IT
By ~ Lian Khuptong
Dohdantung a puan zakpi hong kek yakyak
a,meivakpi in mialkhemkhum pan in thakhat in mei in hon tanvak singseng
in.. mipite awng zuazua uhi. Khutbeng toh kikou aw huzah pi toh stage
lampan in pasal toh numei khat singlim nuaipan in, ki-it chitak in
tukhawm helhel kawm in kiliangkawi uhi. A pasal in
Ching aw…nihgel itna tullou din simthu hong chiam aw ! chi in Khualpu
in kipah meltak in ,kuun hi..uKhual aw, na simthu lelte…..chi toh
tongkum nuam napi in, that in meivakpi hong mit in lakloh tak in mipite
lungkim mel pianlou uhi. A phunsupsup toh a awng lalah toh paisa
hanlow..chipawl toh om vengvung laitak un, Dohdan khat lam pan in
tungsunni in, Ching te innkongtual hong kap hingpheng tuh..buhphou louh
nang in….Goupu’n bawi bangchi na hiam ? Na nu annhuan va huh in chi toh,
Ching a hong thoh in Goupu in ofis va kah ning chi in kuansan hi.
Sawtlou nung in Ching zong a zalna laikhunpa’n damtak in hong thoukhe
kiang in dahmel tak in annhuan inn hong lut leh, a nu’n boinu bangchi na
hiam ? Tuzing hong maitai kei na chia ?Ching awl in maiteh lomkhat
lazok in malhkawm in tusukniap hi. Hun sawtsim tak dai dide in annhuan
khom uhi.
Chingnu’n, ” ‘bawi, na thil theisiamlouh
nang kon hilh ut ngeilouh tun ka hon genkhe mai d!. Na pa in zoh…hilh
louh d a chih hia ! Na nu’n hon paai lai in napa’n ji dang hon na neisan
a na nu in lah, dah kisa in a naupanglai toh keikia in ka ta enzoulou
ding chi in, ka pasal kiah, ” uGou, nou lah ta neituanlou, ken nau ka
neih chia na lamai un ! Ken le ka maban lametna toh ka siamsin sunzom
ning, chi in kithukim tak in daktolte toh laipuan in nang ana angpom mah
hi ung, Ching aw ! ” Tua bangteng a genkhit tak in Ching zong lamdang
sakna leh melbang mual kiuhkeuh kawm in mittui nan vuallouh in hong tak
keuhkeuh mai tuh…mipite dai zikzik in ki dik hiithiit maisam uhi.
Dohdannpan in nitum ding kuan muikhua zaam liliai vakphilphel mi le
kimuthei milmial hi. Kongkhak kikiu keuhkeuh in khat om chi in naupang
numei khat in nunu mi hong hoh dek om ; Jamnu nu le nahlak lohsim mah
leh hong pusuak a a va etleh,dahmeltak in nungaknou na om in, tawl khat
hong ki-entuah uhi.Ching in nu aw, banghang a hön taisan chih toh a
mittui hong daipian hi. Boinu ken hia ta nei ing hon theingei peuhmah
keng na chih san in nasepsan hi
Ching zong dah kisah in nang ka nu na hi
vele na ta hilou ka hiam ? Khitui-naphtui toh lungke dimdem in, chiakik
mai hi. A nu tak Jamnu zong Ching in a chiahsan zoh phet in alupna tung a
dah kisa in kap keuhkeuh mai hi. Pawna mahle huai hun laitak in
beidongtak leh lungzing luat man in, a tanu itna ziak mah in na kapkhe
ngoih-ngoih mai hi.Dohdan khatlam ah meivak hong tangkuau nawn hi.
Mipite bang ling singseng zen uhi. Ching tuh beidong kisa in singlim
omna, tuimun, a lunglen chiang a Khualpu toh a houlimna mun uh vazuan hi
! Khualpu zong sawtlou nung in amah neem ding in hong kuan mah leh, a
lungkham mangbatna a ngaihnou sinlai naa nem zou tuan sam mahmah lou hi.
