THAIBOI ZIAK HIA……DUAT LUAT ZIAK

By ~ Muana Guite

“Midang te Zi va lauh sang a,mahni ZI lauh kan a manpha omlou eive”

“Zongtah ka kiat diam?”…..”kiat ngailou, tulai zongtah ka nek chiah ka gil a na”….Pa pen adi’n chu Zi te gilnatna di chu duh leh le i melma hong hiphot pah hi……Neklouh phot ahoih ahi mai……”khangkhuh khong le a duh huai a ka va lei diam?”……”khangkhuh chu ka gai lai apat a gim ka huat le na thei ve le”…..huai apat in Khangkhuh chu ka haw ngal a……melma nih chu nei ka hi phot mai hi.

Duh mahmah le nek ngamlouh di khop a Paa a ngai hi, zi te ngamlouh ziak hilou in,khovel a deih penpente lungkimna di ahih phot leh chih ziak ahi…….zi ngamlou non chi maithei uh….kisual di hileh chu ka khat vei suk le thuak lah mahmah di ahi….ut hile chu nileng a lum din le ka khoih thei aka,hilele Numei a hi si,pasal a din a thu uh va nial ek ek khong a kilawm kei hi.

Tu Pathianni in chu Voksa ne phot le la i chih a i Zi te’n, ka duh kei “Sa nga ka ne ut zaw” hon chih un chu Voksa lei louh ngam a ngai ahi (diktak in chu Sanga ka duh zaw aka)….Kinialnial le sungkuan leh tate adi’n ahoih louh ziak in innsung Pa pen i hih chiah kinial louh le ngam ngai ahi….Thaiboi ziak hilou in Duat luat ziak in ah.

Tate hon thukhel ua,Nu pen in a tai leh chu tate moh ahi top mai……himahleh,a Pa pen in tate i na tai tei a, Nu pen in tate huchih zezen louh di achih in chu…Pa pen moh ahi vek mai ahi.Thaiboi ziak hilou in Tunnu Itna a let zawk ziak hiveh aw.

Deih pen a neih ahih ziak in a thu awi chu thaiboina ahi kei….a nuam zaw ta ahi…hilele,hilele…..Innsung nna (Annhuan,inn phiat hi chu Nupite tawl damna di ahih phot di leh chu a nuam viau vanglak ahi……Kuangsil hial zaw….duat viau hikei leng chu ka sil louhna a sawtta ngot di…..a diktak in chu Kuangsil sang in chu Nau puak le ka tel zaw aka,himahleh Zi te duat luat ziak in ka dai maimai a hiven……)

Gou manpha Pathian ziak in Ta i hon nei a, tate bang chi tuk in om leh uh le a khasiat chiang in a Nu mah uh a bel ua, huai ziak in Nute poimohna a lian lua a,Thaiboi ziak hilou in a manphat dan uh theih luat ziak in ah i duat mahmah hi.
 

Suk lungkim louh a a nunglam uh hon ngatsan uh a gentheih huai dan thei pha chiang adin chu suk lungkim louh theihlouh ahi.

Huai ziak in Thaiboi hon chih ua leh le, zakta ken……hon chi tute’n Zi te duat a nop dan a theih louh ziak uh ahi.

©Siamsinna leh Vakiangbu