ka ngaihtuah nilouh seh hi. Umuan in lah innlam a hon olmawh vak khol kei a, keilah ka phone hong sia kithuzak taktak theih non khollou in kong om ta uhi. Sunday chiang bang in ka tanu ka ngai mahmah a, suni tumtum im ka pua a, ka nuta un kou hun in nuam ka sa mahmah mai uhi. Amah bang leng kha 3 bang hong pha in nuihte bang hong kisin in ka nuta un ka ki nounou mai uhi. Aw bawi, aw na nu na pa hon mu ut mah ding maw, bawi ka chi lel a, apa lah hong kodok nonta lou in ka lung bang hong kham sim mahmah ta hi. Huai kawm in kei nu a chinat lam leng thei manlou in hon beisan ahih dan ka za guih mawk ta hi. Kei leng kisa in ka iit ka nu luang delh di’n ka hong kipiankheta hi.

Amun ka tung in ka khua mah uah a pua ua mithei manlou in a hong tam petmah hi. Kei leng ka kap ek-ekh a ka naute kiang ah “bang hong chi mawk a nau, nunu” ka chi a, ka nu ahihleh zankhat thu a BP sanglua ahi a, ” nu ei khatvei bek hon dawng lai ve maw, nu” chi in ka kapkhia ek ta mai hi. Ka nu’n lah hon en ding a mit leng hong hak non kei a, hon dawng ding in a kam leng hong liing nonta kei hi. Ka lungsim in “aw ka gentheih hong kipan taktak ding eita ve maw? Leitung a nu nei nönlou ding maw ken ? chi in ka ngaihtuah a, ka nu ka itpetmah ta mai hi. Ka nu ittak hon vui mangsakta ua, ka pa lah hawm a kisa lua a, kei leng ka inn uah ka giak a, tawlkhat ka om a, ka om na mun uh ahihleh Jiribam ahi a, ka naute amaban uh lakloh lua ahihna toh, ” u kalkhat bek hon zui in hon chi ua, ken Umuan kiang ah gen un ka chih leh ka pa’n agen a, aman le lem hon sakpih in ka pate zui di’n ka hong kisa non ta hi. Pasal ka neih nung huai lam ka phakpatna ding ahong hi a ; kisunglah tak in ka pa mai ah ka om hi.

Huchi in ka pate ka va zuita a, inn ka tung un ka nu ka mitkha ah hon lang mahmah mai a, nidang a ka nu gamtatna nung teng a kei va gamtang ding ka chih chiang in ka kha bang ahon sia mahmah mai a, ka nu leh pa ki -itna thupipi toh ka nu’n bang ziak a ka pa a huchi nutsiat baih ei mahmah diam aw chih bang ka ngaihtuah nilouh hi. Tuun aw zuang hong thou aw, na von leh na angkawite’n hon ngailua ung , tuun nem aw ka chichi a ka pa bang thawmhau a kisakdan ka mu a a tate hon khualna in bangmah a kam apat zaw zak ka nei kei uh. Hmahleh a gamtat in a kilang mahmah mai hi.

Bang tan hiam kong om in hi chia om om thei lah hilou, ka pai hun hong tungta ka naute ka en a, ka hehpih mahmah mai a, ka pa ka en zel a paisan ding ka ngaithei mahmah kei. Ka khelah lua mahmah lai a.

