KUASIANG A SAWLBANG HEI DING KA HIAM?

By ~ Lian Khuptong

LAMKA zaang tuh kumdang a bang nawnta kei khualum leh votdan kikheng kheng, vuah lah tuh zu lah bang, ni lah tuh sa’himai. A sung a teng mite lah tuh siatlam in tuam deuhdeuh mai, khimzing bang in zing. Huih siang dik di lah om non talou. Mihing leh “galie” te kiphu nawn gop. Chidam in le damtheih huai non mahmah lou tazen ! Leivui khu lah dik seng hilou. Lampi lah neu deuhdeuh a gingthei lah tam. Niteng hun teng in om vengvung. Siamsinna di’n tuh a khua leh gam in a zil nawntalou. Akiim, apam i etleh bolhloh ninneng , hoktui, buannoi in tuam zouta. Zodawn lamte lah maban lamentak nei hileh kilawm awmtak mai in hong pemlut zungzung mai uhi.

Khualpu le zingthou haksim dak a etleh ! chi toh thakhat in manglang tak in hon thoukhia a , ni na sang gopman dek. A innsaknu’n, “tuni hiaipa le thouhak na e ! Zannitak hah hihlua hinte maw chi gu sim in, nui hauhau kawm toh a puansawp suuk zatzat. Khualpu le zannitak Mawite pass lawm waiwai huan ann nekhom, sawtpi tu kha’ ana hihdan eihtuh. Amah le nuihsim hauhau kawm in, a haanawt zatzat . Ann nek hun chih toh eh ! tuni bol pek en d om chi in vakkhe kawm d chi toh hon pusuakta. GALi hon tawl khiak leh atui na bei zawmah. A hehtha suah simpi toh tawltou numnum in a zuaksawnte kiang ah atui va thun daldal. A hon thun zou tuh ‘hulou, halou in Saidan tangnuai tuitha lui lam manoh vengveng tuh a nungkhu le muman d ahi nawnse kei.

Tuitha lui hong tung kisil kidek ganggang.. . tawlkhat hong kisil zou luigei singlim nuai ah hong ihmuh khanglang. Mang lamlam bang hon nei mawk ! A mang in, ‘ nidang a alawmngaih mahmah Kimpi toh a hunlui zatnasate uh hong kilang dandanse hi. Nidang a kolez kailai un nungaknou Kimpi toh höng kimeltheih kha laizang ua, hong kinel pian sim gaugau uhi. Nihgel tuh kihou tamkei mah le uh, kingaihna lungsim lamdangtak in hong piang mok hi. Khualpu lah tuh Kimpi mu ut in duaisanlou in kolez bang na kuan baih kha zozen gige hi. Kidek thei samlou in, a inn uah vahoh khongsamta hi. Huchi pi in Kimpi in a khote midang ana kingaihpih laizang a, akhopa pen uh a NUte’n zong na limbawlsim pian uhi. A sawtlou nung in hiai bang simthute hon thei gusim hi.

Oho ! Kimpi te tuh kolez kai lakloh napi’in a khopa uh toh hong kiteng takpi uhi. Bang simthu hong tung hiam i chih leh a kolez sung ua, athu leh late uh hong kithang simsimta. Khualpu lah mite mai a zum kisa leh zakta sim;  amau kalthu a kingaihlam thei ana huchi tam nailou vanglak hi. Himahle Khualpu lungsim tuh a guktak in,Tei bang a sut in na veve lai.

Tawl khat tuh Kimpi hong kai ngeilouh lamdang ana sim mah hi. Hun hong kivel zel in Khualpu leh kimangngilsak mai in, maban lehkha sunzom tou zel hi. A lamdang khat kum khat leh nih kiveipan napi’n a bang simthu adiam a ? Suanpi a kolez kaipih a lawm hoih mahmah khat hong hoh in,  Khualpu na X’ nute kikhen uh..chih a va hilh  laizang leh Khual leng thumu peuh kisa in hunlui a kiknuam phialhi . Khual inle huainung lampi kho apawtna khong ah gintak louhpi in,Kimpi muzel mah leh kihoupiha di hunlem muh theilou hi. Achang in lah alawmte apat,”  Na X’nu asungte’n gamdang a koih uh, ” chih peuh za ‘thepthuphi. Achang alah,Innlam om peuh chizel uhi. Aman Kimpi tuh veina khat nei samthou hi.

Khualpu nikhat taget scho ‘fom toh kisai xerox bawl d chi’n  kinsim tak in vuahzuk simpi toh lam nolnol hön zuih leh, a mailam pan in theihkhol louhpi in Kimpi toh hong ki-bingphut kha ua ! Khualpu in zong gen di thei phut lou in ”  thauta na chia ” chi hi. Kimpi in zong nui seusau kawm toh mo ? ! chi’n  a pailiamsan mai tuh…. Khualpu in amm sim leleng, hihtheih omsam lou in en koi vangvang mai sam e.  Khualpu’n  a lungsim khat a tuh Kimpi in ngailai leh tuh naubang pom nuam mahmah dan ana hisim mawk !

Khualpu nikhat mah phalbi khovot lamsim in puanlum lei d..chi’n  Bazal hong vak lh, oiha ! Kimpi toh pasal khat gali’ a hong kipua tumlam a hong tai ana muhkha laizang tuh A ngaihna lungsim hong puangzel hi.Naa’ ana sagu’ sim mahleh, ahi theih omsam lou. Amah adin tuh lungzuan zatam sial hiden mai.. !! Khok khatel e ! Kimpi in lah phokpha hia, phaou  ! ?? chihlah theih hita lou…Huchi kawmkal lak ah puansawp ding Hamar’ nungakno tamlo kuangpi toh hong kuan kilim a hong nuisuk zaizaite Khualpu bilkha’n hön za guih a, a khanloh guih leh Amah ‘an dalpent ‘ toh Saidan lei nuai a, kisil zou ihmu ana hilai dan ana hi. A zalmang mang gop petmah hi.

BEITA

©Siamsinna leh Vakiangbu