Tua laitak in mipite le ana buai keei uh hi . Khenkha tlah kap huthut
bang, khen lah kamka heuhou in lohngaihna theilou in buai keei
uhi.Tungsuun ni lah tum di hita khuamuipian Khualpu zong beidong tak leh
lungzingtak in ana chiahsan mai ning chih toh mangpha khak in pai
deldel keei hi. Tuabang a Ching zong a kahkahna tawl kisa in tawlkhat
daitak in hong omleh,a lungsung ah hibang in ngaihtuahna hong neilak hi.
Damtak in a kahna tawlgop aihchiang hong dingkhia in sianglam hong
zuanta hi.
Tuabang a lampi a hong pai nalhnalh
laitak in vak tangphalou khat a galpan mu in, tualam hong manohta a,
sawtlou hong et thakthak leh biakin lianlolou na hi mawk hi. Aman zong
lametna nei hileh kilawmtak in hong lutphei niapniap tamai tuh, pasal
dinsang sim vomsim khat amah lam zuan in,hong paiphei keuhkeuh hi. Amah
zong lingsim palhpalh kawm in tuapa’n hong naih mahmah chi in na tuzat
mawk ! Tua mipa’n zong lamdang sak chitak in na houpita ‘boi hiaimun a
bang ong hih dekna hiam ? Biakna lah tawpta a pai ni chi hi .” Ching in
zong siampupa aw ! lungkham leh mangbangtak in ka honglut a nong panpih
thei diam ? chi in a hong kuun hi ! Siampu hon gen in i Toupa Jesu
Christ in ngaihdamna a nei hia ? ” Ching in zong hon gen kiaukiau ta hi.
Kei pen ka pianna nu’n ‘ka piantungpan midangta din hon na pia a…tua ka
nu leh pa sang thei mahmah lou kei hon enkolte !Siampupa’n zong limtak
in a gen ngiatngiat ta hi. Na nusung a na omlai a napa gitnatlouh ziak
in na nu gil a na omlai in Ji dang nei a hon na taisan maw ! Na nu lah
naupanglai toh nang hon it ziak a a thil hihpen posiam zaw in.
Na nu ittak in hon itluat ziak a a
thilhih pen pommai in, na nu haksatna pen na pom ding ahi. Tua na nu toh
na pa pen na ngaihdam a na pawm ding ahi, ”i Toupa Jesu Christ in
ngaihdamna bukim nei amah,na lal leh hondampa di’n pom le chin na puak
azang ding a,na lungsim a nuam dia na puakgik abeita ding. Oh ! siampu
pa aw ! Ka theisiam. Kei adia panpihtu muanhuai na hi. Na gen a dik. Ka
puak a zangta. Kipahna thuguk ka neita Jesu Christ in ka puakgik teng a
pokhinta. Ka nuamta ka lungnuamta. Ka pai dia ka nu leh pate kiang ah
ngaidam nget di ka leibat ahi. Dohdan a suahlam a Ni hong tangta, mipi
kihou husa tuh mittui, naptui luang piappiap kawm in nui sengsengta mai
uhi.Ching tuh nidang banglou tak in kipahna a dim lungnopna toh innlam
ah hong tai kik vengveng in anu apa kiang ah ngaihdamna thu nakpitak in,
va tangkoupita hi. Huchi in lungnopna lianpi toh kidim in, hinkhonuam
zang ta uhi.Dohdan puan neuchik kal a Ching in hichin zokhual simthu
mawpte itna toh naubang nasangta hi. Puanzakpi thakhat in hong kizaksuk
in mialpuap hi. Thupuangtu khat hong kilak guih a, hiaithu a tak apan
kilakhia hon chi kuau mawk !
Writer’s note : Simhakpi himahleh na sim dandan himai .
Kichaita
©Siamsinna leh Vakiangbu
Comments
Post a Comment