Ka pai lah hong hun kong kisa nialnial maita hi. Ka tanu lah a ngai mahmah mai ua, kou nuta om bel amau adi’n ka hulum sak mahmah mai uh hi. Huchi in ka hong paikheta ua, ka naute’n, ” u nong hoh zelzel ding uh aw” ahon chi ua ken le dam leh hitham e chi in ka paikheta uhi. Bus sung a ka kingaihtuah nilouh sung in Imphal ka hong tung ua, huai mun mah ah bus dang mah a tuangtou in inn ka hong tung un ka mial dek mahmah ua, ka Umuan lah ana om tuanlou in ka khosak ngei bang a khosa tou non ding ka hong hi petmahta mai hi. Ka pasal pen a lungsim ka theisiam zou non kei a, innlam utna mahmah neilou ahihman in ka va enkhia himhim ding a diam o ! chih bang a chang in ka ngaihtuah kha sek hi. Hun hong paitou zel ahihman in a lohlak in ka nu a sum pia di’n hong pai in nikhat bek giak utlou a kin a kin in a kilehkik a, lamdang leng ka sa a, ken lah ngailua in ka om a ka houpih chiang in le ka buai ahon chihlouh chiang in ka houpihna teng chauh hon dawng in huai lou in ka phone bang hon cut khum hi. Ka tanu kum khat ching ni inn ka sam a ahong pai a , huan zan in ahong giak a ken leng, “Umuan bang chi tel e ? hon ngai nonlou maw ?” ka chi a, aman, “hon dawng tamlou in hon imutsan mawk ta hi. Kei leng ka lung a kham mahmah mai a.hi.

Hichi in thumna kon nei tamai hi..” Aw Toupa na mai a suan ding khat lel leng ka nei kei,  ka hun paisa a nang thu leh ka leitung Pathian te deih lampang in ka gamtang kei chi leng ka theih ahi, Pa Huaite hon thuklou a tua kipan nang deìh bang hikhua zangtou theihdin ka nupa hinkhua uh a thak ahon kepbit sak a ka khelhna simseng louhte uh hon ngaidam in, Pa aw”  chi in kap kawm in  ka ngen keuhkeuh ta mai hi. Ka hinkhua aw genthei,  ka hinkhua..kei ziak ahi. Ka nu ka pa thu ka mang kei a Pathian ka na dong kei a eive aw.!! Ka tuun leh zua ka laizomte thu ana mang himai leng zaw …! Maizen ! hiai haksatna ka thuak kei ding ka chingam mai ta hi. Kei a pat kisikna lianpi huai nitak in hong piangkhia in. Zankhua in khitui toh ka kidiah hi. Zingkhua hong vak in paulou phunlou in ka Umuan hong thou a,  ken le Umuan ann nesa  in pai in o,  ann ka min dek ka cih leh aman, O khauh deuh mai in, “Ne manlou ding ” a hon chi a, ken le, ” aw, poi na e na nek man khak leh chi a zaw a kin theilam a kon huan mah hiven maw? ” chi kawm in ka naute ka pua a, “bawi, na pa va kha ni o” chi in a bag kala a, akha di’n ka pawtkhia ua, lampi a ka paisung un leng kamkhat leng ahong pau kei tel a , nidang in zaw aw lamtawn a agen ding bei ngeilou mah hiven maw ? Bang hong chi a maizen diam aw ? chih khong ka ngaihtuah lai in bus ahong tai a paulou in a tuang a ken le ka tanu kiang ah, “papa byebye aw, nau ” chi in bus taitumtan ka en vengveng mai uh hi. A omdan a tuam luat ziak in ka lungsim a nuam thei ngei non ta kei hi. Hunte hong pai mualliam zel in kumkim bang hong kiveitou non ta, ka Umuan lah hong khodak non mahmah lou kei leng ka om dingdan bang kong buai zou maita hi.

“Abang abang hileh ka pasal kiang ka va pha himhim dia, bang ngaihtuahna nei a ? ka va kankhia himhim ding” chi in ka hong kisa kheta hi. A khua uh ka tun in a omna inn leng theilou in kan/dong tawm mai in, ka hon zuan vengveng a, ka gal-et leh a kikhak a omlou zaw hia, ahihkeh innlam hong pai, kipe lkei d ua o chikawm a ka naihphei leh chabi zaw hilou in kikhak maimai ana hi a ; ken leng kong ka kiu a, na om hia ? ka chih leh numei khat in a kong a hon hawng a, ken le Eh ! Lutkhial zawmah kei diam o ? Ka chi man dek a, Muana inn hilou hia ? Ka chih leh himah ei, hon chi a, amah lah koi a om a ? ka chih non leh, va pawt zual a hon chi zawmah a, ken le, ” Nang a kua e ?” chi a ka dot non leh a zi ka hi, hon chih khiat toh kituak in amah ahon lut chet .

