LAWMLOU OMLOU KHANG KIDANGTA CHIH MAWK ….???
By ~ Lun Khuptong
Mailehkhabu khoih hat mahmah leh
status update hat mahmah khat ka na hitei sam hi. Pilna theihna lam ah
zaw a pil leh siam ka hi kei hial hi. Hiai topic hon gelh khe ding in
leng chitna khat leng ka nei kei hi. Khovel ah omlai i hihman in i
awlmoh leh huchi zodeuh leh i chihte mah kigen zel zaw hilou hiam?
chihna ziak in ka thei khamkham a hiai topic zang in tuni thukup nop
neukha ka hon nei hi. Lawm leh vual khenkhat leh comment status ka muh
mun sim mahmah leh hichi ding mah ahi diam? Chia kei mah leh kei mah
bang leng ka na kidot gige khat tuh tua i topic ahi hi.
I Inkuan uh leh society uah Khristian
lou zong ding hile hang tam a kimuh ka lam-en kei hi. Huai bak ah nang
Khristian lou na hi, kua hiam khat kiah va chi kha leng sihna tuk a i
ngaih ding khat uh thulu leng hi kha zomah lou ding hia? I pian khiak a
kipan a Khristian na hitate i hi ua. Khristian inkuan mah ah khang khia
in i om tek uhi. Huai ahihleh bang ziak a hiai tua i thulu chi thei
ding? Lawmlou omlou chih thei mawk ding uh hiam ?
YPA Gen. Hqr. in Korean Movies/Series
ziak a i soceity uh kise gai ahi chih bang Zogam.com fb group ah ka na
mukha chitchiat non hi. A chihleh en tulai khang ate kha i kibulphuhna
uh dik khinlou hi ding hi veh aw hon chisak ka sa hi. Bang ziak in?.
Huai kia leng hilou Comment mahmah leh thu gen mahmah ka mit ngei a ka
muh tuma deuh a Khuga Dam thiltung thu ah, a ki commente lak a khat ka
na chiamteh tinten, Hiaite piching ahita ve uah leh a ut-ut in a om kei
di’ng ua amau sia leh pha theihna ei vele.. Chi thei bang ki-omta …
Thupi hang ei ka lungsim in ka chigu mahmah hi.
Awle, ka genkhial diam ah Tulai
tuailai lak ah zudawn theiloute bang a Tuai/vual phalou a sim pawl bang
kitam mahmah ta. Khenkhatte’n houh mi’n huai a chih ziak ua zu dawn
teitei ding sa pawl bang ki-om zomah. Kalaisai ! Chih maimah ngai thupi
ana sa theilua kei veh ken chu. Huai kia chi kei ve. Lamka ah Restaurant
khenkhat ah bang naupang kum chinglou zudawn leh lei phal gige hilai.
Indian dan ah chu Kum 21 apan tunglam loute zu leisak phallouh hilai
eiveh public a. I soceity chu zaleen khengval hita lou hiam?
Ka et detdet chiang in ei lak zaw
Media/Khamtheih/leitung nopsakna chi tuamtuam te’n hon thazoh mahmah lel
ei chi leng kikhial lawmlawm ding in ka gingta kei hi.
Pianken a Khristian, naupang chik
apan a sunde skul kai, tualai pawl ah kihelte i hi uhi. A chihleh, koi
kipan pial kha i hi ua? I Bible sang mah un bang ziak a
Media/khamtheihte’n hon zol zou zaw ahi diam? I kibulhphuhna uh diklou
ahi diam? I khankhiak dan uh I kichildan uh sam deuh ahi diam? Hon
chisak ka sa hi.
Huai ziak a bang hiam khat awl moh
ziak hiam in gen kha le hang lah tangtel sihtan mah bang lai ding kihi
ahihman in ….. I paidan uh leh I deihdan uh kha Khristiante khosak dan
toh ettuak thak poimoh ka sa mahmah mai hi. Huai ziak in tulai khang hi
zong leh Khristian hihna zal in, A kilawmlou om ahi. Khang kikhek mah
leh leng chin zou liamliam ni.
©Siamsinna leh Vakiangbu
Comments
Post a Comment