NEK LOUH DING VONGGAH KEI KEN
By ~ Mun Muanlian
Ka tangval tung in nungak khat hoih ka
sa petmah a ngaih leng ka ngai petmah mai hi. A kiang a ka om khak
chiang bang in ka nervous kha zel hi . Hou le houpih ngamlou, amel mulou
a lah om theilou ka muh ciah lah ka chi ling mai hi. Kua mah theihpih
louh in kum khat val ka na guk ngaih hi.
A tawptawp in kidek zou non mahmah lou ka
hi dia ka lawm hoih mahmah pa kiang ah ka hilh hi. Kumkhat val ka guk
ngaih lam le ka gen a , amah ka muh cia ka omdan teng a vekpi in ka hilh
ta hi.
Ka lawmpa toh kong kikum ua, amah nu
kiang a gen ding dan vai ka hawmta ua lai khat gelh in ka lawmpa ka
pesakta a, aman le kua ahiam chih theilou in ana la a ana simta hi. Ken
bel ka itdan teng leh ka ngaihdan teng gen in kumkhat val kidek ka
hihdan leh ka gen ngamlouh ; kisuanglah pumpum a hiai lai ka gelhdan vel
zong ka gen kim vek hi. Amah pen kou sang in khosa thei zaw deuh
ahihman in hon thusimta kei a chiamnuihna in hon laksak a ka kisuanglah
mahmah h. Ken le gen nonlouh tum mah leng ka lungsim om maimai thei lou
in amah kiang ah ka itna thu ka gen veve hi.
Kumkhat bang hial ka gen a kingaiselua in
ka tha teng chau vek a lupnatung ngak in ka omta hi. Amah le kisik zaw
ahi ngeita ding gim mahmah ta ka hi chih a theih phet in hong veh a, ka
gei ah hon pau ka zak tung apat in ka halh huaita mai a, kap kawm in
amah kiang ah, ” kei zaw nang a ding in ka phu kei lua ” ka chih leh
amah leng kap in , “u hon ngaidam in ken zong kong it mahmah hi na damma
tan paikik nonlou ding ka hi” chi in ka gei ah hong tu khovak tamai
hi. Kei pen lungmuanglua ta ka hi diam ah ka Imu pah vingveng a khovak
kuan in ka khanglou a ka gei ah ka lupna khuam bul ah amah le ana imu ka
mu a, khua hong vak chiang in hong khanglou a ken le ” boi, ka damta
hi” chi in vengsung khong awl-awl in ka vak kual ua aman le “uu kon na
paisan phot dia , kong hoh zelzel na d o, lungmuang tak in na omta in.
Nang a ka hi gige” chi in ka kikhen ua aman le a innlam uh zuan a kei le
ka thoutou a ka damsiang mahmahta mai hi.
Kou gel zong kong ki-it mahmah ta ua
kuata khen zoh vual louh in ka kal ua itna lian tak hong omta a aman le
hon thuhilh a, “u na school kai sunzom non in ” hon chi a ken le
thumangtak in ka sunzom nonta hi. Amah bel nidang in ki classmate himah
le ung kei sang in pawl 2 in ana sang zaw man hi. Kei pen amah ka it
luat nalam ah kum 2 hun a thawn in ka subeita hi.
Schøol kaina lam ah teacher te hi in
kuapeuh in kou gel ki itna a thei suak vekta uhi. Amah ziak a kum 2 lost
ka hihlam theilou zong a om tuan kei hi. Lawmte’n hon eng thei mahmah
mai uh a, ka ki itdante uh. Nikhat thusia pi hon hilh uhi. Ken lah ka
lungsim in zong ka ngaihtuah ngei himhim kei hi. Hih bang a melhoih hon
nusia in hon khen mok leh lenlai chan d na hi, hon chi ua huai zawlna in
niteng in kei hon bom ahihman in ka lunggel hong tuam mawk a ; nikhat
luppih ka sawm a uu hon hehpih inla ka pumpi tengteng nang a vek ahi .
Tu’n zaw hi nai dah hen la, i omkhawm lam ciah na deih bangbang in non
khoih thei ding chi in hon ngen a, ken le dik salua ka hihman in bangmah
ka loh kei hi. Kei le bangmah loh non samlou in kampau kilawmlou ka zat
ziak in ngaihdam ka ngen a , aman le ahi thei mah hi, hon chi a, hon
theisiam mahmah mai hi. Kipak tak in ka kikhen uh hi.
Khua hong vak zel a school kai hong hun
non zelta hi. Lawmte’n bang na loh a ? chi in hon dong ua, ken le
bangmah ka loh louh dan thu ka gen leh “leenlai chan na hi ” hon chihsan
ua. Na paa kei lua pasal na hikei chih vel in hon kou zialzial uhi. Kei
bel huai lai tak in zaw hiai ziak a paa louh poi ka sa het kei hi.