Ken le ka gen ding pen leng theilou in ka kap mai ta hi. Umuan bang lungsim nei e, nang ? Hon huchi bawl ding in ba hiai tan non tun se ahiam? Chi in ka kap a ..ka nau ahon laksak a pai di’n ahon sawl a kei leng ka pai kei ding chi in ka pang hi. Huai khua ah ka nuneute khat om hiven a tanu in ka uRuth hong chi a ana gen hi ding,  ka Umuan in pai dia hon sawl a, hon vuak lai hon tuakkha zenzen a Pathian hon sawl abang mai hi. Hon vuak toh khua phoklou a ka om leh ka nuneu hong lut kituak in amau innlam ah hon na pua ua, ka pa ana thuzakta uhi. Huchi  in singtang khua ahihtoh doctori le om tuanlou in lupna tung ah hon lumsak ua tui khong hon na buak gop uh hiding in nitak lam in khua kon phok panta hi… . . . . . . .Ka kap khol thei kei. Ka ta ka ngaihna toh ka pasal ka ngaihna toh. Pathian bang ka mawhsa ut mai hi. .. . . . . . . . .Umuan. . . .chi in ka kikoukhia kha zozen hi.. . . . .Ka tanu ka sam zel a ka ang hawm mahmah mai in. Umuan. . .damsung non iitna kei adi’n tomlua..Sul hong heikik mai ve maw !! Umuan kei zaw nanglou in ka hing zou mahmah kei d..chi in ka kapkap ta mai a zankhua in.. Aw … kei adi’n zankhua sawt hi namai e maw?..

Zan khua a kah leh mau in ta leh pasal ngai in ka om lai Pathian houpihna kon tang a hiai bang kap leh mau a om dia siam na hi kei. Bang ziak a siam a om na hia? chih hi kon zata a, kei leng kihalhsak in ka nuneu ka sam a biakinn i va hoh ding Toupa’n deihna hon nei ahi ka chi a , zan dak 4 bang ahong ging ta a.. Huchi  in ka pa inn ah khovak ngak kawm in ka Toupa toh ka hong houlim uhi.

Zing khua hong vak in hichiaa om mai lah hi theilou  ka chi a.ka Umuan papite kiang ah ka tai lut, amau leng bang i lohta dia maw ?? hon na chi ua,  ken leng ka ta bek hon pia un papi, nupi chi in ka kap a, amau leng bawi na theihsa kou leng amin a  anupi,  apapi ka hi lel ve uale, hon na chi ua .Kei leng liangvai tak mai in ka pa saullim ka hon zuan lut ta hi. Ka pi leh pu kiang ah ngaihdam ka ngen a. Pi ,pu leh ka nu ka pa na thu uh kon na mang kei a, agah louta ka hi,  na hon ngaihdam uh kon ngen chi in ka kap a ka pite’n leng ahon kahpih mai uhi.. Bawi aw, nang chauh tung a hong tu ahi kei . Thuak siam tak in thuak ni. Ei adia i Toupa, eilam hong pan na ding ahi o bawi ahon chi ua. Ka nu damlai leh o, ngaihdam ka ngen ut chi in ka kapkhia mai hi. Ka pa ahong tungtou a, lungkham koh bawi kou leng hon itlua na ka hi uh o..chi in aw liing deldel kawm in ka pa’n hön hehnem lai hi.

Ka pa huai ahon chih  in ken le pa na tanu na thu uh ka manglouh ziak eive maw ? chi in ka kap lailai hi. Ka pa’n  kisa aw,,  i pai ding a hon chi a, ken le ka tanu ka mu ut mahmah lai mai a ; Ahhziak in  ka pate thuman leh Pathian deihlam sem hi a ka lungsim a ahong om mahmah tak ziak  in kisa in ka paita uhi .

