PA.. “KA PILTA DI”
By ~ V Thang Guite
Writer’s note: Ken le amasa pen ding in kon gelh teisam d awle. Mi a sang in buching/hoihkim zoukei mahleh kisinna hikawm din ah..:-|
December 6,1996 in hiai khovel a ka
khualzinna pan di’n khovak kon muta hi. Ka neu apat a mi zahkai mahmah
khat ka na hìtei a. Kum 4 ka phak in saangkah kon panta hi. Zahkai
mahmah himahleng lailam ah ka mavang mahmah a, laisiam mahmah chu ka na
hitei sam hi.
Kum 12 ka phak in ka pate’n lailam a
masawnna hoih zaw hon deihsak uh ahi ngei dia, Lamka a ka laisinna
sunzom din mi inn ah hon omsak uhi. Pawl 9 khong kon simtak in chuh
khovel nopna kon zalzou panpanta hi. Hun hong paizel in pawl 10 khong
kong hihtak in chu…ka zahkaina teng kuan hon guksak ahia ? chih di hileh
kilawm in zahkaina himhim kon nei nawnkei mawk hi. Langkhat ah hoihsim
bang mah leh siatna di’n kon zangzaw mawk hi.
Niteng phial in lawmte toh kholak ah kong
kizuikhe gige ta uhi. Ka naupanna bangmah a ngailou in zu-le-sa ne in
hiiptheih teng hiip a teeptheih louh nangawn tep in kong omta uhi.
Laisiam a ka nu le pan hon theih a hihman un khamtheih khong hih di’n
hon ngaihsun ngeikei mawk ua muanmoh di’n le hon koih ngeikei bok uhi.
Huaikha ken chance a la a siatloh d hidan ka hi.
Nikhat ka hih d theilou a ka Uu te in a
ka va hoh mawk leh ka Uu in Bible Class a tel di’n hah zot in ana zawn
mawk hi. Ken leng ka Uu sel zoulou ka hihman in utlou sasa in Bible
Class atel di’n kong kisata hi. Ka kuan ua amun ka tun un lit chih
petmah in ka lin mawk hi. Kong a bangtan hiam ka khawlnung un kong
kisawllut zou khongkhong uhi.
Kong lut taktak ua bangmah chu ka kolok
naikei. Nithum bang kong tel zom ziahziah nung un chu ka khelhnate kong
kiphawk a, kisikna in hon pumtuam gawp hi. Jesu Pathian Tapa ahi chih
gingta a pom in Pa leh Tapa leh Khasiangthou min a Baptistma kon tan zoh
in chu Lungsim a tawldam in puakgik a zang khopmai. Baptistma tan
khaklouh di bang kisikhuai zozen hi.
KIPAHNA ngen a kipumdim hita. KA NU LE
PA kiang ah ka tai a NGAIHDAM ngen in ka kap huphup mai hi. Ka nu le
pate leng kipaklua in hong kapkhia ua, hon it dan uh khawng leh hon
ngaihdam khit uh ka hihdan hon hilh chiang bang un hampha ka kisa a ka
kipahna gen vuallouh a lian in ka khasiat tha bang hong lehsuah mawk hi.
Huchi a ka insung ua Pathian vualzawlna
ka tan lai un, Saptuam Upa pa’n ka inkuan ua ding in hong thumsak a,
Pathian kiang ah kipahthu hon gensaklai hi. HUAI A KA LEITUNG PATHIAN
LEH KA TANGTAWN PATHIAN KIANG A KA CHIH THEIH OMSUN “PA KA HAI NAWNKEI
DIA KA PILTA DI” KA CHITHEI LEL……!!
Note : Non simsuaksak ziak in na tung ah ka kipahna gen vuallouh in alian…KA KIPAK
~~BEITA~~
©Siamsinna leh Vakiangbu
Comments
Post a Comment