Himahleh khemna in niteng in kei hon bom a
; mihing i hihna dawl ah kipukkha dek zel hi. Ka lawmnu kiang ah ka om
chiah nuam ka sa mahmah mai a hiai bang lungtang ka nei thei het kei hi.
Lawmte’n hon dong thithe mai ua ahih
theihlouh dan ka gen zel hi . A tawpna in na lenlai ni na zat ngeingei
ding ahi. Na nungaknu lah luppih ngamlou, lah khen ngam samlou na hih
chiang a , na lawmnu theihlouh kal in na paallai ni na zat thei na ding
in nungak dang nangaih kul hi hon chih uh chiang in eile mihing khat i
hihsam chia huai khemna ah ka puk ta hi. Nungak dang ka guk genta ua
kingai dan in kong om petmah uhi. A hihhang in ken bel ngai lou himhim
ka hih ciah luppih utna ka nei thei mahmah kei hi. Lawmte’n hon gengen
mai ahih chiang un. Kei le huai khemna ah ka va puk khong ta hi. Zankhat
ka va pawt a, ken le lawmte hon hilhdan teng mah in ka zawn a aman le
hon nial ngamlou ahihman in ka va kipolhpih petmahta hi. Kipolh laitak
zaw a nuam petmah mai chi leng ka zuau khol kei ding.
Ken bel zi ding a chu en himhim lou ka
hi. Ahihhang in polh theihna ding in chu a itdan ka kipang sam hi. Aman
bel hon na ngai petmah ahih ziak a hon nial lou ahihdan thu hon gen hi.
Kipawlkhit phetphet in kisikna ngen in ka pumdim ta hi. It louh,
ngaihlouh khat hichia bawl siat chih ka ki-awi thei himhim ta kei hi.
Himahleh ken ka luppih theih leh baa midang in luppih thei tuanlou di
chih ngaihtuahna khat chu om veve ta hi. Inn ka pai a, inn ka tun in chu
ka lungsim zankhuovak in a kisualsual ta mai hi. Khat pen lah khen
theih vuallouh in tong ka na chiamta ua khat pen lah nutsiat ding ka
ki-awi tuan mahmah kei hi.
Zingkhua hong vak nonta a school kai ding
in ka kuan nonta hi. Lawmte’n hon na dong ua , gen ding ka thei zouta
kei hi. Kei zong kidek zou non mahmah lou ka hih chia kap kawm in ka
dawng a, kei tua bang chi ding? chi in ka ngeh gega ta mai hi. Amau le
kisuanglah sam ahi d ua hon dong ngam kuamah omlou in hon potkhiatsan
vek ua , huai lak ah ka lawm it penpen pan chu hon hehpih a, lawm
lungmuang tak in om in. Lampi khat i bawl ding . Huai na zuih ut kei leh
kon panpih theihna dang ding ka thei zou non kei hon chi a.
Ken le bang chi bawl teitei lai ding i hi
uh hiam ? Na lampi theih nalam un kei tu’n ka awk lohta vele ! ka chi
a. Aman le, lawm o , sukkhial khak teng hon maisak in la lampi dang zong
himhim ni hon chi a, kei le hon thah sawm taktak nata ve maw lawm ? ka
chih leh, aman, ” Hilou hi , lawm o , mihing kuamah lampam sikkhial lou
omlou ahi. Gensau non dah ni . Na lawm it taktak nu kiang ah bangmah thu
theisak nai ken la, kon panpih theih tan in kon panpih ding. Lung
himawh ken. Na thubuai sukveng teitei na ding in panla ni ” hon chi a
kei le ngaihtuah phot himhim ni maw chi in ka kikhen uhi. Class la chu
tua ni in kou lawmta teng ka om kei uhi. Teacher te’n le lamdangsa tak
in lawm dangte kiang ah na kan vial uhi.
Buai tak leh chihna ding thei lou a ka om
laitak in kithat utna lungtang ka nei maita hi. Ka lawmpa’n ” lawm o,
hucih d hilou ahi. Khovel a apatna na hi non kei hi. Nang leh nang na
kibawlna ding Pasian in lam hong lak ahi” chi in hong nem hi. Skul tawp
hunta ahihhman in inn lam kon zuanta a inn ka tun inle ka mawk om sim
thei kei a, ka sungte’n ong ning mahmah mai uhi. Chih dingdan theihlouh
man in Bible khong ka phen zel a bangmah a phatuam het kei hi. A tawpna
in kap in ka lupna tung ah ka kilik leh ka nu ong pai a , ” bawi , bang
chi na hihiam ? ” hon chi hi.