Lamtawm a  ka kingaihtuah leh ka mittui’n hon tum den hi. Inn ka hong tung ua ka nu ka mitkha ah  hong  lang in ka tanu toh ka om dan teng uh bang hon lang dundun mai in haksa chih bang a gen ding dan leng ka theih zou non kei hi.  Kum leh nite hong paitou zel in ka pate’n gamdang a va zin mai in ahon achi ua ken leng thumang tak in ka pa thumanna i n ka nupi tanu toh vaigam lam ka hon zuan vengveng ta uh hi

Vaigam kong tung a pau lah siamlou nasepna ding zong dia le kuan peihlou in kha khat bang lungzuang, lunggim leh thawmhau vengveng mai in ka hun neihte ka hon zangtou ta a, kha khat a hong pai zoh in nasepna khat ka hon mu a, huai ah sang 5 loh in kong kipan ta hi. Hun bangtan hiam a hong pai zoh in ka pa pension pai ahihdan kon za a, Toupa hoih hi na e maw ! Hiai chiang damna hon pia chi in kipahthu ka gen hi.

Huai zoh bangtan hiam mah in zi nei ahihdan ka hon za non a, alehlam tak a zaw ka kipak a, ahihziak in numei muanhuai ahong himah diam ? chih ka buaipih petmah a, ka lung bang ahong kham gu simta hi. Ka naute’n bang ngaihdan a hon nei duam maw? Chih ka ngaih tuahtuah lai in ka nau Maman in a hon call a , “u i maban uh bing chi sim mahmah ei” ahon chikhia mawk ta hi. Nu thak i chih ziak a miteng a sia hilou ahi bawi i pianna i nu bang in hon na ngaihtuah un la kipak leh lungmuang tak in na hong om d uh o. bawi chi in ka hehnep theih dandan in ka na hehnem sam hi. Ka lungsim khat in zaw nu thak nei mitamtak om a, nuam lua a sak lam uh muh ahih louhdan ka ngaihtuah khia hi.

Huchi in ka innkuan sung khosakna leh haksakna namkim in hon tuam in ka pa bang le police pension zet khat himahleh, a zithak ziak in innmun leng nei theilou i agou agam teng ahong beita mai a..Amah lah hat louhlam hon mannoh hiaihiai in kei leng kum 2 bang kong om ciang in ka loh bang leng hun khop hong phata sam a, huchi in a zithak bang in ta leh nau hon nei in kou unau ka hong liangvai mahmah ta uhi. Himahleh Pathian in tagahte leh meithaite ahon iit deuhdeuh mai a, ka naute bang ahihleh hamphatna tuantuam hon nei ua, a mabante uh a sunzom tou thei zel zel uhi. Ka pa lah dam theih louh toh hon thuah chiang in ka en zou kei a, ka sum khol teng khak in ka pa’n a kivak leh innsung khosakna ding ahihkhak leh chi in auto tulai a ki service te khat ka laksak hi. Hiai apat neuchik a hong nak theih ua…kei leng gamdang a om ka hih toh lawm leh vualte hon nei in, lawmte lawp/ut ziak in innlam pai kon sawm tei ta hi. Pasal khat toh phone a fb apan mah in ka hong kithei ua, amah ahihleh nidang a ka classmate te ahi a, huailai khong a mihoih ka na sakte lak a khat ahihziak in ka ngaina mahmah mai ahi.

Hun hnog pai in December bang a hong hi ta a, innlam ka hong pai a, inn ka hong tung chiang in ka kha bang asia tha suak in ka om peih tha bang suaklou in ka ning bang kitel mai hi. Haksa ka sa mahmah mai hi. Ka nu uh lah niteng akham theidante ana hi mawk a, huai mahmah in leng ka lung hon sugim mahmah mai hi. Ka naute ka et chiang in ka hehpi tha asuak mahmah, ahihziak in amau leng hong picing sim vekta ua alehlam ah nuam ka sa maahmah zel uh hi. Unau kim a ka om chiang un ka pa bang in le a hon genkhe kei na a lungmuang lua ahi chih amel ah hong lang mahmah mai hi.

