DUHTHUSAM/DEIHTHUSAM

By ~ Mun Muanlian 

Tangval mel hoih deuh mai khat le duang kiching khat kihi henla, SP tapa khat kihi henla 12 zoh phetphet in Delhi ah aban sunzom ding in kikuankhia henla, nungak hon mu khata phot in hoih hon salou om ta kei henla, kei zong Delhi sung a nungak hoih pen dia gintak nu toh kingai bang kihi henla, numeite chu ka kiang khong a paikhate nasan hampha kisamai uh henla. Ka nungaknu toh college off ni ciah restaurant thupi taktak khong ah va kilutkhom hen la min hon eng mahmah ta mai uh hen la. Vangsiat huai tak in IAS ka try ding kum in ka pa’n hon na beisanta henla. Insung khosak hong haksata mahmah mai hen la exam hun hong nai tak in kuanna ding kia nei in Delhi kimanoh suk non henla, Delhi tuntak in nek ding neih nonlouh man in ka pa ong gari leisak pen tawmcik in exam ma sung a daih khak leh chi in kizuak ta henla, gari vel kizuak ta kizawng deuhdeuh ta ahihman in ka nungaknu’n tangval dang hon neihsan henla, kei zong ka exam na ding ni 2 in asap a pat ka nek ding zong om non ta kei henla. Ka inn neite un zong inn bahara hon gen ta henla, zingcia non piak kei leh na pawt ngai ahi hon chih khum zawmah lai henla. Ei ut leh ut louh omlou in exam mani in hong kinoh pawtta henla.Tunna ding giahna ding theih louh man in exam na centre kong a va kigiak ek henla, khua hong vak exam hun hong tungta exam chiah bawl fuh ka hia, Fuhlou ka hia ? cih theilou khop in ki-om ta mai henla, exam zouta lawmte’n a inn lam uh zuan nainai ta eilah gilkial zotna ding neilou in dustbin lak khong ah min a nektheih nek val apai kha hiam chi in kizong henla, Private company zaw sepna dingtam mah hiven, nek tawm ding neihlouh man in huai khong kisem thei kei lai henla.

A kha bang hong paita nik leh puanteng sia nemnom a omlaitak in zawllui nu’n hon muta mai henla, ngaih le hon ngaihsak ut lou in a tangval pa toh car sung ah hon tuansanta mai henla, eile zum lua ki-en ngam ta kei henla, kha 3 bang painung in kalkhat paisa news kipaikhat va mok et leh result suahna news na hi zenzen henla, India sung a sang penpen in kizou henla, athu pen thang hat mahmah henla miteng in na thei vek ta henla, keile kipak lua in park khat sung ah kitailut henla, kap a chih in kikap lualua mai henla, security pan delh pawt hon sawm laitak in nupi khat ka kiang ah ong paita henla, nang tua IAS zou pa hilou na hiam ? Hon chi ta henla, kenle himah ing . Kichi henla. Ka story hon dongta henla a vek in kihilh henla, amah le nektom zong maimai na hi ta henla, aneih sun a nu’n adamlai a a nutsiat a sanakhi hon zuak sakta hen la Manipur ka paitheihna ding vai hon saisakta henla. Aman le na sepna na join chiah hon mangngilh ken maw chi in hon vaikhak a henla.

Innlam tun kik d le mulkimhuai peuh mah henla, aziak chu ka pa’n hon beisan ni a kipat in nektawm zong mi inn mi lou khong ana giak maimai na kihi hen la, kei ka tun phetphet in chu bahara ding chouh toh pai himah leng train sung a news paper ka sim touh leh all india a top ka hih ziak in Government in 1 crore panpihna hon piak ding thu kithei tou malam henla, Phai(Imfal) ah kila tou malam ngal henla, inn kilawm ding khat foundation bawlna maimai a 50 lakhs bei ding in kibawl ngal henla, kumpi nasem himhim kei hon pakta lou om ta kei henla, ka inn bawl nang hon panpih siausiau uh henla, Manipur a inn hoih pen a kigen khat hita henla.. Kha 3 sung in kizousiang chet henla, nidang a ka nùte ana simmawhte’n eng chih tak in hon eng ta uh henla, ka inn uah amau le khutdoh in hong kuanta uh henla, kei zong nasep kipat hunta Delhi ah hon posting kha get uh henla. Nidanglai a genthei tak a ka omlai a hon nusia nu’n pasal ana neita henla, apasal tualthat in jail na tangta henla, ta bang na nei in atate toh kholak ah mi kongbiang teng ah sum ngen in pawt kawikawi ta henla kuaman na pia ut kei henla, kei kiang utlou pipi in hong pai henla, keile na kiphal lua 1 lakh kipia henla, amahle huai teng toh lampi geih ah nek theih zuak in kipeita henla. Sun khat ka security te toh nidang a hon na panpihnu inn ah va kihoh henla. Lakh 10 vel va kihawm henla, amah na kipaklua hon kawi henla, bawi, Pasian in atam zaw thupha ong piata hen , hon chi henla. Kei lah ka na sep hoih lua ka minthang deuh mai ta henla, kum thum zoh vel in zi neih dan khat va kivaihawmta henla, singtang khotong ah ka nu hon itpih thei a ka u ka nau hon itpih thei ding khat va kizong henla.

Singtang ah tagah khat nuthak nei a nuthak in a bawlsiat khat mel a mel hoih mihoih mahmah khat a nuthak gitlouh ziak a kuaman a hel ngamlouh khat va kinei henla, Delhi lam ah kitonpihta henla, kum thum zoh in nasep hoih penpen award khat kisang zawmah henla, tua khit phetphet in ka sepna apat in kei leh kei va ki resign henla. Mp candidate in outer Manipur ah va ki contest ta henla, hualak ah va kiching zel ta hen la, nasepna peuhpeuh ah mipi kipahna d leh staff dangte kipahna d ngen kibawl henla, India President di’n nomination ki file henla India President vel kihi khemkhem hen la, mi genthei teng panpihna kibawl vekta henla, India ah ki-it na pung in, azawng tuam ahau tuam omlou in average in kihingkhom leh chu o. . . . . A nuam mah d.

Duhthusam chu sang thouhta hilou ! ! ?

©Siamsinna leh Vakiangbu