Ken le ki-imm zou non mahmah lou ka
hihman in ka nu kiah ka thiltuah teng ka genkhe ta a, ka nu’n le ka
lawmngaih lam hon thei ahihman in hon tai beh zosop a nakpi tak in ka
kap khia lualua ta mai hi. “ Nu leh pate o nou tung leh Pasian tung
ah khial zou ka hihman in hon ngaidam un la ka lawm itnu hon va sapsak
un. Ka hinkhua kipatna d leh tawpna ding ahi ta “ ka chi a , amau’n le hon sapsak ua kong ka kikalhkhum pih a, “ non it taktak a ahihleh na innlam uah na nungkik nonkei ding a , eigeel nupa i hi ta ding hi ” ka chih leh aman le. ”
Bang thu om a hiam ? keilah kisalou a hichia damlou buai zel na hihkhak
leh chi a ong hoh zual maimai ding in kong kuan hi ” hon chi a ; “ o,
a hoih ve na pai inla tua i kihouna pen kam vaikhakna hiphot mai ta
hen maw Thangvan zawl ah haibang hong na ngak ning maw ! Ka thu gen zui
ut lou teitei na hih leh “ chi in ken le paita in ka chih leh hon paisan ut nonta kei a , a omsuak ta hi .
Kou le nupa ka hi ta ua, kha bang hong beita . Ka lung a nuam thei mahmah kei hi. Ka zi in le, “ uu
, na thumang ing a omden in na chih ziak a kei ka om den a, kipah mel
himhim non muhsak louh mawk lungnop louhna bang nei na hi hiam ? “chi
in hon dawng a ; ken le gen d lah hilou, genlouh d lah hilou a ka om
dedu lai tak in ka lawmte khat hong hoh a huai ka tangval lai a ka
luppih nu Gai ahihdan ka zi theihlouh in hon gen ta mai hi. Babaree !!!
Ka lungtang ah chu khovel ah na piangdah kha mai ta leng chih thu chouh
hong om a ka lawmpa ka dawn kikma in kithalpuksuk in ka sibup hi. Ka
lawmpa le kisuanglah mahmah in hon buaipih petmah hi. Damdoi inn ah hon
potung ua kalkhat bang ka om nung un hoihlam ka manoh hi.
Ka gaih nu le damdoi inn a ka pawt in
pasal dang khat na ngoh in na kitengta uhi. Kei ngaihtuahna a bel nupa
ki-it tak di’n ka um kei . Amah nu zong a nungak lai a a kiphal luat zaw
kisik ngei ding in ka um ta hi. Amau’ hinkhua bel ka thei het kei hi.
Huai ka zak ni apat in ka omdan ka kikhel tuam mahmah mai hi. Ka zi in
le kipaktak a ka om a muh masak ni pen ahi. Zanchiang bang in ka zi ka
koi ngam kei phial hi; aziak chu amah siangthou mahmah a, kei pen
misiangthou lou ka hihlam ka kiphok hi. Ahih sam hang in i zi khat ahih
chia koi louh a kiphamawh zel sam hi. NEK LOUH DING VONG GAH KEIH chu
kei a di’n a hak petmah mai mi zi mi ta dingpi ken ka koi vial a ka
luppih vial zaw ka hinkhua hon subuai tu in a na pangta chihchu ka zi
neihma deuh in ka kiphokkheta hi.
Writer’s Note : Hih
tangthu nuamlou tak leh sim hak tak himahleh non na sim sak siausiau man
un kipahthu kon gen hi. Hih tangthu ka deihna san ahihleh simtute’n non
na theihpih ua “ NEK LOUH DING VONGGAH KEI ” tulai
tuailai, nupi , papi i tamta mahmah mai ua . I innkuan(ten) hon subuai
tham hi. Tuailaite le atam zaw lam hiai i va keih khak ziak un pilna
zonna lam hon na subuai mahmah mai hi. Zi leh pasal lou buang kuamah toh
kipol kei thei le chih deihna ziak leh i gam ua i khanmawhbok uh leh ut
lou pipi a tualthat i tam uh. Hihi ziak mahmah ahi a kuapeuh in hiai na
simkhak ua kipan nungak tangval lai a kipolhthang tawpsan thei le chih
deihna ziak in hiai topic zang in hih tangthu hong kiphuakkhia
ahi. Kuapeuh in hiai gelh sung a sukkhial genkhial a om leh mawh maina
kon ngen ngal hi. Lungdam..
©SIAMSINNA LEH VAKIANGBU
Comments
Post a Comment