Hun hong pai mualliam tou zel in, huai ka theih pen toh köng kimu ua ka tanchinte genkhawm in ka houlim ua, hon it a hon ngai ahihdan thu ahon hilh mah leh kei bel pasal lawm mai a pawl ding in lawm hoih ka poimawh dan ka hilh lel hi. Kei lungsim apat pasal neih non ding a omlouh dan leng ka gen chiang mamah hi . Huchi in lawm hoih pen leh lungsim puakgik ki share tuah in lawm hoih tak bang ka hong kithuahtou ua. . Aman leng nungak dang ahon nei zel a a nungak te toh hun bangmah tan ki-it tung lou ahihdan hon gen in ka lungsim a nang kia om na hi, a hon chi gige mai hi. Ka nu toh amah leng lawmta ana hi zawmah lai ua, ken, “Lam na lungsim hon hei mahmah ken hehpihtak in, ka maban sah lua ahi” chi in ka hon ngen mai ta hi. Huchi in ka pai hun a hong tung non a, kei leng ka sep ngei leh ka maban innsung kei khut a kinga ahihdan phok kawm in ka hon zinkhia nonta hi. Sep leh bawl ngeite mah semtou in kha khat bang hong pai in ka khakhat loh lakhin innlamte khak dia ka kuankhiat dek in ka phone hong ging vengveng a, ka en a, ka pick-up leh ka nau ana hi a, “u, i pa auto a tuahsia tuak in damdawi inn ka om uh ” a hön chi a, lamdang leng ka sa a ,” gim lua hia? ” Ka cih leh gamlapi a om ka hihna toh , ” I, huchi gim samlou ahi” a hon chi a, ken leng, “sum hon khak dek ka hi, o…. A thu omdan bang hon hilh zel in o. Bank ka tung ta, awl in kon thuzak thak chi in ka phone ka koih phot hi.

Huai in sum khakkhin in inn ka tung in ka lung a nuam kei a , ka phone zel a amau leng ahoih, hon chi zel ua huai bang kawmkal gimhuai leh lungziing tak Toupa tuh ka hon samta a, ka thumnate ahon dawng tou zel in ka na sepna munte hi in ka omna lamlam ah deihsaktu ding leh panpihtu d Toupa’n a hon pia a, kipahthu gen tou zel in hunte lah apai ngei a paitou zel ahihna toh, ka pa bang leng kha 3 damdawi inn a hong lum a, innlam pai ut tha bang a hong suak a, ka pa lah Imphal lam pua zaw mah lai uh chih bang ka zak chiang in ka pa mel ka mu ut mahmah . Nikhat chu ka naute ka phone ta a ,” bawi i pa mel mu ding bek in kong pai mai diam? chi in ka dong a, ka nau in, ” u, sum kipoimawh lua mahmah. Nang a sum non khakte ziak a i pa tutan dam ahi. Lungmuang tak hong pang inla, kou na naute’n kep theih dandan in ka hon kem tou zaw d uh. Nang hatna muang a tua le hiai mun a pua ka hi uh. Kou kep hilou nang kep hi zawlai ahi, u ” a hon cih chiang ka pa mel mu ut mahmah leng le pai ngamlou in a gal ah thumna toh pang in ka hong om non mai hi. Kalkhat leng ching lou in ka pa zankhat chu ka mang in ka nu toh lampi a pai khawm un ka mu a, ken leng pa ka cih leh bawi hong hahpan in na, sanggamte mikhat bek na hon suak sak ding kei leh na nu’n Pa kiang ah hon na ngakta d ka hi uh o….” ahon chih toh kituak in ka khanglou a, ka naute ka call ngal a, ” bawi, i pa bang a chi ka cih toh kiton in ka phone hong mit mawk a, ka call non dek leh switch off hong kichi mawk hi.

