LAILAM LEI BUL AH…{ It happened to me }

By ~ Kei’min Pau Ngaihte

Ni sa a nem pian ta. Himahleh kho hoih ziak in a sa thou lai. Khe a pai dia lah gamla, mi bang a gari keng d neilou ka hihman in lawmte toh Paupu auto te ka ngak netnat uhi.

Nitaklam dak 4:30 lak in Lailam Lei bul ah sawt sim ka ngak nung un auto passenger dimlou a hong tai petmah ta. Koimun ah tu leng a nuam di chi sim in a sung lam ka en pah a. Driverpa’ left ah mi 1 a tu a, a right chu awng. A nung line ah nupi 2 leh nungakn0u 1 a tu ua ; Nungak n0u pen fuh sak sim ziak le hi tuanlou in driverpa’ right ah ka tut sawm pah mawk hi.

Lungsim kitheituahlou a kihihman un ka tutma in lawmpa 1 ka utna mun ah h0ng tu chet a. Ken le, “poikei,a nunglam ah kimu lem zaw in teh” chi kawm in auto nung ah mi 3 ka tu uhi. Ka tutna mun chu fuh ngial hi’nteh,driverpa’ nung line,corner a tu nungak nou chu ka mu lem khopmai.

Koi ah a kum de o ? Koi vengte ade o ? chi kawm in ka f0ne ka mek toutou a. Ka en zel a, a side apat kimu ahi a,sia ka chihna di ka theikei. A bil kheeng lak neukha a haang zek chih thu. . A sam a pheek a,sau sim hiven mit a tai khopmai.

Passenger dangte a kum zel hang un amah bel a kum naikei,himahleh ke’n chu poisalou. . Sawtlou nung in Bungmual auto parking ka tungtou ua, ut-le-ut louh genlou in ka kum a ngaita. .  Ka tuangman pe di’n kintak in ka tawmkhia a,driverpa auto fare ka piak kawm in tua nu ka en tou keuh hi. Aman le hon en kha chet a, a nunglam leh side lam a ka muh sang in a maitang ah muh a nuam zaw thamtham lai hi.. Kua na hia, na min bang a ? N0u koi a om ? Chihte kidong man leh ka ut petmah. Himahleh kihou kha d dinmun in ka omkei uhi.

Aman leng bag khat a kuah a, koisan hiam  a tuti0n class la dia kuan hi di’n ka um hi. Innlam ka pai dek in ka leh dak a, amah Tipaimukh Road zui in a paisuk a,aban ka mu nawnkei. Mu nawn leng le ka thei nawn tuankei di.:D

Ana mukha leh theikha na om uleh hon hilh pah aw. . <bei teitei mai>Ngaihtuah nawnlou in ka lum  di.

©Siamsinna leh Vakiangbu