Phone No. ka neih teng ka try a, atawpna in ka nu No. ka try thei a, “nu ka pa bang a chi chi in ken leng ka kan pah a, huchi in aman le bawi lungkham ken la khamuang tak in ana om in o, na pa a natna teng damta hon toldamsan ta ahi aw. . . . .” ahon chi a kei leng ka kapkhiakha pah zozen hi. Pai ding chileng loh lah la nailou ka laksa teng lah khakkhin mi a lakna ding leng theilou, ka room ah asun-azan ka kapkapta mai hi. . . “Aw Toupa mihng khat a piang ngal ing a, hiai bang tel ka tung a non tung sak, Pa, ka bawl khialh a om leh hon ngaidam in la….. Kei apat bang deihna nei na hiam? ” chi in kei leh kei kimawhsakna leh kingaihsiatna in ka dim a…ka pa si a, a mel mulou a mual hon liam kheta ani-ani in ka hong kingaisia deuhdeuhta mai hi. Leitung a hing man bang leng om ka hon sa non kei . Hunte lah pai zungzung. Ka naute lah ana chimawh deuhdeuh uh…. Mihing hihna toh lawmte ka nei ka lawm te hinkhua nuamtak a hon zatdante bang eng lua in ka om kha sek zel a…himahleh, amau nu-le-pa toh innsung nuam tak a khosa uh hia chibang kei ngaihtuahna ah hong lang dundun in ka neihkhom in ka naute enkoltou in ka om a, December hong tung non in ka naute’n inlam pai di’n hon nak sap luat ziak un innlam pai di’n ka hong kisa non ta hi. Bang kim ka suk fel khit nung in innlam zuan in train in ka hong pai a, inn kong tung non chiang in, ka in uh hawm petmah in hawm ka sa a, ka naute ka en a, ka kapkap mai hi. Ka pa hante va veh in lungzuang leh thawmhau tak mai in December te ka naute toh zang tou di’n ka hong kisata uh hi.

Mite innkuan kim tak a khosate ka mu a ka lung a leng mahmah a nupa kituak tak a tonkhom ka mu a lah ka khitui pawt lel in lung ngai vungvung a om in ka hinkhuate kon zang tou a , ka pi ka pute lah teek mahmah mai ta. Ka pu in nikhat chu hichi in a hon houpih ta hi. ” Bawi na pi. na pu e uh Pathian ka na thei kha kei ua,  dawi leh kaute bia in  ka na om na ua,  ka ta ka tu e tung a apaap hong tung eive, hon ngaidam un aw, ” hon chi a khitui luang kawm in ken le ‘ pupu, huai ziak ahi, ahih ziak in na hihkhelhna theih a Pathian muang leng i maban ah kinepna lianpi om theih lai ahi. Ka naute tung bang a Pathian hon vualzawl ding ahi aw, pupu ” ka chi a,  ka houlimna uh bang khasiat huai sim mah leh ka pu in Pathian hing tak ahon muhziak in ka kipak mahmah mai a, ka lungsim bang le a hong nuam mahmah ta mai hi.

X-mas te hong tung in biakinn bang ah ka pu ahihleh solfa thei leh lasiam mahmah pawl khat ahihna toh a damsung teng in innkuan la pawl bang ka va sa gige uhi. A zoh Toupa ka tung ua hoih hi na tel e, chi in  kipahthu ka gengen mai hi. A langkhat ah , “aw,  ka nu ka pa toh hilai henla hi leh leitung nuam hina tel in cia ” bang ka chisek hi. Hun nuam theipen ka hon zangzou non a ua, kei leng ka kisapian nonta hi. Huchi in ka nau Maman in, ” Kon zui mai diam u ? ” ahon chi a ” ngai kei na laisimna maban sunzom lai ni ” ka chi hi. Huai ka lawmpa ka kihoupih sek pa’n zaw hon na deih petmah a,  ka pi leh pu kiang ah a nu leh asungte a hon sawl phut mawk a..ken leng lamdang salua thei phalou, ngaihsut phak leng ka neihlouh , ” pasal nei di’n ka pu’n lem ana sa mawk a..amau a pai zoh un “pu bang hong hih uh a ? ” ka chih leh, ” Ruth, ka thumang in o? ” ahon chi a, “Bang maw, Pupu ?  Na thu ka manglouhna om ngei a eita ? Hon hilhdih . Bang hon gen uh a ? ” ka chih leh, ” nang lah na tanchin teng hon theihsa uh..a tapa un lah nang hon ngailua mahmah. Numei na hihtoh na paallai hun hong bei man khak ding lauhuai lua zaw ahi. Nikhat ni chiang in insung khualkhual  den a na teek tan om theih mawk ding hilou a hunlai om ahi aw bawi ” a hon chih chiang  in ka gen ding dang theih lou in, ” Pupu, hiai innsung a ka om ding hon deihlou,  hon ngailou lua uh maw ? ” chih toh room lam ka zuan a ka kapkap ta mai hi.

Ahi theì tan a pasal neilou teitei di’n kong kingen-ngen ta mai a, ka sungte kiang a…Ka pu in lah o , ana chi ta ahih toh a hong buai sim mahmah a…amah pa lah ka zak thakdan a zu dawnlou a om theilou mi ahi cihbang i zak ciang in  a nini in  ka lung a kia deuhdeuh mai hi. Niteng in ka pu kiang ah ka gen zel a huchih lai in ka pu mah a hong dam kei a, ” ka lung-gim sak luatziak a diam aw ! ” cihbang ka ngaihtuah a .kei leng ka kingaisia deuhdeuh mai hi. Ka pu ngaihdan leng zaw selua in ka mu kei. Ka maban a hon khual ziak ahi chih bel ka theih a….himahleh, ka sanggamte nusia in ken mi inn ah phung ka vatang ding hi salou in..ka neulai lawm mah khat toh ka hong houlim ciang un aman leng, ” va nei in amah bang naupa hi lel . Na sanggamte leng entou theih d a hon chi zomah tam zawte lemsakna lah hong hi petmah ta..Kei lah ka lungsima kuan theih mahmah lou in, Pathian bang mangngilh zou khop in ka lawmte mibang zah hiam kon pawl a,  nitak lam teng in zute toh kihehnem in ka hinkhua a huchi in om leng hon deihlou ding ahi chidan a ngai tuahna toh zu bang dawn theilou sasa in dawn kong kizil a,,  taksa utna leitung zu lel toh kong kihehnem tamai hi.

Kha bang zah hiam himahleh huai in lungnopna hon pekei a,  khitui luanna leh mite hon simmawhna lel ahi chih kon theih ciang in a kikhel dek man mahmah a..huai in Pathian buan petmah in  kon buan thak non a, Toupa ka thumnate hon dawng in …Ka mai a om haksa ka sak mahmah nou toh hon kipelsak in. Ka sanggamte toh ka maban panthak thei non di’n ka om non ta hi.

BEITA

Writer’s Note : KA  THUGELH  SIMHAKSA  MAHLEH  SIMTU  TE’N  NA  HON  NA  SIMSUAKSAK ZIAK UN  KA  KIPAK PETMAH AHI…GELH KHELH LEH THULIM  LUA  BANG KEI  MAHLEH SIMTU TE’N NON SIMSUAK SAK MAN UN LENNG  

KIPAK.

Hiai story ka hon gelhna a mihing in ut man a leitung hinkhua uh leh i khosakna bangkim a Pa’n lem a hon gel keileh mihngte bangmah i hihlouhdan uh theih leng chih ka ut a…Huai ban ah,  nuthoih teng leng sim mawh ding ahih louhdan..Mihing a piang khia teng Toupa’n  a siam vek ahi. Hiai mun ah leng Ruth a pasal toh kikhen kha keh, alehlam a apate mun tamtak a zahlakna tuak d..A naute maban sunzom zoulou theih maw? Pa lem gel hih o….. lamdang lua eive…Munkhat a kapsak, munkhat a kipaksak , munkhat a khitui luang kawm a kipahthu gen ahi..Mihingte i hinkhua uh a thupi louh dan maw?

KA KIPAK E…

©Siamsinna leh Vakiangbu